Yeˬlaˬmiˇ 49:19 - Akha

¹⁹ Yawˇdaˬ lawˇ baˬ gawˆ taw sahˬ kʼaˆ uˬ moˆ jawˇ-eu aˇ laˬ jaˬ shiˇ, jeˬ zaˬ gaˆ kʼahˬ-ahˇ tsawˬ doˆ laꞈ-eu loꞈ-ehˇ ngaˇ oe-awˇ, Eˬdoˬ tsawˇ haˬ deuˬ aˬ yawꞈ maꞈ-euˬ miˇ kʼahˬ-ahˇ byehˇ-awˇ tehˬ law tsaˇ law-ehˇ bi cehˆ byaˆ ma. Kʼoeˇ naˇ, ngaˬ neh tseˇ doˆ-euˬ tsawˇ haˬ, miˇ kʼahˬ kʼoeˇ kʼahˬ-ahˇ paˇ bi uˆ lahˇ ma. Ngaˬ-ahˇ yawꞈ cehˆ haw laˇ peuˬ-eu aˬ suˇ gʼaˬ jawˇ ta. Ngaˬ-ahˇ ciˬ daˬ laˇ peuˬ-eu aˬ suˇ gʼaˬ jawˇ ta. Ngaˬ-ahˇ jahˇ gʼeh haw peuˬ-eu sahˬ paˬ sahˬ ma aˬ gaˇ jawˇ ta.

Yeˬlaˬmiˇ 49:19 Referans Kwoze

Yeˬlaˬmiˇ 12:5

Sahˬpaˬ Miˬyehˇ ehˇ-eu, “Yeˬlaˬmiˇ nawˇ tsawˇ haˬ zaˬ-ahˇ cehˆ ceh ceh-eu gʼaˬ doeˇ doeˇ naˇ, mahˬ nehˬ-ehˇ aˬ joˆ-ehˇ cehˆ ceh ceh nmˇ. Juˇ tsui ni gʼeh-eu deh ga-ahˇ nawˇ coˬ-iˇ naˇ, Yawˇdaˬ lawˇ baˬ gawˆ taw bawˇ tsahˬ bawˇ dahˇ laꞈ kʼoeˇ, nawˇ aˬ joˆ-ehˇ yawꞈ ziꞈ nya nmˇ.

Yeˬlaˬmiˇ 30:21

Aˬ yawꞈ maꞈ-ahˇ yawˬ ha-euˬ tsawˇ jeuˬ neh bi sheuˬ gʼeh-awˇ, yawˬ ha-euˬ tsawˇ haˬ neh bi uˆ lahˇ ma. Aˬ yawꞈ-ahˇ ngaˇ kuˇ-eu miˇ neh, ngaˬ-euˬ dawˬ peh aˬ yawꞈ jiˆ laˇ tehꞈ-a. Ngaˬ neh maˬ kuˇ-euˬ tsawˇ haˬ zaˬ, dawˬ peh jiˆ laˇ peuˬ meh loˇ lehˇ, ngaˇ Sahˬpaˬ Miˬyehˇ ehˇ-eu ma.

Yawˇbaˆ 41:10

Aˬ yawꞈ-ahˇ nui ma laˆ pehˇ naˇ, guˆ dui dui laˇ paˬ-ehˇ gʼeh-awˇ, aˬ yawꞈ mehˬ shi tsawˇ haˬ tiˬ gʼaˬ-iˬ maˬ yawꞈ tehˬ peuˬ-a.

Yawˇbaˆ 9:19

Gʼaˬ-ahˇ gʼoe-awˇ aˬ yawꞈ nehˬ-ehˇ ngaˇ dawꞈ ceh ceh-eu loˇ. Aˬ yawꞈ nehˬ-ehˇ yaˇ kʼaˬ daˇ-eu nymˇ-ahˇ iˇ ni aˬ suˇ gʼaˬ laˆ luˆ peuˬ nmˇ.

Doˆ-iˇ 15:11

“Sahˬpaˬ Miˬyehˇ-oˇ, miˬyehˇ heu myaˆ ni gʼeh-eu laꞈ kʼoeˇ aˬ geu gʼaˬ nawˬ-ahˇ duˇ ta. Muiˬ-eu shawˇ-eu paw zahˬ leˇ paˬ-ehˇ gʼeh-eu, Nawˇ loꞈ-ehˇ aˬ suˇ gʼaˬ jawˇ ta. Zahˬ leˇ paˬ-ehˇ gʼeh-eu jeˬ hawˇ-eu baoˬ huiˬ-eu gaˇ mˇ nya-eu, nawˇ loꞈ-ehˇ aˬ suˇ gʼaˬ jawˇ ta.

