Yeˬlaˬmiˇ 44:6 - Akha

⁶ Kʼoeˇ miˇ neh, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-euˬ gaˇ ma doe ni, ngaˇ nui ma pehˇ dui dui-eu jeˬ tahˬ kʼaˇ daˆ nehˬ-awˇ, miˬ dzaˬ bi doˆ laˇ-euˬ ma. Meuˬ kʼoeˇ deuˬ cawˆ-iˇ jiˇ-awˇ, iˬ nah kʼaˇ ya mawˇ-eu loꞈ-ehˇ, guˆ laˇ paˬ-ehˇ pyeuꞈ-iˇ-euˬ meh.

Yeˬlaˬmiˇ 44:6 Referans Kwoze

Yeˬlaˬmiˇ 7:20

Kʼoeˇ baˬ da neh, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ pyeuꞈ-eu ngaˇ-aˬ, Uˬ duˬ tahˬ nymˇ nymˇ ma heu kʼoeˇ taˆ ngaˬ-euˬ nui pehˇ tahˬ daˆ nehˬ ma. Tsawˇ haˬ hawˇ-eu jeˬ zaˬ kʼoeˇ taˆ maˬ ehˇ, bawˇ tsahˬ sahˬ lahˬ hawˇ-eu dzaˬ la gʼo cehˇ kʼoeˇ taˆ maˬ ehˇ, ngaˬ-euˬ nui pehˇ tahˬ daˆ nehˬ ma. Ngaˇ nui ma pehˇ-eu jeˬ-aˬ, tsawˇ haˬ tiˬ gʼaˬ-iˬ maˬ ceh miˆ nya-eu miˬ dzaˬ-ahˇ duˇ tehꞈ-a.

Yeˬsaˬgeˬlaˇ 8:18

Ngaˇ nui ma pehˇ saˬ pehˇ li li laˇ-euˬ jeˬ-ahˇ aˬ yawꞈ maꞈ ya daˬ tehꞈ-a. Aˬ yawꞈ maꞈ-ahˇ ngaˇ maˬ taˬ nehˬ. Gʼawˬ shaˬ kʼawꞈ maˬ gaˬ nehˬ. Aˬ yawꞈ maꞈ kʼaˇ guˇ coeˇ-eu guˇ-awˇ ngaˬ-ahˇ guiˬ lahˬ shaˇ kʼawꞈ, ngaˇ maˬ naˇ haˬ nehˬ.”

Yeˬlaˬmiˇ 42:18

“Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Ngaˇ nui ma pehˇ dui dui-eu jeˬ Yeˬluˇsaˬlehˬ meuˬ kʼoeˇ taˆ tahˬ daˆ nehˬ-euˬ loꞈ-ehˇ, naw maꞈ Iˇjiˇtuˆ miˇ kʼahˬ-ahˇ iˇ naˇ, naw maꞈ kʼoeˇ taˆ kʼawꞈ paˇ tahˬ daˆ nehˬ ma. Guˆ dui dui laˇ paˬ-ehˇ gʼeh-eu jeˬ naw maꞈ kʼoeˇ taˆ keuˆ le tehꞈ-a. Aˬ cawˬ naw maꞈ-ahˇ yahˬ caˆ neh juiꞈ-awˇ, naw maꞈ-euˬ tsawˇ myahˇ -ahˇ kuˇ kuˇ-ehˇ yaˬ kʼehˇ yaˬ tehꞈ-a. Jawˇ duˬ heu tsahˇ-ahˇ naw maꞈ maˬ paˇ ya gʼoꞈ mawˇ haw laˇ-aˇ’ lehˇ ehˇ-eu meh.”

Yeˬlaˬmiˇ 21:5

Ngaˬ-eu gʼaˬ dawˬ tawˆ luꞈ, ngaˇ nui ma pehˇ-eu jeˬ dawˬ tawˆ luꞈ hawˇ-eu, ngaˇ nui ma naˇ luꞈ-eu jeˬ dawˬ tawˆ luꞈ yuˇ doˆ-awˇ, naw maꞈ-ahˇ ngaˇ guiˇ deuˆ ma.

