Yeˬlaˬmiˇ 49:23 - Akha

²³ Daˬmaˬsehˇ meuˬ gaˇ kawˆ Sahˬpaˬ Miˬyehˇ heu loꞈ-ehˇ ehˇ-eu meh. “Haˬmaˆ meuˬ hawˇ-eu Aˬpaˆ meuˬ-ahˇ jawˇ-eu tsawˇ haˬ deuˬ, kʼahˬ lahˇ laˇ paˬ-ehˇ gʼeh-eu gaˇ kawˆ ya gaˬ-euˬ miˇ neh, noeˬ shaˬ luꞈ-eu meh. Noeˬ shaˬ noeˬ zahˬ-eu jeˬ iˬ ma laˆ shaˆ iˇ luˆ dzeh-eu loꞈ-ehˇ, aˬ yawꞈ maꞈ kʼoeˇ taˆ keuˆ le-eu miˇ neh, maˬ jawˇ tehˬ coeˇ-a.

Yeˬlaˬmiˇ 49:23 Referans Kwoze

Iˇsaˬyaˇ 10:9

Kaˬsheˬmiˇ meuˬ-ahˇ deuˆ gʼaˬ nehˬ-euˬ loꞈ-ehˇ, Kaˬlaˬnoˬ meuˬ-ahˇ deuˆ gʼaˬ nehˬ-euˬ maˬ ngeuˇ-a loˇ. Haˬmaˆ meuˬ hawˇ-eu Aˬpaˆ meuˬ-ahˇ, tiˬ gaˇ duˇ ni jahˇ nehˬ-awˇ, Saˬmaˬliˆ meuˬ hawˇ-eu Daˬmaˬsehˇ meuˬ-ahˇ, aˬ yawꞈ tiˬ jeˬ bi keuˆ le-euˬ maˬ ngeuˇ-a loˇ.

2 Sahˬpaˬ 18:34

Miˬ yehˇ kʼoeˇ deuˬ aˬ geu paw iˇ byoˆ jiˇ taˬ. Haˬmaˆ meuˬ-euˬ miˬ yehˇ hawˇ-eu Aˬpaˆ meuˬ-euˬ miˬ yehˇ deuˬ aˬ gaˇ iˇ taˬ. Seˬpaˬbeˬ meuˬ, Heˬnaˬ meuˬ hawˇ-eu Iˇbaˬ meuˬ kʼoeˇ deuˬ-euˬ miˬ yehˇ deuˬ aˬ geu paw iˇ byoˆ jiˇ taˬ. Saˬmaˬliˆ meuˬ-ahˇ kʼawꞈ, tiˬ gʼaˬ na neh ka kʼoꞈ nehˬ haw-euˬ jaˆ ta loˇ.

Iˇsaˬyaˇ 57:20

Ehˇ kʼawꞈ, haiˬ-eu tsawˇ haˬ deuˬ-aˬ, iˇ luˆ dzeh-eu maˬ naˬ leˇ-ehˇ, yaw jawꞈ yaw laꞈ beuˬ poˆ doˆ-eu laˆ shaˆ loꞈ-ehˇ, tiˬ jawˇ-iˬ yaw saˇ maˬ oꞈ-a.

Aˇ dahˬ 14:15

Kʼoeˇ gaˇ iˇ keuˆ ngeh, aˬ yawꞈ-euˬ tsawˇ haˬ deuˬ-ahˇ aˇ muˇ biˇ paˆ-awˇ, sahˬ paˬ kʼoeˇ deuˬ-ahˇ uˬ ciꞈ paw deuˆ-awˇ deuˆ gʼaˬ-euˬ meh. Daˬmaˬsehˇ meuˬ laꞈ taˆ paw pyawˬ-ahˇ jaˆ-eu Hawˇbaˬ meuˬ-ahˇ keuˆ ni, sahˬ paˬ kʼoeˇ deuˬ-euˬ mehˬ nah aˬ yawꞈ teh-euˬ meh.

