Yeˬlaˬmiˇ 43:12 - Akha

¹² Iˇjiˇtuˆ miˬ yehˇ deuˬ-euˬ uˬ duˬ tahˬ nymˇ deuˬ-ahˇ ngaˇ miˬ dzaˬ dzah puiˆ-awˇ, aˬ yawꞈ maꞈ-euˬ miˬ yehˇ tiˬ paˆ na deuˬ-ahˇ Baˬbuˇloˬ sahˬ paˬ neh bi laˆ cawˆ-awˇ, tiˬ paˆ na deuˬ aˬ yawꞈ neh bi yuˇ geuꞈ gʼeh tehꞈ-a. Yawˇ bo-eu tsawˇ haˬ yawˬ ha-euˬ pehˇ kʼahˬ-ahˇ shehˇ mawˇ tseuˆ shawˇ dzeh-eu loꞈ-ehˇ, Baˬbuˇloˬ sahˬ paˬ Iˇjiˇtuˆ miˇ kʼahˬ-ahˇ tseuˆ shawˇ dzeh-awˇ, nui kʼahˇ shiˇ taˆ ni gʼoꞈ leˇ tehꞈ-a.

Yeˬlaˬmiˇ 43:12 Referans Kwoze

Yeˬsaˬgeˬlaˇ 30:13

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Tahˬ pahˬ aˬ ma mawˇ kawˇ hawˇ-eu, Mehˇpiˇ meuˬ-ahˇ jaˆ-eu mawˇ kawˇ, ngaˇ laˆ cawˆ byoˆ jiˇ-eu lehˇ ma. Iˇjiˇtuˆ sahˬ paˬ maˬ baw-ehˇ, miˇ kʼahˬ zaˬ deuˬ bi guˆ sehꞈ ma.

Iˇsaˬyaˇ 49:18

Doe doe-ehˇ nawˇ haw gʼeh-iˬ sheˇ. Nawˬ-euˬ tsawˇ haˬ uiˬ leˇ luꞈ meh. Aˬ yawꞈ maꞈ gʼoꞈ laˇ-eu lehˇ gʼeh luꞈ meh. Ngaˇ dehꞈ luꞈ-eu Miˬyehˇ pyeuꞈ-eu duˬ-euˬ loꞈ-ehˇ, jiˇ cehˇ gʼeh-eu zaˬ miˬ myawˬ guˇ geuꞈ-awˇ jahˇ gʼeh haw gaˇ duˇ ni, nawˬ-euˬ tsawˇ haˬ gʼaˇ duˬ nawˇ kʼahˬ sehˇ jehˆ tehꞈ-a.

Iˇsaˬyaˇ 19:1

Heu-aˬ, Iˇjiˇtuˆ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Haw yawˬ. Mˬ dmˇ yaw kawˇ-ahˇ Sahˬpaˬ Miˬyehˇ dziˬ-awˇ, Iˇjiˇtuˆ miˇ kʼahˬ-ahˇ oe luꞈ meh. Iˇjiˇtuˆ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, aˬ yawꞈ mehˬ shi yaw dzuˬ dzuˬ-awˇ, Iˇjiˇtuˆ tsawˇ haˬ deuˬ-euˬ nui ma guiˇ-iˇ luꞈ meh.

Yeˬlaˬmiˇ 48:7

“Mawˇbaˆ nawˇ-aˬ, yawˬ ha-euˬ gʼaˬ hawˇ-eu, yawˬ ha pyuˇ shuiˇ-ahˇ nui kʼaˬ tsmˬ-euˬ meh. Ehˇ kʼawꞈ, nymˬ-mˇ aˬ cawˬ neh guiˇ bi deuˆ gʼaˬ-awˇ, naw maꞈ-euˬ Sheˬmoˇshaˆ miˬ yehˇ kʼoeˇ yehˇ, sahˬ paˬ zaˬ yo deuˬ hawˇ-eu piˇ ma deuˬ nehˬ-ehˇ, aˬ cawˬ miˇ kʼahˬ-ahˇ bi nyehꞈ gʼeh tehꞈ-a.

Yeˬlaˬmiˇ 46:25

Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Deˬbiˇ miˬ yehˇ Aˬmo-ahˇ ngaˇ kʼehˬ-eu lehˇ gʼeh-eu ma. Iˇjiˇtuˆ sahˬ paˬ maˬ ehˇ, Iˇjiˇtuˆ miˬ yehˇ deuˬ maˬ ehˇ, Iˇjiˇtuˆ sahˬ paˬ-ahˇ gʼoe-eu miˇ kʼahˬ zaˬ deuˬ-ahˇ maˬ ehˇ, ngaˇ kʼehˬ-eu lehˇ gʼeh-eu ma.

