Yeˬlaˬmiˇ 44:15 - Akha

¹⁵ Kʼoeˇ naˇ, yawˬ ha-euˬ miˬ zaˬ deuˬ miˬ yehˇ nui deuˬ-ahˇ lawˇ-eu shehˇ-eu jeˬ mˇ-euˬ gaˇ kawˆ kʼaˇ siˬ nya-eu kʼaˬ dzeˇ zaˬ deuˬ maˬ ehˇ, kʼoeˇ gaˇ kʼaˇ yawꞈ luꞈ-eu zaˬ miˬ zaˬ deuˬ maˬ ehˇ, Iˇjiˇtuˆ miˇ kʼahˬ laꞈ oˆ dzaˬ-ahˇ jawˇ-eu Iˇsaˬleˬlaˆ tsawˇ haˬ deuˬ ahˇ leˇ-ehˇ, tsawˇ haˬ aˇ maꞈ maꞈ ma kʼoeˇ maꞈ ngaˬ-ahˇ heu loꞈ-ehˇ ehˇ-eu meh.

Yeˬlaˬmiˇ 44:15 Referans Kwoze

Dawqdaq 11:21

Haiˬ-eu tsawˇ haˬ kʼehˬ-eu kʼaˆ-eu jeˬ-ahˇ maˬ dzeuˇ-iˇ nya-ehˇ, yaw tsaˬ yaw dawˇ tsawˇ haˬ ka kʼoꞈ-eu jeˬ za meh lehˇ siˬ duˬ-awˬ.

Maꞈtehˬ 7:13

“Gʼoˆ kʼehˬ yaw suꞈ-ahˇ uˇ leˇ-awˬ. Luˬ-iˇ seˇ-iˇ-eu gaˇ ma-euˬ gʼoˆ kʼehˬ-aˬ, jeˇ dui dui-awˇ, gaˇ ma saˇ lehˆ ni dahˇ-eu miˇ neh, uˇ leˇ-eu tsawˇ haˬ yaw myaˬ meh.

Neˬhaˬmiˇ 13:26

Aˬ yawꞈ maꞈ-ahˇ ngaˇ heu loꞈ-ehˇ ehˇ nehˬ-euˬ ma. “Aˬ cawˬ tsawˇ jeuˬ zaˬ miˬ zaˬ baˬ da neh sahˬpaˬ Sawˇlaˬmoˬ iˬ baˇ mˇ-euˬ maˬ ngeuˇ-a loˇ. Aˬ yawꞈ-aˬ, aˬ cawˬ tsawˇ jeuˬ-euˬ sahˬpaˬ deuˬ naˆ maˬ tseˇ huiˬ dzehˬ mahˇ dzehˬ-eu gʼaˬ pyeuꞈ-eu meh. Miˬyehˇ aˬ yawꞈ-ahˇ gaˬ-awˇ Iˇsaˬleˬlaˆ tsawˇ jeuˬ dawˬ tawˆ luꞈ kʼoeˇ taˆ sahˬpaˬ bi geuꞈ-euˬ kʼawꞈ, aˬ cawˬ tsawˇ jeuˬ zaˬ miˬ zaˬ baˬ da neh aˬ yawꞈ kʼoeˇ loꞈ-ehˇ iˬ baˇ mˇ-euˬ meh.

Aˇ dahˬ 19:4

Daˬ yah kʼoeˇ nyiˬ gʼaˬ maˬ yuꞈ leˇ mi naˆ-ehˇ, Sawˇdoˬ meuˬ-ahˇ jawˇ-eu kʼaˬ dzeˇ zaˬ deuˬ, zaˬ guˬ tsawˇ kʼaˆ maˬ ehˇ, Lawˇtaˬ-euˬ nymˇ jawˬ jawˬ-ehˇ shahˇ le-euˬ meh.

Iˇsaˬyaˇ 1:5

Aˬ jeˬ miˇ neh teuˆ naˆ naˆ-ehˇ biˬ kʼehˬ mawꞈ-eu nya. Aˬ jeˬ miˇ neh, teu naˆ naˆ-ehˇ puiˬ mawꞈ-euˬ nya. Naw maꞈ-euˬ uˬ duˬ deh leuꞈ deh kʼaw-awˇ, naw maꞈ-euˬ nui ma nyoeˬ-iˇ-euˬ nga.

