Yeˬlaˬmiˇ 49:3 - Akha

³ Heˬshaˬboˬ meuˬ-ahˇ jawˇ-eu deuˬ-oˇ, yaw kʼaˆ-ehˇ ngoeˇ-awˬ. Aˬiˇ meuˬ maˬ paˇ baw meh. Laˬbah meuˬ-ahˇ jawˇ-eu zaˬ miˬ zaˬ deuˬ-oˇ, tsawˇ ngoeˇ ngoeˇ-awˬ. Guˬ daˇ pehˇ zeuˇ mehˬ tsoeˬ dm-awˇ ngoeˇ-awˬ. Gʼoꞈ laˆ gʼoꞈ dmˇ-ehˇ cehˆ cehˆ-ehˇ shaˬ gʼa-awˬ. Naw maꞈ-euˬ miˬ yehˇ Miˇlaˬkoˬ-aˬ, aˬ yawꞈ-euˬ piˇ ma deuˬ hawˇ-eu sahˬ paˬ zaˬ yo deuˬ nehˬ-ehˇ, tiˬ kawˆ loꞈ-ehˇ bi nyehꞈ byoˆ gʼeh tehꞈ-a.

Yeˬlaˬmiˇ 49:3 Referans Kwoze

Yeˬlaˬmiˇ 48:7

“Mawˇbaˆ nawˇ-aˬ, yawˬ ha-euˬ gʼaˬ hawˇ-eu, yawˬ ha pyuˇ shuiˇ-ahˇ nui kʼaˬ tsmˬ-euˬ meh. Ehˇ kʼawꞈ, nymˬ-mˇ aˬ cawˬ neh guiˇ bi deuˆ gʼaˬ-awˇ, naw maꞈ-euˬ Sheˬmoˇshaˆ miˬ yehˇ kʼoeˇ yehˇ, sahˬ paˬ zaˬ yo deuˬ hawˇ-eu piˇ ma deuˬ nehˬ-ehˇ, aˬ cawˬ miˇ kʼahˬ-ahˇ bi nyehꞈ gʼeh tehꞈ-a.

Yeˬlaˬmiˇ 48:37

Aˬ yawꞈ maꞈ dawˬ tawˆ luꞈ yawˬ ha-euˬ uˬ duˬ tsehˇ kahˇ hawˇ-eu mehˬ mahˬ jehˆ dzeh jiˇ-euˬ meh. Aˬ yawꞈ maꞈ yawˬ ha-euˬ aˬ laꞈ-ahˇ mi cehˇ neh deuˆ taˆ-awˇ, pehˇ zeuˇ neh mehˬ tsoeˬ guꞈ dm-eu meh.

Iˇsaˬyaˇ 15:2

Diˇboˬ meuˬ-ahˇ jawˇ-eu tsawˇ haˬ deuˬ, yaw goˇ-ahˇ jaˆ-eu taˆ-ahˇ daˆ leˇ-awˇ, tsawˇ ngoeˇ ngoeˇ leˇ-euˬ meh. Neˬboˬ meuˬ hawˇ-eu Meˬdeˬbaˬ meuˬ gʼaˇ duˬ, Mawˇbaˆ tsawˇ haˬ deuˬ tsawˇ ngoeˇ ngoeˇ-eu meh. Yawˬ gʼaˬ na luꞈ noeˬ shaˬ dui dui-eu miˇ neh, uˬ duˬ hawˇ-eu mehˬ mahˬ jehˆ dzeh-eu meh.

Yeˬlaˬmiˇ 46:25

Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Deˬbiˇ miˬ yehˇ Aˬmo-ahˇ ngaˇ kʼehˬ-eu lehˇ gʼeh-eu ma. Iˇjiˇtuˆ sahˬ paˬ maˬ ehˇ, Iˇjiˇtuˆ miˬ yehˇ deuˬ maˬ ehˇ, Iˇjiˇtuˆ sahˬ paˬ-ahˇ gʼoe-eu miˇ kʼahˬ zaˬ deuˬ-ahˇ maˬ ehˇ, ngaˇ kʼehˬ-eu lehˇ gʼeh-eu ma.

Yeˬlaˬmiˇ 4:8

Guˆ laˇ paˬ-ehˇ gʼeh-eu Sahˬpaˬ Miˬyehˇ-euˬ nui ma pehˇ-eu jeˬ, Yuˇdaˆ miˇ kʼahˬ-ahˇ maˬ byehˇ-eu miˇ neh, guˬ daˇ pehˇ zeuˇ mehˬ tsoeˬ dm-awˇ ngoeˇ dui dui-awˬ.

