Biblia Todo Logo
Bib sou entènèt

- Piblisite -




Yeˬlaˬmiˇ 44:10 - Akha

10 Iˬ nah keuˆ ni naw maꞈ nui nahˬ nui yu maˬ ahˇ-a siˬ. Naw maꞈ ngaˬ-ahˇ maˬ taˬ huiˬ-ehˇ, naw maꞈ-euˬ aˬ poeˬ aˬ bawˇ deuˬ hawˇ-eu naw maꞈ-ahˇ ngaˬ neh biꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ maˬ caw teh-a.

Gade chapit la Kopi




Yeˬlaˬmiˇ 44:10
38 Referans Kwoze  

Aˬ myah luꞈ Sahˬpaˬ Miˬyehˇ-euˬ ehˇ dawˬ naˇ haˬ-eu tsawˇ haˬ nui saˇ oꞈ-awˇ, nui ma gʼahˇ-eu tsawˇ haˬ kʼoeˇ taˆ guˆ-eu gaˆ-eu jeˬ keuˆ le tehꞈ-a.


Sahˬpaˬ Miˬyehˇ-oˇ, nawˬ-euˬ mehˬ shi yawꞈ-awˇ, maˬ zahˬ leˇ-eu aˬ suˇ jawˇ ta. Nawˇ huiˬdui mahˇdui dui meh lehˇ, maˬ ja ceuˬ-eu aˬ suˇ jawˇ ta. Nawˇ tehꞈ-ehˇ muiˬ-eu shawˇ-eu meh. Nawˬ neh mˇ-euˬ yaw tsaˬ yaw dawˇ, tsawˇ haˬ zaˬ mawˇ jiˇ-euˬ miˇ neh, Miˇ kʼahˬ tsawˇ jeuˬ dawˬ tawˆ laˇ-awˇ, nawˬ-ahˇ uˬ duˬ tahˬ laˇ tehꞈ-a.”


Miˬyehˇ neh noeˬ taˬ-euˬ aˇ yamˬ tsaˬ laˇ ngeh, aˬ cawˬ kʼoeˇ taˆ naw maꞈ-ahˇ ciˬ huiˬ ciˬ mahˇ nehˬ laꞈ ni, Miˬyehˇ-euˬ baoˬ huiˬ-eu aˬ laꞈ uˬ moˆ naw maꞈ nui ma nahˬ yu ni taˬ-awˬ.


Ngaˬ-euˬ tsawˇ haˬ deuˬ-oˇ, yaw jawꞈ jeˬ-ahˇ mˇ-euˬ miˇ neh shaꞈ dawˇ baw miˇ-a loˇ. Maˬ ngeuˇ-a. Nawˇ shaꞈ maˬ siˬ nya-ehˇ, baˬ ba neˇ laˇ-euˬ maˬ baw-a. Aˬ cawˬ coˬ dzeh-iˇ-euˬ loꞈ-ehˇ, naw maꞈ kʼawꞈ ya coˬ-iˇ tehꞈ-a. Naw maꞈ-ahˇ ngaˇ kʼehˬ ngeh, naw maꞈ gʼaˇ duˬ aˇ saˬ saˬ-eu jeˬ keuˆ le tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.


Naw maꞈ ehˇ-eu tsaˬ meh. Aˬ yawꞈ maꞈ-aˬ, maˬ jah-eu miˇ neh bi deuˆ tsehˆ dzeh-euˬ meh. Naw maꞈ-aˬ, jah-eu miˇ neh ziꞈ luꞈ meh. Ehˇ kʼawꞈ, nui ma taˬ huiˬ. Yahˇ yahˇ-ehˇ dehꞈ-awˬ.


Ehˇ kʼawꞈ, aˬ yawꞈ-euˬ cawˬ kʼoeˇ gʼaˬ aˬ yawꞈ-ahˇ dehˬ-awˇ ehˇ-eu, “Nawˇ Miˬyehˇ-ahˇ maˬ guˆ nya loˇ. Nawˇ gʼeh aˬ yawꞈ loꞈ-ehˇ bi sehꞈ-eu gʼaˇ duˬ bi daˇ tsehˆ taˬ-euˬ tsawˇ haˬ maˬ ngeuˇ te loˇ.