Jaceuq 104:2

yaw shehꞈ neh tsahˇ lahˇ taˬ-euˬ meh. Mˬ-ahˇ sehˬ gʼawˆ loꞈ-ehˇ nawˇ sheu taw-awˇ,

Yawˇbaˆ 40:10

Toˆ-ehˇ ngeuˇ naˇ, huiˬ dui mahˇ dui dui-eu jeˬ laꞈ kʼoeˇ tuˇ-awˇ, baoˬ yaw shehꞈ kʼahˬ sehˇ-ahˇ dm-awˬ.

Iˇsaˬtaˆ 6:9

Kʼoeˇ naˇ, nawˬ-euˬ gaˇ mˇ-eu yaw huiˬ yaw mahˇ deuˬ laꞈ kʼoeˇ aˬ cawˬ naˆ maˬ tseˇ huiˬ dzehˬ-eu tiˬ gʼaˬ tseˇ doˆ-awˇ, tsawˇ haˬ kʼoeˇ gʼaˬ-ahˇ sahˬ paˬ-euˬ pehˇ kʼahˬ pehˇ mahˇ bi dm-awˇ mahˬ-ahˇ bi dziˬ-awˇ, meuˬ gʼahˇ lahˇ ceh mahˬ kʼoeˇ mawˇ tsahˇ-awˇ bi cah jawˬ-awˬ. Kʼoeˇ naˇ, mahˬ tsahˇ-eu yaw huiˬ yaw mahˇ kʼoeˇ gʼaˬ-ahˇ, ‘Sahˬ paˬ nui kʼahˇ shiˇ-awˇ ciˬ huiˬ ciˬ mahˇ mawꞈ-eu gʼaˬ-ahˇ aˬ joˆ-ehˇ taˬ hui nehˬ-eu nga lehˇ haw yawˬ’ lehˇ guˇ guˇ-ehˇ bi cah-awˬ.”

2 Saˬmeuˬlaˆ 5:21

Piˇliˇtiˆ tsawˇ haˬ deuˬ cehˆ byaˆ ngeh, aˬ yawꞈ maꞈ-euˬ tahˬ pahˬ aˬ ma mawˇ kawˇ byehˇ dzeh yaꞈ-awˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ tahˬ pahˬ aˬ ma mawˇ kawˇ kʼoeˇ deuˬ yuˇ kʼoꞈ gʼeh-euˬ meh.

Doˆ-iˇ 12:12

“Kʼoeˇ ngeh miˇ, Iˇjiˇtuˆ miˇ kʼahˬ-ahˇ ngaˇ iˇ paˆ gʼeh-awˇ, dehꞈ beh beh le-euˬ aˬ li aˬ yuiꞈ yawˬ gʼaˬ na luꞈ hawˇ-eu, jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ yawˬ mawˇ na luꞈ bi shiˇ-awˇ, Iˇjiˇtuˆ tsawˇ haˬ deuˬ-euˬ miˬ yehˇ dawˬ tawˆ luꞈ-ahˇ ngaˇ kʼehˬ nehˬ kʼaˆ nehˬ ma.

Gawˇlawˇsehˇ 3:14

Heu deuˬ dawˬ tawˆ luꞈ mˇ-euˬ kʼoeˇ taˆ gʼoeˇ-eu gaˬ-eu jeˬ bi jaˆ-awˬ. Gʼoeˇ-eu gaˬ-eu jeˬ-aˬ, dawˬ tawˆ luꞈ tiˬ gaˇ taꞈ leˇ jiˇ ni gahˇ dzahˬ-eu meh.

Gawˇlawˇsehˇ 3:12

Naw maꞈ-aˬ, Miˬyehˇ-euˬ tsawˇ haˬ meh. Aˬ yawꞈ naw maꞈ-ahˇ gaˬ-awˇ, aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ tseˇ doˆ taˬ-euˬ meh. Kʼoeˇ miˇ neh, aˬ cawˬ-ahˇ gʼawˬ shaˬ gaˬ-eu, aˬ cawˬ-ahˇ ngehˬ gʼeh mawꞈ-eu, yawˬ haˇ yawˬ ha taˬ nyiˇ-eu, nui nahˬ nui yu ahˇ-eu, nui ma gʼawˬ mahˇ ni taˬ-eu, heu deuˬ-ahˇ naw maꞈ dm tsahˬ taˬ-awˬ.