2 Sahˬpaˬ 23:13

Siˇdoˬ miˬ yehˇ ma Aˬshaˇtaˬteˬ, Mawˇbaˆ miˬ yehˇ Sheˬmoˇshaˆ hawˇ-eu, Aˬmoˬ miˬ yehˇ Moˇlehˆ heu deuˬ-ahˇ uˬ duˬ tahˬ-eu gʼaˇ duˬ, Yeˬluˇsaˬlehˬ meuˬ-euˬ nahˇ ma doˆ kʼehˬ paw, Saˬloˬ gawˬ jawˬ-euˬ laꞈ oˆ sahˬ paˬ Sawˇlaˬmoˬ neh tehˆ taˬ yaꞈ-euˬ tahˬ pahˬ aˬ ma mawˇ kawˇ deuˬ-ahˇ kʼawꞈ, Yawˇshiˆ laˆ cawˆ-euˬ meh.

1 Sahˬpaˬ 11:33

Sawˇlaˬmoˬ ngaˬ-ahˇ byehˇ dzeh-awˇ, aˬ cawˬ tsawˇ jeuˬ-euˬ miˬ yehˇ pyeuꞈ-eu Siˇdoˬ tsawˇ jeuˬ-euˬ Aˬsaˇtaˬteˬ miˬ yehˇ ma-ahˇ maˬ ehˇ, Mawˇbaˆ tsawˇ jeuˬ-euˬ Sheˬmoˇshaˆ miˬ yehˇ-ahˇ maˬ ehˇ, Aˬmoˬ tsawˇ jeuˬ-euˬ Moˇlehˆ miˬ yehˇ-ahˇ maˬ ehˇ, aˬ yawꞈ uˬ duˬ tahˬ-euˬ miˇ neh, ngaˇ heu loꞈ-ehˇ jahˇ-eu gʼaˇ duˬ lehˬ hmˬ taˬ-euˬ ma. Sawˇlaˬmoˬ-aˬ, ngaˬ-euˬ ehˇ dawˬ-ahˇ maˬ naˇ haˬ geuꞈ ni yaw lehˬ jeˬ mˇ-awˇ aˬ yawꞈ-euˬ aˬ da Daˬbiˇ loꞈ-ehˇ ngaˬ-euˬ zahˇ dawˬ kʼoꞈ dawˬ-ahˇ maˬ caw teh-ehˇ, ngaˬ neh mehˬ nehˬ tsoˆ nehˬ-euˬ dawˬ-ahˇ kʼawꞈ maˬ naˇ haˬ geuꞈ-aˬ.

1 Sahˬpaˬ 11:5

Siˇdoˬ tsawˇ jeuˬ-euˬ Aˬsaˇtaˬteˬ miˬ yehˇ ma hawˇ-eu, Aˬmoˬ tsawˇ jeuˬ-euˬ miˬ yehˇ pyeuꞈ-eu nui daˆ daˆ laˇ paˬ-ehˇ gʼeh-eu Moˇlehˆ miˬ yehˇ-ahˇ, aˬ yawꞈ uˬ duˬ tahˬ-euˬ meh.

Yaˬkoˆ 5:1

Smˇ muiˬ smˇ baw deuˬ-oˇ, ngaˇ ehˇ gaˇ naˇ haˬ sheˇ. Naw maꞈ kʼoeˇ taˆ shaˬ-eu zahˬ-eu jeˬ keuˆ le-eu lehˇ gʼeh-eu miˇ neh guˇ guˇ-ehˇ ngoeˇ-awˬ.

Zeˬpaˬniˇ 1:5

Nymˇ mˬ kʼoeˇ taˆ pawˬ dmˬ dmˬ-awˇ, nahˇ ma ba la aˬ guiˇ deuˬ-ahˇ, uˬ duˬ kʼaˇ tahˬ-eu tsawˇ haˬ deuˬ, ngaˇ laˆ cawˆ gaˇ ya daˬ tehꞈ-a. Ngaˬ-ahˇ uˬ duˬ tahˬ-eu geuꞈ-awˇ, Miˇlaˬkoˬ-ahˇ kʼaˇ gʼoe-euˬ deuˬ, laˆ cawˆ nehˬ gaˇ ya daˬ tehꞈ-a.

Aˬmoˆ 1:15

Aˬ yawꞈ maꞈ-euˬ sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ aˬ cawˬ neh bi nyehꞈ byoˆ gʼeh tehꞈ-a.”

Yeˬlaˬmiˇ 51:8

Baˬbuˇloˬ meuˬ ja pyuˬ ni coˬ-iˇ-awˇ bi laˆ cawˆ-euˬ meh. Tsawˇ ngoeˇ ngoeˇ nehˬ-awˬ. Maˇ kʼehˬ maˇ naˇ-ahˇ jaˆ gʼaˬ dawˆ nehˬ haw sheˇ. Taˬ leˇ nya-eu baw le.

