Yeˬlaˬmiˇ 5:31 - Akha

³¹ Miˬyehˇ gʼaˇ duˬ ngehˬ dah-eu deuˬ jaˬ myawꞈ myawꞈ-awˇ, aˬ yawꞈ maꞈ neh ehˇ-euˬ loꞈ-ehˇ piˇ ma deuˬ mˇ byah-eu, ngaˬ-euˬ tsawˇ haˬ deuˬ nui kʼahˇ shiˇ-eu meh. Ehˇ kʼawꞈ aˇ saˬ saˬ-eu aˇ yamˬ keuˆ le ngeh jawˇ, aˬ yawꞈ maꞈ aˬ joˆ-ehˇ jahˇ nmˇ.

Yeˬlaˬmiˇ 5:31 Referans Kwoze

Yeˬsaˬgeˬlaˇ 13:6

Aˬ yawꞈ maꞈ neh yaw sahˇ laꞈ kʼoeˇ ya siˬ ya mawˇ-euˬ jeˬ maˬ tsaˬ-ehˇ, aˬ yawꞈ maꞈ neh ngehˬ dah-euˬ jeˬ jaˬ myawꞈ myawꞈ-eu tehꞈ meh. Ngaˬ neh kʼehˇ gʼeh leꞈ-euˬ maˬ ngeuˇ gaˇ, ngaˬ-euˬ gʼaˇ duˬ ngehˬ dah-eu ma lehˇ aˬ yawꞈ maꞈ ehˇ-eu meh. Ehˇ kʼawꞈ, aˬ yawꞈ maꞈ neh kʼaˇ ehˇ-euˬ loꞈ-ehˇ pyeuꞈ laˇ tehꞈ-a lehˇ aˬ yawꞈ maꞈ noeˬ tmˬ-eu meh.

Yeˬlaˬmiˇ 14:14

Ehˇ kʼawꞈ, Sahˬpaˬ Miˬyehˇ ehˇ-eu, “Miˬyehˇ gʼaˇ duˬ ngehˬ dah-eu deuˬ-aˬ, ngaˬ-euˬ tsawˇ myahˇ-ahˇ gʼoe-awˇ jaˬ myawꞈ myawꞈ luꞈ meh. Aˬ yawꞈ maꞈ-ahˇ ngaˬ neh pyehˬ leꞈ-euˬ maˬ ngeuˇ. Ngaˬ-euˬ dah zaˇ dawˬ tiˬ dawˬ-iˬ bi ngehˬ le-euˬ maˬ ngeuˇ. Yaw sahˇ laꞈ kʼoeˇ aˬ yawꞈ maꞈ kʼaˇ ya siˬ kʼaˇ ya mawˇ-euˬ loꞈ-ehˇ ngehˬ-eu tmˇ-eu ma lehˇ aˬ yawꞈ maꞈ ehˇ kʼawꞈ, aˬ yawꞈ maꞈ ngehˬ-eu dawˬ kʼoeˇ deuˬ ngaˬ-euˬ dawˬ maˬ ngeuˇ. Mehˬ hu paw pyeuꞈ laˇ-eu gaˇ kawˆ aˬ yawꞈ maꞈ ehˇ-eu kʼoeˇ-aˬ, aˬ yawꞈ maꞈ neh kʼaˇ noeˬ doˆ-euˬ loꞈ-ehˇ ehˇ-eu jeˬ pyeuꞈ-awˇ, gaˇ dahˇ maˬ tsoeˬ-aˬ.

Miˇkaˬ 2:11

“Naw maꞈ gʼaˇ duˬ aˬ gaꞈ dzaˇ uiˇ hawˇ-eu jiˇ baˬ yoeˇ le tehꞈ-a lehˇ jaˬ myawꞈ myawꞈ myawꞈ-ehˇ cah-eu Miˬyehˇ gʼaˇ duˬ ngehˬ dah-eu deuˬ-ahˇ tsawˇ haˬ heu deuˬ mawꞈ-eu meh.

Yeˬsaˬgeˬlaˇ 22:14

Nawˬ-ahˇ ngaˇ yaw kʼaˆ-ehˇ jahˇ nehˬ le ngeh jawˇ, nawˇ maˬ guˆ ni jawˇ tehˬ coeˇ-awˇ, nawˬ-euˬ aˬ laꞈ baꞈ diˇ-eu gʼaˬ ahˇ tehꞈ-a loˇ. Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh kʼaˇ ehˇ-euˬ loꞈ-ehˇ mˇ ma.

