Yeˬlaˬmiˇ 49:28 - Akha

²⁸ Geˬdaˬ tsawˇ jeuˬ gaˇ kawˆ hawˇ-eu Baˬbuˇloˬ sahˬ paˬ Neˬbuˬkaˬneˬzaˬ neh deuˆ gʼaˬ-euˬ miˇ kʼahˬ pyeuꞈ-eu, Haˬzawˇ meuˬ uˆ lahˇ-eu uˬ moˆ jawˇ-eu gahˬ kaˬ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Geˬdaˬ tsawˇ jeuˬ-ahˇ guiˇ deuˆ-awˇ. Nahˇ ma doˆ kʼehˬ paw jawˇ-eu tsawˇ jeuˬ kʼoeˇ jeuˬ-ahˇ laˆ cawˆ nehˬ-awˬ.

Yeˬlaˬmiˇ 49:28 Referans Kwoze

Iˇsaˬyaˇ 11:14

Ehˇ kʼawꞈ, aˬ yawꞈ maꞈ nui ma gm-eu laꞈ kʼoeˇ, nahˇ ma ga kʼehˬ paw-euˬ Piˇliˇtiˆ tsawˇ haˬ-ahˇ guiˇ deuˆ-awˇ, nahˇ ma doˆ kʼehˬ paw jawˇ-eu tsawˇ haˬ deuˬ-euˬ pyuˇ shuiˇ deuˆ geuꞈ tehꞈ-a. Eˬdoˬ miˇ kʼahˬ hawˇ-eu Mawˇbaˆ miˇ kʼahˬ-ahˇ aˬ yawꞈ maꞈ deuˆ gʼaˬ-awˇ, Aˬmoˬ miˇ kʼahˬ aˬ yawꞈ maꞈ-euˬ laꞈ oꞈ awꞈ tehꞈ-a.

Yaˇ kʼaˬ daˇ 6:3

Iˇsaˬleˬlaˆ tsawˇ haˬ deuˬ siˬ yoeˬ kʼaˇ sehˬ ngeh, Miˇdiˬyaˬ tsawˇ haˬ deuˬ bawˇ tsahˬ bawˇ dahˇ-ahˇ jawˇ-eu Aˬmaˬlehˇ tsawˇ haˬ deuˬ nehˬ-ehˇ oe-awˇ, Iˇsaˬleˬlaˆ tsawˇ haˬ deuˬ-ahˇ guiˇ deuˆ le-euˬ meh.

Aˇ dahˬ 25:13

Aˬ yawꞈ-euˬ aˬ li deuˬ-aˬ, Neˬbaˬyoˇ, Geˬdaˬ, Aˬdaˬbeˬlaˇ, Miˇbaˬsaˬ,

Yeˬsaˬgeˬlaˇ 27:21

Aˬleˬbyaˇ tsawˇ haˬ deuˬ hawˇ-eu, Geˬdaˬ miˇ kʼahˬ-ahˇ uˆ lahˇ-eu sahˬ paˬ sahˬ ma deuˬ, yawˇ hawˇ-eu ciꞈ myehꞈ deuˬ teh leꞈ-awˇ, nawˬ-euˬ myawˬ paˇ geuꞈ le-eu meh.

Yeˬlaˬmiˇ 49:14

Kʼoeˇ naˇ, ngaˇ heu loꞈ-ehˇ ehˇ-euˬ ma. “Eˬdoˬ miˇ kʼahˬ-oˇ, Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le taˬ-euˬ meh. Miˇ kʼahˬ tsawˇ jeuˬ deuˬ jawˇ gaˇ aˬ yawꞈ-euˬ gʼaˬ kʼehˇ pyehˬ gʼeh-awˇ, guiˇ maꞈ laˆ uiˬ-awˇ, nawˬ-ahˇ guiˇ deuˆ le-eu gʼaˇ duˬ lehˬ hmˬ-awˬ lehˇ bi tsaꞈ gaˬ-iˇ-euˬ meh.

Yeˬlaˬmiˇ 2:10

Nahˇ ma ga kʼehˬ paw jaˆ luꞈ-eu, Guˇbaˬluˇ iˇ jaw lahˇ-ahˇ iˇ haw-awˬ. Nahˇ ma doˆ kʼehˬ paw jaˆ-eu Geˬdaˬ miˇ kʼahˬ-ahˇ, tsawˇ haˬ pyehˬ-awˇ bi iˇ haw-awˬ. Heu loꞈ-ehˇ gʼeh-eu jeˬ maˬ pyeuꞈ laˇ haw-euˬ gaˇ, naw maꞈ yaw duˬ duˬ-ehˇ ya siˬ tehꞈ-a.