Yeˬlaˬmiˇ 49:1

Aˬmoˬ miˇ kʼahˬ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ aˬ geu paw iˇ jiˇ taˬ. Yawˬ ha-euˬ miˇ kʼahˬ-ahˇ deuˆ piˇ-eu tiˬ gʼaˬ-iˬ maˬ paˇ jawˇ meh loˇ. Miˇlaˬkoˬ miˬ yehˇ-ahˇ uˬ duˬ tahˬ-eu tsawˇ haˬ deuˬ, Gaˆ miˇ kʼahˬ-ahˇ deuˆ gʼaˬ-awˇ, kʼoeˇ gaˇ jawˇ geuꞈ laˇ ngeh keuˆ ni, aˬ jeˬ miˇ neh tiˬ jeˬ-iˬ maˬ gʼeh ni jawˇ ta.

Yeˬlaˬmiˇ 48:20

‘Mawˇbaˆ miˇ kʼahˬ bi deuˆ gʼaˬ-awˇ, shaꞈ dawˇ dui dui paˬ-ehˇ gʼeh-eu miˇ neh, tsawˇ ngoeˇ ngoeˇ-awˬ’ lehˇ ehˇ tehꞈ-a. ‘Mawˇbaˆ miˇ kʼahˬ cawˆ-iˇ gʼaˬ-euˬ gaˇ kawˆ, Aˬnoˬ lawˇ gawˆ gawˆ cawˬ tsaꞈ gaˬ-iˇ-awˬ’ lehˇ ehˇ tehꞈ-a.

Yeˬlaˬmiˇ 48:2

Mawˇbaˆ miˇ kʼahˬ kʼahˬ sehˇ maˬ paˇ jaˆ meh. Muiˇ-eu deuˬ Heˬshaˬboˬ meuˬ-ahˇ deuˆ za-awˇ, Mawˇbaˆ miˇ kʼahˬ laˆ cawˆ-eu lehˇ lehˬ hmˬ luꞈ meh. Maˬdaˬmehˇ meuˬ ciˬ cuˇ ni bi laˆ pyeuꞈ tehꞈ-a. Guiˇ maꞈ deuˬ kʼoeˇ paw le luꞈ meh.

Yeˬlaˬmiˇ 6:26

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ heu loꞈ-ehˇ ehˇ-eu meh. “Guˬ daˇ pehˇ zeuˇ mehˬ tsoeˬ dm-awˇ, kʼaˬ lehˇ tsahˬ-ahˇ mahˬ poˆ poˆ-awˬ. Aˬ li tiˬ gʼaˬ tehꞈ-euˬ gʼaˇ duˬ tsawˇ ngoeˇ ngoeˇ-eu loꞈ-ehˇ, nui ma shaˬ zahˬ mˇ dui dui-awˬ. Aˬ jeˬ miˇ neh ehˇ naˇ, naw maꞈ-ahˇ laˆ cawˆ le-eu muiˇ-eu deuˬ, ja pyuˬ ni guiˇ deuˆ le tehꞈ-a.

Iˇsaˬyaˇ 23:6

Piˇniˇshaˆ tsawˇ haˬ deuˬ-oˇ, noeˬ shaˬ dui dui-awˇ ngoeˇ-eu laꞈ kʼoeˇ, Saˬbeˬ meuˬ-ahˇ cehˆ jawˇ-iˇawˬ.

Iˇsaˬyaˇ 23:1

Heu-aˬ, Duˇlu meuˬ-ahˇ taꞈ leˇ-eu Miˬyehˇ-euˬ dawˬ meh. Taˬshiˆ meuˬ-ahˇ jawˇ-eu saˇ baoˬ deuˬ-oˇ, noeˬ shaˬ-awˇ ngoeˇ-awˬ. Duˇlu meuˬ luˬ-iˇ seˇ-iˇ jiˇ-awˇ, nymˇ hawˇ-eu saˇ baoˬ naˬ duˬ maˬ paˇ jaˆ meh. Guˇbaˬluˇ miˇ kʼahˬ-ahˇ neh, gaˇ kawˆ heu gaˬ keuˆ laˇ-euˬ meh.

Iˇsaˬyaˇ 16:7

Kʼoeˇ miˇ neh Mawˇbaˆ tsawˇ haˬ deuˬ tsawˇ ngoeˇ ya ngoeˇ tehꞈ-a. Mawˇbaˆ miˇ kʼahˬ gʼaˇ duˬ ga uiˬ-awˇ ngoeˇ tehꞈ-a. Kiˇlaˆheˬyehˆ meuˬ-ahˇ jawˇ ngeh dzaˬ-euˬ, kuiˇ dui dui-eu aˬ gaꞈ kaˬ muˇ-ahˇ noeˬ mawˇ-awˇ, ya ngoeˇ sehꞈ leꞈ tehꞈ-a.