Panmaeq 6:17

Guˆ dui dui laˇ paˬ-ehˇ gʼeh-eu aˬ yawꞈ nyaꞈ nui ma pehˇ-eu aˇ nah keuˆ le taˬ-euˬ gaˇ, aˬ suˇ gʼaˬ yawꞈ daˬ coeˇ paˬ nga.”

Zaˬkaˬliˇ 11:3

Sahˬ paˬ sahˬ ma geuꞈ luꞈ-eu deuˬ, yaw shehꞈ kʼahˬ sehˇ byoˆ jiˇ-euˬ gaˇ, noeˬ shaˬ dui dui-awˇ ngoeˇ luꞈ meh. Yawˇdaˬ gawˆ taw sahˬ kʼaˆ kʼahˬ jeˬ, byoˆ laˇ-aˬ, jawˇ zaˇ shaˬ laˇ-awˇ, aˇ laˬ jaˬ shiˇ deuˬ joeˬ luꞈ meh.

Naˬhmˬ 1:6

Aˬ yawꞈ nui ma pehˇ-eu jeˬ-ahˇ, dehꞈ dzeuˇ nya-eu aˬ suˇ jawˇ ta. Nui pehˇ miˬ lmˇ shehˆ daˆ leꞈ ngeh, lo gahˬ lo guˇ byaˆ ka le-awˇ, kʼaˬ lehˇ loꞈ-ehˇ meuˇ jiˇ-eu meh.

Yeˬlaˬmiˇ 4:7

Dzuˇ zaꞈ taˬ-euˬ aˇ laˬ jaˬ shiˇ coeˬ doˆ leꞈ-eu loꞈ-ehˇ, miˇ kʼahˬ tsawˇ jeuˬ-ahˇ laˆ cawˆ-eu gʼaˬ oe luꞈ meh. Yuˇdaˆ miˇ kʼahˬ-ahˇ laˆ cawˆ-eu lehˇ aˬ yawꞈ oe luꞈ meh. Yuˇdaˆ miˇ kʼahˬ-euˬ meuˬ deuˬ ya cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Iˇsaˬyaˇ 40:25

Miˬyehˇ-ahˇ aˬ suˇ gʼaˬ nehˬ-ehˇ shaˇ cehˆ haw nmˇ. Aˬ yawꞈ-ahˇ duˇ-eu jawˇ meh loˇ.

Jaceuq 143:2

Nawˬ-euˬ zaˬ kʼaˆ pyeuꞈ-eu ngaˬ-ahˇ, yaˇ kʼaˬ taˬ daˇ nehˬ laꞈ. Nawˬ-euˬ mehˬ shi yaw tsaˬ yaw dawˇ tiˬ gʼaˬ-iˬ maˬ jawˇ-a.

Jaceuq 89:8

Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ loꞈ-ehˇ baoˬ huiˬ-eu tiˬ gʼaˬ-iˬ maˬ jawˇ-a. Sahˬ paˬ Miˬ yehˇ-oˇ, yawˬ jeˬ na luꞈ laꞈ kʼoeˇ nawˇ saˇ jaˇ ziꞈ-eu meh.

Jaceuq 89:6

Sahˬpaˬ Miˬyehˇ-oˇ, mˬ kʼoeˇ taˆ nawˬ-ahˇ duˇ-eu tiˬ gʼaˬ-iˬ maˬ jawˇ-a. Mˬ taˆ zaˬ deuˬ nawˇ loꞈ-ehˇ tiˬ gʼaˬ-iˬ maˬ bym-a.

Jaceuq 76:7

Sahˬpaˬ Miˬyehˇ-oˇ, tsawˇ haˬ dawˬ tawˆ luꞈ nawˬ-ahˇ guˆ-awˇ, nawˇ nui ma pehˇ ngeh nawˬ-eu mehˬ shi tiˬ gʼaˬ-iˬ maˬ jawˇ tehˬ peuˬ-a.

Yawˇbaˆ 9:21

Ngaˇ iˬ baˇ maˬ-ahˇ. Ehˇ kʼawꞈ, yawˬ ngehꞈ meh. Yaw dehꞈ maˬ paˇ dehꞈ nahˇ miˇ-a.

1 Laˬsaˬbaˬ 12:15

Tiˬ kʼoꞈ tiˬ poˆ ba la yaw beh siˬ-ahˇ Yawˇdaˬ lawˇ baˬ iˇ jeuˬ jeuˬ ngeh, aˬ yawꞈ maꞈ lawˇ baˬ tsehˆ-awˇ, lawˇ baˬ-euˬ nahˇ ma doˆ kʼehˬ ga kʼehˬ-ehˇ, kʼoeˇ baˬ heu baˬ-ahˇ jaˆ-eu deh ga-ahˇ kʼaˇ jawˇ-eu tsawˇ haˬ deuˬ, tsawˬ guˆ-iˇ-awˇ bi cehˆ byaˆ-eu meh.