Yeˬlaˬmiˇ 7:34

Miˇ kʼahˬ heu kʼahˬ kʼaˇ shuiꞈ deh ga pyeuꞈ jiˇ tehꞈ-a. Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-euˬ lehˆ kawˆ doe ni, byawˬ gʼa-eu teˇ saˇ hawˇ-eu, jiˇ cehˇ gʼeh-awˇ laˬ kʼaˬ cehˇ luꞈ-eu teˇ saˇ deuˬ-ahˇ, ngaˇ bi byoˆ-iˇ jiˇ ma.

Iˇsaˬyaˇ 51:20

Nawˬ-euˬ tsawˇ haˬ deuˬ gʼaˬ jiˇ-awˇ, baw gʼaꞈ-ahˇ coeˬ paꞈ-euˬ kʼaˬ tsehˆ loꞈ-ehˇ, gaˇ ma gaˇ tsmˇ kʼaˇ jaˆ gaˇ coˬ lah-awˇ, Sahˬpaˬ Miˬyehˇ-euˬ nui pehˇ-ahˇ aˬ yawꞈ maꞈ ya siˬ duˬ-euˬ meh.

Iˇsaˬyaˇ 51:17

Yeˬluˇsaˬlehˬ-oˇ, noeˬ laˇ-awˬ. Mˇ zoˇ-awˇ tuˇ laˇ-awˬ. Sahˬpaˬ Miˬyehˇ nui ma pehˇ laˇ-awˇ ciˬ nehˬ-euˬ, kʼehˬ-euˬ kʼaˆ-euˬ kʼmˬ maˬ nawˇ ya ciˬ shuˆ-euˬ meh. Kʼmˬ maˬ kʼoeˇ dawˇ jiˇ-euˬ miˇ neh, nawˇ kuiˇ toꞈ maˬ ciˬ tsaˬ nya-a.

Iˇsaˬyaˇ 6:11

“Aˇ myah keuˆ ni kʼoeˇ loꞈ-ehˇ jahˇ nehˬ nmˇ” lehˇ, Sahˬpaˬ Miˬyehˇ-ahˇ ngaˇ naˇ haˬ ngeh, heu loꞈ-ehˇ ehˇ kʼoꞈ nehˬ laꞈ-euˬ meh. “Meuˬ deuˬ cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ pyeuꞈ-iˇ ngeh keuˆ ni, nymˇ laꞈ kʼoeˇ tsawˇ haˬ tiˬ gʼaˬ-iˬ maˬ ya mawˇ-ehˇ, miˇ kʼahˬ kʼahˬ lah-ehˇ ciˬ cuˇ ni pyeuꞈ-iˇ ngeh keuˆ ni, kʼoeˇ loꞈ-ehˇ jahˇ nehˬ ma.

Naˬhmˬ 1:2

Sahˬpaˬ Miˬyehˇ pyeuꞈ-eu Miˬyehˇ, myaˆ naˆ-eu nui ma ahˇ-eu meh. Yawꞈ-ahˇ puiˬ-eu deuˬ-ahˇ kʼehˬ-awˇ, yawꞈ-ahˇ jahˇ gʼeh haw-eu deuˬ-ahˇ, nui ma pehˇ-awˇ laꞈ poˆ poˆ meh.

Daˬyeˬlaˇ 9:12

Nga maꞈ hawˇ-eu nga maꞈ kʼoeˇ taˆ uˆ lahˇ-eu deuˬ kʼoeˇ taˆ bi keuˆ le ma lehˇ ehˇ taˬ-euˬ jeˬ, nawˇ bi keuˆ le-euˬ meh. Miˇ tsaˬ kʼoeˇ taˆ jaˆ-eu meuˬ tiˬ meuˬ-iˬ maˬ ya daˬ haw-euˬ kʼehˬ-eu kʼaˆ-eu jeˬ-ahˇ, Yeˬluˇsaˬlehˬ meuˬ ya daˬ-euˬ meh.

Yeˬsaˬgeˬlaˇ 24:13

Yeˬluˇsaˬlehˬ-oˇ, nawˬ neh dehꞈ doeˇ-euˬ jeˬ nawˬ-ahˇ laˆ jawꞈ-euˬ meh. Ngaˇ aˇ naˆ ni leh jeh kʼawꞈ, maˬ laˆ shawˇ jiˇ nya-a. Ngaˇ nui ma pehˇ-eu jeˬ-ahˇ tiˬ li maˬ ya daˬ kʼoeˇ keuˆ ni, nawˇ maˬ shawˇ laˇ luꞈ-a.