Yeˬlaˬmiˇ 49:33

Haˬzawˇ meuˬ-aˬ, mˬ maˬ maˬ byaˆ zaˇ ziˇ bawˇ tsahˬ aˬ kuiˬ jawˇ-eu kʼaˇ shuiꞈ deh ga bi pyeuꞈ-iˇ ma. Tsawˇ haˬ tiˬ gʼaˬ-iˬ kʼoeˇ gaˇ maˬ paˇ jawˇ leˇ-aˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Iˇsaˬyaˇ 42:11

Kʼaˇ shuiꞈ deh ga hawˇ-eu kʼoeˇ gaˇ jaˆ-eu meuˬ deuˬ, Miˬyehˇ-ahˇ ja ceuˬ-awˬ. Geˬdaˬ tsawˇ haˬ aˬ yawꞈ-ahˇ ja ceuˬ-awˬ. Seˇlaˇ meuˬ-ahˇ jawˇ-eu tsawˇ haˬ deuˬ kʼawꞈ, gawˬ jawˬ uˬ du laˬ kʼaˬ cehˇ-awˇ guˇ-awˬ.

Iˇsaˬyaˇ 21:13

Heu-aˬ, Aˬleˬbyaˇ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Aˬleˬbyaˇ bawˇ tsahˬ-ahˇ sehˬ gʼawˆ gʼawˆ-awˇ yaꞈ-eu, Deˬdaˬ tsawˇ haˬ baw gaꞈ deuˬ-oˇ,

Dawˬ caˇ 1:5

Yeˬluˇsaˬlehˬ meuˬ-euˬ zaˬ miˬ deuˬ-oˇ, ngaˇ shiˬ shaˬ yaw naˆ kʼawꞈ aˇ gʼehˇ muiˬ ma. Geˬdaˬ tsawˇ jeuˬ-euˬ sehˬ gʼawˆ loꞈ-ehˇ naˆ kʼawꞈ, Sawˇlaˬmoˬ-euˬ hawˇ nymˇ-ahˇ lawˆ kaˬ taw-euˬ saˬ paˇ loꞈ-ehˇ aˇ gʼehˇ muiˬ-eu ma.

Yawˇbaˆ 1:3

Yawˇ shiꞈ heˇ mawˇ, law taw smˬ heˇ mawˇ, mawˇ neˇ ngaˬ yaˇ gu hawˇ-eu, mahˬ tahˬ laˆ ngaˬ yaˇ mawˇ jawˇ-eu meh. Aˬ yawꞈ-aˬ, zaˬ kʼaˆ kʼawꞈ gʼawˬ mya ni jawˇ-awˇ, nahˇ ma doˆ kʼehˬ paw coeˇ-ahˇ aˬ cawˬ naˆ maˬ tseˇ smˇ muiˬ muiˬ-eu gʼaˬ pyeuꞈ-eu meh.

1 Laˬsaˬbaˬ 1:29

Iˇshaˬmeˬlaˇ-euˬ aˬ li deuˬ-aˬ, tsawˇ jeuˬ tseˇ nyiꞈ jeuˬ-euˬ aˬ da deuˬ pyeuꞈ laˇ-euˬ meh. Tsawˇ jeuˬ kʼoeˇ tseˇ nyiꞈ jeuˬ-aˬ, (Iˇshaˬmeˬlaˇ-euˬ aˬ li aˬ yuiꞈ yuiꞈ saˬ gʼaˬ-euˬ tsawˇ myahˇ pi luꞈ-eu) Neˬbaˬyoˇ tsawˇ jeuˬ, Geˬdaˬ tsawˇ jeuˬ, Aˬdaˬbeˬlaˇ tsawˇ jeuˬ, Miˇbaˬsaˬ tsawˇ jeuˬ,

Aˇ dahˬ 25:6

Aˬ yawꞈ-euˬ ma nyiˇ deuˬ-euˬ zaˬ deuˬ-ahˇ kʼawꞈ, aˬ yawꞈ maˬ shiˇ mi naˆ-ehˇ laꞈ sawˬ biꞈ yaꞈ-euˬ meh. Kʼoeˇ naˇ, aˬ yawꞈ maꞈ-ahˇ Iˇtsaˆ jawˇ gaˇ neh bi doˆ-iˇ-awˇ, nahˇ ma doˆ kʼehˬ paw bi jawˇ-iˇ-euˬ meh.

Jaceuq 120:5

Naw maꞈ nehˬ-ehˇ jawˇ-euˬ-aˬ, Meˬshehˆ miˇ kʼahˬ-ahˇ jawˇ-eu naˆ ni doeˇ-awˇ, Geˬdaˬ tsawˇ haˬ deuˬ-euˬ tsahˬ-ahˇ jawˇ-eu loꞈ-ehˇ shaˬ miˇ-a.

Yeˬlaˬmiˇ 25:23

Deˬdaˬ meuˬ, Teˬmaˇ meuˬ, Buˇzaˆ meuˬ, hawˇ-eu, uˬ duˬ tsehˇ kahˇ yaw nymˇ nymˇ-ehˇ tehˬ-eu tsawˇ jeuˬ deuˬ,

Yeˬlaˬmiˇ 25:24

Aˬleˬbyaˇ miˇ kʼahˬ-euˬ sahˬ paˬ dawˬ tawˆ luꞈ hawˇ-eu, kʼaˇ shuiꞈ deh yaˇ miˇ kʼahˬ-ahˇ jawˇ keuˬ jawˇ so luꞈ-eu tsawˇ jeuˬ deuˬ-euˬ sahˬ paˬ dawˬ tawˆ luꞈ,