Yeˬlaˬmiˇ 43:6 - Akha

⁶ Baˬluˆ nga nyaꞈ ahˇ leˇ-ehˇ, kʼaˬ dzeˇ zaˬ hawˇ-eu zaˬ miˬ zaˬ deuˬ maˬ ehˇ, zaˬ yaw nyiˇ deuˬ maˬ ehˇ, sahˬ paˬ zaˬ miˬ deuˬ maˬ ehˇ, Baˬbuˇloˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Neˬbuˬzaˬlaˬdaˬ neh Geˬdaˬliˇ haw-u pyaˆ-eu uˬ moˆ kʼaˇ bi jawˇ yaꞈ-euˬ tsawˇ haˬ dawˬ tawˆ luꞈ-ahˇ, aˬ yawꞈ maꞈ sheuˬ ka gʼeh-euˬ meh.

Yeˬlaˬmiˇ 43:6 Referans Kwoze

Yeˬlaˬmiˇ 39:10

Myawˬ gahˬ tiˬ jeˬ-iˬ maˬ jaˆ-eu yaw shaˬ zaˬ tiˬ paˆ na deuˬ-ahˇ, Yuˇdaˆ miˇ kʼahˬ laꞈ kʼoeˇ aˬ yawꞈ bi jawˇ yaꞈ-awˇ, aˬ gaꞈ yaˇ kmˇ hawˇ-eu deh yaˇ biˇ nehˬ yaꞈ-euˬ meh.

Yeˬlaˬmiˇ 40:7

Yuˇdaˆ tsawˇ haˬ yaw huiˬ yaw mahˇ tiˬ paˆ na deuˬ hawˇ-eu yehˇ tiˬ paˆ na deuˬ, Baˬbuˇloˬ guiˇ maꞈ-ahˇ yahˇ pawˇ-awˇ jawˇ-euˬ meh. Baˬbuˇloˬ sahˬ paˬ neh Geˬdaˬliˇ-ahˇ Yuˇdaˆ miˇ kʼahˬ-ahˇ bi haw piˇ-awˇ, Baˬbuˇloˬ miˇ kʼahˬ -ahˇ maˬ nyehꞈ gʼeh ni bi jawˇ yaꞈ-euˬ shaˬ dui zahˬ dui dui-eu tsawˇ haˬ deuˬ kʼoeˇ taˆ uˆ lahˇ-eu gʼaˬ bi geuꞈ yaꞈ-euˬ gaˇ kawˆ, aˬ yawꞈ maꞈ ya gaˬ-euˬ meh.

Ngoeˇ dawˬ 3:1

Miˬyehˇ nui ma pehˇ-eu daˇ cuiˇ bi diˬ naˇ haw-euˬ gʼaˬ ngaˇ ma.

Yeˬlaˬmiˇ 41:10

Kʼoeˇ naˇ, sahˬ paˬ zaˬ miˬ deuˬ hawˇ-eu, Baˬbuˇloˬ guiˇ maꞈ deuˬ kʼoeˇ taˆ uˆ lahˇ-eu Neˬbuˬzaˬlaˬdaˬ neh Geˬdaˬliˇ uˆ lahˇ-eu uˬ moˆ Miˇzaˬpaˬ meuˬ-ahˇ kʼaˇ bi jawˇ yaꞈ-euˬ tsawˇ haˬ dawˬ tawˆ luꞈ-ahˇ aˬ yawꞈ nyehꞈ jiˇ-euˬ meh. Aˬ yawꞈ maꞈ-ahˇ Iˇshaˬmeˬlaˇ nyehꞈ-awˇ, Aˬmoˬ miˇ kʼahˬ paw doˆ-iˇ-eu meh.

Yeˬlaˬmiˇ 52:10

Yiˇbaˬlahˬ meuˬ-ahˇ, Zeˬdaˬkiˇ-euˬ mehˬ shi Zeˬdaˬkiˇ-euˬ aˬ li deuˬ-ahˇ aˬ yawꞈ sehꞈ-awˇ, Yuˇdaˆ tsawˇ haˬ yaw huiˬ yaw mahˇ deuˬ-ahˇ kʼawꞈ, aˬ yawꞈ sehꞈ-euˬ meh.