Yeˬsuˇ-ahˇ loꞈ luꞈ-eu yehˇ kʼoeˇ deuˬ hawˇ-eu yehˇ kʼoeˇ deuˬ-ahˇ uˆ lahˇ-eu yaw huiˬ gʼaˬ, miˇ luˆ luˆ-eu hawˇ-eu kʼaˇ pyeuꞈ laˇ-euˬ yawˬ jeˬ na luꞈ-ahˇ ya mawˇ ngeh, guˆ dui dui laˇ-awˇ, “Tsawˇ haˬ heu gʼaˬ maˇ maˇ ni Miˬyehˇ-euˬ Zaˬmaˇ ngaˇ” lehˇ ehˇ-eu meh.


Ehˇ kʼawꞈ, ngaˬ-euˬ ehˇ dawˬ naˇ haˬ-eu deuˬ pyeuꞈ-eu naw maꞈ kʼoeˇ taˆ, ngaˬ-euˬ ka kʼoꞈ-eu jeˬ nahˇ ma loꞈ-ehˇ doˆ laˇ-awˇ, naˇ gawˇ laˆ taˬ-eu jeˬ nahˇ ma yaw shehꞈ loꞈ-ehˇ keuˆ le tehꞈ-a. Kuˆ-ahˇ neh pyehˬ doˆ nehˬ-euˬ mawˇ neˇ mawˇ zaˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.


“Yeˬluˇsaˬlehˬ meuˬ uˇ doe-awˇ, meuˬ laꞈ kʼoeˇ jawꞈ dui dui-eu jeˬ mˇ-euˬ baˬ da neh, nui ma cawˆ-awˇ noeˬ shaˬ noeˬ zahˬ luꞈ-eu tsawˇ haˬ yawˬ gʼaˬ na luꞈ-euˬ naˇ kʼawˇ-ahˇ, tsaˬ tsoˆ taˬ-iˇ-awˬ.”


Sahˬ boꞈ paˇ yoˆ kʼoeˇ yoˆ gui mehˬ nehˬ gaˇ ya gaˬ-euˬ kʼawꞈ, sahˬ paˬ hawˇ-eu aˬ yawꞈ-euˬ yaw huiˬ yaw mahˇ kʼoeˇ deuˬ, tiˬ gʼaˬ-iˬ guˆ gaˇ maˬ duˇ-a.


Tsawˇ jeuˬ dawˬ tawˆ luꞈ-euˬ sahˬ paˬ pyeuꞈ-eu gʼaˬ-oˇ, nawˬ-ahˇ maˬ taˬ huiˬ-ehˇ aˬ suˇ gʼaˬ jawˇ coeˇ nmˇ. Nawˬ-ahˇ yaw zeu baw dui dui paˬ-ehˇ gʼeh-eu meh. Tsawˇ jeuˬ heu myaˆ kʼoeˇ taˆ tsawˇ gahˇ dzehˬ-eu tsawˇ haˬ maˬ ehˇ, miˇ kʼahˬ sahˬ paˬ kʼaˇ ngeuˇ-eu deuˬ maˬ ehˇ, nawˬ-ahˇ duˇ-eu tiˬ gʼaˬ-iˬ maˬ jawˇ-a.


Boeˬ boeˬ luˆ luˆ dawˬ tawˆ ngaˬ neh beh-awˇ, nui nahˬ nui yu ahˇ-awˇ noeˬ poˆ noeˬ paˇ-eu deuˬ hawˇ-eu, ngaˬ-ahˇ guˆ-awˇ ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, ngaˇ nui ma tsaˬ-eu ma.


“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.


Saˇ jaˇ ziꞈ-eu jeˬ baˬ da neh iˬ baˇ pyehˬ nehˬ-eu guiˬ lahˬ za-awˇ, Sahˬpaˬ Miˬyehˇ-ahˇ guˆ-eu jeˬ baˬ da neh, iˬ baˇ-ahˇ gaˇ jaw jaw nya-eu meh.


Tsawˇ gahˇ ahˇ-eu deuˬ yaw haiˬ jeˬ yahˇ dzeuˇ nya kʼawꞈ, dawˇ ga deuˬ maˬ noeˬ duˬ mi naˆ-ehˇ aˬ laꞈ keuˆ leˇ-eu meh.


