Yeˬlaˬmiˇ 49:17 - Akha

¹⁷ Sahˬpaˬ Miˬyehˇ heu loꞈ-ehˇ ehˇ-eu meh. “Eˬdoˬ miˇ kʼahˬ kʼoeˇ taˆ keuˆ le-eu luˬ-iˇ seˇ-iˇ-eu jeˬ-aˬ, guˆ dui dui laˇ paˬ-ehˇ gʼeh-eu miˇ neh, kʼaˇ iˇ kʼaˇ laˇ tsehˆ-eu yawˬ gʼaˬ na luꞈ, tsawˬ guˆ-iˇ-awˇ zahˬ leˇ tehꞈ-a.

Yeˬlaˬmiˇ 49:17 Referans Kwoze

Yeˬsaˬgeˬlaˇ 35:7

Eˬdoˬ miˇ kʼahˬ gawˬ jawˬ gawˬ duˇ-ahˇ, ciˬ cuˇ ni gʼeh-eu bawˇ tsahˬ bawˇ dahˇ bi pyeuꞈ-iˇ-awˇ, kʼaˇ iˇ kʼaˇ laˇ tsehˆ-eu deuˬ bi shiˇ ma.

Yeˬlaˬmiˇ 50:13

Ngaˇ nui ma pehˇ-eu jeˬ baˬ da neh, Baˬbuˇloˬ miˇ kʼahˬ tsawˇ haˬ tiˬ gʼaˬ-iˬ maˬ jawˇ gaˇ keuˆ ni cawˆ-iˇ-awˇ, kʼaˇ iˇ kʼaˇ laˇ tsehˆ-eu tsawˇ haˬ deuˬ zahˬ leˇ-awˇ tsawˬ guˆ-iˇ tehꞈ-a.

Yeˬlaˬmiˇ 49:13

Bawˇzaˬlahˬ meuˬ-aˬ, guˆ dui dui laˇ paˬ-ehˇ bi laˆ pyeuꞈ-awˇ, kʼaˇ shuiꞈ deh yaˇ loꞈ-ehˇ pyeuꞈ-iˇ tehꞈ-a lehˇ, ngaˇ kamˬ tsehˆ taˬ-euˬ ma. Meuˬ kʼoeˇ meuˬ-ahˇ aˬ cawˬ kʼaˇ ehˇ mawꞈ-eu ehˇ niˇ gʼa-awˇ, yaˬ kʼehˇ yaˬ ngeh zmˬ-eu tsawˇ myahˇ tiˬ myahˇ pyeuꞈ laˇ tehꞈ-a. Jawˬ jawˬ-ehˇ jaˆ-eu pu dawˬ tawˆ luꞈ, mˬ maˬ maˬ byaˆ zaˇ ziˇ cawˆ jiˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 51:37

Miˇ kʼahˬ kʼoeˇ kʼahˬ-aˬ, yaw cawˆ jeˬ-euˬ duˬ gahˬ pyeuꞈ-iˇ-awˇ, bawˇ tsahˬ jeˬ zaˬ deuˬ-euˬ jawˇ duˬ pyeuꞈ-iˇ tehꞈ-a. Kʼoeˇ-aˬ, guˆ laˇ paˬ-ehˇ gʼeh-eu jawˇ duˬ pyeuꞈ-iˇ-awˇ, tsawˇ haˬ tiˬ gʼaˬ-iˬ maˬ jawˇ-eu uˬ taꞈ, kʼaˇ le mawˇ-euˬ tsawˇ haˬ deuˬ tsawˬ guˆ dui dui iˇ tehꞈ-a.

Yeˬlaˬmiˇ 18:16

Miˇ kʼahˬ heu kʼahˬ tsawˇ haˬ maˬ jawˇ peuˬ ni aˬ yawꞈ maꞈ laˆ pyeuꞈ-awˇ, mˬ maˬ maˬ byaˆ zaˇ ziˇ aˬ cawˬ ja bu duˬ laˆ pyeuꞈ yaꞈ-euˬ meh. Kʼaˇ iˇ kʼaˇ laˇ tsehˆ-eu tsawˇ haˬ tsawˬ guˆ-iˇ-awˇ, zahˬ dui dui leˇ-awˇ uˬ duˬ juiꞈ tehꞈ-a.

1 Sahˬpaˬ 9:8

Uˬ duˬ tahˬ nymˇ nymˇ ma heu coˬ pyaˆ coˬ shaˆ-awˇ, duˬ gahˬ duˬ cu cu leˇ taˬ-euˬ gaˇ ya mawˇ ngeh, kʼaˇ iˇ kʼaˇ laˇ tsehˆ-eu tsawˇ haˬ deuˬ tsawˬ guˆ-iˇ-awˇ, zahˬ leˇ tsoˆ leˇ tehꞈ-a. ‘Miˇ kʼahˬ heu kʼahˬ hawˇ-eu Uˬ duˬ tahˬ nymˇ nymˇ ma heu nymˇ-ahˇ, aˬ jeˬ miˇ neh Sahˬpaˬ Miˬyehˇ heu loꞈ-ehˇ jahˇ nehˬ-euˬ nga’ lehˇ aˬ yawꞈ maꞈ ya naˇ haˬ gaˇ keuˆ tehꞈ-a.

