Yeˬlaˬmiˇ 48:46 - Akha

⁴⁶ Mawˇbaˆ tsawˇ haˬ deuˬ gʼawˬ shaˇ shaˬ-ehˇ meh. Sheˬmiˇshaˆ miˬ yehˇ-ahˇ uˬ duˬ tahˬ-euˬ tsawˇ haˬ deuˬ cawˆ-iˇ-awˇ, aˬ yawꞈ maꞈ-euˬ aˬ buˇ aˬ li deuˬ -ahˇ aˬ cawˬ nyehꞈ byoˆ gʼeh-euˬ meh.

Yeˬlaˬmiˇ 48:46 Referans Kwoze

Bawˇtsahˬ 21:29

Mawˇbaˆ tsawˇ haˬ deuˬ-oˇ, naw maꞈ gʼaˇ duˬ aˇ naˆ ni guˆ paˬ-ehˇ gʼeh-eu nga. Sheˬmoˇshaˆ-ahˇ uˬ duˬ tahˬ-eu naw maꞈ ya luˬ ya seˇ-iˇ-euˬ maˬ ngeuˇ nya loˇ. Naw maꞈ-euˬ miˬyehˇ naw maꞈ-ahˇ bi cehˆ byoˆ laꞈ-awˇ, Zaˬ miˬ zaˬ deuˬ-ahˇ Aˬmawˇliˆ sahˬ paˬ neh bi nyehꞈ geuꞈ-euˬ meh.

Yeˬlaˬmiˇ 48:13

Kʼoeˇ ngeh jawˇ, Beˬdeˬlaˇ miˬ yehˇ-ahˇ gʼoe-euˬ baˬ da neh, Iˇsaˬleˬlaˆ tsawˇ haˬ deuˬ kʼoeˇ taˆ shaꞈ dawˇ-eu jeˬ keuˆ le-euˬ loꞈ-ehˇ, Sheˬmoˇshaˆ miˬ yehˇ-ahˇ gʼoe-euˬ baˬ da neh, Mawˇbaˆ tsawˇ haˬ deuˬ kʼoeˇ taˆ shaꞈ dawˇ-eu jeˬ keuˆ le tehꞈ-a.

Yeˬlaˬmiˇ 48:7

“Mawˇbaˆ nawˇ-aˬ, yawˬ ha-euˬ gʼaˬ hawˇ-eu, yawˬ ha pyuˇ shuiˇ-ahˇ nui kʼaˬ tsmˬ-euˬ meh. Ehˇ kʼawꞈ, nymˬ-mˇ aˬ cawˬ neh guiˇ bi deuˆ gʼaˬ-awˇ, naw maꞈ-euˬ Sheˬmoˇshaˆ miˬ yehˇ kʼoeˇ yehˇ, sahˬ paˬ zaˬ yo deuˬ hawˇ-eu piˇ ma deuˬ nehˬ-ehˇ, aˬ cawˬ miˇ kʼahˬ-ahˇ bi nyehꞈ gʼeh tehꞈ-a.

1 Sahˬpaˬ 11:7

Yeˬluˇsaˬlehˬ meuˬ-euˬ nahˇ ma doˆ kʼehˬ paw jaˆ-euˬ gawˬ jawˬ kʼoeˇ taˆ, Mawˇbaˆ tsawˇ jeuˬ-euˬ miˬ yehˇ pyeuꞈ-eu nui daˆ daˆ laˇ paˬ-ehˇ, gʼeh-eu Sheˬmoˇshaˆ miˬ yehˇ-ahˇ uˬ duˬ tahˬ-eu jawˇ duˬ tiˬ tsahˇ hawˇ-eu, Aˬmoˬ tsawˇ jeuˬ-euˬ miˬ yehˇ pyeuꞈ-eu nui daˆ daˆ laˇ paˬ-ehˇ gʼeh-eu Moˇlehˆ miˬ yehˇ-ahˇ uˬ duˬ tahˬ-eu jawˇ duˬ tiˬ tsahˇ aˬ yawꞈ tsoˆ-euˬ meh.

Yaˇ kʼaˬ daˇ 11:24

Miˇ kʼahˬ kʼoeˇ nawˇ paˇ yuˇ kʼoꞈ-eu lehˇ gʼeh te loˇ. Nawˬ-euˬ miˬ yehˇ Sheˬmoˇshaˆ neh nawˬ-ahˇ kʼaˇ biꞈ-euˬ jeˬ nawˇ geuꞈ nya meh. Ehˇ kʼawꞈ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh nga maꞈ-ahˇ kʼaˇ biꞈ-euˬ jeˬ-aˬ, nga maꞈ-euˬ pyeuꞈ-eu ma.

2 Sahˬpaˬ 23:13

Siˇdoˬ miˬ yehˇ ma Aˬshaˇtaˬteˬ, Mawˇbaˆ miˬ yehˇ Sheˬmoˇshaˆ hawˇ-eu, Aˬmoˬ miˬ yehˇ Moˇlehˆ heu deuˬ-ahˇ uˬ duˬ tahˬ-eu gʼaˇ duˬ, Yeˬluˇsaˬlehˬ meuˬ-euˬ nahˇ ma doˆ kʼehˬ paw, Saˬloˬ gawˬ jawˬ-euˬ laꞈ oˆ sahˬ paˬ Sawˇlaˬmoˬ neh tehˆ taˬ yaꞈ-euˬ tahˬ pahˬ aˬ ma mawˇ kawˇ deuˬ-ahˇ kʼawꞈ, Yawˇshiˆ laˆ cawˆ-euˬ meh.

Iˇsaˬyaˇ 16:2

Bahˬ-ahˇ uˇ-eu bi teh doˆ-euˬ aˇ jiˇ loꞈ-ehˇ, Mawˇbaˆ tsawˇ haˬ deuˬ Aˬnoˬ lawˇ baˬ lawˇ dzeˇ, gʼoꞈ laˆ gʼoꞈ dmˇ-ehˇ cah-awˇ dawˬ luꞈ meh.