Yoˇhaˬ 21:18

Ngaˇ nawˬ-ahˇ maˇ jawˆ ni ehˇ nehˬ nyaˇ. Nawˇ zaˬ guˬ pyeuꞈ ngeh, yawˬ haˇ yawˬ ha joꞈ paꞈ paꞈ deuˇ-awˇ, yawˬ ha kʼaˇ iˇ mawꞈ gaˇ iˇ-euˬ meh. Ehˇ kʼawꞈ, nawˇ tsawˇ mawˬ mawˬ le ngeh, nawˬ-euˬ aˬ laꞈ cawˬ diˇ nehˬ-awˇ, aˬ cawˬ neh joꞈ paꞈ bi paꞈ-awˇ, yawˬ ha maˬ iˇ mawꞈ gaˇ bi tsahˇ gʼeh tehꞈ-a.”

Yeˬlaˬmiˇ 38:22

Yuˇdaˆ sahˬ paˬ-euˬ hawˇ nymˇ laꞈ kʼoeˇ kʼaˇ dzeˇ-eu zaˬ miˬ zaˬ deuˬ-ahˇ, Baˬbuˇloˬ tsawˇ haˬ yaw huiˬ yaw mahˇ deuˬ jawˇ gaˇ sheuˬ doˆ gʼeh nehˬ-eu ngaˇ ya mawˇ-euˬ ma. Aˬ yawꞈ maꞈ heu loꞈ-ehˇ ehˇ-awˇ doˆ-iˇ luꞈ-eu meh. ‘Sahˬ paˬ-ahˇ gʼoeˇ dui dui-eu cawˬ deuˬ, sahˬ paˬ-ahˇ tsawˇ gahˇ gahˇ gʼaˬ-euˬ meh. Sahˬ paˬ aˬ kuiˇ lah yaˬ-ahˇ nawˬ pahˬ-awˇ, cawˬ deuˬ byehˇ dzeh nehˬ yaꞈ-euˬ meh’ lehˇ ehˇ-eu meh.”

Yeˬlaˬmiˇ 43:3

Nga maꞈ-ahˇ Baˬbuˇloˬ tsawˇ haˬ deuˬ neh bi sehꞈ-eu gʼaˇ duˬ, maˬ ngeuˇ naˇ, Baˬbuˇloˬ miˇ kʼahˬ-ahˇ bi nyehꞈ daˆ gʼeh-eu gʼaˇ duˬ, Neˬliˇyaˆ-euˬ aˬ li Baˬluˆ neh tsawˇ gahˇ gahˇ-awˇ nawˬ-ahˇ bi oe-euˬ ngaˇ.”

Yeˬlaˬmiˇ 45:1

Yawˇshiˆ-euˬ aˬ li Yeˬhawˇyaˬkmˬ Yuˇdaˆ sahˬ paˬ geuꞈ-euˬ oeˬ kʼoꞈ tiˬ kʼoꞈ-ahˇ, ngaˬ neh gui ka nehˬ-euˬ dawˬ-ahˇ Baˬluˆ boꞈ doˆ-euˬ meh. Kʼoeˇ naˇ aˬ yawꞈ-ahˇ ngaˇ heu loꞈ-ehˇ ehˇ nehˬ-euˬ ma.

Yeˬlaˬmiˇ 40:11

Aˇ yamˬ kʼoeˇ yamˬ laꞈ kʼoeˇ Baˬbuˇloˬ sahˬ paˬ neh Iˇsaˬleˬlaˆ tsawˇ haˬ tiˬ paˆ na deuˬ-ahˇ Yuˇdaˆ miˇ kʼahˬ laꞈ kʼoeˇ jawˇ daˆ leꞈ-eu aˬ kawˬ-aˬ biꞈ-awˇ, Geˬdaˬliˇ-ahˇ aˬ yawꞈ maꞈ kʼoeˇ taˆ bi uˆ lahˇ-euˬ gaˇ kawˆ, Mawˇbaˆ miˇ kʼahˬ, Aˬmoˬ miˇ kʼahˬ hawˇ-eu Eˬdoˬ miˇ kʼahˬ laꞈ kʼoeˇ jawˇ-eu Iˇsaˬleˬlaˆ tsawˇ haˬ dawˬ tawˆ luꞈ ya gaˬ-euˬ meh.