Naˬhmˬ 2:10

Niˇnaˬbeˬ meuˬ laˆ cawˆ jiˇ-awˇ, geuꞈ-eu tiˬ pawꞈ-iˬ maˬ ahˇ-a. Nui ma ga ka byoˆ taˬ jiˇ-awˇ, pawˬ tsuiꞈ yaw dzuˬ dzuˬ jiˇ-euˬ meh. Gʼaˬ tiˬ pawꞈ-iˬ maˬ paˇ ahˇ-ehˇ, myaˆ pyawˬ-ahˇ shiˬ maˬ paˇ dahˬ meh.

2 Sahˬpaˬ 19:13

Haˬmaˆ sahˬ paˬ, Aˬpaˆ sahˬ paˬ, Seˬpaˬbeˬ sahˬ paˬ hawˇ-eu, Iˇsaˬleˬlaˆ sahˬ paˬ kʼoeˇ deuˬ aˬ geu paw iˇ byoˆ iˇ laˆ jiˇ taˬ lehˇ shaˇ noeˬ haw sheˇ.”

Bawˇtsahˬ 13:21

Kʼoeˇ naˇ, tsawˇ haˬ kʼoeˇ deuˬ laꞈ taˆ paw le gʼeh leꞈ-awˇ, laꞈ oˆ paw dzeˇ dzaˬ-ahˇ jaˆ-eu Ziˇnaˆ lehˇ kuˇ-eu bawˇ tsahˬ bawˇ dahˇ-ahˇ neh, laˬ taˆ paw jaˆ-eu Haˬmaˬ meuˬ-ahˇ le-eu gaˇ ma dawˬ peh jaˆ-eu Leˬhawˇbaˆ meuˬ-ahˇ keuˆ ni, miˇ kʼahˬ kʼoeˇ-ahˇ pyehˆ tseˇ haw leˇ-euˬ meh.

Aˇ dahˬ 15:2

Ehˇ kʼawꞈ, Sahˬpaˬ Miˬyehˇ-ahˇ Aˬbyaˬ ehˇ kʼoꞈ nehˬ-eu, “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˇ zaˬ maˬ jawˇ. Ngaˬ-euˬ jeˬ biˇ-ahˇ za paˬ-ehˇ gʼeh-eu tsawˇ haˬ-aˬ, Daˬmaˬsehˇ meuˬ-ahˇ neh oe-euˬ Eˇliˇzaˬ tiˬ gʼaˬ jawˇ-eu tehꞈ ma.

2 Gawˇliˬtu 11:32

Ngaˇ Daˬmaˬsehˇ meuˬ laꞈ kʼoeˇ jawˇ luꞈ ngeh, sahˬ paˬ Aˬleˬdaˇ-euˬ laꞈ oˆ uˆ lahˇ luꞈ-eu gʼaˬ neh ngaˬ-ahˇ bi nyehꞈ-eu gʼaˇ duˬ meuˬ-euˬ lahˇ kʼehˬ-ahˇ bi loꞈ tsoeˬ jiˇ taˬ-euˬ meh.

Gʼaˬkʼehˇ 27:20

Gʼawˬ mya nah gʼawˬ mya miˇ , nahˇ ma hawˇ-eu aˬ guiˇ-ahˇ maˬ ya mawˇ ni jaˬ lehˇ lehˇ ma baw dui dui gaˇ ya daˬ-euˬ miˇ neh, ya buˬ-iˇ-eu gaˇ ma maˬ paˇ dahˇ ngaˇ lehˇ noeˬ jiˇ-euˬ ma.

Gʼaˬkʼehˇ 9:2

Daˬmaˬsehˇ meuˬ-ahˇ jaˆ-eu Yuˇdaˆ tsawˇ haˬ-euˬ uˬ duˬ tahˬ nymˇ deuˬ-ahˇ sahˬ boꞈ bi boꞈ nehˬ-eu gʼaˇ duˬ shaˇ leˇ-euˬ meh. Sahˬpaˬ Yeˬsuˇ-euˬ Gaˇma -ahˇ cah-eu deuˬ-ahˇ kʼoeˇ gaˇ ya mawˇ lawˬ naˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, Yeˬluˇsaˬlehˬ meuˬ-ahˇ nyehꞈ ka leꞈ nya ni sahˬ boꞈ bi boꞈ nehˬ-eu lehˇ shaˇ leˇ-euˬ meh.

