Yeˬlaˬmiˇ 44:20 - Akha

²⁰ Kʼoeˇ naˇ, ngaˬ-ahˇ kʼoeˇ loꞈ-ehˇ ehˇ laˇ-eu kʼaˬ dzeˇ zaˬ hawˇ-eu zaˬ miˬ zaˬ kʼoeˇ deuˬ dawˬ tawˆ luꞈ-ahˇ, ngaˇ heu loꞈ-ehˇ ehˇ nehˬ-eu ma.

Yeˬlaˬmiˇ 44:20 Referans Kwoze

Yeˬlaˬmiˇ 44:19

Kʼoeˇ naˇ, zaˬ miˬ zaˬ deuˬ heu loꞈ-ehˇ paˇ ehˇ-eu meh. “Mˬ taˆ miˬ yehˇ ma-ahˇ duˇ leˇ-eu kaˬ muˇ deuˬ nga maꞈ jahˇ-awˇ, lawˇ-eu shehˇ-eu jeˬ hawˇ-eu aˬ gaꞈ dzaˇ uiˇ shehˆ-awˇ lawˇ-eu jeˬ aˬ yawꞈ-ahˇ lawˇ nehˬ ngeh, nga maꞈ kʼoeˇ loꞈ-ehˇ mˇ gaˇ nga maꞈ-euˬ kʼaˬ dzeˇ zaˬ deuˬ nui kʼahˇ shiˇ-euˬ meh.”

Yeˬlaˬmiˇ 44:21

“Naw maꞈ hawˇ-eu naw maꞈ-euˬ aˬ poeˬ aˬ bawˇ deuˬ neh maˬ ehˇ, naw maꞈ-euˬ sahˬ paˬ hawˇ-eu aˬ yuiꞈ aˬ tsu deuˬ neh maˬ ehˇ, miˇ kʼahˬ zaˬ deuˬ neh maˬ ehˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-euˬ gaˇ ma doe ni lawˇ-euˬ shehˇ-euˬ jeˬ-ahˇ, Sahˬpaˬ Miˬyehˇ maˬ siˬ nya-aˇ lehˇ noeˬ te loˇ. Maˬ ngeuˇ naˇ, ngehˇ byoˆ nehˬ laꞈ tehꞈ-a lehˇ noeˬ te loˇ.

2 Laˬsaˬbaˬ 28:23

Aˬ yawꞈ-ahˇ guiˇ deuˆ gʼaˬ-euˬ Suˇliˆ tsawˇ haˬ deuˬ-euˬ miˬ yehˇ deuˬ-ahˇ aˬ yawꞈ lawˇ-eu shehˇ-eu jeˬ mˇ-euˬ meh. “Suˇliˆ miˬ yehˇ deuˬ Suˇliˆ sahˬ paˬ deuˬ-ahˇ caw ba nehˬ-eu loꞈ-ehˇ, ngaˇ kʼawꞈ aˬ yawꞈ maꞈ-ahˇ lawˇ nehˬ shehˇ nehˬ naˇ, ngaˬ-ahˇ kʼawꞈ caw ba nehˬ laꞈ-eu duˇ” lehˇ aˬ yawꞈ noeˬ-euˬ meh. Ehˇ kʼawꞈ, aˬ yawꞈ-euˬ nui noeˬ kʼoeˇ aˬ yawꞈ kʼoeˇ taˆ hawˇ-eu aˬ yawꞈ-euˬ miˇ kʼahˬ kʼoeˇ taˆ, luˬ-iˇ seˇ-iˇ-eu jeˬ bi keuˆ le-euˬ meh.

Yeˬsaˬgeˬlaˇ 2:3

“Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ jawˇ gaˇ nawˬ-ahˇ ngaˇ pyehˬ gʼeh-eu lehˇ gʼeh-eu ma. Aˬ yawꞈ maꞈ ngaˬ-ahˇ puiˬ-awˇ byehˇ dzeh yaꞈ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ loꞈ-ehˇ iˬ nah keuˆ ni puiˬ luꞈ-eu meh.

Yeˬsaˬgeˬlaˇ 2:7

Aˬ yawꞈ maꞈ naˇ haˬ-eu maˬ kaˬ, maˬ naˇ haˬ-eu maˬ kaˬ, ngaˬ neh bi ngehˬ-euˬ dawˬ nawˇ ya ngehˬ meh. Aˬ yawꞈ maꞈ ngaˬ-ahˇ puiˬ-eu tsawˇ haˬ pyeuꞈ luꞈ gaˇ taˬ ngehˇ.

Lormav 6:21

Nymˬ-mˇ naw maꞈ nui daˆ daˆ luꞈ-eu gaˇ kʼoeˇ deuˬ-ahˇ naw maꞈ mˇ-euˬ miˇ neh aˬ jeˬ za ta. Shiˇ-eu jeˬ-ahˇ za-eu tehꞈ meh.