Yeˬlaˬmiˇ 5:18 - Akha18 Sahˬpaˬ Miˬyehˇ heu loꞈ-ehˇ ehˇ-eu meh. “Aˇ nah aˇ yamˬ kʼoeˇ keuˆ le kʼawꞈ, ngaˬ-euˬ tsawˇ haˬ deuˬ luˬ-iˇ seˇ-iˇ jiˇ gaˇ keuˆ ni ngaˇ maˬ kʼehˬ nehˬ. Gade chapit la |
Tsawˇ haˬ sehꞈ dui dui luꞈ ngeh, ngaˇ tiˬ gʼaˬ tehꞈ-ehˇ kʼoeˇ gaˇ jawˇ luꞈ-eu ma. Ngaˇ moꞈ tsahˬ-ehˇ miˇ tsa coˬ lah-awˇ “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, aˬ cawˬ miˇ kʼahˬ-ahˇ maˬ bi nyehꞈ byoˆ gʼeh ni, Iˇsaˬleˬlaˆ miˇ kʼahˬ laꞈ kʼoeˇ kʼaˇ jawˇ yaꞈ-euˬ tsawˇ haˬ dawˬ tawˆ luꞈ-ahˇ sehꞈ jiˇ paˬ-ehˇ, Yeˬluˇsaˬlehˬ meuˬ-ahˇ nawˇ teuˆ naˆ naˆ-ehˇ nui ma pehˇ te loˇ” lehˇ guˇ-euˬ ma.
Naw maꞈ-euˬ dzaˬ la gʼo cehˇ aˬ yawꞈ maꞈ dzaˬ-awˇ, naw maꞈ-euˬ aˬ buˇ aˬ li deuˬ-ahˇ aˬ yawꞈ maꞈ sehꞈ tehꞈ-a. Naw maꞈ-euˬ yawˇ hawˇ-eu mawˇ neˇ sehꞈ dzaˬ-awˇ, aˬ gaꞈ yaˇ kmˇ, siˬ guˬ guˬ yaˇ, aˬ yawꞈ maꞈ laˆ cawˆ jiˇ tehꞈ-a. Naw maꞈ nui kʼaˬ tsmˬ-eu ziꞈ dah ni gʼeh-eu meuˬ deuˬ kʼawꞈ, aˬ yawꞈ maꞈ-euˬ guiˇ maꞈ neh bi laˆ cawˆ tehꞈ-a.
Aˬ jeˬ miˇ neh aˬ yawꞈ maꞈ-ahˇ kʼoeˇ loꞈ-ehˇ jahˇ nehˬ laꞈ-euˬ gaˇ kawˆ naˇ haˬ laˇ naˇ, Yeˬlaˬmiˇ nawˇ heu loꞈ-ehˇ ehˇ kʼoꞈ nehˬ-awˬ. Aˬ yawꞈ maꞈ ngaˬ-ahˇ byehˇ dzeh-awˇ, yawˬ ha-euˬ miˇ kʼahˬ laꞈ kʼoeˇ boeˇ miˬ siˬ kʼaˬ deuˬ-euˬ miˬ yehˇ deuˬ-ahˇ uˬ duˬ tahˬ-euˬ loꞈ-ehˇ, aˬ cawˬ miˇ kʼahˬ laꞈ kʼoeˇ boeˇ miˬ siˬ kʼaˬ deuˬ-euˬ zaˬ kʼaˆ ya geuꞈ tehꞈ-a lehˇ ehˇ nehˬ-awˬ.”
Naw maꞈ jawˇ gaˇ ngaˇ oe-awˇ ka kʼoꞈ ma. Naw maꞈ-ahˇ ngaˇ teh byaˆ taˬ-euˬ miˇ kʼahˬ kʼoeˇ deuˬ laꞈ kʼoeˇ, aˬ cawˬ tsawˇ jeuˬ dawˬ tawˆ luꞈ-ahˇ ngaˇ laˆ cawˆ kʼawꞈ, naw maꞈ-ahˇ ngaˇ maˬ laˆ cawˆ nehˬ. Naw maꞈ-ahˇ ngaˇ maˬ kʼehˬ ni-aˬ maˬ bi dzeuˇ-iˇ. Ehˇ kʼawꞈ naw maꞈ-ahˇ ngaˇ kʼehˬ ngeh, aˬ za za-ehˇ kʼehˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”