Yeˬlaˬmiˇ 42:2 - Akha

² ngaˇ jawˇ gaˇ oe-awˇ heu loꞈ-ehˇ ehˇ le-euˬ meh. “Nga maꞈ nawˬ-ahˇ shaˇ-eu loꞈ-ehˇ jahˇ nehˬ laꞈ-awˬ. Nga maꞈ gʼaˇ duˬ nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ. Buˬ-iˇ law-iˇ-euˬ tsawˇ haˬ deuˬ pyeuꞈ-eu nga maꞈ dawˬ tawˆ luꞈ gʼaˇ duˬ guiˬ lahˬ shaˇ nehˬ laꞈ-awˬ. Dzeuˇ laˇ ngeh aˬ dui tsawˇ haˬ myaˬ dui dui-euˬ kʼawꞈ, nymˬ-mˇ nawˇ mawˇ luꞈ-eu loꞈ-ehˇ ui cuiˆ dzeˇ-eu tehꞈ meh.

Yeˬlaˬmiˇ 42:2 Referans Kwoze

Yeˬlaˬmiˇ 36:7

Guˆ laˇ paˬ-ehˇ gʼeh-eu Sahˬpaˬ Miˬyehˇ-euˬ nui ma pehˇ-eu jeˬ ehˇ taˬ-euˬ miˇ neh, aˬ yawꞈ maꞈ Sahˬpaˬ Miˬyehˇ-ahˇ guiˬ lahˬ shaˇ-awˇ, yaw haiˬ jeˬ maˬ paˇ mˇ ni byehˇ-eu baw le” lehˇ mehˬ nehˬ-euˬ ma.

Uˬ duˬ 26:22

Jeˬ zaˬ yaw haiˬ deuˬ naw maꞈ jawˇ gaˇ ngaˇ pyehˬ gʼeh leꞈ-awˇ, naw maꞈ-euˬ zaˬ deuˬ-ahˇ kawꞈ sehꞈ-awˇ, naw maꞈ-euˬ jeˬ zaˬ deuˬ-ahˇ laˆ piˬ laˆ byoˆ nehˬ tehꞈ-a. Naw maꞈ tsawˇ haˬ ui cuiˆ tehꞈ-ehˇ dzeˇ-eu miˇ neh, naw maꞈ iˇ-eu gaˇ ma ciˬ cuˇ ni jaˆ tehꞈ-a.

Yaˬkoˆ 5:16

Kʼoeˇ miˇ neh, naw maꞈ naˇ-eu gawˇ-eu taˬ leˇ nya ni tiˬ gʼaˬ tiˇ gʼaˬ iˬ baˇ ja doˆ-awˇ, tiˬ gʼaˬ tiˇ gʼaˬ guiˬ lahˬ shaˇ nehˬ-awˬ. Yaw tsaˬ yaw dawˇ tsawˇ haˬ tiˬ gʼaˬ neh guiˬ lahˬ shaˇ-euˬ-aˬ, baoˬ jaˆ-eu meh.

Gʼaˬkʼehˇ 8:24

Beˬtuˆluˆ hawˇ-eu Yoˇhaˬ aˬ nyaꞈ-ahˇ Siˇmoˬ ehˇ nehˬ-eu, “Naw nyaꞈ neh kʼaˇ ehˇ-euˬ jeˬ, ngaˬ-euˬ kʼoeˇ taˆ tiˬ jeˬ-iˬ maˬ bi keuˆ le-eu gʼaˇ duˬ, Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ.”

Ngoeˇ dawˬ 1:1

Tsawˇ haˬ tiˬ teuˇ jawˇ-euˬ meuˬ kʼoeˇ, nymˬ-mˇ ciˬ cuˇ ni jaˆ-eu meh. Miˇ kʼahˬ tsawˇ jeuˬ tiˬ tahˇ tiˬ yaˇ, yaw zeu baw dui dui-euˬ meuˬ kʼoeˇ, miˬ coeˬ coeˬ-iˇ gaˇ duˇ-eu meh. Meuˬ kʼaˇ jaˆ-eu dawˬ tawˆ mehˬ shi, sahˬ paˬ zaˬ miˬ-ahˇ duˇ-euˬ meuˬ, aˬ cawˬ zaˬ kʼaˆ pyeuꞈ-iˇ-euˬ meh.

Iˇsaˬyaˇ 37:4

Aˬshuˇliˆ sahˬ paˬ neh aˬ yawꞈ-euˬ yaw huiˬ yaw mahˇ gʼaˬ-ahˇ pyehˬ gʼeh leꞈ-awˇ, dehꞈ luꞈ-eu Miˬyehˇ-ahˇ yehˬ bawˬ sehˇ lu-ehˇ bi ehˇ le-euˬ meh. Kʼoeˇ loꞈ-ehˇ yehˬ bawˬ sehˇ lu-ehˇ ehˇ-eu dawˬ-ahˇ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ya gaˬ-awˇ, kʼoeˇ loꞈ-ehˇ ehˇ-eu tsawˇ haˬ deuˬ-ahˇ kʼehˬ nehˬ kʼaˆ nehˬ luꞈ-uˇ. Kʼoeˇ miˇ neh, maˬ luˬ maˬ seˇ-iˇ-ehˇ dzeˇ-eu aˬ dui-euˬ tsawˇ haˬ deuˬ gʼaˇ duˬ, Miˬyehˇ-ahˇ guiˬ lahˬ shaˇ nehˬ laꞈ-awˬ.”