Yeˬsaˬgeˬlaˇ 24:8

Nui ma pehˇ laˇ-awˇ laꞈ poˆ poˆ kʼoꞈ nehˬ-eu gʼaˇ duˬ, maˬ laˆ zaꞈ nya ni mawˇ laˇ-eu tsahˇ-ahˇ, shiˬ kʼoeˇ ngaˇ bi yoeˇ kʼaˇ-euˬ ma.”

Yeˬsaˬgeˬlaˇ 20:33

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, ngaˇ nui ma pehˇ-eu laꞈ kʼoeˇ, baoˬ dawˬ tawˆ luꞈ yuˇ doˆ-awˇ, gʼaˬ kʼaˆ dui dui-eu ngaˬ-euˬ aˬ laꞈ neh naw maꞈ-ahˇ uˆ lahˇ ma lehˇ ngaˇ ehˇ-eu ma.

Yeˬsaˬgeˬlaˇ 6:12

Gaˇ mahˇ kaˬ gaˇ jawˇ-eu deuˬ naˇ gawˇ gawˇ sehꞈ-awˇ, dawˬ peh jawˇ-eu deuˬ guiˇ deuˆ gaˇ bi sehꞈ tehꞈ-a. Dzeuˇ-iˇ-euˬ deuˬ-aˬ, mehꞈ-eu shuꞈ-eu baˬ da neh ya shiˇ tehꞈ-a.

Yeˬsaˬgeˬlaˇ 5:13

Ngaˇ nui kʼahˇ tiˬ shiˇ maˬ ya jahˇ nehˬ gʼaˬ kʼoeˇ keuˆ ni, ngaˬ-euˬ nui pehˇ naw maꞈ ya mawˇ duˬ tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ saˇ jaˇ maˬ ziꞈ gaˇ ngaˇ nui ma pehˇ dui dui-awˇ ehˇ luꞈ-eu ngaˇ lehˇ, naw maꞈ ya siˬ duˬ tehꞈ-a.

Yeˬlaˬmiˇ 36:7

Guˆ laˇ paˬ-ehˇ gʼeh-eu Sahˬpaˬ Miˬyehˇ-euˬ nui ma pehˇ-eu jeˬ ehˇ taˬ-euˬ miˇ neh, aˬ yawꞈ maꞈ Sahˬpaˬ Miˬyehˇ-ahˇ guiˬ lahˬ shaˇ-awˇ, yaw haiˬ jeˬ maˬ paˇ mˇ ni byehˇ-eu baw le” lehˇ mehˬ nehˬ-euˬ ma.

Yeˬlaˬmiˇ 21:12

Daˬbiˇ-euˬ nymˇ-oˇ, Sahˬpaˬ Miˬyehˇ heu loꞈ-ehˇ ehˇ-eu meh. “Yawˬ shawˬ na luꞈ yaw dawˇ dawˇ-ehˇ yaˇ kʼaˬ daˇ-awˬ. Aˬ cawˬ smˇ kʼaˆ bi kʼaˆ dzaˬ-euˬ deuˬ-ahˇ, smˇ kʼaˆ deuˬ-euˬ laꞈ-ahˇ neh ka kʼoꞈ doˆ nehˬ-awˬ. Naw maꞈ kʼoeˇ loꞈ-ehˇ maˬ jahˇ naˇ, naw maꞈ mˇ-euˬ yaw haiˬ jeˬ baˬ da neh, ngaˬ-euˬ nui pehˇ miˬ dzaˬ doꞈ doˆ laˇ-awˇ, tsawˇ haˬ zaˬ maˬ laˆ miˆ nya-eu miˬ dzaˬ doꞈ laˇ tehꞈ-a.

Yeˬlaˬmiˇ 4:4

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu deuˬ-oˇ, naw maꞈ-euˬ Sahˬpaˬ Miˬyehˇ pyeuꞈ-eu ngaˬ nehˬ-ehˇ, dawˬ ma saˇ jaˇ dzaˬ-awˇ gʼawˇ mawˇ a nehˬ laꞈ-awˬ. Naw maꞈ kʼoeˇ loꞈ-ehˇ maˬ jahˇ naˇ, naw maꞈ neh mˇ-euˬ yaw haiˬ jeˬ baˬ da, ngaˇ nui ma pehˇ-eu jeˬ miˬ dzaˬ doꞈ doˆ laˇ-awˇ, laˆ miˆ nya-eu gʼaˬ maˬ jawˇ-a.”

