Yeˬlaˬmiˇ 50:43 - Akha

⁴³ Gaˇ kawˆ kʼoeˇ Baˬbuˇloˬ sahˬ paˬ-ahˇ gaˬ leˇ ngeh, aˬ yawꞈ aˬ laꞈ laꞈ shiˇ shiˇ shaw-euˬ meh. Aˬ yawꞈ nui noeˬ shaˬ-eu kʼoeˇ-aˬ, zaˬ baw luꞈ-eu aˬ ma naˆ maˬ tseˇ meh.

Yeˬlaˬmiˇ 50:43 Referans Kwoze

Yeˬlaˬmiˇ 51:31

Aˬ yawꞈ-euˬ meuˬ yawˬ pyawˬ na luꞈ aˬ cawˬ neh bi deuˆ gʼaˬ-euˬ gaˇ kawˆ, tsawˇ haˬ tiˬ gʼaˬ saˇ-iˬ tiˬ gʼaˬ Baˬbuˇloˬ sahˬ paˬ-ahˇ cehˆ tsaꞈ gaˬ laˇ-eu meh.

Yeˬlaˬmiˇ 49:24

Daˬmaˬsehˇ meuˬ-ahˇ jawˇ-eu tsawˇ haˬ deuˬ nui ma baˬ laˇ-awˇ, guˆ-eu miˇ neh cehˆ jiˇ-euˬ meh. Aˬ nyiˇ ciˬ luꞈ-eu zaˬ miˬ zaˬ tiˬ gʼaˬ loꞈ-ehˇ, aˬ yawꞈ maꞈ shaˬ zahˬ naꞈ-eu meh.

Yeˬlaˬmiˇ 49:22

Kʼaˬ dzeˇ aˬ dahˇ mˇ pyeh-awˇ ga le-eu loꞈ-ehˇ, muiˇ-eu deuˬ Bawˇzaˬlahˬ meuˬ-ahˇ ga dawꞈ le tehꞈ-a. Aˇ nah kʼoeˇ nah keuˆ le ngeh, Eˬdoˬ yehˇ deuˬ-aˬ, aˬ nyiˇ ciˬ luꞈ-eu zaˬ miˬ zaˬ tiˬ gʼaˬ loꞈ-ehˇ guˆ dui dui tehꞈ-a.”

Yeˬlaˬmiˇ 6:24

Yeˬluˇsaˬlehˬ-ahˇ jawˇ-eu tsawˇ haˬ deuˬ ehˇ-eu, “Gaˇ kawˆ heu deuˬ nga maꞈ ya gaˬ gʼaˬ-awˇ, nga maꞈ laꞈ guˬ shiˇ-euˬ gaˇ duˇ miˇ-a. Zaˬ miˬ zaˬ zaˬ baw ngeh loꞈ-ehˇ, shaˬ zahˬ naꞈ dui dui luꞈ-eu ma.

Yeˬlaˬmiˇ 30:6

Yaw muiˬ paˬ-ehˇ shaˇ noeˬ duˬ sheˇ. Kʼaˬ dzeˇ zaˬ zaˬ baw nya ta loˇ. Toˆ-ehˇ maˇ-iˬ, aˬ jeˬ miˇ neh kʼaˬ dzeˇ zaˬ deuˬ, zaˬ miˬ zaˬ zaˬ baw ngeh loꞈ-ehˇ, uꞈ maˆ-ahˇ dehˬ tehˬ-awˇ jawˇ ta. Aˬ jeˬ miˇ neh yawˬ gʼaˬ na luꞈ pyuˇ pya ni pyeuꞈ luꞈ ta.