Yeˬlaˬmiˇ 46:14 - Akha

¹⁴ “Iˇjiˇtuˆ miˇ kʼahˬ-ahˇ jaˆ-eu meuˬ deuˬ pyeuꞈ-eu, Miˇgaˬdawˇlaˆ, Meˬpiˇ hawˇ-eu, Taˬpaˬneˬ laꞈ kʼoeˇ, heu loꞈ-ehˇ ehˇ gaˬ-awˬ. ‘Yawˬ haˇ yawˬ ha deuˆ piˇ nya ni lehˬ hmˬ taˬ-awˬ. Naw maꞈ guiˇ deuˆ-awˇ ya shiˇ jiˇ tehꞈ-a.

Yeˬlaˬmiˇ 46:14 Referans Kwoze

Yeˬlaˬmiˇ 46:10

Aˇ nah heu Dawˬ tawˆ kʼoeˇ taˆ uˆ lahˇ-eu-aˬ, Baoˬ huiˬ-eu Sahˬpaˬ Miˬyehˇ-euˬ aˇ nah meh. Iˬ nah aˬ yawꞈ laꞈ poˆ poˆ-awˇ, muiˇ-eu deuˬ-ahˇ kʼehˬ nehˬ tehꞈ-a. Aˬ yawꞈ mi cehˇ aˬ yawꞈ maꞈ-euˬ shaˬ jiˇ tiˬ dehˆ dzaˬ-awˇ, aˬ yawꞈ maꞈ-euˬ shiˬ tiˬ dehˆ dawˇ tehꞈ-a. Iˬ nah kʼoeˇ taˆ paw Uˇpaˬlaˇ lawˇ baˬ dawˬ peh, Baoˬ huiˬ-eu gʼaˬ tsawˇ shiˇ kʼoeˇ deuˬ lawˇ tehꞈ-a.

Yeˬlaˬmiˇ 44:1

Iˇjiˇtuˆ miˇ kʼahˬ laꞈ kʼoeˇ jaˆ-eu Miˇgaˬdawˇlaˆ meuˬ, Taˬpaˬneˬ meuˬ, Mehˇpiˇ meuˬ hawˇ-eu, Iˇjiˇtuˆ miˇ kʼahˬ laꞈ oˆ dzaˬ-ahˇ kʼaˇ jawˇ-eu Iˇsaˬleˬlaˆ tsawˇ haˬ dawˬ tawˆ luꞈ-ahˇ taꞈ leˇ-awˇ, Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.

Naˬhmˬ 2:13

Dawˬ tawˆ kʼoeˇ taˆ Sahˬpaˬ Miˬyehˇ, Niˇnaˬbeˬ-ahˇ heu loˇ ehˇ meh. “Mahˬ laˆ lawˬ deuˬ ngaˇ keuˬ dzeh-awˇ, yehˇ deuˬ guiˇ bi deuˆ sehꞈ jiˇ ma. Aˬ cawˬ-ahˇ nawˬ neh ceh geuꞈ-euˬ, yawˬ jeˬ na luꞈ ngaˇ yuˇ kʼoꞈ ma. Miˇ tsaˬ kʼoeˇ taˆ nawˇ baoˬ huiˬ-euˬ, kʼawˇ taꞈ kʼawˇ teˇ maˬ paˇ doˆ meh.”

Yeˬlaˬmiˇ 2:30

Ngaˬ neh mehˬ paˇ-euˬ jeˬ nawˇ maˬ geuꞈ-eu miˇ neh, nawˬ-ahˇ ngaˇ kʼehˬ kʼawꞈ gaˇ dahˇ maˬ tsoeˬ-a. Haiˬ dui dui-eu aˇ laˬ jaˬ shiˇ loꞈ-ehˇ, ngaˬ-euˬ gʼaˇ duˬ bi ngehˬ dah-euˬ deuˬ-ahˇ nawˇ sehꞈ-euˬ meh.

Iˇsaˬyaˇ 1:20

Ehˇ kʼawꞈ, ehˇ dawˬ maˬ naˇ haˬ ni puiˬ naˇ, mi cehˇ neh bi dzaˬ byoˆ tehꞈ-a lehˇ, Sahˬpaˬ Miˬyehˇ-euˬ kʼaˬ meh dawˬ ngehˬ-eu ma.”