Uˬ duˬ 26:28

ngaˇ nui ma pehˇ laˇ-eu laꞈ kʼoeˇ, yaw beh naˆ maˬ tseˇ shiꞈ bymˇ paˇ kʼaˆ dzehˬ-eu kʼehˬ-eu kʼaˆ-eu jeˬ, naw maꞈ kʼoeˇ taˆ paˇ bi keuˆ le ma.

Uˬ duˬ 26:31

Naw maꞈ-euˬ meuˬ deuˬ hawˇ-eu, uˬ duˬ tahˬ-eu jawˇ duˬ deuˬ ngaˇ laˆ cawˆ byoˆ jiˇ-awˇ, naw maꞈ neh lawˇ-euˬ jeˬ-ahˇ maˬ ha geuꞈ ni ngaˇ jawˇ ma.

Iˇsaˬyaˇ 1:7

Naw maꞈ-euˬ miˇ kʼahˬ pu tsoeˬ tsoeˬ jiˇ-awˇ, naw maꞈ-euˬ meuˬ deuˬ miˬ dzaˬ puiˆ byoˆ jiˇ-euˬ nga. Boeˇ miˬ siˬ kʼaˬ deuˬ naw maꞈ-euˬ mehˬ shi, naw maꞈ-euˬ miˇ kʼahˬ laˆ cawˆ-awˇ, yaw muiˬ tiˬ hmˬ-iˬ maˬ dzeˇ ni, neˇ leuꞈ ni jaˆ luꞈ nga.

Yeˬlaˬmiˇ 4:27

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ tsaˬ tahˬ kʼawˇ heu-ahˇ ngaˇ laˆ byoˆ nehˬ gaˇ maˬ keuˆ kʼawꞈ, bawˇ tsahˬ bawˇ dahˇ ya pyeuꞈ-iˇ jiˇ tehꞈ-a.”

Yeˬlaˬmiˇ 7:17

Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu Yeˬluˇsaˬlehˬ meuˬ laꞈ kʼoeˇ, aˬ yawꞈ maꞈ mˇ luꞈ shaˇ luꞈ-eu jeˬ-ahˇ nawˇ maˬ mawˇ teˬ loˇ.

Yeˬlaˬmiˇ 34:22

Ngaˇ dawˬ biꞈ nehˬ ngeh, meuˬ heu meuˬ-ahˇ aˬ yawꞈ maꞈ guiˇ paˇ deuˆ poˆ le-awˇ, miˬ dzaˬ dzah puiˆ dzeh tehꞈ-a. Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ, tsawˇ haˬ tiˬ gʼaˬ-iˬ maˬ jawˇ-eu kʼaˇ shuiꞈ deh ga loꞈ-ehˇ bi pyeuꞈ-iˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Ngoeˇ dawˬ 1:13

“Mˬ-ahˇ neh miˬ dzaˬ pyehˬ leꞈ-awˇ, shaˬ yoeˬ-ahˇ bi puiˆ keuˆ leꞈ-awˇ, aˬ kuiˇ-ahˇ lahˇ ju kʼmˇ paꞈ-awˇ, sehˇ pyaˆ-ehˇ bi coˬ-iˇ laꞈ-awˇ, naˇ dui dui-awˇ myaꞈ leˇ-euˬ gaˇ, nah lah-ehˇ byehˇ dzeh laꞈ-euˬ meh.

Yeˬsaˬgeˬlaˇ 20:34

Naw maꞈ cehˆ byaˆ taˬ-euˬ miˇ kʼahˬ deuˬ laꞈ kʼoeˇ neh, naw maꞈ-ahˇ ngaˇ paˇ sheuˬ kʼoꞈ uiˬ laꞈ ngeh, ngaˬ-euˬ baoˬ hawˇ-eu ngaˇ nui ma pehˇ-eu jeˬ naw maꞈ-ahˇ bi mawˇ ma.

Zaˬkaˬliˇ 1:2

Iˇsaˬleˬlaˆ tsawˇ haˬ deuˬ-ahˇ bi ehˇ nehˬ-eu gʼaˇ duˬ, Baoˬ huiˬ-eu Sahˬpaˬ Miˬyehˇ Zaˬkaˬliˇ-ahˇ heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ pyeuꞈ-eu ngaˇ, naw maꞈ-euˬ aˬ poeˬ aˬ bawˇ deuˬ-ahˇ nui ma pehˇ-euˬ ma.