Iˇsaˬyaˇ 10:3

Kʼehˬ-eu kʼaˆ-eu jeˬ keuˆ le ngeh nah, guˆ-eu gaˆ-eu jeˬ gaˇ mahˇ kaˬ gaˇ neh oe keuˆ ngeh, nawˇ aˬ joˆ-ehˇ jahˇ nmˇ. Aˬ suˇ gʼaˬ-ahˇ laꞈ jeuˬ shaˇ-awˇ, nawˬ-euˬ pyuˇ shuiˇ myawˬ gahˬ aˬ gaˇ bi jaˆ yaꞈ nmˇ.

Dawˬmehˬ 32:29

Aˬ cawˬ neh bi deuˆ gʼaˬ-euˬ kʼoeˇ, gaˇ kawˆ maˬ tseˇ paˆ geuꞈ nya-a.

Miˇkaˬ 2:6

Ngaˬ neh ehˇ-euˬ dawˬ-ahˇ gaˬ-euˬ deuˬ ngaˬ-ahˇ dawˬ mehˬ mehˬ laˇ-awˇ ehˇ-eu, “Nga maꞈ-ahˇ dawˬ mehˬ taˬ mehˬ. Gaˇ kawˆ heu deuˬ maˬ mehˬ ni jawˇ-awˬ. Nga maꞈ daˬ ga ni Miˬyehˇ maˬ mˇ-aˇ.

Ngoeˇ dawˬ 2:14

Miˬyehˇ gʼaˇ duˬ ngehˬ dah-eu deuˬ, nawˬ-ahˇ jaˬ myawꞈ myawꞈ nehˬ-euˬ meh. Nawˬ-ahˇ aˬ cawˬ maˬ bi nyehꞈ ni, nawˬ-euˬ yaw lehˬ iˬ baˇ deuˬ-ahˇ, aˬ yawꞈ maꞈ maˬ pah doˆ nehˬ-a. Aˬ yawꞈ maꞈ ngehˬ-euˬ tmˇ-euˬ jeˬ, nawˬ-ahˇ gaˇ ma sheuˬ bahˬ-euˬ meh.

Ngoeˇ dawˬ 1:9

Pi di yaw jawꞈ mawˇ jiˇ laˇ-awˇ, yawˬ ha-euˬ daˬ maˬ shaˇ noeˬ-a. Coˬ dzeh-iˇ-euˬ naˇ dui dui-awˇ, haw cawˬ nehˬ-eu gʼaˬ maˬ jawˇ-a. “Sahˬpaˬ Miˬyehˇ ngaˬ-ahˇ haw sheˇ. Muiˇ-eu deuˬ ngaˬ-ahˇ gʼaˬ leˇ-awˇ, ngaˇ ya daˬ luꞈ gaˇ haw le sheˇ.”

Iˇsaˬyaˇ 33:14

Ziˇoˬ meuˬ-ahˇ iˬ baˇ mˇ luꞈ-eu deuˬ, guˆ-eu yaw dzuˬ dzuˬ-awˇ ehˇ-eu, “Miˬyehˇ-euˬ kʼehˬ-eu kʼaˆ-eu jeˬ, maˬ miˆ-iˇ-eu miˬ dzaˬ loꞈ-ehˇ duˇ-eu miˇ neh, aˬ dui tiˬ gʼaˬ-iˬ maˬ dzeuˇ-iˇ luꞈ-a.”

Iˇsaˬyaˇ 20:6

Aˇ nah aˇ yamˬ kʼoeˇ keuˆ le ngeh, Piˇliˇtiˆ miˇ kʼahˬ iˬ ma laˆ shaˆ lawˇ deh caw caw-ehˇ jawˇ-eu tsawˇ haˬ deuˬ heu loꞈ-ehˇ ehˇ tehꞈ-a. ‘Haw sheˇ. Aˬshuˇliˆ sahˬ paˬ-euˬ aˬ laꞈ laꞈ kʼoeˇ aˬ dui-ahˇ ka kʼoꞈ nya tehꞈ-a lehˇ, aˬ dui neh noeˬ tmˬ-euˬ tsawˇ haˬ kʼoeˇ deuˬ aˬ jeˬ pyeuꞈ jiˇ-euˬ nga. Aˬ dui aˬ joˆ-ehˇ dzeuˇ-iˇ nya nmˇ.’ ”