Yeˬlaˬmiˇ 12:12

Kʼaˇ shuiꞈ deh ga gawˬ duˇ yaw goˇ deuˬ nyiˬ tsehˆ-ehˇ, yaw haiˬ jeˬ mˇ le-eu tsawˇ haˬ deuˬ oe luꞈ meh. Miˇ kʼahˬ kʼahˬ lah ni bi laˆ cawˆ jiˇ-eu gʼaˇ duˬ, guiˇ deuˆ-eu jeˬ ngaˇ bi keuˆ le-awˇ, tsawˇ haˬ tiˬ gʼaˬ-iˬ nui saˇ maˬ oꞈ-a.

Iˇsaˬyaˇ 34:6

Lawˇ-eu shehˇ-eu gʼaˇ duˬ ciꞈ myehꞈ hawˇ-eu yawˇ-ahˇ sehꞈ ngeh, shiˬ hawˇ-eu tsiˇ mi cehˇ-ahˇ lehꞈ leˇ-eu loꞈ-ehˇ, Sahˬpaˬ Miˬyehˇ-euˬ mi cehˇ-ahˇ, aˬ yawꞈ maꞈ-euˬ shiˬ hawˇ-eu tsiˇ lehꞈ leˇ tehꞈ-a. Bawˇzaˬlahˬ meuˬ-ahˇ aˬ yawꞈ kʼoeˇ loꞈ-ehˇ lawˇ nehˬ ngeh, Eˬdoˬ miˇ kʼahˬ-ahˇ jawˇ-eu tsawˇ haˬ deuˬ, sehꞈ gahˬ sehꞈ cu nehˬ gaˇ ya daˬ tehꞈ-a.

Iˇsaˬyaˇ 31:8

“Tsawˇ haˬ zaˬ neh maˬ tehˆ-euˬ mi cehˇ kʼehˬ-ahˇ, tsawˇ haˬ zaˬ neh maˬ deuˆ-euˬ mi cehˇ kʼehˬ-ahˇ, Aˬshuˇliˆ tsawˇ haˬ deuˬ ya shiˇ tehꞈ-a. Mi cehˇ kʼehˬ-ahˇ ya cehˆ byaˆ-awˇ, aˬ yawꞈ maꞈ-euˬ zaˬ yo aˬ cawˬ zaˬ kʼaˆ ya geuꞈ tehꞈ-a.

2 Saˬmeuˬlaˆ 2:26

Yoˇbaˬ-ahˇ Aˬbaˬnaˬ guˇ-awˇ ehˇ nehˬ-eu, “Aˬ dui maꞈ aˬ myah luꞈ heu loꞈ-ehˇ tehꞈ-ehˇ deuˆ ceh ceh ma loˇ. Aˇ saˬ saˬ laˇ ngeh, nui ma naˇ-eu jeˬ maˬ ngeuˇ naˇ, nui jeˬ tiˬ jeˬ-iˬ maˬ dzeˇ-ehˇ pyeuˬ-iˇ tehꞈ-a lehˇ, nawˬ-ahˇ maˬ noeˬ mawˇ laˇ nya loˇ. Nga maꞈ kʼawꞈ naw maꞈ-ahˇ aˬ yuiꞈ aˬ nyiˇ taꞈ-eu miˇ kʼahˬ zaˬ deuˬ tehꞈ ma. Nawˬ-euˬ tsawˇ haˬ deuˬ-ahˇ nga maꞈ-euˬ mehˬ nah taˬ paˇ teh lehˇ aˬ myah ehˇ nehˬ-eu gʼeh te.”

Doˆ-iˇ 14:2

“Iˇsaˬleˬlaˆ tsawˇ haˬ deuˬ-ahˇ, naˇ kʼah paw paˇ jiˆ kʼoꞈ laˇ-awˇ, Miˇdaˬgawˇlaˬ meuˬ hawˇ-eu Iˬ ma laˆ shaˆ Yaw neˇ-euˬ yaw kaˬ-ahˇ, Baˬlaˇzeˬpoˬ meuˬ dawˬ peh jaˆ-eu Piˇhaˬhiˇyoˆ meuˬ mehˬ shi, sehˬ gʼawˆ gʼawˆ-awˇ naˬ-awˬ lehˇ ehˇ nehˬ-awˬ.

Dawˬmehˬ 32:42

Ngaˬ-euˬ kaˆ myaˬ shiˬ dawˇ yehꞈ-awˇ, ngaˬ-euˬ mi cehˇ shaˬ jiˇ dzaˬ-ehˇ, ngaˬ-ahˇ guiˇ kʼaˇ deuˆ laˇ-eu deuˬ, tiˬ gʼaˬ-iˬ maˬ bi dzeuˇ-iˇ ma. Deuˆ tahˬ-awˇ nyehꞈ mi-euˬ deuˬ kʼawꞈ, dawˬ tawˆ luꞈ ya shiˇ jiˇ tehꞈ-a.’