Iˇsaˬyaˇ 48:5

Nawˬ-euˬ mehˬ shi kʼaˇ pyeuꞈ laˇ-euˬ dawˬ tawˆ, aˇ hu ba neh ngaˬ neh ehˇ tsehˆ taˬ jiˇ-euˬ ma. Nawˬ-euˬ tahˬ pahˬ aˬ ma mawˇ kawˇ deuˬ neh, kʼoeˇ loꞈ-ehˇ bi pyeuꞈ laˇ-eu meh lehˇ nawˇ maˬ ehˇ nya ni, kʼaˇ pyeuꞈ dzeuˇ yaꞈ-euˬ jeˬ maˬ pyeuꞈ laˇ mi naˆ-ehˇ, ngaˬ neh ehˇ kʼmˬ jiˇ taˬ-euˬ ma.

Yeˬlaˬmiˇ 44:19

Kʼoeˇ naˇ, zaˬ miˬ zaˬ deuˬ heu loꞈ-ehˇ paˇ ehˇ-eu meh. “Mˬ taˆ miˬ yehˇ ma-ahˇ duˇ leˇ-eu kaˬ muˇ deuˬ nga maꞈ jahˇ-awˇ, lawˇ-eu shehˇ-eu jeˬ hawˇ-eu aˬ gaꞈ dzaˇ uiˇ shehˆ-awˇ lawˇ-eu jeˬ aˬ yawꞈ-ahˇ lawˇ nehˬ ngeh, nga maꞈ kʼoeˇ loꞈ-ehˇ mˇ gaˇ nga maꞈ-euˬ kʼaˬ dzeˇ zaˬ deuˬ nui kʼahˇ shiˇ-euˬ meh.”

Yeˬlaˬmiˇ 44:24

Kʼaˬ dzeˇ zaˬ hawˇ-eu zaˬ miˬ zaˬ dawˬ tawˆ luꞈ-ahˇ ngaˇ heu loꞈ-ehˇ ehˇ nehˬ-euˬ ma. “Yuˇdaˆ miˇ kʼahˬ-ahˇ neh, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ le-euˬ tsawˇ haˬ dawˬ tawˆ luꞈ Sahˬpaˬ Miˬyehˇ-euˬ dawˬ-ahˇ naˇ haˬ sheˇ.

Yeˬsaˬgeˬlaˇ 29:14

Aˬ yawꞈ maꞈ-euˬ nymˇ jiˇ jaˆ-eu Iˇjiˇtuˆ miˇ kʼahˬ laꞈ oˆ dzaˬ-ahˇ paˇ bi jawˇ kʼoꞈ le ma. Aˬ yawꞈ maꞈ-aˬ, gʼaˬ baˬ-eu miˇ kʼahˬ tiˬ kʼahˬ pyeuꞈ tehꞈ-a.

Yeˬsaˬgeˬlaˇ 30:14

Iˇjiˇtuˆ laꞈ oˆ dzaˬ byoˆ le-awˇ, laꞈ taˆ paw jaˆ-eu zoˇ naˆ meuˬ, miˬ dzaˬ neh keuˬ puiˆ dzeh nehˬ ma. Deˬbiˇ meuˬ-ahˇ ngaˇ kʼehˬ nehˬ ma.

Dawˬmehˬ 13:7

Naw maꞈ-euˬ dawˬ peh jawˇ-eu tsawˇ jeuˬ deuˬ-euˬ miˬ yehˇ deuˬ-ahˇ maˬ ngeuˇ naˇ, gaˇ mahˇ kaˬ gaˇ jawˇ-eu deuˬ-euˬ miˬ yehˇ deuˬ-ahˇ uˬ duˬ tahˬ ni, aˬ yawꞈ maꞈ tiˬ gʼaˬ na nawˬ-ahˇ gʼaˬ biꞈ-eu baw tehꞈ-a.

Yeˬlaˬmiˇ 44:1

Iˇjiˇtuˆ miˇ kʼahˬ laꞈ kʼoeˇ jaˆ-eu Miˇgaˬdawˇlaˆ meuˬ, Taˬpaˬneˬ meuˬ, Mehˇpiˇ meuˬ hawˇ-eu, Iˇjiˇtuˆ miˇ kʼahˬ laꞈ oˆ dzaˬ-ahˇ kʼaˇ jawˇ-eu Iˇsaˬleˬlaˆ tsawˇ haˬ dawˬ tawˆ luꞈ-ahˇ taꞈ leˇ-awˇ, Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.