Zeˬpaˬniˇ 2:15

Baoˬ huiˬ gʼaˬ kʼaˆ kʼahˬ sehˇ jehˆ-awˇ, Meuˬ ziꞈ ngaˇ taꞈ maˬ jaˆ ma lehˇ, guˆ kʼaˇ maˬ za lehˇ duˇ-euˬ meuˬ, kʼoeˇ naˆ ni ga byoˆ leꞈ tehꞈ-a. Tsawˇ teˇ maˬ ya gaˬ-eu meuˬ tsoeˬ, bawˇ tsahˬ jeˬ zaˬ yuꞈ duˬ pyeuꞈ-awˇ, kʼaˇ iˇ kʼaˇ laˇ tsehˆ-eu tsawˇ haˬ, laꞈ du cawˬ doˆ-awˇ lmˬ tehꞈ-a.

Miˇkaˬ 6:16

Sahˬ paˬ Awˇmaˬliˇ hawˇ-eu aˬ yawꞈ-euˬ aˬ li sahˬ paˬ Aˬhaˆ aˬ nyaꞈ maˬ tsaˬ maˬ dawˇ-eu jeˬ mˇ gaˇ naw maꞈ caw teh-euˬ miˇ neh, naw maꞈ kʼoeˇ taˆ kʼoeˇ loꞈ-ehˇ keuˆ le tehꞈ-a. Aˬ yawꞈ nyaꞈ kʼaˇ dehꞈ yaꞈ-euˬ loꞈ-ehˇ naw maꞈ caw teh-awˇ dehꞈ-eu miˇ neh, luˬ-iˇ seˇ-iˇ-eu jeˬ naw maꞈ kʼoeˇ taˆ ngaˇ bi keuˆ le-awˇ, yawˬ gʼaˬ na luꞈ naw maꞈ-ahˇ yehˬ bawˬ sehˇ lu-ehˇ ehˇ niˇ gʼa tehꞈ-a. Aˬ cawˬ tsawˇ jeuˬ deuˬ naw maꞈ-ahˇ ja bu ja doeˇ tehꞈ-a.”

Yeˬsaˬgeˬlaˇ 35:15

Ngaˬ-euˬ Iˇsaˬleˬlaˆ miˇ kʼahˬ luˬ-iˇ seˇ-iˇ-euˬ gaˇ nawˇ laˬ kʼaˬ cehˇ-euˬ loꞈ-ehˇ, nawˬ-ahˇ ngaˇ jahˇ poˆ nehˬ ma. Siˇyaˆ gawˬ jawˬ deuˬ hawˇ-euˬ, Eˬdoˬ miˇ kʼahˬ kʼahˬ lah ni ciˬ cuˇ ni gʼeh-eu bawˇ tsahˬ bawˇ dahˇ pyeuꞈ-iˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ, tsawˇ haˬ yawˬ gʼaˬ na luꞈ ya siˬ duˬ tehꞈ-a.”

Yeˬsaˬgeˬlaˇ 25:13

Nymˬ-mˇ poˆ jawˇ, Eˬdoˬ miˇ kʼahˬ-ahˇ ngaˇ kʼehˬ-awˇ, tsawˇ haˬ hawˇ-eu jeˬ zaˬ dawˬ tawˆ luꞈ sehꞈ jiˇ ma lehˇ ngaˇ ehˇ-eu ma. Teˬmaˬ meuˬ-ahˇ neh Deˬdaˬ meuˬ-ahˇ keuˆ ni, ciˬ cuˇ ni bi pyeuꞈ-iˇ-awˇ, guiˇ deuˆ-eu laꞈ kʼoeˇ bi shiˇ jiˇ ma.

Dawˬmehˬ 29:22

“Aˬ kaˇ kaˇ ziˇ, naw maꞈ-euˬ zaˬ deuˬ uˆ deuˬ hawˇ-eu gaˇ mahˇ kaˬ-eu miˇ kʼahˬ deuˬ-ahˇ jawˇ-eu tsawˇ haˬ deuˬ, luˬ-iˇ seˇ-iˇ-eu jeˬ hawˇ-eu shaˬ-eu zahˬ-eu jeˬ naw maꞈ miˇ kʼahˬ kʼoeˇ taˆ Sahˬpaˬ Miˬyehˇ bi keuˆ le gaˇ ya mawˇ tehꞈ-a.

Yeˬsaˬgeˬlaˇ 27:36

Nawˬ-euˬ guiˬ lahˬ kʼoeˇ naˆ tehꞈ meh. Nawˬ-euˬ ziˇ kʼoeˇ gaˇ jiˇ-euˬ meh. Miˇ tsaˬ kʼoeˇ taˆ baw gaꞈ dawˬ tawˆ, nawˇ loꞈ-ehˇ pyeuꞈ laˇ gaˇ guˆ meh.”

Yeˬsaˬgeˬlaˇ 35:3

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. Eˬdoˬ gawˬ jawˬ deuˬ-oˇ, nawˬ-ahˇ ngaˇ muiˇ-eu ma. Nawˬ-ahˇ ngaˇ laˆ cawˆ-awˇ, ciˬ cuˇ ni bi jaˆ ma.