Iˇsaˬyaˇ 19:13

Zoˇnaˆ meuˬ-ahˇ aˬ yuiꞈ aˬ tsu geuꞈ luꞈ-eu deuˬ, tsawˇ uˬ uˬ jiˇ-awˇ, Mehˇpiˇ meuˬ-ahˇ uˆ lahˇ-eu deuˬ, mehˇ shuiˇ tawˆ leˇ-euˬ meh. Iˇjiˇtuˆ miˇ kʼahˬ-ahˇ sheuˬ gʼeh-eu aˬ yuiꞈ aˬ tsu deuˬ, gaˇ ma sheuˬ bahˬ-euˬ meh.

Yeˬlaˬmiˇ 46:2

Yeˬhawˇyaˬkmˬ Yuˇdaˆ sahˬ paˬ geuꞈ-euˬ oeˬ kʼoꞈ tiˬ kʼoꞈ-ahˇ, Uˇpaˬlaˇ lawˇ baˬ dawˬ peh jaˆ-eu Kaˬsheˬmiˇ meuˬ-ahˇ Baˬbuˇloˬ sahˬ paˬ Neˬbuˬkaˬneˬzaˬ neh guiˇ bi deuˆ gʼaˬ-euˬ Iˇjiˇtuˆ sahˬ paˬ Neˬkawˇ-euˬ guiˇ maꞈ deuˬ-ahˇ taꞈ leˇ-awˇ, heu loꞈ-ehˇ ehˇ-eu meh.

Yeˬlaˬmiˇ 46:19

Iˇjiˇtuˆ tsawˇ haˬ-oˇ, bi paꞈ byoˆ gʼeh-eu gʼaˇ duˬ lehˬ hmˬ-awˬ. Meˬpiˇ meuˬ kʼaˇ shuiꞈ deh ga pyeuꞈ-iˇ-awˇ, tsawˇ haˬ maˬ jawˇ nya ni cawˆ-iˇ tehꞈ-a.

Yeˬsaˬgeˬlaˇ 21:28

“Tsawˇ haˬ zaˬ-oˇ, ngaˬ-euˬ gʼaˇ duˬ ngehˬ dah-awˬ. Iˇsaˬleˬlaˆ tsawˇ jeuˬ-ahˇ ja bu ja doeˇ luꞈ-eu Aˬmoˬ tsawˇ jeuˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. ‘Yaw cawˆ jeˬ-euˬ mi cehˇ lehˬ hmˬ taˬ meh. mˬ myawꞈ loꞈ-ehˇ naˇ guiˇ guiˇ ni, sehꞈ-eu gʼaˇ duˬ siˬ taˆ-euˬ meh.’

Yeˬsaˬgeˬlaˇ 30:13

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Tahˬ pahˬ aˬ ma mawˇ kawˇ hawˇ-eu, Mehˇpiˇ meuˬ-ahˇ jaˆ-eu mawˇ kawˇ, ngaˇ laˆ cawˆ byoˆ jiˇ-eu lehˇ ma. Iˇjiˇtuˆ sahˬ paˬ maˬ baw-ehˇ, miˇ kʼahˬ zaˬ deuˬ bi guˆ sehꞈ ma.

Hawˇseˬ 9:6

Luˬ-iˇ seˇ-iˇ-eu keuˆ le-awˇ, aˬ yawꞈ maꞈ ya cehˆ byaˆ jiˇ ngeh, Iˇjiˇtuˆ neh bi nyehꞈ uiˬ-awˇ, Mehˇpiˇ meuˬ-ahˇ baꞈ pahˬ tehꞈ-a. Aˬ yawꞈ maꞈ-euˬ pyuˇ pahˬ hawˇ-eu, aˬ yawꞈ maꞈ-euˬ nymˇ dzahˇ zaˇ-ahˇ, aˬ gah baw duˆ uˆ byoˆ tehꞈ-a.

Yeˬlaˬmiˇ 2:16

Iˇjiˇtuˆ miˇ kʼahˬ-ahˇ jaˆ-eu. Mehˇpiˇ meuˬ hawˇ-eu Taˬpaˬneˬ meuˬ-ahˇ jawˇ-eu deuˬ neh, aˬ yawꞈ-euˬ uˬ duˬ kʼmˬ kʼoˆ paˆ-euˬ meh.