Yeˬlaˬmiˇ 48:41 - Akha

⁴¹ Meuˬ deuˬ hawˇ-eu taˆ deuˬ-ahˇ aˬ yawꞈ maꞈ deuˆ gʼaˬ tehꞈ-a. Kʼoeˇ ngeh, Mawˇbaˆ yehˇ deuˬ, zaˬ baw luꞈ-eu zaˬ miˬ zaˬ loꞈ-ehˇ guˆ dui dui tehꞈ-a.

Yeˬlaˬmiˇ 48:41 Referans Kwoze

Iˇsaˬyaˇ 21:3

Kʼoeˇ baˬ da neh ngaˬ-euˬ gʼawˇ mawˇ laꞈ kʼoeˇ, zaˬ baw doˆ-eu shaˬ-eu loꞈ-ehˇ, naˇ dui gawˇ dui dui nya.

Iˇsaˬyaˇ 13:8

Guˆ-eu gaˆ-eu jeˬ aˬ yawꞈ maꞈ-ahˇ tsuˆ tehˬ taˬ-awˇ, shaˬ zahˬ naꞈ dui dui-eu miˇ neh, zaˬ baw luꞈ-eu aˬ ma loꞈ-ehˇ ya tsahˇ tehꞈ-a. Guˆ-eu miˇ neh tiˬ gʼaˬ tiˇ gʼaˬ haw tsoˆ taˬ-awˇ, baˬ ba neˇ tseuˆ ni shaˬ tehꞈ-a.

Yeˬlaˬmiˇ 49:22

Kʼaˬ dzeˇ aˬ dahˇ mˇ pyeh-awˇ ga le-eu loꞈ-ehˇ, muiˇ-eu deuˬ Bawˇzaˬlahˬ meuˬ-ahˇ ga dawꞈ le tehꞈ-a. Aˇ nah kʼoeˇ nah keuˆ le ngeh, Eˬdoˬ yehˇ deuˬ-aˬ, aˬ nyiˇ ciˬ luꞈ-eu zaˬ miˬ zaˬ tiˬ gʼaˬ loꞈ-ehˇ guˆ dui dui tehꞈ-a.”

Yeˬlaˬmiˇ 30:6

Yaw muiˬ paˬ-ehˇ shaˇ noeˬ duˬ sheˇ. Kʼaˬ dzeˇ zaˬ zaˬ baw nya ta loˇ. Toˆ-ehˇ maˇ-iˬ, aˬ jeˬ miˇ neh kʼaˬ dzeˇ zaˬ deuˬ, zaˬ miˬ zaˬ zaˬ baw ngeh loꞈ-ehˇ, uꞈ maˆ-ahˇ dehˬ tehˬ-awˇ jawˇ ta. Aˬ jeˬ miˇ neh yawˬ gʼaˬ na luꞈ pyuˇ pya ni pyeuꞈ luꞈ ta.

Yeˬlaˬmiˇ 6:24

Yeˬluˇsaˬlehˬ-ahˇ jawˇ-eu tsawˇ haˬ deuˬ ehˇ-eu, “Gaˇ kawˆ heu deuˬ nga maꞈ ya gaˬ gʼaˬ-awˇ, nga maꞈ laꞈ guˬ shiˇ-euˬ gaˇ duˇ miˇ-a. Zaˬ miˬ zaˬ zaˬ baw ngeh loꞈ-ehˇ, shaˬ zahˬ naꞈ dui dui luꞈ-eu ma.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

Yeˬlaˬmiˇ 51:30

Baˬbuˇloˬ yehˇ deuˬ guiˇ maˬ deuˆ ni naˬ leˇ-awˇ, aˬ yawꞈ maꞈ-euˬ taˆ laꞈ kʼoeˇ uˇ luꞈ-eu meh. Aˬ yawꞈ maꞈ nui ma baˬ dui dui-iˇ-awˇ, zaˬ miˬ zaˬ loꞈ-ehˇ pyeuꞈ laˇ taˬ-euˬ meh. Meuˬ lahˇ laˇ gʼoˆ deuˬ pyaˆ-iˇ jiˇ-awˇ, nymˇ deuˬ miˬ dzaˬ puiˆ luꞈ-eu meh.

