Yeˬlaˬmiˇ 50:16 - Akha

¹⁶ Miˇ kʼahˬ kʼoeˇ kʼahˬ laꞈ kʼoeˇ siˬ yoeˬ sehˬ-awˇ cehˇ yehˬ dzaˬ-eu jeˬ bi byoˆ tsehˆ-awˬ. Kʼoeˇ gaˇ kʼaˇ jawˇ-eu aˬ cawˬ tsawˇ jeuˬ dawˬ tawˆ luꞈ, guiˇ deuˆ le-euˬ guiˇ maꞈ kʼoeˇ deuˬ-ahˇ guˆ-iˇ-awˇ, yawˬ ha-euˬ miˇ kʼahˬ-ahˇ gʼoꞈ-iˇ jiˇ tehꞈ-a.”

Yeˬlaˬmiˇ 50:16 Referans Kwoze

Iˇsaˬyaˇ 13:14

“Baˬbuˇloˬ miˇ kʼahˬ-ahˇ jawˇ-eu aˬ cawˬ tsawˇ jeuˬ deuˬ, ciˇ haˬ beuˆ lehˬ-awˇ bi cehˆ-euˬ loꞈ-ehˇ, bo-eu gʼaˬ maˬ jawˇ-ehˇ cehˆ-eu yawˇ maꞈ loꞈ-ehˇ, yawˬ ha miˇ kʼahˬ kʼaˇ jaˆ-eu paw cehˆ gʼoꞈ tehꞈ-a.

Yeˬlaˬmiˇ 51:9

Kʼoeˇ gaˇ jawˇ-eu aˬ cawˬ tsawˇ jeuˬ deuˬ ehˇ-eu, Baˬbuˇloˬ miˇ kʼahˬ-ahˇ caw ba-eu lehˇ nga maꞈ leh jeh haw-euˬ ma. Ehˇ kʼawꞈ, jeˬ nahˬ ga-iˇ miˇ-a. Miˇ kʼahˬ heu kʼahˬ-ahˇ byehˇ dzeh-awˇ, aˬ dui-euˬ miˇ kʼahˬ-ahˇ gʼoꞈ-iˇ kaˇ-euˇ. Miˬyehˇ gʼaˬ kʼaˇ ahˇ-eu yuˇ doˆ-awˇ, Baˬbuˇloˬ miˇ kʼahˬ-ahˇ nui kʼahˇ tiˬ shiˇ laˆ cawˆ nehˬ-euˬ nga.’ ”

Yeˬlaˬmiˇ 46:16

Naw maꞈ yehˇ deuˬ pehˆ toˆ-awˇ coˬ-iˇ ngeh, ‘Aˬ dui iˇ kahˇ paw yaw kawˇ-ehˇ cehˆ-awˇ, muiˇ-eu deuˬ-euˬ mi cehˇ-ahˇ cehˆ dzeuˇ kaˇ-euˇ’ lehˇ, tiˬ gʼaˬ tiˇ gʼaˬ ja cawˬ tehꞈ-a.

Yawˇlaˆ 1:11

Deh yaˇ mˇ dzaˬ-eu deuˬ ngoeˇ-awˬ. Aˬ gaꞈ yaˇ mˇ-eu deuˬ ngoeˇ-awˬ. Aˬ jeˬ miˇ neh ehˇ naˇ, cehˇ hawˇ-eu lawˬ loeˇ cawˆ-iˇ-awˇ, sahˬ lahˬ dawˬ tawˆ cawˆ jiˇ-euˬ meh.

Aˬmoˆ 5:16

Kʼoeˇ miˇ neh, Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ ehˇ-eu, “Meuˬ laꞈ kʼoeˇ jaˆ-eu gaˇ ma doe ni noeˬ shaˬ-awˇ ui ui-ehˇ ngoeˇ tehꞈ-a. Tsawˇ ngoeˇ ngoeˇ dzaˬ-eu deuˬ nehˬ-ehˇ tsawˇ haˬ shiˇ taˬ-euˬ gaˇ tsawˇ ngoeˇ bi ngoeˇ caw-eu gʼaˇ duˬ, deh yaˇ mˇ dzaˬ-eu shaˬ zaˬ zahˬ zaˬ deuˬ-ahˇ keuˆ ni ya kuˇ gaˇ keuˆ tehꞈ-a.

Yeˬlaˬmiˇ 51:23

Yawˇ bo-eu deuˬ hawˇ-eu yawˇ maꞈ deuˬ-ahˇ maˬ ehˇ, deh yaˇ tsehˬ-eu tsawˇ haˬ hawˇ-eu mahˬ-ahˇ maˬ ehˇ, sahˬ paˬ sahˬ ma geuꞈ-eu deuˬ-ahˇ maˬ ehˇ, sehꞈ-eu gʼaˇ duˬ nawˬ-ahˇ ngaˇ zmˬ-euˬ ma.”

Yeˬlaˬmiˇ 25:38

Lo kʼahˬ byehˇ-awˇ cah-eu aˇ laˬ jaˬ shiˇ loꞈ-ehˇ, Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ, byehˇ dzeh-awˇ cah-euˬ meh. Sahˬpaˬ Miˬyehˇ-euˬ nui ma pehˇ-eu jeˬ hawˇ-eu, guiˇ deuˆ-eu mi zaˬ mi cehˇ baˬ da neh, aˬ yawꞈ maꞈ-euˬ muiˬ-eu miˇ kʼahˬ, kʼaˇ shuiꞈ deh ga pyeuꞈ tsehˆ-euˬ meh.”