Yeˬlaˬmiˇ 50:46 - Akha

⁴⁶ Baˬbuˇloˬ meuˬ byaˆ-iˇ ngeh, teˇ saˇ kʼaˆ dui dui-eu miˇ neh, miˇ tsaˬ tahˬ kʼawˇ nyeh laˇ-awˇ, tsawˇ haˬ zaˬ guˆ-awˇ, ngoeˇ-eu teˇ saˇ aˬ cawˬ miˇ kʼahˬ doe ni gaˬ keuˆ-iˇ tehꞈ-a.”

Yeˬlaˬmiˇ 50:46 Referans Kwoze

Yeˬlaˬmiˇ 49:21

Eˬdoˬ meuˬ byaˆ-iˇ ngeh, teˇ saˇ kʼaˆ dui dui-eu miˇ neh, miˇ tsaˬ tahˬ kʼawˇ nyeh laˇ-awˇ, tsawˇ haˬ zaˬ guˇ-awˇ ngoeˇ-eu teˇ saˇ, Aˬgaˬbaˬ iˬ ma laˆ shaˆ lahˇ gʼoꞈ-ahˇ keuˆ ni gaˬ keuˆ iˇ tehꞈ-a.

Yeˬsaˬgeˬlaˇ 31:16

Aˬ yawꞈ-ahˇ ngaˇ shiˇ-eu miˇ kʼahˬ-ahˇ bi iˇ ngeh, aˇ bawˇ kʼoeˇ bawˇ coˬ-iˇ-eu teˇ saˇ-ahˇ, miˇ kʼahˬ tsawˇ jeuˬ dawˬ tawˆ luꞈ yaw dzuˬ dzuˬ dui dui tehꞈ-a. Miˇ oˆ kʼahˬ-ahˇ iˇ keuˆ taˬ-euˬ aˇ bawˇ deuˬ pyeuꞈ-eu, Eˬdeˬ yaˇ kmˇ-ahˇ kʼaˇ dehꞈ-eu aˇ bawˇ deuˬ hawˇ-eu, Leˬbaˬnoˬ gawˬ jawˬ-ahˇ kʼaˇ dehꞈ-eu, iˇ cuꞈ dawˇ dehˆ-awˇ muiˬ dui dui-eu aˇ bawˇ dawˬ tawˆ luꞈ, aˇ bawˇ kʼoeˇ bawˇ coˬ le gaˇ laˬ kʼaˬ cehˇ tehꞈ-a.

Yeˬsaˬgeˬlaˇ 26:18

Nawˇ coˬ le-euˬ aˇ nah heu-ahˇ, laˆ shaˆ lawˇ taw miˇ kʼahˬ dawˬ tawˆ, guˆ-awˇ yaw dzuˬ dzuˬ dui dui meh. Nawˇ byaˆ le-euˬ aˇ nah heu-ahˇ, iˇ jaw lahˇ deuˬ guˆ dui dui meh.”

Yeˬsaˬgeˬlaˇ 32:10

Ngaˬ neh nawˬ-ahˇ jahˇ nehˬ-euˬ gaˇ, tsawˇ jeuˬ gʼawˬ mya ni tsawˬ guˆ-iˇ tehꞈ-a. Ngaˬ-euˬ mi cehˇ sheu juiꞈ mehˬ ngeh, sahˬ paˬ deuˬ laˇ baˇ-iˇ tehꞈ-a. Nawˇ coˬ le ngeh nah, aˬ yawꞈ maꞈ dawˬ tawˆ luꞈ yawˬ ha uˬ kʼawˇ deuˬ laˇ gaˇ kʼahˬ lahˇ dui dui tehꞈ-a.”

Iˇsaˬyaˇ 5:7

Baoˬ huiˬ-eu Sahˬpaˬ Miˬyehˇ-euˬ aˬ gaꞈ yaˇ kmˇ-aˬ, Iˇsaˬleˬlaˆ tsawˇ jeuˬ tsawˇ ca meh. Aˬ yawꞈ neh ka taˬ-euˬ aˬ gaꞈ baw duˆ-aˬ, Yuˇdaˆ tsawˇ haˬ deuˬ meh. Aˬ yawꞈ maꞈ yaw muiˬ yaw jaˬ jeˬ mˇ gaˇ aˬ yawꞈ mawˇ mawꞈ kʼawꞈ, shiˬ laˆ yoeˇ-eu jeˬ aˬ yawꞈ maꞈ mˇ-euˬ meh. Aˬ yawꞈ maꞈ yaw tsaˬ yaw dawˇ laꞈ kʼoeˇ dehꞈ gaˇ aˬ yawꞈ mawˇ mawꞈ kʼawꞈ, bi kʼehˬ bi kʼaˆ-awˇ ngoeˇ-eu teˇ saˇ ya gaˬ-eu meh.