Sahˬpaˬ Miˬyehˇ taˬ huiˬ taˬ mahˇ-eu jeˬ-aˬ, yaw haiˬ jeˬ-ahˇ bye-eu gaˇ kawˆ meh. Nui ma huiˬ-eu mahˇ-eu jeˬ hawˇ-eu jahˇ gʼeh-eu jeˬ-ahˇ ngaˇ muiˇ-awˇ, yaw haiˬ jeˬ hawˇ-eu maˬ tsaˬ maˬ dawˇ-eu dawˬ-ahˇ ngaˇ bye-eu ma.


Miˬyehˇ-oˇ, ngaˇ nawˬ-ahˇ nui nahˬ nui yu lawˇ nehˬ ma. Nahˬ yu ni gʼeh-eu iˬ baˇ noeˬ poˆ-euˬ nui ma-ahˇ nawˇ maˬ byehˇ dzeh nehˬ laꞈ-a.


Nui ma tsawˬpaˆ-euˬdeuˬdawˬpeh, SahˬpaˬMiˬyehˇjawˇluꞈ-eu meh. Nui ma cawˆ-eu tsawˇhaˬdeuˬ-ahˇ, aˬyawꞈka kʼoꞈdoˆnehˬ-eu meh.


Yeˬluˇsaˬlehˬ meuˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ ma lehˇ ehˇ taˬ-euˬ gaˇ nawˇ ya gaˬ ngeh, nawˬ-euˬ nui ma noeˬ paˇ-awˇ, mehˬ tsoeˬ cehˬ pyaˬ-awˇ ngoeˇ-eu laꞈ kʼoeˇ, ngaˬ-euˬ mehˬ shi nawˇ nui ma nahˬ yu ni taˬ-euˬ meh. Nawˬ-euˬ shaˇ dawˬ-ahˇ ngaˇ ya gaˬ gʼaˬ-euˬ ma.


Aˬ yawꞈ-euˬ guiˬ lahˬ shaˇ dawˬ-ahˇ Miˬyehˇ naˇ haˬ geuꞈ nehˬ-euˬ gaˇ kawˆ maˬ ehˇ, aˬ yawꞈ iˬ baˇ maˬ noeˬ poˆ mi naˆ-ehˇ yaw haiˬ jeˬ mˇ-euˬ gaˇ kawˆ, lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ tsoˆ-euˬ gaˇ kawˆ, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ tehˆ-euˬ gaˇ kawˆ hawˇ-eu, tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-euˬ gaˇ kawˆ heu deuˬ dawˬ tawˆ luꞈ maˬ ehˇ, Miˬyehˇ gʼaˇ duˬ ngehˬ dah-eu deuˬ-euˬ Laˬsaˬbaˬ sahˬ boꞈ laꞈ kʼoeˇ boꞈ ahˇ taˬ-euˬ meh.


Aˬ yawꞈ kʼoeˇ loꞈ-ehˇ ya daˬ ngeh, nui ma nahˬ laˇ-awˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ paw noeˬ pyawˇ kʼoꞈ laˇ-awˇ, caw ba nehˬ laꞈ-awˬ lehˇ shaˇ-euˬ meh.


Ehˇ kʼawꞈ ni, aˇ saˬ saˬ laˇ ngeh, Heˬsaˬgiˇ hawˇ-eu Yeˬluˇsaˬlehˬ tsawˇ haˬ iˬ baˇ noeˬ poˆ-awˇ nui ma nahˬ yu ni taˬ-euˬ miˇ neh, Heˬsaˬgiˇ ziˇ dehꞈ jiˇ ngeh keuˆ ni Sahˬpaˬ Miˬyehˇ aˬ yawꞈ maꞈ-ahˇ maˬ kʼehˬ maˬ kʼaˆ nehˬ ni byehˇ-euˬ meh.


