Yeˬlaˬmiˇ 46:10 - Akha

¹⁰ Aˇ nah heu Dawˬ tawˆ kʼoeˇ taˆ uˆ lahˇ-eu-aˬ, Baoˬ huiˬ-eu Sahˬpaˬ Miˬyehˇ-euˬ aˇ nah meh. Iˬ nah aˬ yawꞈ laꞈ poˆ poˆ-awˇ, muiˇ-eu deuˬ-ahˇ kʼehˬ nehˬ tehꞈ-a. Aˬ yawꞈ mi cehˇ aˬ yawꞈ maꞈ-euˬ shaˬ jiˇ tiˬ dehˆ dzaˬ-awˇ, aˬ yawꞈ maꞈ-euˬ shiˬ tiˬ dehˆ dawˇ tehꞈ-a. Iˬ nah kʼoeˇ taˆ paw Uˇpaˬlaˇ lawˇ baˬ dawˬ peh, Baoˬ huiˬ-eu gʼaˬ tsawˇ shiˇ kʼoeˇ deuˬ lawˇ tehꞈ-a.

Yeˬlaˬmiˇ 46:10 Referans Kwoze

Dawˬmehˬ 32:42

Ngaˬ-euˬ kaˆ myaˬ shiˬ dawˇ yehꞈ-awˇ, ngaˬ-euˬ mi cehˇ shaˬ jiˇ dzaˬ-ehˇ, ngaˬ-ahˇ guiˇ kʼaˇ deuˆ laˇ-eu deuˬ, tiˬ gʼaˬ-iˬ maˬ bi dzeuˇ-iˇ ma. Deuˆ tahˬ-awˇ nyehꞈ mi-euˬ deuˬ kʼawꞈ, dawˬ tawˆ luꞈ ya shiˇ jiˇ tehꞈ-a.’

Yawˇlaˆ 1:15

Baoˬ huiˬ-eu gʼaˬ-euˬ aˬ laꞈ neh, laˆ cawˆ-eu jeˬ bi keuˆ le-eu, Sahˬpaˬ Miˬyehˇ-euˬ aˇ nah kʼoeˇ, yaw kawˇ ma-ehˇ keuˆ le luꞈ meh.

Yeˬlaˬmiˇ 46:2

Yeˬhawˇyaˬkmˬ Yuˇdaˆ sahˬ paˬ geuꞈ-euˬ oeˬ kʼoꞈ tiˬ kʼoꞈ-ahˇ, Uˇpaˬlaˇ lawˇ baˬ dawˬ peh jaˆ-eu Kaˬsheˬmiˇ meuˬ-ahˇ Baˬbuˇloˬ sahˬ paˬ Neˬbuˬkaˬneˬzaˬ neh guiˇ bi deuˆ gʼaˬ-euˬ Iˇjiˇtuˆ sahˬ paˬ Neˬkawˇ-euˬ guiˇ maꞈ deuˬ-ahˇ taꞈ leˇ-awˇ, heu loꞈ-ehˇ ehˇ-eu meh.

Yeˬlaˬmiˇ 46:6

Yaw kawˇ deuˬ maˬ cehˆ dzeuˇ nya-ehˇ, yehˇ deuˬ maˬ buˬ-iˇ-a. Kʼoeˇ taˆ paw Uˇpaˬlaˇ lawˇ baˬ lawˇ dzeˇ, sahˬ tiꞈ tiꞈ-awˇ coˬ-iˇ-eu meh.

Luˇkaꞈ 21:22

Aˬ jeˬ miˇ neh ehˇ naˇ, kʼoeˇ-aˬ, Jaˇliꞈ laꞈ kʼoeˇ kʼaˇ ehˇ taˬ-euˬ jeˬ bi byah laˇ-eu gʼaˇ duˬ, kʼehˬ-eu kʼaˆ-eu aˇ nah deuˬ pyeuꞈ-eu meh.

Yawˇlaˆ 2:1

Miˬyehˇ-euˬ Ziˇoˬ gawˬ jawˬ-ahˇ, muiˬ-eu shawˇ-eu gawˬ jawˬ kʼoeˇ-ahˇ, daˇ heh baw-awˇ laˆ luiˬ nehˬ-awˬ. Yuˇdaˆ tsawˇ haˬ yaw dzuˬ dzuˬ-awˬ. Sahˬpaˬ Miˬyehˇ-euˬ aˇ nah kʼoeˇ, yaw kawˇ ma-ehˇ keuˆ le luꞈ meh.

