Yeˬlaˬmiˇ 48:35 - Akha

³⁵ Mawˇbaˆ tsawˇ haˬ deuˬ, aˬ yawꞈ maꞈ uˬ duˬ tahˬ-eu jawˇ duˬ-ahˇ miˬ dzaˬ-ahˇ dzah puiˆ-awˇ lawˇ-eu jeˬ hawˇ-eu, aˬ yawꞈ maꞈ-euˬ miˬ yehˇ deuˬ-ahˇ lawˇ-eu shehˇ-eu jeˬ-ahˇ, bi naˬ leˇ jiˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬlaˬmiˇ 48:35 Referans Kwoze

Iˇsaˬyaˇ 16:12

Mawˇbaˆ tsawˇ haˬ deuˬ gawˬ jawˬ yaw goˇ-ahˇ le-awˇ, aˬ yawꞈ maꞈ-euˬ taˆ-ahˇ uˬ duˬ tahˬ leˇ kʼawꞈ, aˬ yawꞈ maꞈ-euˬ uˬ duˬ tahˬ nymˇ jaˆ gaˇ le-awˇ, maˬ naˬ leˇ ni guiˬ lahˬ shaˇ kʼawꞈ, tiˬ jeˬ-iˬ gaˇ dahˇ maˬ tsoeˬ-ehˇ, gʼaˬ doeˇ cah doeˇ-eu jeˬ oꞈ-eu tehꞈ meh.

Iˇsaˬyaˇ 15:2

Diˇboˬ meuˬ-ahˇ jawˇ-eu tsawˇ haˬ deuˬ, yaw goˇ-ahˇ jaˆ-eu taˆ-ahˇ daˆ leˇ-awˇ, tsawˇ ngoeˇ ngoeˇ leˇ-euˬ meh. Neˬboˬ meuˬ hawˇ-eu Meˬdeˬbaˬ meuˬ gʼaˇ duˬ, Mawˇbaˆ tsawˇ haˬ deuˬ tsawˇ ngoeˇ ngoeˇ-eu meh. Yawˬ gʼaˬ na luꞈ noeˬ shaˬ dui dui-eu miˇ neh, uˬ duˬ hawˇ-eu mehˬ mahˬ jehˆ dzeh-eu meh.

Yeˬlaˬmiˇ 48:7

“Mawˇbaˆ nawˇ-aˬ, yawˬ ha-euˬ gʼaˬ hawˇ-eu, yawˬ ha pyuˇ shuiˇ-ahˇ nui kʼaˬ tsmˬ-euˬ meh. Ehˇ kʼawꞈ, nymˬ-mˇ aˬ cawˬ neh guiˇ bi deuˆ gʼaˬ-awˇ, naw maꞈ-euˬ Sheˬmoˇshaˆ miˬ yehˇ kʼoeˇ yehˇ, sahˬ paˬ zaˬ yo deuˬ hawˇ-eu piˇ ma deuˬ nehˬ-ehˇ, aˬ cawˬ miˇ kʼahˬ-ahˇ bi nyehꞈ gʼeh tehꞈ-a.

Yeˬlaˬmiˇ 11:13

Yuˇdaˆ miˇ kʼahˬ-aˬ, meuˬ kʼaˇ jaˆ-eu myaˆ ni miˬ yehˇ jawˇ myaˬ-awˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-aˬ, nui daˆ daˆ laˇ paˬ-ehˇ gʼeh-eu Baˬlaˇ miˬ yehˇ-ahˇ lawˇ nehˬ-eu gʼaˇ duˬ, meuˬ laꞈ kʼoeˇ gaˇ ma kʼaˇ jaˆ gaˇ lawˇ duˬ tsoˆ taˬ-euˬ meh.

Bawˇtsahˬ 28:14

Aˬ gaꞈ dzaˇ uiˇ lawˇ-eu jeˬ-ahˇ heu loꞈ-ehˇ ya lawˇ meh. Mawˇ neˇ mawˇ gaw aˬ yawꞈ mawˇ yawꞈ nehˬ-ehˇ aˬ gaꞈ dzaˇ uiˇ maˇ tsaꞈ nyiˬ tsaꞈ, yawˇ aˬ buˬ aˬ yawꞈ mawˇ yawꞈ nehˬ-ehˇ maˇ tsaꞈ tiˬ tsaꞈ uˬ taꞈ tiˬ kʼoeˆ, yawˇ zaˬ aˬ yawꞈ mawˇ yawꞈ nehˬ-ehˇ maˇ tsaꞈ tiˬ tsaꞈ ya lawˇ ahˇ meh. Heu-aˬ, kʼoꞈ kʼoꞈ lah ni, la shuiꞈ ngeh nah ya lawˇ-eu miˬ dzaˬ dzah puiˆ-awˇ lawˇ-eu zahˇ sahˇ kʼoꞈ pyeuꞈ-eu meh.

Yeˬlaˬmiˇ 7:9

Kʼoeˬ-eu gʼehꞈ-eu jeˬ, tsawˇ haˬ-ahˇ sehꞈ-eu jeˬ, aˬ cawˬ-euˬ miˬ zaˬ yo zaˬ-ahˇ bahˬ-eu jeˬ, jaˬ myawꞈ myawꞈ-awˇ kamˬ-eu jeˬ, Baˬlaˇ miˬ yehˇ-ahˇ lawˇ nehˬ shehˇ nehˬ-eu jeˬ, aˇ hu naw maꞈ maˬ siˬ maˬ mawˇ haw-euˬ miˬ yehˇ nui deuˬ-ahˇ uˬ duˬ tahˬ-eu jeˬ, heu deuˬ-ahˇ naw maꞈ mˇ bahˬ taˬ-euˬ meh.