Eˇpeˇsu 6:11

Nehꞈ sahˬ paˬ tsawˇ gahˇ gahˇ laˇ gaˇ naw maꞈ gʼaˬ leˇ nya ni, Miˬyehˇ neh biꞈ laꞈ-euˬ guiˇ deuˆ-eu keu ka dawˬ tawˆ luꞈ-ahˇ dm-awˬ.

Eˇpeˇsu 4:24

Maˇ maˇ ni gʼeh-eu yaw tsaˬ yaw dawˇ hawˇ-eu yaw muiˬ yaw shawˇ laꞈ kʼoeˇ Miˬyehˇ-euˬ aˇ gʼeh-ahˇ duˇ leˇ ni beh taˬ-euˬ yaw dehꞈ dehꞈ-eu yaw shuiꞈ jeˬ-ahˇ dm-awˬ.

Lormav 13:12

Uˬ ciꞈ buˬ-iˇ-awˇ nah gʼahˇ keuˆ le-eu dawˬ peh peh laˇ-euˬ meh. Yaw zahˇ-ahˇ taꞈ-eu gaˇ deuˬ aˬ dui maˬ mˇ ni naˬ leˇ-awˇ, yaw bya laꞈ kʼoeˇ deuˆ ceh ceh-eu keu ka deuˬ-ahˇ dm kaˇ-euˇ.

Zeˬpaˬniˇ 2:11

Sahˬpaˬ Miˬyehˇ aˬ yawꞈ maꞈ-ahˇ, yaw kʼaˆ-ehˇ laˆ guˆ nehˬ tehꞈ-a. miˇ taˆ miˬyehˇ dawˬ tawˆ luꞈ-ahˇ, SahˬpaˬMiˬyehˇ laˆ cawˆ jiˇ-awˇ, miˇtsaˬtsawˇjeuˬtsawˇca dawˬtawˆ, yawˬ ha jawˇ-eu miˇ kʼahˬ laꞈ kʼoeˇ, aˬ yawꞈ-ahˇ uˬ duˬ tahˬ tehꞈ-a.

Yeˬlaˬmiˇ 51:44

Baˬbuˇloˬ miˇ kʼahˬ-euˬ Beˇleˇ miˬ yehˇ-ahˇ ngaˇ kʼehˬ nehˬ-awˇ, aˬ yawꞈ neh kʼoeˬ uiˬ taˬ-euˬ myawˬ gahˬ deuˬ bi smˬ-iˇ jiˇ ma. Tsawˇ jeuˬ tiˬ jeuˬ-iˬ aˬ yawꞈ-ahˇ uˬ duˬ maˬ tahˬ ni pyeuꞈ-iˇ tehꞈ-a. “Baˬbuˇloˬ meuˬ lahˇ byaˆ-iˇ-euˬ meh.

Yeˬlaˬmiˇ 50:2

“Miˇ kʼahˬ tsawˇ jeuˬ dawˬ tawˆ luꞈ-ahˇ, gaˇ kawˆ heu dzawˇ gaˬ-awˇ. Gaˇ kawˆ tiˬ jeˬ-iˬ maˬ zaꞈ ni, paˇ loˬ paˇ lehˇ baꞈ tuˇ-awˇ guˇ gaˬ-awˬ. Baˬbuˇloˬ meuˬ bi deuˆ gʼaˬ-awˇ, Maˬduˆ miˬ yehˇ nui ma cawˆ luꞈ-eu meh. Baˬbuˇloˬ tahˬ pahˬ aˬ ma deuˬ daˬ ga daˬ nyoeˇ kuˇ ni, kʼehꞈ jiˇ kʼoeˆ jiˇ-euˬ meh.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Iˇsaˬyaˇ 61:5

Ngaˬ-euˬ tsawˇ haˬ deuˬ-oˇ, boeˇ miˬ siˬ kʼaˬ deuˬ naw maꞈ-ahˇ mˇ cu tehꞈ-a. Naw maꞈ-euˬ yawˇ aˬ yawꞈ maꞈ bo nehˬ-awˇ, naw maꞈ-euˬ yaˇ aˬ yawꞈ maꞈ mˇ nehˬ-awˇ, naw maꞈ-euˬ aˬ gaꞈ yaˇ kmˇ aˬ yawꞈ maꞈ bo saˆ tehꞈ-a.