Yeˬlaˬmiˇ 51:6

Baˬbuˇloˬ miˇ kʼahˬ-ahˇ neh cehˆ doˆ-awˬ. Uˬ kʼawˇ buˬ ni cehˆ-awˬ. Baˬbuˇloˬ miˇ kʼahˬ-euˬ iˬ baˇ baˬ da neh shiˇ gaˇ taˬ bi keuˆ. Miˇ kʼahˬ kʼoeˇ kʼahˬ-ahˇ oꞈ-eu geuˇ-eu loꞈ-ehˇ, nymˬ-mˇ ngaˇ kʼehˬ nehˬ luꞈ-eu ma.

Yeˬlaˬmiˇ 50:15

Meuˬ-euˬ tiˬ jawˬ guˇ guˇ-ehˇ guiˇ deuˆ-awˬ. Nymˬ-mˇ poˆ jawˇ Baˬbuˇloˬ meuˬ guiˇ deuˆ sm-awˇ aˬ cawˬ laꞈ oꞈ awꞈ-euˬ meh. Meuˬ lahˇ bi deuˆ pehꞈ-awˇ byaˆ-iˇ-euˬ meh. Baˬbuˇloˬ tsawˇ haˬ deuˬ-ahˇ ngaˇ laꞈ poˆ poˆ nehˬ luꞈ-eu ma. Kʼoeˇ miˇ neh, naw maꞈ Baˬbuˇloˬ tsawˇ haˬ deuˬ-ahˇ laꞈ poˆ poˆ kʼoꞈ nehˬ-awˇ, aˬ yawꞈ maꞈ aˬ cawˬ-ahˇ jahˇ nehˬ taˬ-euˬ loꞈ-ehˇ, aˬ yawꞈ maꞈ-ahˇ paˇ jahˇ kʼoꞈ nehˬ-awˬ.

Iˇsaˬyaˇ 63:4

Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu, aˇ yamˬ keuˆ laˇ-euˬ ngaˇ noeˬ tsehˆ-eu ma. Aˬ yawꞈ maꞈ-ahˇ muiˇ-eu deuˬ-ahˇ kʼehˬ-eu aˇ yamˬ tsaˬ laˇ-euˬ meh.

Iˇsaˬyaˇ 13:6

Naˇ gawˇ dzahˬ-eu loꞈ-ehˇ mahˇ mahˇ-ehˇ jawˇ-awˬ. Sahˬpaˬ Miˬyehˇ-euˬ aˇ nah peh le luꞈ meh. Baoˬ huiˬ-eu gʼaˬ laˆ luˬ laˆ seˇ le-eu aˇ nah, dawˬ peh peh le luꞈ meh.

2 Sahˬpaˬ 24:7

Iˇjiˇtuˆ miˇ kʼahˬ laꞈ-ahˇ jaˆ-eu miˇ kʼahˬ pyeuꞈ-eu, Uˇpaˬlaˇ lawˇ baˬ-ahˇ neh Iˇjiˇtuˆ miˇ kʼahˬ-ahˇ keuˆ ni, Baˬbuˇloˬ sahˬ paˬ laꞈ-ahˇ ahˇ leˇ-euˬ miˇ neh, Iˇjiˇtuˆ sahˬ paˬ hawˇ-eu aˬ yawꞈ-euˬ guiˇ maꞈ deuˬ laꞈ nyiˇ paw maꞈ doˆ le ni jawˇ-euˬ meh.

Iˇsaˬyaˇ 61:2

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ ka kʼoꞈ-awˇ, aˬ yawꞈ maꞈ-ahˇ muiˇ-eu deuˬ-ahˇ guiˇ deuˆ gʼaˬ-eu, aˇ nah aˇ yamˬ keuˆ le luꞈ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ pyehˬ leꞈ-euˬ meh. Noeˬ shaˬ noeˬ zahˬ-eu tsawˇ haˬ deuˬ nui ma bi saˇ laˇ ni, aˬ yawꞈ ngaˬ-ahˇ pyehˬ leꞈ-euˬ meh.

Yawˇbaˆ 24:1

“Aˬ jeˬ miˇ neh yaˇ kʼaˬ daˇ-eu aˇ yamˬ tiˬ yamˬ Miˬyehˇ maˬ tseˇ doˆ taˬ ta. Aˬ jeˬ miˇ neh aˬ yawꞈ-ahˇ gʼoe-eu deuˬ aˇ nah kʼoeˇ nah-ahˇ loꞈ loꞈ-ehˇ ya shaˬ ta.

