Yeˬlaˬmiˇ 49:18 - Akha

¹⁸ Sawˇdoˬ meuˬ, Gawˇmawˇlaˆ meuˬ hawˇ-eu, dawˬ peh jaˆ-eu meuˬ deuˬ-ahˇ laˆ cawˆ nehˬ ngeh keuˆ le-euˬ loꞈ-ehˇ, Eˬdoˬ miˇ kʼahˬ kʼoeˇ taˆ keuˆ le tehꞈ-a. Tsawˇ haˬ tiˬ gʼaˬ-iˬ maˬ jawˇ ni pyeuꞈ-iˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬlaˬmiˇ 49:18 Referans Kwoze

Yeˬlaˬmiˇ 49:33

Haˬzawˇ meuˬ-aˬ, mˬ maˬ maˬ byaˆ zaˇ ziˇ bawˇ tsahˬ aˬ kuiˬ jawˇ-eu kʼaˇ shuiꞈ deh ga bi pyeuꞈ-iˇ ma. Tsawˇ haˬ tiˬ gʼaˬ-iˬ kʼoeˇ gaˇ maˬ paˇ jawˇ leˇ-aˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Dawˬmehˬ 29:23

Naw maꞈ-euˬ miˇ kʼahˬ kʼahˬ lah ni, miˬ dzaˇ dzaˇ shuiˇ hawˇ-eu saˬ deuꞈ tehꞈ-ehˇ byah jiˇ-awˇ, gaˇ dahˇ maˬ tsoeˬ ni pyeuꞈ-iˇ tehꞈ-a. Tiˬ jeˬ-iˬ maˬ ka dzaˬ nya-eu uˬ taꞈ, yaˇ moꞈ kʼawꞈ maˬ dehꞈ ni pyeuꞈ-iˇ tehꞈ-a. Naw maꞈ-euˬ miˇ kʼahˬ-aˬ, Sahˬpaˬ Miˬyehˇ nui ma pehˇ dui dui-eu laꞈ kʼoeˇ laˆ luˬ laˆ seˇ nehˬ-euˬ Sawˇdoˬ meuˬ, Gawˇmawˇlaˆ meuˬ, Aˬdaˬmaˬ meuˬ hawˇ-eu, Zeˬbaiˬ meuˬ heu deuˬ loꞈ-ehˇ pyeuꞈ-iˇ tehꞈ-a.

Zeˬpaˬniˇ 2:9

Ngaˇ Baoˬ huiˬ-eu Sahˬpaˬ Miˬyehˇ, Iˇsaˬleˬlaˆ tsawˇ jeuˬ kʼoeˇ taˆ, Miˬyehˇ kʼaˇ pyeuꞈ luꞈ kʼoeˇ keuˆ ni, Mawˇbaˆ hawˇ-eu Aˬmoˬ tsawˇ jeuˬ, Sawˇdoˬ Gawˇmawˇlaˆ meuˬ loꞈ-ehˇ, kʼehˬ nehˬ kʼaˆ nehˬ gaˇ bi daˬ ma. Saˬ deuꞈ duˬ kʼahˬ pyeuꞈ-iˇ jiˇ-awˇ, yaˇ moꞈ neh bi uˆ tehˬ byoˆ-awˇ, yaˇ ziˇ yaw cawˆ-ehˇ jaˆ tehꞈ-a. Buˬ-iˇ-euˬ ngaˬ-euˬ tsawˇ haˬ deuˬ, miˇ kʼahˬ kʼoeˇ deuˬ ya geuꞈ tehꞈ-a.”

Aˬmoˆ 4:11

“Sawˇdoˬ meuˬ hawˇ-eu Gawˇmawˇlaˆ meuˬ-ahˇ ngaˇ laˆ cawˆ nehˬ-euˬ loꞈ-ehˇ, naw maꞈ tiˬ paˆ na deuˬ-ahˇ ngaˇ laˆ cawˆ nehˬ-euˬ ma. Naw maꞈ laꞈ kʼoeˇ kʼaˇ dzeuˇ-iˇ-euˬ deuˬ-aˬ, miˬ dzaˬ puiˆ luꞈ gaˇ gʼeu doˆ-euˬ doꞈ luꞈ-eu daˇ kawˬ-ahˇ duˇ-eu meh. Ehˇ kʼawꞈ, naw maꞈ ngaˇ jawˇ gaˇ maˬ gʼoꞈ poˆ laˇ-a” lehˇ Sahˬpaˬ Miˬyehˇ ehˇ-eu meh.

Yeˬlaˬmiˇ 50:40

Sawˇdoˬ hawˇ-eu Gawˇmawˇlaˆ meuˬ-ahˇ, dawˬ peh jaˆ-eu meuˬ deuˬ nehˬ-ehˇ tiˬ kawˆ loꞈ-ehˇ ngaˇ laˆ cawˆ nehˬ ngeh keuˆ le-euˬ jeˬ, Baˬbuˇloˬ meuˬ kʼoeˇ taˆ keuˆ le tehꞈ-a. Tsawˇ haˬ tiˬ gʼaˬ-iˬ kʼoeˇ gaˇ maˬ paˇ jawˇ-aˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yuˇdaˆ 1:7