Aˬmoˆ 6:2

Kaˬlaˬneˬ meuˬ-ahˇ iˇ-awˇ haw-iˇ-awˬ. Kʼoeˇ naˇ, huiˬ-eu Haˬmaˆ meuˬ-ahˇ iˇ-awˇ, Gaˬdaˇ meuˬ-ahˇ iˇ ka gʼeh-awˬ. Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ naˆ maˬ tseˇ miˇ kʼahˬ kʼoeˇ kʼahˬ muiˬ dzehˬ nga loˇ lehˇ haw-iˇ-awˬ. Aˬ yawꞈ maꞈ-euˬ miˇ kʼahˬ naw maꞈ-euˬ miˇ kʼahˬ naˆ maˬ tseˇ jeˇ ta loˇ.

Iˇsaˬyaˇ 37:13

Haˬmaˆ meuˬ, Aˬpaˆ meuˬ, Seˬpaˬbeˬ meuˬ, Heˬnaˬ meuˬ hawˇ-eu Iˇbaˬ meuˬ kʼoeˇ deuˬ-euˬ sahˬ paˬ deuˬ aˬ geu paw iˇ byoˆ jiˇ-euˬ ta” lehˇ tsaꞈ ahˇ gʼeh-euˬ meh.

Iˇsaˬyaˇ 13:7

Kʼoeˇ miˇ neh tsawˇ haˬ dawˬ tawˆ luꞈ laꞈ shiˇ shiˇ-awˇ, nui ma ga ka jiˇ tehꞈ-a.

Iˇsaˬyaˇ 11:11

Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.

2 Laˬsaˬbaˬ 16:2

Kʼoeˇ ngeh jawˇ, Uˬ duˬ tahˬ nymˇ nymˇ ma hawˇ-eu sahˬ paˬ-euˬ nymˇ-ahˇ kʼaˇ jaˆ-eu pyuˇ hawˇ-eu shuiˇ deuˬ-ahˇ Aˬsaˬ yuˇ jiˇ-awˇ, Daˬmaˬsehˇ meuˬ-ahˇ jawˇ-eu Suˇliˆ miˇ kʼahˬ-euˬ sahˬ paˬ Beˬhaˬdaˇ jawˇ gaˇ bi biꞈ leˇ-awˇ, heu loꞈ-ehˇ bi tsaꞈ gaˬ leˇ-euˬ meh.

2 Sahˬpaˬ 17:24

Aˬshuˇliˆ sahˬ paˬ-aˬ, Baˬbuˇloˬ meuˬ, Guˇdaˆ meuˬ, Iˇbaˬ meuˬ, Haˬmaˆ meuˬ, Seˬpaˬbeˬ meuˬ heu deuˬ-ahˇ jawˇ-eu tsawˇ haˬ deuˬ sheuˬ-awˇ, aˬ yawꞈ neh nyehꞈ daˆ gʼeh-euˬ Iˇsaˬleˬlaˆ tsawˇ haˬ kʼoeˇ deuˬ-euˬ jawˇ duˬ pyeuꞈ-eu Saˬmaˬliˆ meuˬ-ahˇ bi jawˇ-euˬ meh. Tsawˇ haˬ kʼoeˇ deuˬ meuˬ kʼoeˇ deuˬ laꞈ kʼoeˇ jawˇ geuꞈ le-euˬ meh.

1 Sahˬpaˬ 11:24

Aˬ yawꞈ-aˬ, haiˬ-eu tsawˇ haˬ aˇ maꞈ tiˬ maꞈ-euˬ aˬ yuiꞈ pyeuꞈ laˇ-euˬ meh. (Haˬdaˬdeˬzaˬ-ahˇ Daˬbiˇ guiˇ deuˆ gʼaˬ-awˇ aˬ yawꞈ-ahˇ nui ma taꞈ-eu Suˇliˆ tsawˇ haˬ deuˬ-ahˇ sehꞈ jiˇ nehˬ gʼaˬ miˇ tsa, Leˬzoˇ kʼoeˇ loꞈ-ehˇ pyeuꞈ laˇ-euˬ meh.) Leˬzoˇ hawˇ-eu aˬ yawꞈ-euˬ tsawˇ haˬ deuˬ Daˬmaˬsehˇ meuˬ-ahˇ jawˇ leˇ-awˇ, aˬ yawꞈ-euˬ tsawˇ haˬ deuˬ neh aˬ yawꞈ-ahˇ Suˇliˆ sahˬ paˬ ka nehˬ-euˬ meh.