Yeˬluˇsaˬlehˬ meuˬ hawˇ-eu kʼoeˇ gaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ ma lehˇ ehˇ taˬ-euˬ gaˇ nawˇ ya gaˬ ngeh, nawˬ-euˬ nui ma noeˬ paˇ-awˇ, mehˬ tsoeˬ cehˬ pyaˬ-eu laꞈ kʼoeˇ, ngaˬ-euˬ mehˬ shiˬ nawˇ nui ma nahˬ yu ni taˬ-euˬ meh. Jawˇ duˬ kʼoeˇ tsahˇ-ahˇ, maˬ haw peuˬ ni guˆ laˇ paˬ-ehˇ gʼeh-eu jawˇ duˬ bi pyeuꞈ laˇ-awˇ, tsawˇ haˬ zaˬ deuˬ yaˬ kʼehˇ yaˬ ngeh, jawˇ duˬ kʼoeˇ tsahˇ-euˬ tsawˇ myahˇ kuˇ-awˇ yaˬ tehꞈ-a. Ehˇ kʼawꞈ, nawˬ-euˬ shaˇ dawˬ ngaˇ naˇ haˬ nehˬ ma.


“Ngaˬ-euˬ mehˬ shi Aˬhaˆ nui ma nahˬ yu ni taˬ-awˇ jawˇ luꞈ-eu nawˇ ya mawˇ gʼaˬ maˬ loˇ. Aˬ yawꞈ kʼoeˇ loꞈ-ehˇ jawˇ-eu miˇ neh, aˬ yawꞈ yaw dehꞈ dehꞈ luꞈ-eu aˇ yamˬ laꞈ kʼoeˇ, guˆ-eu gaˆ-eu jeˬ ngaˇ maˬ paˇ bi keuˆ le ma. Aˬ yawꞈ-euˬ aˬ li-euˬ ziˇ-ahˇ, Aˬhaˆ-euˬ nymˇ jiˇ kʼoeˇ taˆ guˆ-eu gaˆ-eu jeˬ ngaˇ bi keuˆ le ma.”


Kʼoeˇ naˇ, Moˇseˬ hawˇ-eu Aˬloˬ aˬ nyaꞈ sahˬ paˬ kʼoeˇ gʼaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Heˬbyehˇ tsawˇ haˬ-euˬ Miˬyehˇ pyeuꞈ-eu Sahˬpaˬ Miˬyehˇ ehˇ-eu, ‘Aˇ myah keuˆ ni nawˇ ngaˬ-euˬ laꞈ oꞈ maˬ awꞈ-ehˇ, nui ma gʼahˇ-eu gʼeh te. Ngaˬ-ahˇ uˬ duˬ bi tahˬ laˇ-eu gʼaˇ duˬ, ngaˬ-euˬ tsawˇ haˬ deuˬ-ahˇ pyehˬ nehˬ-awˬ.


Ehˇ kʼawꞈ, nawˇ hawˇ-eu nawˬ-euˬ gaˇ mˇ-eu yaw huiˬ yaw mahˇ deuˬ, nymˬ-mˇ keuˆ ni, Miˬyehˇ pyeuꞈ-eu Sahˬpaˬ Miˬyehˇ-ahˇ maˬ guˆ-a siˬ lehˇ ngaˇ siˬ duˬ ma.”


Ehˇ kʼawꞈ, iˬ nah keuˆ ni nawˇ nui ma huiˬ-awˇ, ngaˬ-euˬ tsawˇ haˬ-ahˇ maˬ pyehˬ nehˬ ni jawˇ luꞈ-eu meh.


Miˬyehˇ nehˬ-ehˇ dzaˬ taˬ-euˬ dawˬ ma saˇ jaˇ-ahˇ aˬ yawꞈ maꞈ maˬ ziꞈ-ehˇ, aˬ yawꞈ-euˬ zahˇ dawˬ kʼoꞈ dawˬ-ahˇ maˬ naˇ haˬ geuꞈ-a.