Sawˇdoˬ meuˬ, Gawˇmawˇlaˆ meuˬ hawˇ-eu dawˬ peh jaˆ-eu meuˬ kʼoeˇ deuˬ-euˬ gaˇ kawˆ shaˇ noeˬ haw sheˇ. Kʼoeˇ gaˇ jawˇ-euˬ tsawˇ haˬ kʼoeˇ deuˬ mˬ taˆ gʼaˬ kʼehˇ kʼoeˇ deuˬ loꞈ-ehˇ dehꞈ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ hawˇ-eu bahˬ dui jawꞈ dui dui-eu jeˬ mˇ-euˬ meh. Tsawˇ haˬ zaˬ dawˬ tawˆ luꞈ-ahˇ bi siˬ leˇ-eu gʼaˇ duˬ, mˬ maˬ maˬ byaˆ zaˇ ziˇ miˬ dzaˬ neh aˬ yawꞈ maꞈ-ahˇ kʼehˬ nehˬ kʼaˆ nehˬ-euˬ meh.

2 Beˬtuˆluˆ 2:6

Sawˇdoˬ meuˬ hawˇ-eu Gawˇmawˇlaˆ meuˬ-ahˇ kʼawꞈ, miˬ dzaˬ bi puiˆ byoˆ-euˬ meh. Kʼoeˇ-aˬ, Miˬyehˇ-ahˇ yaw zeu maˬ baw-eu tsawˇ haˬ deuˬ kʼoeˇ taˆ aˬ joˆ-ehˇ keuˆ le-eu gaˇ kʼawˆ, aˬ yawꞈ maꞈ bi dzaw geuꞈ-eu gʼaˇ duˬ mˇ mehˬ-euˬ jeˬ pyeuꞈ-eu meh.

Iˇsaˬyaˇ 34:10

Uˬ ciꞈ nah gʼahˇ maˬ ehˇ puiˆ-eu miˇ neh, mˬ maˬ maˬ byaˆ zaˇ ziˇ uˬ kʼoeˬ doˆ luꞈ tehꞈ-a. Miˇ kʼahˬ kʼoeˇ kʼahˬ tiˬ ziˇ saˇ-iˬ tiˬ ziˇ byoˆ le-eu miˇ neh, iˇ tsehˆ laˇ tsehˆ-eu maˬ jawˇ-ehˇ pyeuꞈ-iˇ tehꞈ-a.

Jaceuq 11:6

Miˬlmˇdoˆ-eu miˬjiˆhawˇ-eu, miˬdzaˬdoꞈ-eu miˬdzaˇdzaˇshuiˇ, tsawˇdoeˇkʼoeˇtaˆtahˬdaˆleꞈ-awˇ, lahˇdui dui-eu jaˬlehˇbaw-awˇ, aˬyawꞈmaꞈ-ahˇkʼehˬnehˬ-eu meh.

Lormav 9:29

Naꞈ ngeh neh Iˇsaˬyaˇ neh ehˇ taˬ-euˬ heu loꞈ-ehˇ jaˆ-eu meh. “Baoˬ huiˬ-eu Sahˬpaˬ Miˬyehˇ neh, tsuiꞈ maˬ bi dahˬ-iˇ-eu gʼaˇ duˬ, zaˬ maˬ bi dzeuˇ-iˇ law nmˇ-aˬ, Sawˇdoˬ, Gawˇmawˇlaˆ meuˬ loꞈ-ehˇ, aˬ dui byoˆ-iˇ jiˇ-euˬ tehꞈ-a.”

Yeˬlaˬmiˇ 23:14

Ehˇ kʼawꞈ Yeˬluˇsaˬlehˬ meuˬ-ahˇ ngaˬ-euˬ gʼaˇ duˬ ngehˬ dah-eu deuˬ, kʼoeˇ naˆ maˬ tseˇ doeˇ gaˇ ngaˇ mawˇ-euˬ ma. Aˬ cawˬ-euˬ miˬ zaˬ-ahˇ aˬ yawꞈ maꞈ bahˬ gʼa muˆ gʼa-awˇ, jaˬ myawꞈ mehˇ shuiˇ dawˬ ngehˬ-eu meh. Tsawˇ haˬ yawˬ gʼaˬ na luꞈ yaw haiˬ jeˬ maˬ byehˇ ni mˇ-eu gʼaˇ duˬ, yaw lehˬ mˇ gaˇ aˬ yawꞈ maꞈ gʼaˬ baꞈ baꞈ-eu meh. Aˬ yawꞈ maꞈ dawˬ tawˆ luꞈ ngaˬ-euˬ mehˬ shi, Sawˇdoˬ hawˇ-eu Gawˇmawˇlaˆ meuˬ loꞈ-ehˇ, doeˇ dui dui-eu tsawˇ haˬ deuˬ pyeuꞈ-eu meh.”

Dawˬmehˬ 29:22

“Aˬ kaˇ kaˇ ziˇ, naw maꞈ-euˬ zaˬ deuˬ uˆ deuˬ hawˇ-eu gaˇ mahˇ kaˬ-eu miˇ kʼahˬ deuˬ-ahˇ jawˇ-eu tsawˇ haˬ deuˬ, luˬ-iˇ seˇ-iˇ-eu jeˬ hawˇ-eu shaˬ-eu zahˬ-eu jeˬ naw maꞈ miˇ kʼahˬ kʼoeˇ taˆ Sahˬpaˬ Miˬyehˇ bi keuˆ le gaˇ ya mawˇ tehꞈ-a.