Iˇsaˬyaˇ 59:17

Shmˇ mehˬ tsoeˬ dm kaˬ-eu loꞈ-ehˇ, yaw tsaˬ yaw dawˇ jeˬ aˬ yawꞈ dm gʼoeˬ-awˇ, ka kʼoꞈ-eu uˬ kʼoˆ kʼoˆ tehꞈ-a. Laꞈ poˆ poˆ-eu pehˇ kʼahˬ aˬ yawꞈ dm-awˇ, nui ma pehˇ-eu pehˇ kʼahˬ pehˇ ma dm daˆ tehꞈ-a.

Iˇsaˬyaˇ 52:1

Yeˬluˇsaˬlehˬ meuˬ-oˇ, noeˬ laˇ-awˬ. Beuˇ laˇ-awˬ. Gʼaˬ ziꞈ dah ni paˇ ahˇ laˇ-awˬ. Miˬyehˇ-euˬ muiˬ-eu shawˇ-eu meuˬ-oˇ, yaw shehꞈ kʼahˬ sehˇ dm-awˬ. Lawˇ ciꞈ zaˬ deuˬ meuˬ lahˇ laꞈ kʼoeˇ maˬ paˇ ya uˇ laˇ meh.

Iˇsaˬyaˇ 46:1

“Baˬbuˇloˬ miˬ yehˇ deuˬ gʼaˇ duˬ aˇ saˬ saˬ-eu aˇ yamˬ keuˆ le-euˬ meh. Beˇleˇ hawˇ-eu Neˬboˬ-ahˇ yaw beh uˬ duˬ tahˬ-euˬ kʼawꞈ, nymˬ-mˇ mahˬ tahˬ laˆ-ahˇ bi kaꞈ daˆ-awˇ, jeˬ zaˬ-euˬ daˇ tsuiꞈ-ahˇ kʼaˆ behˆ laˆ kah nehˬ-euˬ tehꞈ meh.

Iˇsaˬyaˇ 21:9

Haw yawˬ. Mahˬ dziˬ-eu deuˬ aˇ gu baw baw-ehˇ laˇ luꞈ meh. Loꞈ luꞈ-eu tsawˇ haˬ kʼoeˇ gʼaˬ ehˇ-eu, “Baˬbuˇloˬ meuˬ cawˆ-iˇ gʼaˬ-euˬ meh. Aˬ yawꞈ maꞈ uˬ duˬ tahˬ-euˬ tahˬ pahˬ aˬ ma mawˇ kawˇ deuˬ, yaw kʼehꞈ yaw kʼoeˆ-ehˇ miˇ tsaˬ ga meh.”

Jaceuq 132:18

Aˬ yawꞈ-ahˇ muiˇ-eu deuˬ-ahˇ ngaˇ daˬ bi ga-awˇ, aˬ yawꞈ-euˬ miˇ kʼahˬ bi baw bi za le ma.”

Jaceuq 132:16

Ziˇoˬ-euˬ piˇ ma deuˬ kʼaˇ mˇ kʼaˇ shaˇ-eu jeˬ laꞈ kʼoeˇ, ngaˇ guiˬ lahˬ biꞈ nehˬ-awˇ, meuˬ zaˬ deuˬ laˬ kʼaˬ cehˇ-awˇ guˇ tehꞈ-a.

Iˇsaˬyaˇ 46:2

Tahˬ pahˬ aˬ ma mawˇ kawˇ yawˬ haˇ yawˬ ha maˬ ka kʼoꞈ nya-a. Aˬ cawˬ neh bi baꞈ byoˆ geuꞈ gʼeh-eu meh. Baˬbuˇloˬ miˬ yehˇ deuˬ gʼaˇ duˬ aˇ saˬ saˬ-eu aˇ yamˬ keuˆ le-euˬ meh.

Yeˬlaˬmiˇ 43:13

Iˇjiˇtuˆ miˇ kʼahˬ Heˬliˬpawˇliˆ meuˬ-ahˇ jaˆ-eu muiˬ-eu shawˇ-eu kʼaˬ lo kʼawˇ zeuˇ deuˬ-ahˇ aˬ yawꞈ laˆ cawˆ-awˇ, Iˇjiˇtuˆ miˬ yehˇ deuˬ-euˬ uˬ duˬ tahˬ nymˇ deuˬ-ahˇ aˬ yawꞈ miˬ dzaˬ keuˬ dzeh tehꞈ-a.”