Gaˇ yaw jawꞈ heu deuˬ mˇ-euˬ baˬ da neh, aˬ yawꞈ maꞈ maˬ shaꞈ dawˇ-a loˇ. Aˬ yawꞈ maꞈ tiˬ pawꞈ-iˬ maˬ shaꞈ dawˇ-ehˇ, myaˆ pyawˬ tiˬ pawꞈ-iˬ maˬ cawˆ-a. Kʼoeˇ baˬ da neh aˬ cawˬ loꞈ-ehˇ aˬ yawꞈ maꞈ kʼawꞈ ya coˬ-iˇ-awˇ, aˬ yawꞈ maꞈ-ahˇ ngaˇ kʼehˬ nehˬ ngeh, aˬ yawꞈ maꞈ-euˬ aˇ nah jiˇ le meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”


“Tsawˇ haˬ kʼoeˇ deuˬ-ahˇ heu loꞈ-ehˇ ehˇ nehˬ-awˬ” lehˇ, Sahˬpaˬ Miˬyehˇ ngaˬ-ahˇ ehˇ-eu meh. “Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ heu loꞈ-ehˇ ehˇ taˬ-euˬ jaˆ-eu ma. Ngaˬ neh naw maꞈ-ahˇ mehˬ nehˬ tsoˆ nehˬ taˬ-euˬ jeˬ mehˬ nah caw teh-awˇ, naw maꞈ jawˇ gaˇ maˬ tsehˆ leˇ ni pyehˬ gʼeh leꞈ-euˬ, Miˬyehˇ gʼaˇ duˬ ngehˬ dah-eu deuˬ-euˬ dawˬ-ahˇ yaw zeu baw-eu laꞈ kʼoeˇ, ngaˬ-euˬ ehˇ dawˬ-ahˇ naw maꞈ ya naˇ haˬ geuꞈ meh lehˇ ehˇ taˬ-euˬ jaˆ-eu ma. Ehˇ kʼawꞈ, aˬ yawꞈ maꞈ neh ngehˬ-euˬ dawˬ-ahˇ naw maꞈ tiˬ jawˇ-iˬ maˬ naˇ haˬ-a.


Ehˇ kʼawꞈ, miˇ kʼahˬ heu kʼahˬ aˬ yawꞈ maꞈ za-awˇ jawˇ luꞈ ngeh, nawˬ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-ehˇ, nawˬ neh mehˬ nehˬ tsoˆ nehˬ-euˬ loꞈ-ehˇ maˬ dehꞈ ni, nawˬ neh bi mˇ-euˬ jeˬ-ahˇ aˬ yawꞈ maꞈ maˬ mˇ-a. Kʼoeˇ miˇ neh heu loꞈ-ehˇ gʼeh-eu luˬ-iˇ seˇ-iˇ-eu jeˬ, aˬ yawꞈ maꞈ kʼoeˇ taˆ nawˇ bi keuˆ le-euˬ meh.


Heu poˆ jawˇ naw maꞈ kʼoeˇ taˆ bi keuˆ le-euˬ luˬ-iˇ seˇ-iˇ-eu jeˬ-aˬ, miˬ yehˇ nui deuˬ-ahˇ naw maꞈ lawˇ-eu shehˇ-eu jeˬ mˇ-awˇ, Sahˬpaˬ Miˬyehˇ neh biꞈ taˬ-euˬ dawˬ-ahˇ maˬ naˇ haˬ ni, aˬ yawꞈ-ahˇ mˇ lehˬ-euˬ miˇ neh meh.”


Iˇsaˬleˬlaˆ-ahˇ tahˇ joe bi joe byoˆ leꞈ ni, tahˇ joe laꞈ-ahˇ dehˬ ahˇ nehˬ-euˬ aˬ suˇ gʼaˬ-a. Aˬ dui mˇ bahˬ-euˬ Sahˬpaˬ Miˬyehˇ neh, tahˇ joe laꞈ-ahˇ dehˬ ahˇ nehˬ laꞈ-euˬ meh. Aˬ yawꞈ nui kʼahˇ aˬ dui maˬ dehꞈ byah-ehˇ, aˬ yawꞈ mehˬ gaˇ aˬ dui maˬ naˇ haˬ geuꞈ nehˬ-aˬ.


Saˇ jaˇ ziꞈ-eu jeˬ-ahˇ Sahˬpaˬ Miˬyehˇ aˬ diˇ poˆ-awˇ, naw maꞈ-ahˇ diˬ kʼawꞈ maˬ diˬ paˇ nya ehˇ, nawˬ pahˬ nehˬ kʼawꞈ naw maꞈ-ahˇ maˬ dzaw paˇ nya-a. Nawˬ-euˬ nui ma gʼahˇ-awˇ iˬ baˇ-ahˇ maˬ byehˇ-a.


Swiv nou:

Piblisite


Piblisite