Yeˬlaˬmiˇ 44:19 - Akha

¹⁹ Kʼoeˇ naˇ, zaˬ miˬ zaˬ deuˬ heu loꞈ-ehˇ paˇ ehˇ-eu meh. “Mˬ taˆ miˬ yehˇ ma-ahˇ duˇ leˇ-eu kaˬ muˇ deuˬ nga maꞈ jahˇ-awˇ, lawˇ-eu shehˇ-eu jeˬ hawˇ-eu aˬ gaꞈ dzaˇ uiˇ shehˆ-awˇ lawˇ-eu jeˬ aˬ yawꞈ-ahˇ lawˇ nehˬ ngeh, nga maꞈ kʼoeˇ loꞈ-ehˇ mˇ gaˇ nga maꞈ-euˬ kʼaˬ dzeˇ zaˬ deuˬ nui kʼahˇ shiˇ-euˬ meh.”

Yeˬlaˬmiˇ 44:19 Referans Kwoze

Yeˬlaˬmiˇ 7:18

Mˬ taˆ-euˬ sahˬ ma lehˇ aˬ yawꞈ maꞈ kuˇ-eu miˬ yehˇ ma kʼoeˇ gʼaˬ-ahˇ lawˇ nehˬ-eu kaˬ muˇ jahˇ-eu gʼaˇ duˬ, zaˬ deuˬ miˬ dzaˬ gʼoˆ uiˬ-awˇ, tsawˇ kʼaˆ aˬ da deuˬ miˬ dzaˬ baw doꞈ nehˬ-awˇ, tsawˇ kʼaˆ aˬ ma deuˬ cehˇ meu nyehꞈ keuˬ-eu meh. Ngaˬ-ahˇ bi coeˬ laˇ-eu gʼaˇ duˬ, miˬ yehˇ nui deuˬ-ahˇ kʼawꞈ, aˬ yawꞈ maꞈ aˬ gaꞈ dzaˇ uiˇ shehˆ-awˇ lawˇ nehˬ-euˬ meh.

Yeˬlaˬmiˇ 44:15

Kʼoeˇ naˇ, yawˬ ha-euˬ miˬ zaˬ deuˬ miˬ yehˇ nui deuˬ-ahˇ lawˇ-eu shehˇ-eu jeˬ mˇ-euˬ gaˇ kawˆ kʼaˇ siˬ nya-eu kʼaˬ dzeˇ zaˬ deuˬ maˬ ehˇ, kʼoeˇ gaˇ kʼaˇ yawꞈ luꞈ-eu zaˬ miˬ zaˬ deuˬ maˬ ehˇ, Iˇjiˇtuˆ miˇ kʼahˬ laꞈ oˆ dzaˬ-ahˇ jawˇ-eu Iˇsaˬleˬlaˆ tsawˇ haˬ deuˬ ahˇ leˇ-ehˇ, tsawˇ haˬ aˇ maꞈ maꞈ ma kʼoeˇ maꞈ ngaˬ-ahˇ heu loꞈ-ehˇ ehˇ-eu meh.

2 Laˬsaˬbaˬ 21:6

Sahˬ paˬ Aˬhaˆ hawˇ-eu Iˇsaˬleˬlaˆ sahˬ paˬ nui deuˬ loꞈ-ehˇ, maˬ muiˬ maˬ jaˬ-eu gaˇ ma-ahˇ aˬ yawꞈ cah-euˬ meh. Aˬ jeˬ miˇ neh ehˇ naˇ, Aˬhaˆ-euˬ aˬ buˇ-ahˇ aˬ yawꞈ sheuˬ-euˬ meh. Sahˬpaˬ Miˬyehˇ-euˬ mehˬ shi yaw haiˬ jeˬ aˬ yawꞈ mˇ-euˬ meh.

