Yeˬlaˬmiˇ 50:14 - Akha

¹⁴ “Kaˆ baꞈ-awˇ guiˇ deuˆ-eu deuˬ-oˇ, Baˬbuˇloˬ meuˬ-ahˇ deuˆ-eu gʼaˇ duˬ guiˇ daˬ daˬ-awˇ loꞈ jawˬ-awˬ. Naw maꞈ-euˬ kaˆ myaˬ dawˬ tawˆ luꞈ, Baˬbuˇloˬ meuˬ-ahˇ beuˆ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ pyeuꞈ-eu ngaˬ-ahˇ aˬ yawꞈ maꞈ mˇ lehˬ-euˬ meh.

Yeˬlaˬmiˇ 50:14 Referans Kwoze

Yeˬlaˬmiˇ 50:29

“Kaˆ baꞈ-awˇ guiˇ deuˆ-eu deuˬ-ahˇ Baˬbuˇloˬ meuˬ-ahˇ deuˆ-awˬ lehˇ ehˇ nehˬ-awˬ. Kaˆ kʼaˇ beuˆ nya-eu deuˬ bi iˇ-awˬ. Tiˬ gʼaˬ-iˬ maˬ bi dzeuˇ-iˇ ni meuˬ-ahˇ loꞈ jawˬ-awˬ. Aˬ yawꞈ neh aˬ cawˬ-ahˇ kʼaˇ jahˇ nehˬ-euˬ jeˬ, aˬ yawꞈ-ahˇ paˇ jahˇ kʼoꞈ nehˬ-awˬ. Aˬ jeˬ miˇ neh ehˇ naˇ, aˬ yawꞈ nui ma huiˬ-eu laꞈ kʼoeˇ, Iˇsaˬleˬlaˆ-euˬ Muiˬ dui shawˇ dui dui-eu Gʼaˬ pyeuꞈ-eu ngaˬ-ahˇ jahˇ gʼeh haw-euˬ meh.

Haˬbaˬkuˆ 2:17

Leˬbaˬnoˬ sahˬ kʼaˆ nawˇ tuˇ-euˬ, nawˬ-ahˇ tuˇ poˆ gaˇ ya daˬ-awˇ, bawˇ tsahˬ jeˬ zaˬ-ahˇ nawˇ sehꞈ-euˬ, jeˬ zaˬ nawˬ-ahˇ paˇ sehꞈ tehꞈ-a. Tsawˇ haˬ-euˬ shiˬ nawˇ sehꞈ yoeˇ-awˇ, miˇ tsaˬ-ahˇ nawˇ kʼehˬ-euˬ miˇ neh, kʼoeˇ loꞈ-ehˇ ya daˬ poˆ tehꞈ-a.

Haˬbaˬkuˆ 2:8

Miˇ kʼahˬ tsawˇ jeuˬ gʼawˬ mya ni-ahˇ, nawˇ nawˬ dzaˬ kʼaˆ dzaˬ-euˬ miˇ neh, kʼaˇ buˬ kʼaˇ law-iˇ-euˬ kʼoeˇ deuˬ, nawˬ-ahˇ paˇ daˆ poˆ laˇ tehꞈ-a. Miˇ tsaˬ-ahˇ nawˇ yaw haiˬ mˇ-awˇ, tsawˇ haˬ shiˬ laˆ yoeˇ-euˬ miˇ neh, meuˬ deuˬ kʼoeˇ taˆ kʼaˆ myawˬ mˇ-awˇ, kʼaˆ dzaˇ dzaˬ-euˬ jaˆ-eu miˇ neh, nawˬ-ahˇ paˇ daˆ poˆ laˇ tehꞈ-a.