Yeˬlaˬmiˇ 50:43

Gaˇ kawˆ kʼoeˇ Baˬbuˇloˬ sahˬ paˬ-ahˇ gaˬ leˇ ngeh, aˬ yawꞈ aˬ laꞈ laꞈ shiˇ shiˇ shaw-euˬ meh. Aˬ yawꞈ nui noeˬ shaˬ-eu kʼoeˇ-aˬ, zaˬ baw luꞈ-eu aˬ ma naˆ maˬ tseˇ meh.

Yeˬlaˬmiˇ 49:24

Daˬmaˬsehˇ meuˬ-ahˇ jawˇ-eu tsawˇ haˬ deuˬ nui ma baˬ laˇ-awˇ, guˆ-eu miˇ neh cehˆ jiˇ-euˬ meh. Aˬ nyiˇ ciˬ luꞈ-eu zaˬ miˬ zaˬ tiˬ gʼaˬ loꞈ-ehˇ, aˬ yawꞈ maꞈ shaˬ zahˬ naꞈ-eu meh.

Yeˬlaˬmiˇ 4:31

Zaˬ baw aˬ ma ngoeˇteˇ ngaˇ gaˬ-euˬ ma. Zaˬ nahˬ ciˬ ngeh naˇ-eu teˇ saˇ loꞈ-ehˇ, Yeˬluˇsaˬlehˬ shiˇ dehꞈ shiˇ teuˆ-awˇ, aˬ laꞈ cawˬ ja taˬ-awˇ ehˇ-eu, “Maˬ paˇ gʼeh nya miˇ-a. Aˬ cawˬ laꞈ-ahˇ ya shiˇ miˇ-a.”

Yeˬlaˬmiˇ 4:9

Sahˬpaˬ Miˬyehˇ ehˇ-eu, “Aˇ nah kʼoeˇ nah keuˆ le ngeh, sahˬ paˬ deuˬ hawˇ-eu yaw huiˬ yaw mahˇ deuˬ nui ma ga ka jiˇ tehꞈ-a. Piˇ ma deuˬ tsawˬ guˆ-iˇ-awˇ, Miˬyehˇ gʼaˇ duˬ ngehˬ dah-eu deuˬ kʼawꞈ zahˬ leˇ tehꞈ-a.”

Yeˬlaˬmiˇ 48:24

Kiˇliˇyoˆ meuˬ, Bawˇzaˬlahˬ meuˬ, heu deuˬ meh. Mawˇbaˆ miˇ kʼahˬ laꞈ kʼoeˇ, dawˬ peh gaˇ mahˇ kʼaˇ jaˆ-eu meuˬ deuˬ kʼoeˇ taˆ yaˬ kʼehˇ yaˬ-eu jeˬ keuˆ le-euˬ meh.

Yeˬlaˬmiˇ 50:37

Mahˬ deuˬ hawˇ-eu mahˬ laˆ lawˬ deuˬ kʼoeˇ taˆ maˬ ehˇ, aˬ yawꞈ neh kuˇ taˬ-euˬ aˬ cawˬ-euˬ yehˇ deuˬ-ahˇ maˬ ehˇ, mi cehˇ bi keuˆ le-awˇ, zaˬ miˬ zaˬ bi pyeuꞈ jiˇ luꞈ-uˇ. Pyuˇ shuiˇ myawˬ gahˬ kʼoeˇ taˆ mi cehˇ bi keuˆ le-awˇ, bi yuˇ geuꞈ jiˇ luꞈ-uˇ.

Aˬmoˆ 2:2

Mawˇbaˆ miˇ kʼahˬ-ahˇ ngaˇ miˬ dzaˬ pyehˬ gʼeh leꞈ-awˇ, Kiˇliˇyoˆ meuˬ-ahˇ jaˆ-eu ziꞈ dah ni gʼeh-eu nymˇ nymˇ ma deuˬ bi puiˆ dzeh ma. Yehˇ deuˬ guˇ guˇ-ehˇ daˇ heh baw-awˇ guiˇ deuˆ lawꞈ taˬ-euˬ yaw kaˬ-ahˇ, Mawˇbaˆ miˇ kʼahˬ-ahˇ jawˇ-eu tsawˇ haˬ deuˬ ya shiˇ tehꞈ-a.