Miˇkaˬ 3:11

Meuˬ-ahˇ uˆ lahˇ-eu deuˬ, laꞈ nmꞈ nmꞈ nehˬ gaˇ haw-awˇ uˆ lahˇ luꞈ meh. Piˇ ma deuˬ-aˬ, aˇ poeˬ za gaˇ haw-awˇ zahˇ dawˬ kʼoꞈ dawˬ-euˬ dawˬ tsuiꞈ yuˇ doˆ nehˬ luꞈ-awˇ, Miˬyehˇ gʼaˇ duˬ ngehˬ dah-eu deuˬ kʼawꞈ, pyuˇ myaˆ pyawˬ-ahˇ haw-awˇ ngehˬ dah luꞈ-eu meh. Ehˇ kʼawꞈ, aˬ yawꞈ maꞈ dawˬ tawˆ luꞈ Sahˬpaˬ Miˬyehˇ aˬ yawꞈ maꞈ nehˬ-ehˇ jawˇ meh lehˇ ehˇ-eu meh. “Luˬ-iˇ seˇ-iˇ-eu jeˬ nga maꞈ kʼoeˇ taˆ maˬ keuˆ le-aˇ. Sahˬpaˬ Miˬyehˇ nga maꞈ nehˬ-ehˇ jawˇ ma” lehˇ aˬ yawꞈ maꞈ ehˇ-eu meh.

Iˇsaˬyaˇ 43:27

Aˇ hu naw maꞈ-euˬ aˬ piˬ aˬ bawˇ deuˬ iˬ baˇ mˇ-awˇ, naw maꞈ-euˬ aˬ yuiꞈ aˬ tsu deuˬ ngaˬ-ahˇ mˇ lehˬ-euˬ meh.

Iˇsaˬyaˇ 47:7

Aˬ myah luꞈ sahˬ paˬ ma ya geuꞈ ma lehˇ nawˇ noeˬ tmˬ-awˇ, gaˇ kawˆ heu deuˬ-ahˇ nawˇ maˬ shaˇ sawˇ ni, mehˬ hu paw pyeuꞈ laˇ-eu gaˇ kawˆ maˬ shaˇ noeˬ-a.

Yeˬlaˬmiˇ 12:4

Nga maꞈ miˇ kʼahˬ aˇ myah keuˆ ni gui coˇ ni bi jaˆ-awˇ, deh ga kʼaˇ ngeuˇ gaˇ dehꞈ-eu yaˇ moꞈ deuˬ, aˇ myah keuˆ ni yaw koˆ-ehˇ bi jaˆ-eu gʼeh te. Naw maꞈ tsawˇ haˬ deuˬ yaw haiˬ jeˬ mˇ-eu miˇ neh, jeˬ zaˬ aˇ jiˇ deuˬ shiˇ luꞈ meh. “Nga maꞈ mˇ luꞈ-eu jeˬ Miˬyehˇ maˬ mawˇ-aˇ” lehˇ, aˬ yawꞈ maꞈ ehˇ luꞈ meh.

Yeˬlaˬmiˇ 26:7

Uˬ duˬ tahˬ nymˇ nymˇ ma laꞈ kʼoeˇ ngaˇ kʼoeˇ loꞈ-ehˇ dzawˇ mehˬ gaˇ, piˇ ma deuˬ, Miˬyehˇ gʼaˇ duˬ ngehˬ dah-eu deuˬ hawˇ-eu, tsawˇ haˬ kʼoeˇ deuˬ dawˬ tawˆ luꞈ ya gaˬ-euˬ meh.

Ngoeˇ dawˬ 4:13

Kʼoeˇ gaˇ uˇ keuˆ leˇ nya-euˬ-aˬ, bawˇ lawˇ peh hawˇ-eu piˇ ma deuˬ, tsawˇ muiˬ deuˬ-ahˇ sehꞈ-eu laꞈ kʼoeˇ, iˬ baˇ mˇ-euˬ baˬ da neh meh.

Ngoeˇ dawˬ 4:18

Muiˇ-eu deuˬ neh bi haw tsoˆ-awˇ, kmˇ cehˇ laꞈ nyiˇ maˬ iˇ peuˬ nya. Nga maꞈ-euˬ aˇ nah jiˇ le-awˇ, aˇ saˬ saˬ-eu keuˆ le miˇ-a.