Iˇsaˬyaˇ 14:31

Meuˬ lahˇ kʼehˬ-oˇ, guˇ-awˬ. Meuˬ-oˇ, ngoeˇ-awˬ. Piˇliˇtiˆ tsawˇ haˬ deuˬ-oˇ, guˆ dui dui-awˬ. Laꞈ taˆ paw pyawˬ-ahˇ uˬ kʼoeˬ du doˆ laˇ luꞈ-eu kʼoeˇ, guiˇ maꞈ maꞈ ma pyeuꞈ-awˇ, guˆ-eu nui ma ahˇ-eu tiˬ gʼaˬ-iˬ maˬ keuˬ-a.

Iˇsaˬyaˇ 13:6

Naˇ gawˇ dzahˬ-eu loꞈ-ehˇ mahˇ mahˇ-ehˇ jawˇ-awˬ. Sahˬpaˬ Miˬyehˇ-euˬ aˇ nah peh le luꞈ meh. Baoˬ huiˬ-eu gʼaˬ laˆ luˬ laˆ seˇ le-eu aˇ nah, dawˬ peh peh le luꞈ meh.

Yawˇshuˆ 8:28

Yawˇshuˆ-aˬ, Aˬiˇ meuˬ-ahˇ miˬ dzaˬ keuˬ dzeh-awˇ bi jaˆ yaꞈ-euˬ meh. Iˬ nah keuˆ ni kʼoeˇ loꞈ-ehˇ jaˆ luꞈ-eu meh.

Yawˇshuˆ 7:2

Yawˇshuˆ-aˬ, Yeˬliˇkoˇ meuˬ-ahˇ neh, Behˬdaˬbeˬ meuˬ dawˬ peh Beˬdeˬlaˇ meuˬ-euˬ nahˇ ma doˆ kʼehˬ paw jaˆ-eu Aˬiˇ meuˬ-ahˇ tsawˇ haˬ tiˬ deuˬ pyehˬ gʼeh-awˇ, miˇ kʼahˬ kʼoeˇ kʼahˬ-ahˇ bi kʼoeˬ sho haw-iˇ-euˬ meh. Aˬ yawꞈ maꞈ kʼoeˬ sho haw-iˇ gʼaˬ ngeh,

Yawˇshuˆ 8:1

Yawˇshuˆ-ahˇ Sahˬpaˬ Miˬyehˇ ehˇ nehˬ-eu, “Yehˇ dawˬ tawˆ luꞈ sheuˬ-awˇ, Aˬiˇ meuˬ-ahˇ guiˇ deuˆ leˇ-awˬ. Guˆ-eu nui ma maˬ ehˇ, gʼaˬ baˬ-eu nui ma maˬ ehˇ, taˬ bi ahˇ. Ngaˇ nawˬ-ahˇ Aˬiˇ sahˬ paˬ-ahˇ bi gʼaˬ leˇ ma. Aˬ yawꞈ-euˬ tsawˇ haˬ, aˬ yawꞈ-euˬ meuˬ hawˇ-eu, aˬ yawꞈ-euˬ miˇ kʼahˬ-aˬ, nawˬ-euˬ pyeuꞈ laˇ tehꞈ-a.

2 Saˬmeuˬlaˆ 11:1

Tsahˬ gaˆ ahˇ le-awˇ, miˇ kʼahˬ sahˬ paˬ deuˬ guiˇ mˇ-eu aˇ yamˬ keuˆ laˇ ngeh, Daˬbiˇ-aˬ, aˬ yawꞈ-euˬ guiˇ maꞈ kʼoeˇ taˆ aˬ yuiꞈ geuꞈ-eu deuˬ hawˇ-eu Yoˇbaˬ-ahˇ, Iˇsaˬleˬlaˆ guiˇ maꞈ bi sheuˬ-awˇ pyehˬ gʼeh-euˬ meh. Aˬmoˬ tsawˇ haˬ deuˬ-ahˇ aˬ yawꞈ maꞈ guiˇ deuˆ gʼaˬ-awˇ, Laˬbah meuˬ-ahˇ loꞈ jawˬ-euˬ meh. Ehˇ kʼawꞈ, Daˬbiˇ aˬ yawꞈ gʼaˬ-aˬ, Yeˬluˇsaˬlehˬ meuˬ-ahˇ jawˇ yaꞈ-euˬ meh.

Eˇzaˬlaˬ 2:28

Beˬdeˬlaˇ hawˇ-eu Aˬiˇ meuˬ & nyiˬ yaˇ nyiˬ tseˇ smˇ gʼaˬ