2 Saˬmeuˬlaˆ 17:10

Kʼoeˇ ngeh, aˇ laˬ jaˬ shiˇ loꞈ-ehˇ kʼaˬ-eu tsawˇ haˬ deuˬ kʼawꞈ, guˆ-eu nui ma ahˇ laˇ tehꞈ-a. Aˬ jeˬ miˇ neh ehˇ naˇ, nawˬ da-aˬ, guiˇ deuˆ-eu nya dui dui-awˇ, aˬ yawꞈ-euˬ tsawˇ haˬ deuˬ kʼawꞈ kʼaˆ dui dui-eu meh.

2 Saˬmeuˬlaˆ 8:9

Haˬdaˬdeˬzaˬ-euˬ guiˇ maꞈ dawˬ tawˆ luꞈ-ahˇ Daˬbiˇ deuˆ gʼaˬ-euˬ gaˇ kawˆ, Haˬmaˆ meuˬ-ahˇ jawˇ-eu sahˬ paˬ Tawˇiˆ ya gaˬ-euˬ meh.

Yawˇshuˆ 14:8

Ngaˬ nehˬ-ehˇ tiˬ kawˆ loꞈ-ehˇ kʼoeˬ sho haw laˇ-euˬ tsawˇ haˬ deuˬ-aˬ, aˬ dui-euˬ tsawˇ haˬ deuˬ guˆ ni, ja guˆ-euˬ meh. Ehˇ kʼawꞈ, ngaˇ gʼaˬ-aˬ, ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ dawˬ-ahˇ saˇ jaˇ ziꞈ-awˇ, aˬ yawꞈ-euˬ dawˬ-ahˇ naˇ haˬ geuꞈ-euˬ ma.

Yawˇshuˆ 2:11

Gaˇ kawˆ kʼoeˇ ya gaˬ-euˬ nehˬ-ehˇ nga maꞈ guˆ guˆ-ehˇ jawˇ-euˬ ma. Naw maꞈ baˬ da neh nga maꞈ nui ma gʼaˬ baˬ dui dui luꞈ-eu ma. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, mˬ kʼoeˇ taˆ maˬ ehˇ, miˇ tsaˬ kʼoeˇ taˆ maˬ ehˇ, uˆ lahˇ-eu Miˬyehˇ pyeuꞈ-eu meh.

Dawˬmehˬ 20:8

“Kʼoeˇ naˇ, guiˇ maꞈ-ahˇ uˆ lahˇ-eu yaw huiˬ geuꞈ-eu deuˬ heu loꞈ-ehˇ paˇ ya ehˇ meh. ‘Guˆ nya-eu tsawˇ haˬ keuˬ te loˇ. Keuˬ naˇ, gʼoꞈ-iˇ-awˬ. Maˬ ngeuˇ naˇ, aˬ yawꞈ baˬ da neh nui deuˬ gʼaˬ baˬ laˇ tehꞈ-a’ lehˇ paˇ ya ehˇ meh.

Doˆ-iˇ 15:15

Eˬdoˬ tsawˇ jeuˬ aˬ yuiꞈ aˬ tsu deuˬ tsawˬ guˆ-iˇ-euˬ meh. Mawˇ baˆ tsawˇ haˬ baoˬ ahˇ-eu deuˬ yaw dzuˬ dzuˬ meh. Kaˬnaˬ miˇ kʼahˬ laꞈ kʼoeˇ jawˇ-eu tsawˇ haˬ deuˬ guˆ-eu nui ma ahˇ laˇ-euˬ meh.