Yeˬlaˬmiˇ 50:42

Kaˆ hawˇ-eu mi cehˇ-ahˇ tuˆ tehˬ taˬ-awˇ, gʼawˬ shaˬ gaˬ-eu maˬ siˬ nya-a. Aˬ yawꞈ maꞈ mahˬ dziˬ-awˇ oe ngeh, laˆ shaˆ iˇ kʼawˇ mahˇ laˇ gaˇ duˇ-eu meh. Baˬbuˇloˬ miˇ kʼahˬ-ahˇ deuˆ-eu gʼaˇ duˬ, aˬ yawꞈ maꞈ lehˬ hmˬ dah-euˬ meh.

Yeˬlaˬmiˇ 50:9

Laꞈ taˆ paw pyawˬ-ahˇ jawˇ-eu gʼaˬ kʼaˆ-eu tsawˇ jeuˬ deuˬ-ahˇ ngaˇ laˆ luˆ-awˇ, Baˬbuˇloˬ miˇ kʼahˬ-ahˇ guiˇ bi deuˆ le ma. Baˬbuˇloˬ miˇ kʼahˬ mehˬ shi aˬ yawꞈ maꞈ guiˇ daˬ daˬ cehˆ gʼeh-awˇ, deuˆ gʼaˬ tehꞈ-a. Aꞈ yawꞈ maꞈ guiˇ deuˆ-eu nya dui dui-awˇ, kaˆ beuˆ-eu tiˬ laꞈ-iˬ maˬ lehˬ-iˇ-a.

Yeˬlaˬmiˇ 50:7

Kʼaˇ mawˇ le-eu deuˬ aˬ yawꞈ maꞈ-ahˇ kawꞈ sehꞈ dzaˬ-awˇ, aˬ yawꞈ maꞈ Sahˬpaˬ Miˬyehˇ-ahˇ mˇ bahˬ-euˬ miˇ neh, kʼoeˇ loꞈ-ehˇ jahˇ nehˬ-eu iˬ baˇ maˬ ahˇ-aˇ lehˇ, muiˇ-eu deuˬ ehˇ-eu meh. Aˬ yawꞈ maꞈ-euˬ aˬ poeˬ aˬ bawˇ deuˬ Sahˬpaˬ Miˬyehˇ-ahˇ saˇ jaˇ ziꞈ-euˬ loꞈ-ehˇ, aˬ yawꞈ maꞈ kʼawꞈ ziꞈ-eu tsaˬ tehꞈ-a lehˇ, muiˇ-eu deuˬ ehˇ-eu meh.

Panmaeq 17:5

Zaꞈ taˬ-euˬ dawˬ tsuiꞈ ahˇ-eu tsawˇ myahˇ tiˬ myahˇ aˬ yawꞈ-euˬ naˇ kʼawˇ-ahˇ heu loꞈ-ehˇ boꞈ taˬ-euˬ meh. “Meh maˬ laˇ deuˬ hawˇ-eu, miˇ tsaˬ kʼoeˇ taˆ nui daˆ daˆ laˇ paˬ-ehˇ gʼeh-eu jeˬ dawˬ tawˆ luꞈ-euˬ aˬ ma yaw dzahˇ Baˬbuˬloˬ meuˬ meuˬ ma” lehˇ boꞈ taˬ-euˬ meh.

Yeˬlaˬmiˇ 51:27

“Guiˇ deuˆ-eu gʼaˇ duˬ, paˇ loˬ paˇ lehˇ ka tuˇ nehˬ-awˬ. Tsawˇ jeuˬ dawˬ tawˆ luꞈ-ahˇ gaˬ leˇ ni daˇ heh baw-awˬ. Baˬbuˇloˬ miˇ kʼahˬ-ahˇ guiˇ deuˆ-eu gʼaˇ duˬ, tsawˇ jeuˬ dawˬ tawˆ luꞈ bi lehˬ hmˬ-awˬ. Aˬyaˬyaˇ miˇ kʼahˬ, Miˇniˇ miˇ kʼahˬ hawˇ-eu, Aˬshaˇgaˬnaˆ miˇ kʼahˬ deuˬ-ahˇ, Baˬbuˇloˬ miˇ kʼahˬ-ahˇ guiˇ deuˆ le-awˬ lehˇ ehˇ nehˬ-awˬ. Guiˇ deuˆ gaˇ aˬ yuiꞈ bi geuꞈ-eu tiˬ gʼaˬ tseˇ doˆ-awˬ. Nyehˇ bahˇ baˬ maꞈ oe-eu loꞈ-ehˇ, mahˬ mahˬ maꞈ teh ka laꞈ-awˬ.

