Yeˬlaˬmiˇ 49:35 - Akha

³⁵ Sahˬpaˬ Miˬyehˇ ehˇ-eu, “Eˇlamˬ miˇ kʼahˬ-euˬ baoˬ pyeuꞈ-eu, kaˆ yuˇ-awˇ guiˇ deuˆ-eu tsawˇ haˬ kʼoeˇ deuˬ-ahˇ ngaˇ sehꞈ jiˇ ma.

Yeˬlaˬmiˇ 49:35 Referans Kwoze

Iˇsaˬyaˇ 22:6

Eˇlamˬ yehˇ deuˬ kaˆ lehˬ hmˬ-awˇ, mahˬ dziˬ-awˇ oe luꞈ meh. Kiˇlaˆ yehˇ deuˬ dehˬ daˬ duˬ tuˆ tehˬ-awˇ, lehˬ hmˬ dah taˬ-euˬ meh.

Yeˬlaˬmiˇ 51:56

Baˬbuˇloˬ meuˬ aˬ yawꞈ maꞈ laˆ cawˆ le-euˬ meh. Baˬbuˇloˬ yehˇ bi nyehꞈ jiˇ-awˇ, aˬ yawꞈ maꞈ-euˬ kaˆ kʼehꞈ-iˇ jiˇ-euˬ meh. Ngaˇ-aˬ yaw haiˬ jeˬ-ahˇ kʼehˬ-eu Miˬyehˇ pyeuꞈ-awˇ, Baˬbuˇloˬ meuˬ-ahˇ geuˇ-eu loꞈ-ehˇ kʼehˬ nehˬ ma.

Jaceuq 46:9

Miˇ tsaˬ kʼoeˇ taˆ guiˇ kʼaˇ deuˆ gaˇ aˬ yawꞈ laˆ naˬ-eu meh. Kaˆ hawˇ-eu gahˬ-ahˇ aˬ yawꞈ ngawˬ kʼehꞈ ngawˬ kʼoeˆ-awˇ, dehˬ daˬ duˬ-ahˇ miˬ dzaˬ dzah dzeh-eu meh.

Yeˬlaˬmiˇ 50:29

“Kaˆ baꞈ-awˇ guiˇ deuˆ-eu deuˬ-ahˇ Baˬbuˇloˬ meuˬ-ahˇ deuˆ-awˬ lehˇ ehˇ nehˬ-awˬ. Kaˆ kʼaˇ beuˆ nya-eu deuˬ bi iˇ-awˬ. Tiˬ gʼaˬ-iˬ maˬ bi dzeuˇ-iˇ ni meuˬ-ahˇ loꞈ jawˬ-awˬ. Aˬ yawꞈ neh aˬ cawˬ-ahˇ kʼaˇ jahˇ nehˬ-euˬ jeˬ, aˬ yawꞈ-ahˇ paˇ jahˇ kʼoꞈ nehˬ-awˬ. Aˬ jeˬ miˇ neh ehˇ naˇ, aˬ yawꞈ nui ma huiˬ-eu laꞈ kʼoeˇ, Iˇsaˬleˬlaˆ-euˬ Muiˬ dui shawˇ dui dui-eu Gʼaˬ pyeuꞈ-eu ngaˬ-ahˇ jahˇ gʼeh haw-euˬ meh.

Yeˬlaˬmiˇ 50:14

“Kaˆ baꞈ-awˇ guiˇ deuˆ-eu deuˬ-oˇ, Baˬbuˇloˬ meuˬ-ahˇ deuˆ-eu gʼaˇ duˬ guiˇ daˬ daˬ-awˇ loꞈ jawˬ-awˬ. Naw maꞈ-euˬ kaˆ myaˬ dawˬ tawˆ luꞈ, Baˬbuˇloˬ meuˬ-ahˇ beuˆ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ pyeuꞈ-eu ngaˬ-ahˇ aˬ yawꞈ maꞈ mˇ lehˬ-euˬ meh.

Hawˇseˬ 1:5

Kʼoeˇ ngeh nah, Iˇsaˬleˬlaˆ miˇ kʼahˬ-euˬ guiˇ deuˆ-eu baoˬ-ahˇ, Yeˬzaˬleˬlaˇ deh kʼawꞈ laꞈ kʼoeˇ ngaˇ laˆ cawˆ nehˬ ma.

Jaceuq 46:10

“Ngaˇ Miˬyehˇ meh lehˇ siˬ nya-awˇ, guiˇ deuˆ-eu naˬ leˇ-awˬ. Tsawˇ haˬ dawˬ tawˆ luꞈ kʼoeˇ taˆ huiˬ dzehˬ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu gʼaˬ, ngaˇ meh lehˇ siˬ nya-awˬ” lehˇ ehˇ-eu meh.

Iˇsaˬyaˇ 21:2

Kʼehˬ-eu kʼaˆ-eu jeˬ hawˇ-eu ceh geuꞈ lu geuꞈ-eu jeˬ maˬ ehˇ, saˇ jaˇ puiˬ-eu jeˬ hawˇ-eu laˆ luˬ laˆ seˇ-eu jeˬ maˬ ehˇ, yaw sahˇ laꞈ kʼoeˇ ngaˇ ya mawˇ-euˬ ma. Eˇlamˬ guiˇ maꞈ deuˬ-oˇ, guiˇ deuˆ-awˬ. Meˬdiˇ guiˇ maꞈ deuˬ-oˇ, meuˬ deuˬ-ahˇ loꞈ jawˬ-awˬ. Baˬbuˇloˬ meuˬ baˬ da neh myaˆ biˇ ya yoeˇ-eu jeˬ, Miˬyehˇ aˇ saˬ bi saˬ tehꞈ-a.