Yeˬlaˬmiˇ 50:32 - Akha

³² Nui ma huiˬ-eu mahˇ-eu naw maꞈ tsawˇ jeuˬ coˬ-iˇ-awˇ, tsahˇ tuˇ nehˬ-eu gʼaˬ maˬ jawˇ-ehˇ pyeuꞈ-iˇ tehꞈ-a. Nawˬ-euˬ meuˬ deuˬ-ahˇ ngaˇ miˬ dzaˬ keuˬ dzeh-awˇ, tahˬ gʼoꞈ tahˬ jawˇ kʼaˇ jaˆ-eu jeˬ dawˬ tawˆ luꞈ cawˆ-iˇ jiˇ tehꞈ-a.”

Yeˬlaˬmiˇ 50:32 Referans Kwoze

Yeˬlaˬmiˇ 49:27

Daˬmaˬsehˇ meuˬ-euˬ meuˬ lahˇ-ahˇ ngaˇ miˬ dzaˬ keuˬ dzeh-awˇ, sahˬ paˬ Beˬhaˬdaˇ-euˬ hawˇ nymˇ deuˬ bi puiˆ dzaˬ jiˇ tehꞈ-a lehˇ, ngaˇ Baoˬ huiˬ-eu Sahˬpaˬ Miˬyehˇ ehˇ-eu ma.”

Yeˬlaˬmiˇ 21:14

Ehˇ kʼawꞈ, nawˬ neh mˇ-euˬ jeˬ-ahˇ geuˇ ni, nawˬ-ahˇ ngaˇ kʼehˬ nehˬ ma. Nawˬ-euˬ sahˬ paˬ jawˇ-eu nymˇ-ahˇ ngaˇ miˬ dzaˬ keuˬ puiˆ-awˇ, dzawˬ gui dzawˬ nya yawˬ jeˬ na luꞈ bi puiˆ dzaˬ jiˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Panmaeq 18:8

Kʼoeˇ naˆ ni jahˇ gʼeh-eu miˇ neh, aˬ yawꞈ kʼoeˇ taˆ shaˬ zahˬ guˆ gaˆ, shiˇ-eu naˇ-eu mehꞈ-eu shuꞈ-eu, tiˬ nah kaꞈ dzahˬ-awˇ oe tehꞈ-a. Yaˇ kʼaˬ daˇ-eu Sahˬpaˬ Miˬyehˇ, baoˬ huiˬ dui dui-eu baˬ da neh, yawꞈ-ahˇ miˬ dzaˬ puiˆ dzeh tehꞈ-a.”

Aˬmoˆ 2:5

Kʼoeˇ miˇ neh, Yuˇdaˆ miˇ kʼahˬ kʼoeˇ taˆ ngaˇ miˬ dzaˬ pyehˬ gʼeh leꞈ-awˇ, Yeˬluˇsaˬlehˬ meuˬ-ahˇ jaˆ-eu ziꞈ dah ni gʼeh-eu nymˇ nymˇ ma deuˬ bi puiˆ dzeh ma.”

Aˬmoˆ 2:2

Mawˇbaˆ miˇ kʼahˬ-ahˇ ngaˇ miˬ dzaˬ pyehˬ gʼeh leꞈ-awˇ, Kiˇliˇyoˆ meuˬ-ahˇ jaˆ-eu ziꞈ dah ni gʼeh-eu nymˇ nymˇ ma deuˬ bi puiˆ dzeh ma. Yehˇ deuˬ guˇ guˇ-ehˇ daˇ heh baw-awˇ guiˇ deuˆ lawꞈ taˬ-euˬ yaw kaˬ-ahˇ, Mawˇbaˆ miˇ kʼahˬ-ahˇ jawˇ-eu tsawˇ haˬ deuˬ ya shiˇ tehꞈ-a.

Aˬmoˆ 1:14

Kʼoeˇ miˇ neh, Laˬbah meuˬ-euˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ laꞈ kʼoeˇ ziꞈ dah ni tsoˆ taˬ-euˬ nymˇ nymˇ ma deuˬ-ahˇ ngaˇ keuˬ dzeh ma. Kʼoeˇ naˇ, guiˇ deuˆ ngeh nah yaw kʼaˆ-ehˇ guˇ-eu teˇ saˇ ya gaˬ-awˇ, jaˬ lehˇ lehˇ ma baw-eu loꞈ-ehˇ guiˇ deuˆ dui dui tehꞈ-a.

Aˬmoˆ 1:12

Kʼoeˇ miˇ neh, Teˬmaˬ meuˬ-ahˇ ngaˇ miˬ dzaˬ pyehˬ gʼeh-awˇ, Bawˇzaˬlahˬ meuˬ-ahˇ jaˆ-eu ziꞈ dah ni tsoˆ taˬ-euˬ nymˇ nymˇ ma deuˬ-ahˇ keuˬ puiˆ dzeh ma.”

Aˬmoˆ 1:10

Kʼoeˇ miˇ neh, Duˇlu meuˬ-euˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ laꞈ kʼoeˇ ziꞈ dah ni jaˆ-eu nymˇ nymˇ ma deuˬ-ahˇ bi puiˆ dzeh ma.”