Yeˬlaˬmiˇ 51:2

Gʼo yoeˬ-ahˇ jaˬ lehˇ baw byoˆ gʼeh-eu loꞈ-ehˇ, Baˬbuˇloˬ miˇ kʼahˬ-ahˇ bi laˆ cawˆ-eu gʼaˇ duˬ, aˬ cawˬ tsawˇ jeuˬ ngaˇ pyehˬ gʼeh-ma. Luˬ-iˇ seˇ-iˇ-eu aˇ nah kʼoeˇ nah keuˆ le ngeh, yawˬ pyawˬ na luꞈ aˬ yawꞈ maꞈ guiˇ deuˆ ahˇ leꞈ-awˇ, miˇ kʼahˬ kʼahˬ lah-ehˇ juˇ tsui ni jahˇ nehˬ yaꞈ tehꞈ-a.

Yeˬlaˬmiˇ 50:11

Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ tsawˇ haˬ deuˬ-oˇ, ngaˬ-euˬ tsawˇ jeuˬ-euˬ myawˬ gahˬ naw maꞈ ceh geuꞈ-euˬ meh. Cehˇ nawˬ-eu mawˇ neˇ mawˇ ma hawˇ-eu, hiˇ hiˇ-ehˇ cah-eu mahˬ mahˬ paˬ-ahˇ nawˇ duˇ-eu meh.

Yeˬlaˬmiˇ 49:35

Sahˬpaˬ Miˬyehˇ ehˇ-eu, “Eˇlamˬ miˇ kʼahˬ-euˬ baoˬ pyeuꞈ-eu, kaˆ yuˇ-awˇ guiˇ deuˆ-eu tsawˇ haˬ kʼoeˇ deuˬ-ahˇ ngaˇ sehꞈ jiˇ ma.

Yeˬlaˬmiˇ 46:9

Mahˬ pyehˬ teh sehˇ gʼeh-awˇ, laˆ lawˬ teh coeˬ coeˬ-awˬ. Yehˇ deuˬ mehˬ hu paw pyehˬ gʼeh-awˬ. Suˬdaˬ yehˇ deuˬ hawˇ-eu Liˆbyaˇ yehˇ deuˬ, dehˬ daˬ duˬ baꞈ-awˇ bi iˇ-awˬ. Kaˆ beuˆ yaw dziˇ Luˇdaˆ yehˇ deuˬ, mehˬ hu paw pyehˬ gʼeh-awˬ.”

Iˇsaˬyaˇ 13:4

Tsawˇ haˬ uiˬ leˇ bymˇ leˇ taˬ-euˬ teˇ saˇ loꞈ-ehˇ, gawˬ jawˬ-ahˇ lawꞈ gʼa gaˇ naˇ haˬ sheˇ. Miˇ kʼahˬ tsawˇ jeuˬ yoeˇ uiˬ leꞈ-euˬ loꞈ-ehˇ, miˇ kʼahˬ luiˬ gʼa gaˇ naˇ haˬ sheˇ. Baoˬ huiˬ-eu Sahˬpaˬ Miˬyehˇ guiˇ deuˆ-eu lehˇ, guiˇ maꞈ lehˬ hmˬ-eu teˇ saˇ meh.

Iˇsaˬyaˇ 5:28

Aˬ yawꞈ maꞈ-euˬ kaˆ myaˬ taˆ dui dui-awˇ, kaˆ kʼaˇ ngeuˇ-eu ngoꞈ daˆ jiˇ taˬ-euˬ meh. Aˬ yawꞈ maꞈ-euˬ mahˬ deuˬ kuiˇ sehˬ diˬ lo loꞈ-ehˇ gʼahˇ-awˇ, mahˬ laˆ lawˬ aˇ beuˆ jaˬ lehˇ lehˇ zeuˆ loꞈ-ehˇ buiˇ-eu meh.