Iˇsaˬyaˇ 15:5

Mawˇbaˆ miˇ kʼahˬ gʼaˇ duˬ ngaˬ-euˬ nui ma laꞈ kʼoeˇ ngoeˇ luꞈ-eu ma. Aˬ yawꞈ maꞈ Ziˇoˬ meuˬ-ahˇ cehˆ leˇ-awˇ, Eˇgaˬlaˆsheˬliˇshahˬ meuˬ-ahˇ cehˆ keuˆ-euˬ meh. Tiˬ paˆ na deuˬ Luˇhiˆ gaˬ daˆ-ahˇ ngoeˇ ngoeˇ-ehˇ daˆ-awˇ, Hawˇloˬneˬ gaˇ ma caw caw-ehˇ, yaw kʼaˆ-ehˇ ngoeˇ ngoeˇ-ehˇ tiˬ deuˬ cah-eu meh.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Yeˬlaˬmiˇ 46:12

Miˇ kʼahˬ tsawˇ jeuˬ mehˬ shi naw maꞈ daˬ ya ga-awˇ, naw maꞈ ngoeˇ-eu yawˬ gʼaˬ na luꞈ gaˬ jiˇ-euˬ meh. Yehˇ deuˬ tiˬ gʼaˬ tiˇ gʼaˬ coeˬ tuˆ sehꞈ-awˇ, tiˬ gm-ehˇ ya shiˇ jiˇ tehꞈ-a.

Yeˬlaˬmiˇ 51:29

Sahˬpaˬ Miˬyehˇ aˬ yawꞈ neh noeˬ taˬ-euˬ loꞈ-ehˇ, Baˬbuˇloˬ miˇ kʼahˬ-ahˇ tsawˇ haˬ tiˬ gʼaˬ-iˬ maˬ jawˇ-eu kʼaˇ shuiꞈ deh yaˇ pyeuꞈ-iˇ ni jahˇ nehˬ-eu lehˇ gʼeh-eu miˇ neh, miˇ tsaˬ tahˬ kʼawˇ yaw dzuˬ dzuˬ-eu meh.

Yeˬlaˬmiˇ 51:54

Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ meuˬ ngoeˇ gaˇ naˇ haˬ sheˇ. Miˇ kʼahˬ cawˆ-iˇ-euˬ baˬ da neh, tsawˇ ngoeˇ ngoeˇ luꞈ gaˇ naˇ haˬ sheˇ.

Yeˬsaˬgeˬlaˇ 27:28

Saˇ baoˬ ga nuiꞈ-iˇ-awˇ guˇ-eu, laˆ shaˆ lawˇ deh-ahˇ gaˬ keuˆ meh.

Yeˬlaˬmiˇ 49:19

Yawˇdaˬ lawˇ baˬ gawˆ taw sahˬ kʼaˆ uˬ moˆ jawˇ-eu aˇ laˬ jaˬ shiˇ, jeˬ zaˬ gaˆ kʼahˬ-ahˇ tsawˬ doˆ laꞈ-eu loꞈ-ehˇ ngaˇ oe-awˇ, Eˬdoˬ tsawˇ haˬ deuˬ aˬ yawꞈ maꞈ-euˬ miˇ kʼahˬ-ahˇ byehˇ-awˇ tehˬ law tsaˇ law-ehˇ bi cehˆ byaˆ ma. Kʼoeˇ naˇ, ngaˬ neh tseˇ doˆ-euˬ tsawˇ haˬ, miˇ kʼahˬ kʼoeˇ kʼahˬ-ahˇ paˇ bi uˆ lahˇ ma. Ngaˬ-ahˇ yawꞈ cehˆ haw laˇ peuˬ-eu aˬ suˇ gʼaˬ jawˇ ta. Ngaˬ-ahˇ ciˬ daˬ laˇ peuˬ-eu aˬ suˇ gʼaˬ jawˇ ta. Ngaˬ-ahˇ jahˇ gʼeh haw peuˬ-eu sahˬ paˬ sahˬ ma aˬ gaˇ jawˇ ta.