Bawˇtsahˬ 16:5

Kʼoeˇ naˇ, Kawˇlaˆ hawˇ-eu Kawˇlaˆ-euˬ mehˬ nah caw teh-eu tsawˇ haˬ deuˬ-ahˇ aˬ yawꞈ ehˇ nehˬ-eu, “Aˬ geu gʼaˬ Sahˬpaˬ Miˬyehˇ-euˬ tsawˇ haˬ pyeuꞈ-eu gaˇ kawˆ, Sahˬpaˬ Miˬyehˇ aˬ dui-ahˇ ni shawˬ uˬ shawˬ bi siˬ bi mawˇ laꞈ tehꞈ-a. Aˬ yawꞈ neh tseˇ doˆ-euˬ aˬ yawꞈ-euˬ tsawˇ haˬ pyeuꞈ-eu gʼaˬ-ahˇ, lawˇ duˬ-ahˇ aˬ yawꞈ jawˇ-eu dawˬ peh bi le laꞈ tehꞈ-a.

Iˇsaˬyaˇ 46:9

Aˇ hu pyeuꞈ dzeuˇ-euˬ gaˇ kawˆ noeˬ mawˇ-awˬ. Ngaˇ tehꞈ-ehˇ Miˬyehˇ pyeuꞈ-eu siˬ nya-awˇ, ngaˬ-ahˇ duˇ-eu nui gʼaˬ maˬ jawˇ-eu siˬ duˬ-awˬ.

2 Laˬsaˬbaˬ 20:6

heu loꞈ-ehˇ guˇ guˇ-ehˇ guiˬ lahˬ shaˇ-euˬ meh. “Nga maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ mˬ kʼoeˇ taˆ jawˇ-awˇ miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ kʼoeˇ taˆ uˆ lahˇ luꞈ-eu meh. Nawˇ-aˬ, baoˬ huiˬ dui dui-eu miˇ neh, nawˬ-ahˇ tiˬ gʼaˬ-iˬ maˬ ciˬ daˬ peuˬ-a.

Jaceuq 76:8

Nawˇ mˬ kʼoeˇ taˆ neh yaˇ kʼaˬ daˇ-awˇ, miˇ tsaˬ zaˬ dawˬ tawˆ luꞈ guˆ-awˇ ciˬ cuˇ ni jawˇ-eu meh.

Yeˬlaˬmiˇ 25:9

Laꞈ taˆ paw miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ hawˇ-eu, Baˬbuˇloˬ sahˬ paˬ pyeuꞈ-eu ngaˬ-euˬ zaˬ kʼaˆ Neˬbuˬkaˬneˬzaˬ-ahˇ ngaˇ kuˇ uiˬ ma. Yuˇdaˆ miˇ kʼahˬ hawˇ-eu kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ-ahˇ maˬ ehˇ, dawˬ peh jawˇ-eu tsawˇ jeuˬ deuˬ-ahˇ maˬ ehˇ, guiˇ bi deuˆ-eu gʼaˇ duˬ tsawˇ haˬ kʼoeˇ deuˬ-ahˇ ngaˇ pyehˬ gʼeh leꞈ ma. Miˇ kʼahˬ heu kʼahˬ hawˇ-eu dawˬ peh jaˆ-eu miˇ kʼahˬ deuˬ-ahˇ ngaˇ laˆ cawˆ-awˇ, tsawˬ guˆ-iˇ paˬ-ehˇ bi jaˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Daˬyeˬlaˇ 7:4

Yaw beh mawˇ-aˬ, aˇ laˬ jaˬ shiˇ-ahˇ duˇ-eu meh. Ehˇ kʼawꞈ, kʼaˬ dzeˇ dzeˇ ma loꞈ-ehˇ aˬ dahˇ tsoꞈ-eu meh. Ngaˇ haw haw-ehˇ jawˇ ngeh, aˬ dahˇ kʼoeˇ ga-iˇ jiˇ-awˇ, tuˇ laˇ-awˇ tsawˇ haˬ loꞈ-ehˇ gawˬ yawꞈ yawꞈ laˇ-euˬ meh. Kʼoeˇ naˇ aˬ yawꞈ laꞈ kʼoeˇ tsawˇ haˬ zaˬ-euˬ nui ma ahˇ laˇ-euˬ meh.