Iˇsaˬyaˇ 31:8

“Tsawˇ haˬ zaˬ neh maˬ tehˆ-euˬ mi cehˇ kʼehˬ-ahˇ, tsawˇ haˬ zaˬ neh maˬ deuˆ-euˬ mi cehˇ kʼehˬ-ahˇ, Aˬshuˇliˆ tsawˇ haˬ deuˬ ya shiˇ tehꞈ-a. Mi cehˇ kʼehˬ-ahˇ ya cehˆ byaˆ-awˇ, aˬ yawꞈ maꞈ-euˬ zaˬ yo aˬ cawˬ zaˬ kʼaˆ ya geuꞈ tehꞈ-a.

Yeˬlaˬmiˇ 12:12

Kʼaˇ shuiꞈ deh ga gawˬ duˇ yaw goˇ deuˬ nyiˬ tsehˆ-ehˇ, yaw haiˬ jeˬ mˇ le-eu tsawˇ haˬ deuˬ oe luꞈ meh. Miˇ kʼahˬ kʼahˬ lah ni bi laˆ cawˆ jiˇ-eu gʼaˇ duˬ, guiˇ deuˆ-eu jeˬ ngaˇ bi keuˆ le-awˇ, tsawˇ haˬ tiˬ gʼaˬ-iˬ nui saˇ maˬ oꞈ-a.

Yeˬlaˬmiˇ 46:14

“Iˇjiˇtuˆ miˇ kʼahˬ-ahˇ jaˆ-eu meuˬ deuˬ pyeuꞈ-eu, Miˇgaˬdawˇlaˆ, Meˬpiˇ hawˇ-eu, Taˬpaˬneˬ laꞈ kʼoeˇ, heu loꞈ-ehˇ ehˇ gaˬ-awˬ. ‘Yawˬ haˇ yawˬ ha deuˆ piˇ nya ni lehˬ hmˬ taˬ-awˬ. Naw maꞈ guiˇ deuˆ-awˇ ya shiˇ jiˇ tehꞈ-a.

Yeˬlaˬmiˇ 50:18

Kʼoeˇ baˬ da neh, Iˇsaˬleˬlaˆ-euˬ Miˬyehˇ pyeuꞈ-eu ngaˇ Baoˬ huiˬ-eu Sahˬpaˬ Miˬyehˇ-aˬ, Aˬshuˇliˆ sahˬ paˬ-ahˇ kʼehˬ nehˬ-euˬ loꞈ-ehˇ, sahˬ paˬ Neˬbuˬkaˬneˬzaˬ hawˇ-eu aˬ yawꞈ-euˬ miˇ kʼahˬ-ahˇ kʼawꞈ kʼehˬ nehˬ ma.

Yeˬsaˬgeˬlaˇ 21:28

“Tsawˇ haˬ zaˬ-oˇ, ngaˬ-euˬ gʼaˇ duˬ ngehˬ dah-awˬ. Iˇsaˬleˬlaˆ tsawˇ jeuˬ-ahˇ ja bu ja doeˇ luꞈ-eu Aˬmoˬ tsawˇ jeuˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. ‘Yaw cawˆ jeˬ-euˬ mi cehˇ lehˬ hmˬ taˬ meh. mˬ myawꞈ loꞈ-ehˇ naˇ guiˇ guiˇ ni, sehꞈ-eu gʼaˇ duˬ siˬ taˆ-euˬ meh.’

Zaˬkaˬliˇ 6:6

Mahˬ mahˬ naˆ neh gʼeu-euˬ laˆ lawˬ kʼoeˇ laˇ-aˬ, laꞈ taˆ paw pyawˬ-ahˇ jaˆ-eu Baˬbuˇloˬ miˇ kʼahˬ paw le-awˇ, mahˬ mahˬ pyuˇ neh gʼeu-euˬ laˆ lawˬ kʼoeˇ laˇ-aˬ, nahˇ ma ga kʼehˬ paw pyawˬ-ahˇ jaˆ-eu miˇ kʼahˬ paw iˇ-eu meh. Mahˬ mahˬ byaꞈ neh gʼeu-euˬ laˆ lawˬ kʼoeˇ laˇ-aˬ, laꞈ oˆ paw pyawˬ-ahˇ jaˆ-eu miˇ kʼahˬ paw iˇ-eu meh.”

Iˇsaˬyaˇ 2:12

Nui ma huiˬ-awˇ smˇ kʼaˆ kʼaˆ-eu deuˬ hawˇ-eu, jahˇ huiˬ jahˇ gʼeh-eu deuˬ gʼaˇ duˬ, Baoˬ huiˬ-eu Sahˬpaˬ Miˬyehˇ lehˬ hmˬ taˬ-euˬ aˇ nah jaˆ meh.