1 Sahˬpaˬ 21:25

(Aˬ yawꞈ-euˬ miˬ zaˬ Yeˬsaˬbeˬlaˇ kʼehˇ-eu baˬ da neh , Sahˬpaˬ Miˬyehˇ mehˬ shi maˇ maˇ ni iˬ baˇ mˇ ma lehˇ noeˬ tsehˆ-euˬ, Aˬhaˆ loꞈ-ehˇ gʼeh-eu tsawˇ haˬ tiˬ gʼaˬ-iˬ maˬ jawˇ-a.

Aˇ dahˬ 3:6

Aˇ bawˇ kʼoeˇ bawˇ haw muiˬ dui dui-awˇ, aˇ siˬ kʼawꞈ kuiˇ dui dui paˬ-ehˇ gʼeh gaˇ, zaˬ miˬ zaˬ kʼoeˇ gʼaˬ ya mawˇ-euˬ meh. Aˇ siˬ kʼoeˇ ya pyaˆ dzaˬ-awˇ, zaˬ siˬ tsawˇ gahˇ ahˇ laˇ law nmˇ-aˬ, maˬ gaˇ dui dui tehꞈ-a lehˇ aˬ yawꞈ noeˬ-euˬ meh. Kʼoeˇ miˇ neh, aˇ siˬ ui cuiˆ pyaˆ-awˇ dzaˬ haw-euˬ meh. Kʼoeˇ naˇ, aˬ yawꞈ-euˬ kʼaˬ dzeˇ zaˬ gʼaˬ-ahˇ kʼawꞈ ui cuiˆ biꞈ-awˇ, kʼaˬ dzeˇ zaˬ gʼaˬ kʼawꞈ dzaˬ-euˬ meh.

Dawqdaq 11:21

Haiˬ-eu tsawˇ haˬ kʼehˬ-eu kʼaˆ-eu jeˬ-ahˇ maˬ dzeuˇ-iˇ nya-ehˇ, yaw tsaˬ yaw dawˇ tsawˇ haˬ ka kʼoꞈ-eu jeˬ za meh lehˇ siˬ duˬ-awˬ.

Yeˬlaˬmiˇ 44:20

Kʼoeˇ naˇ, ngaˬ-ahˇ kʼoeˇ loꞈ-ehˇ ehˇ laˇ-eu kʼaˬ dzeˇ zaˬ hawˇ-eu zaˬ miˬ zaˬ kʼoeˇ deuˬ dawˬ tawˆ luꞈ-ahˇ, ngaˇ heu loꞈ-ehˇ ehˇ nehˬ-eu ma.

Bawˇtsahˬ 30:8

Ehˇ kʼawꞈ, gaˇ kawˆ kʼoeˇ aˬ yawꞈ-euˬ kʼaˬ dzeˇ zaˬ gʼaˬ ya gaˬ-awˇ, maˬ bi mˇ ni laˆ tsoeˬ naˇ, saˇ jaˇ dzaˬ taˬ-euˬ loꞈ-ehˇ maˬ mˇ byah ni jawˇ nya meh. Sahˬpaˬ Miˬyehˇ aˬ yawꞈ-ahˇ iˬ baˇ pyehˬ nehˬ tehꞈ-a.

Bawˇtsahˬ 30:12

Ehˇ kʼawꞈ, gaˇ kawˆ kʼoeˇ aˬ yawꞈ-euˬ kʼaˬ dzeˇ zaˬ ya gaˬ-awˇ, maˬ bi mˇ ni laˆ tsoeˬ naˇ, saˇ jaˇ dzaˬ taˬ-euˬ loꞈ-ehˇ maˬ mˇ byah ni jawˇ nya meh. Sahˬpaˬ Miˬyehˇ aˬ yawꞈ-ahˇ iˬ baˇ pyehˬ nehˬ tehꞈ-a. Aˬ jeˬ miˇ neh ehˇ naˇ, aˬ yawꞈ-euˬ kʼaˬ dzeˇ zaˬ gʼaˬ aˬ yawꞈ-ahˇ laˆ tsoeˬ-eu miˇ neh meh.