Yeˬlaˬmiˇ 49:32 - Akha

³² Aˬ yawꞈ maꞈ-euˬ law taw deuˬ hawˇ-eu mawˇ neˇ dawˬ tawˆ luꞈ teh geuꞈ jiˇ-awˬ. Uˬ duˬ tsehˇ kahˇ yaw nymˇ nymˇ-ehˇ tehˬ-eu tsawˇ haˬ kʼoeˇ deuˬ-ahˇ ngaˇ teh byaˆ-awˇ, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ tiˬ jawˬ bi keuˆ le ma.

Yeˬlaˬmiˇ 49:32 Referans Kwoze

Yeˬlaˬmiˇ 9:26

Iˇjiˇtuˆ miˇ kʼahˬ, Yuˇdaˆ miˇ kʼahˬ, Eˬdoˬ miˇ kʼahˬ, Aˬmoˬ miˇ kʼahˬ, Mawˇbaˆ miˇ kʼahˬ hawˇ-eu gaˇ mahˇ kaˬ gaˇ jaˆ-eu kʼaˇ shuiꞈ deh ga miˇ kʼahˬ-ahˇ kʼaˇ jawˇ-eu tsawˇ haˬ dawˬ tawˆ luꞈ-ahˇ, ngaˇ kʼehˬ nehˬ kʼaˆ nehˬ ma. Gaˇ mahˇ kaˬ-eu kʼaˇ shuiꞈ deh ga miˇ kʼahˬ-ahˇ jawˇ-eu tsawˇ jeuˬ heu deuˬ dawˬ tawˆ luꞈ, nui ma keuˆ-awˇ uˬ jehˆ jehˆ dzeh-eu maˬ ngeuˇ-a. Iˇsaˬleˬlaˆ tsawˇ ha dawˬ tawˆ luꞈ kʼawꞈ, nui ma laꞈ kʼoeˇ keuˆ ni baˆ kʼoˆ mehˬ dzaˬ yehˬ taˬ-euˬ tiˬ gʼaˬ-iˬ maˬ ahˇ-a.”

Yeˬsaˬgeˬlaˇ 5:10

Kʼoeˇ loꞈ-ehˇ jahˇ nehˬ ngeh jawˇ, Yeˬluˇsaˬlehˬ meuˬ-ahˇ jawˇ-eu deuˬ, aˬ ma aˬ da deuˬ zaˬ deuˬ-euˬ shaˬ jiˇ ya dzaˬ gaˇ keuˆ-awˇ, zaˬ deuˬ aˬ ma aˬ da-euˬ shaˬ jiˇ ya dzaˬ gaˇ keuˆ tehꞈ-a. Nawˬ-ahˇ ngaˇ kʼehˬ-awˇ, yawˬ paw na luꞈ byaˆ dzeh gʼeh ngeh, yaw dehꞈ-ehˇ aˬ suˇ gʼaˬ dzeuˇ-iˇ nya nmˇ.

Yeˬlaˬmiˇ 49:36

Yawˬ paw yawˬ coeˇ na luꞈ neh Eˇlamˬ miˇ kʼahˬ laꞈ kʼoeˇ jaˬ lehˇ bi baw ahˇ leꞈ-awˇ, Eˇlamˬ miˇ kʼahˬ zaˬ deuˬ maˬ cehˆ jawˇ-iˇ-euˬ miˇ kʼahˬ maˬ jaˆ ni bi pyeuꞈ-iˇ ma.

Yeˬlaˬmiˇ 25:23

Deˬdaˬ meuˬ, Teˬmaˇ meuˬ, Buˇzaˆ meuˬ, hawˇ-eu, uˬ duˬ tsehˇ kahˇ yaw nymˇ nymˇ-ehˇ tehˬ-eu tsawˇ jeuˬ deuˬ,

Yeˬsaˬgeˬlaˇ 5:12

Nawˬ-euˬ tsawˇ haˬ smˬ bymˇ tiˬ bymˇ-aˬ, naˇ-eu gawˇ-eu jeˬ hawˇ-eu mehꞈ-eu shuꞈ-eu jeˬ baˬ da neh meuˬ laꞈ kʼoeˇ ya shiˇ tehꞈ-a. Smˬ bymˇ tiˬ bymˇ-aˬ, meuˬ-euˬ laꞈ nyiˇ mi cehˇ neh bi sehꞈ tehꞈ-a. Dzeˇ-eu smˬ bymˇ tiˬ bymˬ-ahˇ jaˬ lehˇ laꞈ kʼoeˇ byaˆ dzeh-awˇ, ngaˬ-euˬ mi cehˇ neh caw teh ma.

Dawˬmehˬ 28:64

“Mˬ dzeˇ miˇ dzeˇ keuˆ ni jawˇ luꞈ-eu tsawˇ jeuˬ deuˬ jawˇ gaˇ Sahˬpaˬ Miˬyehˇ nawˬ-ahˇ teh byaˆ-awˇ, nawˇ hawˇ-eu nawˬ-euˬ aˬ poeˬ aˬ bawˇ deuˬ dzeuˇ laˇ ngeh tiˬ jawˇ-iˬ uˬ duˬ maˬ tahˬ haw-euˬ, daˇ kawˬ hawˇ-eu kʼaˬ lo neh jahˇ taˬ-euˬ miˬyehˇ deuˬ-ahˇ, kʼoeˇ gaˇ nawˇ uˬ duˬ ya tahˬ tehꞈ-a.

Yeˬlaˬmiˇ 9:25

Sahˬpaˬ Miˬyehˇ ehˇ-eu, “Nui ma laꞈ kʼoeˇ keuˆ ni baˆ kʼoˆ mehˬ dzaˬ maˬ yehˬ-ehˇ, zahˇ kʼaˇ deˬ maˬ deˬ laꞈ nyiˇ paw tehꞈ-ehˇ baˆ kʼoˆ mehˬ dzaˬ yehˬ taˬ-euˬ tsawˇ haˬ deuˬ-ahˇ, ngaˇ kʼehˬ nehˬ kʼaˆ nehˬ-eu aˇ yamˬ keuˆ le luꞈ meh.