2 Sahˬpaˬ 5:12

Kʼoeˇ uˬ taꞈ, Suˇliˆ miˇ kʼahˬ-ahˇ yoeˇ-eu Aˬbaˬnaˬ lawˇ baˬ hawˇ-eu Paˬpaˬ lawˇ baˬ-aˬ, Iˇsaˬleˬlaˆ miˇ kʼahˬ-ahˇ yoeˇ-eu lawˇ baˬ dawˬ tawˆ luꞈ naˆ maˬ tseˇ muiˬ dzehˬ-eu maˬ ngeuˇ-a loˇ. Lawˇ baˬ kʼoeˇ deuˬ-ahˇ ngaˇ dzuiꞈ shawˇ kʼawꞈ, ngaˬ-euˬ naˇ gawˇ taˬ leˇ nya tehꞈ-a.”

Iˇsaˬyaˇ 7:8

Suˇliˆ miˇ kʼahˬ kʼawꞈ, aˬ yawꞈ maꞈ-euˬ meuˬ meuˬ ma pyeuꞈ-eu Daˬmaˬsehˇ meuˬ taꞈ-ehˇ maˬ paˇ kʼaˆ dzehˬ-ehˇ, Daˬmaˬsehˇ meuˬ kʼawꞈ, sahˬ paˬ Leˬzeˬ aˬ yawꞈ-eu mawˇ do taꞈ-ehˇ maˬ paˇ kʼaˆ dzehˬ-aˇ. Iˇsaˬleˬlaˆ miˇ kʼahˬ-aˬ, mehˬ hu paw koꞈ tseˇ ngaˬ kʼoꞈ laꞈ kʼoeˇ, miˇ kʼahˬ tiˬ kʼahˬ maˬ paˇ pyeuꞈ ni pyaˆ-iˇ shaˆ-iˇ jiˇ tehꞈ-a.

Iˇsaˬyaˇ 36:19

Haˬmaˆ miˬ yehˇ hawˇ-eu Aˬpaˆ miˬ yehˇ, nymˬ-mˇ aˬ geu paw cehˆ byoˆ-awˇ jawˇ ta. Sheˬpaˬbeˬ miˬ yehˇ deuˬ aˬ geu gaˇ iˇ byoˆ jiˇ-euˬ ta.

Yeˬlaˬmiˇ 39:5

Ehˇ kʼawꞈ, Baˬbuˇloˬ guiˇ maꞈ deuˬ aˬ yawꞈ maꞈ mehˬ nah teh-awˇ, Yeˬliˇkoˇ meuˬ dawˬ peh jaˆ-eu deh ga-ahˇ, Zeˬdaˬkiˇ-ahˇ nyehꞈ-euˬ meh. Kʼoeˇ naˇ, Haˬmaˆ gahˬ kaˬ-ahˇ jaˆ-eu Yiˇbaˬlahˬ meuˬ-ahˇ jawˇ luꞈ-eu sahˬ paˬ Neˬbuˬkaˬneˬzaˬ jawˇ gaˇ aˬ yawꞈ-ahˇ nyehꞈ gʼeh-euˬ meh. Kʼoeˇ gaˇ, Neˬbuˬkaˬneˬzaˬ neh aˬ yawꞈ-ahˇ yaˇ kʼaˬ daˇ nehˬ-euˬ meh.

Yeˬsaˬgeˬlaˇ 27:18

Nawˇ myawˬ gahˬ gʼawˬ mya jeˬ jahˇ doˆ-awˇ, maˬ ehˇ jiˇ coeˇ ni myawˬ gahˬ jaˆ myaˬ-eu miˇ neh, Daˬmaˬsehˇ meuˬ-ahˇ jawˇ-eu tsawˇ haˬ deuˬ nawˬ nehˬ-ehˇ gaꞈ taꞈ ka taꞈ-awˇ, Heˬlaˬboˬ meuˬ-ahˇ doˆ-eu aˬ gaꞈ dzaˇ uiˇ hawˇ-eu, Saˬhaˬlaˆ meuˬ-ahˇ doˆ-eu yawˇ caꞈ hm hehˇ ahˇ leꞈ-eu meh.