Aˬmoˆ 1:7

Kʼoeˇ miˇ neh Gaˬzaˬ meuˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ kʼoeˇ meuˬ laꞈ kʼoeˇ ziꞈ dah ni tsoˆ taˬ-euˬ nymˇ nymˇ ma deuˬ bi puiˆ dzeh jiˇ ma.

Aˬmoˆ 1:4

Kʼoeˇ miˇ neh, sahˬ paˬ Haˬzaˬlehˇ neh tsoˆ-euˬ sahˬ paˬ jawˇ-eu hawˇ nymˇ-ahˇ ngaˇ miˬ dzaˬ pyehˬ doꞈ-awˇ, ziꞈ dah ni tsoˆ taˬ-euˬ sahˬ paˬ Beˬhaˬdaˇ-euˬ taˆ nymˇ deuˬ-ahˇ ngaˇ miˬ dzaˬ keuˬ puiˆ dzeh ma.

Daˬyeˬlaˇ 5:20

Ehˇ kʼawꞈ, aˬ yawꞈ nui ma huiˬ-eu mahˇ-eu jeˬ ahˇ laˇ-awˇ nui ma gʼahˇ-eu uˬ taꞈ, aˬ cawˬ-ahˇ gʼawˬ shaˬ gaˬ-eu maˬ siˬ nya-eu miˇ neh, aˬ yawꞈ-euˬ sahˬ paˬ aˇ yaˬ bi yuˇ ka-awˇ, yaw shehꞈ kʼahˬ sehˇ maˬ jaˆ ni pyeuꞈ-iˇ-euˬ meh.

Yeˬlaˬmiˇ 51:64

Kʼoeˇ naˇ, heu loꞈ-ehˇ ehˇ-awˬ. ‘Baˬbuˇloˬ miˇ kʼahˬ-ahˇ heu loꞈ-ehˇ gʼeh-eu jeˬ keuˆ le tehꞈ-a. Baˬbuˇloˬ miˇ kʼahˬ ga nuiꞈ-awˇ maˬ paˇ doˆ laˇ nya-aˇ. Aˬ jeˬ miˇ neh ehˇ naˇ, Sahˬpaˬ Miˬyehˇ luˬ-iˇ seˇ-iˇ-eu jeˬ bi keuˆ le-eu’ lehˇ lehˬ hmˬ luꞈ meh lehˇ ehˇ-awˬ.” Yeˬlaˬmiˇ-euˬ dawˬ heu gaˇ jiˇ-euˬ meh.

Yeˬlaˬmiˇ 51:26

Nawˇ cawˆ-iˇ-awˇ dzeˇ yaꞈ-euˬ kʼaˬ lo tsaˬ byaˆ deuˬ-ahˇ, tsawˇ haˬ tiˬ gʼaˬ-iˬ nymˇ tsoˆ gaˇ maˬ paˇ zmˬ meh. Nawˇ-aˬ, mˬ maˬ maˬ byaˆ zaˇ ziˇ kʼaˇ shuiꞈ deh ga ya pyeuꞈ-iˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Dawqdaq 18:12

Nui ma huiˬ-eu mehˬ nah yaw cawˆ teh-awˇ, nui nahˬ nui yu mehˬ nah taˬ huiˬ taˬ mahˇ-eu jeˬ caw-eu meh.

Dawqdaq 16:18

Nui ma huiˬ-eu mehˬ nah yaw cawˆ jeˬ caw-awˇ, jahˇ gʼeh-eu mehˬ nah daˬ ga-eu jeˬ teh-eu meh.

Dawˬmehˬ 32:22

Ngaˬ-euˬ nui pehˇ miˬ lmˇ nyehˆ-awˇ, miˇ tsaˬ dawˬ tawˆ bi puiˆ byoˆ ma. Miˇ tsaˬ dawˬ dah puiˆ naꞈ gʼeh-awˇ, gawˬ jawˬ duˬ puˇ puiˆ dzaˬ tehꞈ-a.

Jaceuq 119:78

Nui ma huiˬ-eu mahˇ-eu deuˬ ngaˬ-euˬ gaˇ kawˆ maˬ ngeuˇ gaˇ keuˆ ni ja bu-eu miˇ neh ya shaꞈ dawˇ-iˇ luꞈ-uˇ. Ngaˇ-aˬ, nawˬ neh mehˬ nehˬ tsoˆ nehˬ laꞈ-euˬ jeˬ-ahˇ gʼaˬ shaˇ ma.

Aˬmoˆ 5:2

Miˬ daꞈ daꞈ shuiꞈ Iˇsaˬleˬlaˆ, miˇ tsa ja bah ni coˬ dzeh-awˇ, tiˬ jawˇ-iˬ maˬ tuˇ laˇ nya-a. Miˇ tsa byehˇ dzeh-awˇ bi ga-euˬ, baꞈ tuˇ nehˬ-eu gʼaˬ maˬ jawˇ-a.