Yeˬlaˬmiˇ 49:29 - Akha

²⁹ Aˬ yawꞈ maꞈ-euˬ sehˬ gʼawˆ deuˬ maˬ ehˇ, jeˬ zaˬ baˬ maꞈ maˬ ehˇ, sehˬ gʼawˆ laꞈ kʼoeˇ zmˬ-eu saˬ paˇ lawˆ kaˬ hawˇ-eu sehˬ gʼawˆ laꞈ kʼoeˇ kʼaˇ jaˆ-eu yawˬ jeˬ na luꞈ maˬ ehˇ, yuˇ geuꞈ jiˇ-awˬ. Aˬ yawꞈ maꞈ-euˬ law taw deuˬ tsahˇ geuꞈ-awˇ, ‘Guˆ-eu gaˆ-eu jeˬ naw maꞈ-euˬ tiˬ jawˬ keuˆ le luꞈ meh’ lehˇ, aˬ yawꞈ maꞈ-ahˇ ehˇ nehˬ-awˬ.

Yeˬlaˬmiˇ 49:29 Referans Kwoze

Yeˬlaˬmiˇ 46:5

Sahˬpaˬ Miˬyehˇ heu loꞈ-ehˇ ehˇ-eu, “Ehˇ kʼawꞈ, ngaˇ heu loꞈ-ehˇ ya mawˇ-euˬ ma. Aˬ yawꞈ maꞈ guˆ-awˇ cehˆ gʼoꞈ leꞈ-euˬ meh. Aˬ yawꞈ maꞈ-euˬ yehˇ deuˬ bi deuˆ gʼaˬ-awˇ, laˇ baˇ-iˇ-euˬ miˇ neh nahˇ gʼoꞈ maˬ gʼoꞈ haw ni, cehˆ coeˬ coeˬ doˇ kʼoꞈ leꞈ-eu meh.

Yeˬlaˬmiˇ 6:25

Muiˇ-eu deuˬ guiˇ deuˆ-eu keu ka baꞈ-awˇ, nga maꞈ-euˬ tiˬ jawˬ jawˇ luꞈ-eu miˇ neh, myawˬ kʼahˬ yaˇ kʼahˬ-ahˇ maˬ iˇ doˆ peuˬ-eu uˬ taꞈ, gaˇ jawˬ-ahˇ kʼawꞈ maˬ cah peuˬ nya.”

Haˬbaˬkuˆ 3:7

Kuˇshaˬ tsawˇ jeuˬ guˆ dui dui-awˇ, Miˇdiˬyaˬ tsawˇ haˬ dawˬ tawˆ luꞈ, yaw dzuˬ dzuˬ gaˇ ngaˇ mawˇ-euˬ ma.

Jaceuq 120:5

Naw maꞈ nehˬ-ehˇ jawˇ-euˬ-aˬ, Meˬshehˆ miˇ kʼahˬ-ahˇ jawˇ-eu naˆ ni doeˇ-awˇ, Geˬdaˬ tsawˇ haˬ deuˬ-euˬ tsahˬ-ahˇ jawˇ-eu loꞈ-ehˇ shaˬ miˇ-a.

2 Gawˇliˬtu 7:5

Nga maꞈ Maˬgeˬdawˇniˆˆ miˇ kʼahˬ-ahˇ laˇ keuˆ-euˬ kʼawꞈ, yaw saˇ maˬ oꞈ nya. Yawˬ paw na luꞈ shaˬ zahˬ keuˆ le teuˇ le-awˇ, aˬ cawˬ nehˬ-ehˇ ya ja dzaˬ-eu uˬ taꞈ, nui ma laꞈ kʼoeˇ guˆ-eu jeˬ pi luꞈ-eu ma.

2 Gawˇliˬtu 4:8

Shaˬ zahˬ gʼawˬ mya jeˬ-ahˇ nga maꞈ ya daˬ-euˬ ma. Ehˇ kʼawꞈ, yaw li uˬ duˬ maˬ keuˆ le-aˬ siˬ. Tiˬ poˆ na noeˬ dui noeˬ duiˇ gaˇ keuˆ-euˬ ma. Ehˇ kʼawꞈ, nui ma cawˆ gaˇ maˬ keuˆ-aˬ siˬ.

Yeˬlaˬmiˇ 49:24

Daˬmaˬsehˇ meuˬ-ahˇ jawˇ-eu tsawˇ haˬ deuˬ nui ma baˬ laˇ-awˇ, guˆ-eu miˇ neh cehˆ jiˇ-euˬ meh. Aˬ nyiˇ ciˬ luꞈ-eu zaˬ miˬ zaˬ tiˬ gʼaˬ loꞈ-ehˇ, aˬ yawꞈ maꞈ shaˬ zahˬ naꞈ-eu meh.