Yeˬlaˬmiˇ 49:27

Daˬmaˬsehˇ meuˬ-euˬ meuˬ lahˇ-ahˇ ngaˇ miˬ dzaˬ keuˬ dzeh-awˇ, sahˬ paˬ Beˬhaˬdaˇ-euˬ hawˇ nymˇ deuˬ bi puiˆ dzaˬ jiˇ tehꞈ-a lehˇ, ngaˇ Baoˬ huiˬ-eu Sahˬpaˬ Miˬyehˇ ehˇ-eu ma.”

Yeˬsaˬgeˬlaˇ 29:11

Kʼoeˇ gaˇ tsawˇ haˬ hawˇ-eu jeˬ zaˬ cah tsehˆ-eu maˬ jawˇ ni pyeuꞈ-iˇ tehꞈ-a. Oeˬ tseˇ kʼoꞈ byah ni tiˬ jeˬ-iˬ maˬ dehꞈ maˬ jawˇ ni pyeuꞈ-iˇ tehꞈ-a.

Daˬyeˬlaˇ 11:8

Aˬ yawꞈ maꞈ-euˬ miˬ yehˇ deuˬ hawˇ-eu, miˬ yehˇ kʼoeˇ deuˬ-ahˇ damˬ nehˬ taˬ-euˬ shuiˇ hawˇ-eu pyuˇ neh jahˇ taˬ-euˬ mˇ myawˬ keu ka deuˬ, Iˇjiˇtuˆ miˇ kʼahˬ-ahˇ aˬ yawꞈ yuˇ kʼoꞈ gʼeh tehꞈ-a. Aˇ yamˬ gʼawˬ myahˇ ni, aˬ yawꞈ guiˇ maˬ paˇ deuˆ ni jawˇ tehꞈ-a.

Yeˬlaˬmiˇ 10:11

(Mˬ hawˇ-eu miˇ-ahˇ beh-euˬ gʼaˬ maˬ ngeuˇ-eu miˬ yehˇ deuˬ ya luˬ ya seˇ-iˇ-awˇ, miˇ tsaˬ kʼoeˇ taˆ tiˬ gʼaˬ-iˬ maˬ jaˆ maˬ jawˇ nya ni pyeuꞈ-iˇ tehꞈ-a lehˇ, tsawˇ haˬ kʼoeˇ deuˬ-ahˇ naw maꞈ ya ehˇ nehˬ meh.)

Yeˬlaˬmiˇ 10:15

Miˬ yehˇ kʼoeˇ deuˬ tiˬ pawꞈ-iˬ gaˇ dahˇ maˬ tsoeˬ-ehˇ, tsawˇ haˬ zaˬ-euˬ cehꞈ lehꞈ ka duˬ tehꞈ meh. Sahˬpaˬ Miˬyehˇ zaꞈ le-awˇ kʼehˬ nehˬ ngeh, aˬ yawꞈ maꞈ byoˆ-iˇ laˆ-iˇ jiˇ tehꞈ-a.

Yeˬlaˬmiˇ 25:19

Kʼmˬ maˬ kʼoeˇ kʼmˬ kʼaˇ ya ciˬ dawˇ-euˬ tsawˇ haˬ deuˬ-aˬ, Iˇjiˇtuˆ sahˬ paˬ hawˇ-eu aˬ yawꞈ-euˬ zaˬ kʼaˆ deuˬ, aˬ yawꞈ-euˬ laꞈ oˆ gaˇ mˇ-eu sahˬ paˬ sahˬ ma deuˬ, aˬ yawꞈ-euˬ miˇ kʼahˬ zaˬ dawˬ tawˆ luꞈ hawˇ-eu,

Yeˬsaˬgeˬlaˇ 29:19

Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, nymˬ-mˇ heu loꞈ-ehˇ ehˇ-eu ma. Iˇjiˇtuˆ miˇ kʼahˬ kʼoeˇ sahˬ paˬ Neˬbuˬkaˬneˬzaˬ-ahˇ ngaˇ a nehˬ ma. Aˬ yawꞈ-euˬ guiˇ maꞈ neh guiˇ deuˆ-euˬ aˇ poeˬ, Iˇjiˇtuˆ miˇ kʼahˬ-ahˇ kʼaˇ jaˆ-eu pyuˇ shuiˇ myawˬ gahˬ dawˬ tawˆ luꞈ, aˬ yawꞈ deuˆ geuꞈ gʼeh jiˇ tehꞈ-a.