Jaceuq 51:4

Nawˬ-ahˇ ngaˇ mˇ lehˬ gʼaˬ-euˬ ma. Nawˬ-ahˇ tehꞈ-ehˇ mˇ lehˬ-euˬ ma. Nawˬ neh yaw haiˬ lehˇ sawˇ taˬ-euˬ jeˬ-ahˇ ngaˇ mˇ dzeuˇ-euˬ ma. Kʼoeˇ miˇ neh nawˇ ngaˬ-ahˇ yaˇ kʼaˬ daˇ-euˬ dawˇ dui dui meh. Ngaˇ yaw lehˬ meh lehˇ nawˇ daˇ-euˬ tsaˬ dui dui meh.

2 Saˬmeuˬlaˆ 10:9

Mehˬ shi paw neh maˬ ehˇ, naˇ kʼah paw neh maˬ ehˇ, aˬ cawˬ aˬ yawꞈ-ahˇ guiˇ deuˆ-eu lehˇ lehˬ hmˬ dah taˬ-euˬ gaˇ Yoˇbaˬ ya mawˇ ngeh, nya dui dui-eu Iˇsaˬleˬlaˆ yehˇ deuˬ-ahˇ aˬ yawꞈ tseˇ doˆ-awˇ, Suˇliˆ tsawˇ haˬ deuˬ-ahˇ deuˆ-eu gʼaˇ duˬ bi lehˬ hmˬ-euˬ meh.

1 Saˬmeuˬlaˆ 17:20

Yawˬ nah yawˬ uˬ shawˬ yaw naꞈ-ehˇ Daˬbiˇ tuˇ-awˇ, yawˇ kʼoeˇ deuˬ-ahˇ yawˬ gʼaˬ yawˬ bi haw tawˬ yaꞈ-awˇ, Yeˬshehˇ neh aˬ yawꞈ-ahˇ ehˇ nehˬ-euˬ loꞈ-ehˇ, dzaˬ dzaˬ dawˇ dawˇ kʼoeˇ deuˬ yuˇ-awˇ le-euˬ meh. Aˬ yawꞈ taˆ-ahˇ le keuˆ-eu nehˬ-ehˇ, Iˇsaˬleˬlaˆ tsawˇ haˬ deuˬ guˇ guˇ-ehˇ guiˇ deuˆ duˬ-ahˇ le luꞈ gaˇ ya mawˇ-euˬ meh.

Yeˬlaˬmiˇ 49:14

Kʼoeˇ naˇ, ngaˇ heu loꞈ-ehˇ ehˇ-euˬ ma. “Eˬdoˬ miˇ kʼahˬ-oˇ, Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le taˬ-euˬ meh. Miˇ kʼahˬ tsawˇ jeuˬ deuˬ jawˇ gaˇ aˬ yawꞈ-euˬ gʼaˬ kʼehˇ pyehˬ gʼeh-awˇ, guiˇ maꞈ laˆ uiˬ-awˇ, nawˬ-ahˇ guiˇ deuˆ le-eu gʼaˇ duˬ lehˬ hmˬ-awˬ lehˇ bi tsaꞈ gaˬ-iˇ-euˬ meh.

Yeˬlaˬmiˇ 51:3

Baˬbuˇloˬ yehˇ deuˬ kaˆ beuˆ-eu maˬ dah-ehˇ, guiˇ deuˆ-eu shmˇ mehˬ tsoeˬ deuˬ gʼoˆ dm-eu maˬ dah ni jahˇ nehˬ-awˬ. Zaˬ guˬ deuˬ-ahˇ keuˆ ni maˬ bi dzeuˇ-iˇ-ehˇ, guiˇ maꞈ maꞈ lah-ehˇ laˆ byoˆ nehˬ-awˬ.