Yeˬlaˬmiˇ 10:20

Nga maꞈ-euˬ sehˬ gʼawˆ deuˬ coˬ pyaˆ jiˇ-awˇ, aˇ neˬ aˇ caˆ deuˬ tsehˆ-iˇ jiˇ-euˬ meh. Nga maꞈ-euˬ zaˬ iˇ byoˆ jiˇ-awˇ, sehˬ gʼawˆ paˇ ciˬ tuˇ-eu tsawˇ haˬ maˬ paˇ jawˇ-ehˇ, saˬ paˇ lawˆ kaˬ sheu taw-eu gʼaˬ maˬ paˇ jawˇ meh.”

Yeˬlaˬmiˇ 4:20

Shaˬ zahˬ tiˬ hmˬ kʼoeˇ taˆ tiˬ hmˬ ciˬ tehˬ le-awˇ, miˇ kʼahˬ kʼahˬ lah ni cawˆ-iˇ jiˇ-eu ngaˇ. Nga maꞈ-euˬ sehˬ gʼawˆ deuˬ ja pyuˬ ni pyaˆ-iˇ-awˇ, lawˆ kaˬ saˬ paˇ deuˬ pyaˬ-iˇ jiˇ-euˬ meh.

Iˇsaˬyaˇ 60:7

Geˬdaˬ meuˬ hawˇ-eu Neˬbaˬyoˇ meuˬ-ahˇ kʼaˇ jawˇ-eu yawˇ deuˬ, lawˇ-eu shehˇ-eu gʼaˇ duˬ nawˇ jawˇ gaˇ teh keuˆ laꞈ jiˇ-awˇ, lawˇ duˬ kʼoeˇ taˆ Sahˬpaˬ Miˬyehˇ-ahˇ ya lawˇ nehˬ tehꞈ-a. Sahˬpaˬ Miˬyehˇ aˬ yawꞈ-euˬ Uˬ duˬ tahˬ nymˇ nymˇ ma-ahˇ, dzeuˇ laˇ ngeh naˆ maˬ tseˇ yaw shehꞈ kʼahˬ sehˇ bi huiˬ tehꞈ-a.

Iˇsaˬyaˇ 13:20

Tsawˇ haˬ tiˬ gʼaˬ-iˬ kʼoeˇ gaˇ maˬ jawˇ-ehˇ pyeuꞈ-iˇ-awˇ, Aˬlaˆ tsawˇ haˬ kʼoeˇ gaˇ sehˬ gʼawˆ gʼawˆ-awˇ maˬ paˇ naˬ-ehˇ, yawˇ bo laˇ-eu tsawˇ haˬ maˬ jawˇ-ehˇ pyeuꞈ-iˇ tehꞈ-a.

Jaceuq 31:13

Muiˇ-eu deuˬdawˬsaˆsaˆkʼoeˬ-eu, ngaˬ-euˬnaˬbawˇ-ahˇgaˬle-awˇ, guˆ-eu jeˬtiˬjawˬ oe miˇ-a. Aˬyawꞈmaꞈtiˬgaˇuiˬleˇ-awˇ, ngaˬ-ahˇsehꞈ-eu bawˬkʼoeˬluꞈmeh.

Yawˇbaˆ 1:3

Yawˇ shiꞈ heˇ mawˇ, law taw smˬ heˇ mawˇ, mawˇ neˇ ngaˬ yaˇ gu hawˇ-eu, mahˬ tahˬ laˆ ngaˬ yaˇ mawˇ jawˇ-eu meh. Aˬ yawꞈ-aˬ, zaˬ kʼaˆ kʼawꞈ gʼawˬ mya ni jawˇ-awˇ, nahˇ ma doˆ kʼehˬ paw coeˇ-ahˇ aˬ cawˬ naˆ maˬ tseˇ smˇ muiˬ muiˬ-eu gʼaˬ pyeuꞈ-eu meh.