Hawˇseˬ 4:9

Miˇ kʼahˬ zaˬ kʼaˇ ya daˬ-eu jeˬ, Piˇ ma deuˬ kʼawꞈ ya daˬ tehꞈ-a. Yawꞈ maꞈ mˇ-euˬ poeˬ poeˬ lawˬ lawˬ, yawꞈ maꞈ-ahˇ ngaˇ kʼehˬ poˆ nehˬ ma.

Hawˇseˬ 6:10

Iˇsaˬleˬlaˆ miˇ kʼahˬ laꞈ kʼoeˇ, maˬ haw peuˬ-eu jeˬ mawˇ-euˬ ma. Tahˬ pahˬ aˬ ma mawˇ kawˇ deuˬ-ahˇ, ngaˬ-euˬ tsawˇ haˬ uˬ duˬ tahˬ-awˇ, yawˬ haˇ yawˬ ha laˆ jawꞈ-euˬ meh.

Hawˇseˬ 9:5

Sahˬpaˬ Miˬyehˇ-ahˇ taˬ huiˬ-eu, bawˬ-iˬ gʼeh-eu aˇ yamˬ tsaˬ laˇ naˇ, aˬ yawꞈ maꞈ aˬ joˆ-ehˇ jahˇ nmˇ.

Dawˬmehˬ 32:20

Kʼoeˇ naˇ, aˬ yawꞈ ngehˬ-euˬ dawˬ-aˬ, ‘Yawꞈ maꞈ-ahˇ ngehˬ maˬ paˇ gʼeh ma. Nui ma gʼahˇ-awˇ saˇ jaˇ puiˬ-eu, aˬ jeˬ keuˆ le nga lehˇ haw ma.

1 Sahˬpaˬ 22:6

Kʼoeˇ naˇ, Miˬyehˇ gʼaˇ duˬ ngehˬ dah-eu tsawˇ haˬ oeˬ yaˇ gʼaˬ-ahˇ Aˬhaˆ kuˇ uiˬ-awˇ ehˇ nehˬ-eu, “Giˇlaˆ miˇ kʼahˬ Laˬmoˆ meuˬ-ahˇ ngaˇ guiˇ deuˆ leˇ-eu tsaˬ nga loˇ, maˬ tsaˬ nga loˇ lehˇ ehˇ nehˬ laꞈ sheˇ.” Aˬ yawꞈ maꞈ ehˇ-eu, “Deuˆ leˇ-awˬ. Sahˬpaˬ Miˬyehˇ nawˬ-ahˇ bi gʼaˬ leˇ nehˬ laꞈ tehꞈ-a.”

Dawqdaq 17:4

Yaw haiˬ deuˬ dawˬ doeˇ-ahˇ jah-awˇ, jaˬ myawꞈ deuˬ mehˇ shuiˇ tawˆ leˇ-eu meh.

Yeˬsaˬgeˬlaˇ 13:10

“Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-aˬ, nui saˇ oꞈ-eu jeˬ maˬ jaˆ gaˇ, nui saˇ oꞈ-eu jeˬ jaˆ meh lehˇ ehˇ-awˇ, ngaˬ-euˬ tsawˇ haˬ deuˬ-ahˇ gaˇ ma sheuˬ bahˬ nehˬ-euˬ meh. Ngaˬ-euˬ tsawˇ haˬ deuˬ yaw muiˬ paˬ-ehˇ maˬ gawˬ ziꞈ taˬ-euˬ meuˬ lahˇ-ahˇ, Miˬyehˇ gʼaˇ duˬ ngehˬ dah-eu kʼoeˇ deuˬ lu boeˬ lehꞈ pyuˇ-euˬ meh.

Zeˬpaˬniˇ 3:4

Miˬyehˇ gʼaˇ duˬ ngehˬ dah-eu deuˬ, saˇ jaˇ maˬ ziꞈ-eu deuˬ pyeuꞈ-awˇ, aˬ yawꞈ-euˬ piˇ ma geuꞈ-eu deuˬ, yaw muiˬ yaw shawˇ jeˬ laˆ jawꞈ-awˇ, zahˇ dawˬ kʼoꞈ dawˬ laˆ cawˆ-eu meh.