Zaˬkaˬliˇ 7:14

Jaˬ lehˇ lehˇ ma baw-eu loꞈ-ehˇ, aˬ yawꞈ maꞈ-ahˇ aˬ cawˬ miˇ kʼahˬ doe ni baw dzeh gʼeh-awˇ bi jawˇ byaˆ jiˇ-awˇ, muiˬ-eu miˇ kʼahˬ heu kʼahˬ laꞈ kʼoeˇ tsawˇ haˬ tiˬ gʼaˬ-iˬ maˬ dzeˇ ni bi pyeuꞈ-iˇ-euˬ ma.”

Yeˬlaˬmiˇ 8:3

Haiˬ-eu tsawˇ jeuˬ heu jeuˬ laꞈ kʼoeˇ, maˬ shiˇ-ehˇ dzeuˇ-iˇ-awˇ, ngaˬ neh kʼaˇ teh dzeh nehˬ-euˬ gaˇ dehꞈ gʼawˬ-awˇ jawˇ-eu deuˬ kʼawꞈ, dehꞈ-eu naˆ maˬ tseˇ shiˇ mawꞈ dzehˬ tehꞈ-a lehˇ Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 44:22

Iˬ nah naw maꞈ-euˬ miˇ kʼahˬ cawˆ-iˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ, guˆ dui dui laˇ paˬ-ehˇ pyeuꞈ-iˇ taˬ-euˬ miˇ neh, aˬ cawˬ yaˬ kʼehˇ yaˬ ngeh tsawˇ myahˇ kuˇ duˬ pyeuꞈ-iˇ-euˬ maˬ ngeuˇ-a loˇ. Naw maꞈ neh mˇ-euˬ yaw haiˬ jeˬ hawˇ-eu maˬ muiˬ maˬ jaˬ-eu jeˬ-ahˇ, Sahˬpaˬ Miˬyehˇ maˬ oˇ coeˇ laˇ-euˬ miˇ neh, kʼoeˇ loꞈ-ehˇ bi keuˆ le-euˬ maˬ ngeuˇ nga loˇ.

Ngoeˇ dawˬ 1:1

Tsawˇ haˬ tiˬ teuˇ jawˇ-euˬ meuˬ kʼoeˇ, nymˬ-mˇ ciˬ cuˇ ni jaˆ-eu meh. Miˇ kʼahˬ tsawˇ jeuˬ tiˬ tahˇ tiˬ yaˇ, yaw zeu baw dui dui-euˬ meuˬ kʼoeˇ, miˬ coeˬ coeˬ-iˇ gaˇ duˇ-eu meh. Meuˬ kʼaˇ jaˆ-eu dawˬ tawˆ mehˬ shi, sahˬ paˬ zaˬ miˬ-ahˇ duˇ-euˬ meuˬ, aˬ cawˬ zaˬ kʼaˆ pyeuꞈ-iˇ-euˬ meh.

Ngoeˇ dawˬ 5:18

Ziˇoˬ gawˬ jawˬ ciˬ cuˇ jaˆ-awˇ, bawˇ tsahˬ kʼaˬ yehˇ gaˆ dzaˬ luꞈ meh.

Zaˬkaˬliˇ 1:6

Miˬyehˇ gʼaˇ duˬ ngehˬ dah-eu ngaˬ-euˬ zaˬ kʼaˆ deuˬ-ahˇ kʼehˇ-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ-euˬ dawˬ biꞈ-eu laꞈ kʼoeˇ, dehꞈ paˇ-eu gʼaˇ duˬ yaw kʼaˆ kʼaˆ-ehˇ mehˬ nehˬ-euˬ kʼawꞈ, aˬ yawꞈ maꞈ maˬ naˇ haˬ geuꞈ-euˬ miˇ neh, yaw kʼaˆ-ehˇ ya shaˬ-euˬ meh. Kʼoeˇ naˇ, aˬ yawꞈ maꞈ iˬ baˇ noeˬ poˆ-awˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh noeˬ tsehˆ taˬ-euˬ loꞈ-ehˇ, aˬ yawꞈ maꞈ-ahˇ oꞈ-eu geuˇ-eu kʼehˬ-eu kʼaˆ-eu jeˬ bi keuˆ le-euˬ meh lehˇ, aˬ yawꞈ maꞈ noeˬ siˬ noeˬ mawˇ-euˬ meh.”