Yaˇ kʼaˬ daˇ 8:26

Giˇdoˬ neh shaˇ uiˬ-euˬ naˬ bawˇ naˬ yoˆ dawˬ tawˆ luꞈ, tseˇ nyiꞈ jawꞈ-i ehˇ gʼaˬ ni byah-eu meh. Kʼoeˇ-euˬ laꞈ kʼoeˇ, myawˬ guˇ deuˬ, lawˇ dah deuˬ, Miˇdiˬyaˬ sahˬ paˬ deuˬ dm-eu neˇ naˆ naˆ-eu mehˬ tsoeˬ deuˬ hawˇ-eu, law taw-euˬ kawˬ lahˇ-ahˇ bi geuꞈ-euˬ lahˇ baˆ deuˬ kʼawꞈ, maˬ ahˇ leˇ-aˬ siˬ.

Yaˇ kʼaˬ daˇ 8:21

Zeˬbah hawˇ-eu Zaˬlaˬmoˇnaˬ aˬ nyaꞈ Giˇdoˬ-ahˇ ehˇ-eu, “Nawˬ-euˬ gʼawˇ mawˇ oe-awˇ nga nyaꞈ-ahˇ sehꞈ-awˬ tawˇ. Tsawˇ kʼaˆ ya mˇ-eu gaˇ-ahˇ aˬ jeˬ miˇ neh zaˬ-ahˇ kʼehˇ te.” Kʼoeˇ ngeh, aˬ yawꞈ nyaꞈ-ahˇ Giˇdoˬ sehꞈ-awˇ, aˬ yawꞈ nyaꞈ-euˬ law taw-euˬ kawˬ lahˇ-ahˇ dah luꞈ-eu myawˬ guˇ deuˬ yuˇ geuꞈ-euˬ meh.

Yaˇ kʼaˬ daˇ 7:12

Miˇdiˬyaˬ tsawˇ haˬ, Aˬmaˬlehˇ tsawˇ haˬ hawˇ-eu, nahˇ ma doˆ kʼehˬ paw jawˇ-eu tsawˇ jeuˬ deuˬ, deh kʼawꞈ kʼawꞈ lah ni nyehˇ bahˇ baˬ maꞈ uiˬ leˇ taˬ-euˬ loꞈ-ehˇ jawˇ byah taˬ-awˇ, aˬ yawꞈ maꞈ-euˬ law taw deuˬ kʼawꞈ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaˬ-eu meh.

Yaˇ kʼaˬ daˇ 6:5

Aˬ yawꞈ maꞈ-aˬ, aˬ yawꞈ maꞈ-euˬ jeˬ zaˬ teh-awˇ, aˬ yawꞈ maꞈ-euˬ sehˬ gʼawˆ tawˬ-awˇ oe ngeh, nyehˇ bahˇ baˬ maꞈ loꞈ-ehˇ myaˬ dui dui-eu meh. Aˬ yawꞈ maꞈ hawˇ-eu aˬ yawꞈ maꞈ-euˬ law taw deuˬ maˬ gui jiˇ coeˇ-a. Aˬ yawꞈ maꞈ oe-awˇ miˇ kʼahˬ kʼoeˇ kʼahˬ-ahˇ laˆ luˬ laˆ seˇ-euˬ meh.

Aˇ dahˬ 37:25

Aˬ yawꞈ maꞈ kʼoeˇ loꞈ-ehˇ jahˇ gʼaˬ-awˇ hawˬ dzaˬ luꞈ ngeh, Iˇshaˬmeˬlaˇ tsawˇ haˬ tiˬ muˇ, Giˇlaˆ miˇ kʼahˬ paw neh oe-awˇ, Iˇjiˇtuˆ miˇ kʼahˬ-ahˇ iˇ luꞈ gaˇ aˬ yawꞈ maꞈ ya mawˇ-euˬ meh. Tsawˇ haˬ kʼoeˇ deuˬ-aˬ, tsiˇ yaw saw jeˬ hawˇ-eu aˇ poeˬ kʼaˆ-eu dzaˇ muiˇ dzaˇ sawˇ tawˬ luꞈ-eu law taw deuˬ teh luꞈ-eu meh.

Yeˬlaˬmiˇ 49:5

Naw maꞈ kʼoeˇ taˆ yawˬ paw yawˬ coeˇ na luꞈ guˆ-eu gaˆ-eu jeˬ ngaˇ bi keuˆ le-awˇ, naw maꞈ dawˬ tawˆ luꞈ cehˆ byoˆ jiˇ tehꞈ-a. Yawˬ gʼaˬ na luꞈ uˬ kʼawˇ kʼaˇ buˬ maˬ buˬ cehˆ-awˇ, naw maꞈ-euˬ guiˇ maꞈ kuˇ uiˬ-eu gʼaˬ maˬ jawˇ-ehˇ pyeuꞈ-iˇ tehꞈ-a.