Iˇsaˬyaˇ 1:9

Baoˬ huiˬ-eu Sahˬpaˬ Miˬyehˇ neh, aˬ dui tiˬ paˆ na deuˬ-ahˇ maˬ bi dzeuˇ-iˇ law nmˇ-aˬ, Sawˇdoˬ meuˬ hawˇ-eu Gawˇmawˇlaˆ meuˬ loꞈ-ehˇ, ya shiˇ cuˆ jiˇ-eu yaw duˬ baw law hawˇ nga.

1 Saˬmeuˬlaˆ 12:19

Aˬ yawꞈ maꞈ Saˬmeuˬlaˆ-ahˇ ehˇ-eu, “Nga maꞈ maˬ ya shiˇ-eu gʼaˇ duˬ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ. Nga maꞈ mˇ dzeuˇ-euˬ iˬ baˇ nui deuˬ uˬ taꞈ, sahˬ paˬ shaˇ-eu laꞈ kʼoeˇ nga maꞈ iˬ baˇ paˇ mˇ lahˬ-euˬ loꞈ-ehˇ pyeuꞈ luꞈ-eu gaˇ kawˆ nymˬ-mˇ nga maˬ siˬ duˬ-euˬ ma.”

1 Saˬmeuˬlaˆ 7:8

“Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ aˬ dui-ahˇ ka kʼoꞈ nehˬ laꞈ ni, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ tehˇ tehˬ-awˬ” lehˇ, Saˬmeuˬlaˆ-ahˇ aˬ yawꞈ maꞈ ehˇ nehˬ-euˬ meh.

Yeˬlaˬmiˇ 37:20

Sahˬ paˬ-oˇ, ngaˇ ehˇ gaˇ naˇ haˬ-awˇ, ngaˬ neh kʼaˇ ehˇ-euˬ loꞈ-ehˇ mˇ-awˬ lehˇ, nymˬ-mˇ nawˬ-ahˇ ngaˇ shaˇ-eu ma. Tiˬ jeˬ gʼeh-awˇ neh-iˬ, Yawˇnaˆshaˬ-euˬ nymˇ-ahˇ jaˆ-eu paꞈ kuˆ laꞈ kʼoeˇ ngaˬ-ahˇ taˬ paˇ nyehꞈ-ahˇ poˆ nehˬ laꞈ. Kʼoeˇ gaˇ nyehꞈ ahˇ poˆ nehˬ laꞈ naˇ, maˇ maˇ ni shiˇ-eu miˇ-a” lehˇ ehˇ nehˬ-euˬ ma.

Yeˬlaˬmiˇ 37:3

Sahˬ paˬ Zeˬdaˬkiˇ-aˬ, Sheˬleˬmiˇ-euˬ aˬ li Yeˬhuˇkaˬlaˆ hawˇ-eu Mawˇseˬyaˇ-euˬ aˬ li piˇ ma Zaˬpaˬniˇ-ahˇ ngaˇ jawˇ gaˇ pyehˬ gʼeh leꞈ-awˇ, ‘Aˬ dui-euˬ miˇ kʼahˬ gʼaˇ duˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ’ lehˇ bi ehˇ le-euˬ meh.

1 Sahˬpaˬ 13:6

Kʼoeˇ ngeh, “Ngaˬ-euˬ aˬ laꞈ taˬ leˇ ni, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ guiˬ lahˬ shaˇ nehˬ laꞈ-awˬ” lehˇ, Miˬyehˇ gʼaˇ duˬ ngehˬ dah-eu tsawˇ haˬ kʼoeˇ gʼaˬ-ahˇ sahˬ paˬ Yeˬyawˇbamˬ ehˇ nehˬ-euˬ meh. Miˬyehˇ gʼaˇ duˬ ngehˬ dah-eu kʼoeˇ gʼaˬ Sahˬpaˬ Miˬyehˇ-ahˇ guiˬ lahˬ shaˇ ngeh, sahˬ paˬ-euˬ aˬ laꞈ taˬ leˇ-euˬ meh.

Dawˬmehˬ 28:62

Mˬ kʼoeˇ taˆ tsehˬ luꞈ-eu aˬ guiˇ deuˬ loꞈ-ehˇ naw maꞈ myaˬ laˇ behˇ laˇ kʼawꞈ, tsawˇ haˬ ui cuiˆ tehꞈ-ehˇ ya buˬ ya law-iˇ tehꞈ-a. Aˬ jeˬ miˇ neh ehˇ naˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ nawˇ maˬ naˇ haˬ geuꞈ-a.

Doˆ-iˇ 8:28

Sahˬ paˬ ehˇ-eu, “Gaˇ mahˇ kaˬ dui dui-eu jawˇ duˬ-ahˇ naw maꞈ maˬ iˇ byoˆ gʼeh naˇ, bawˇ tsahˬ bawˇ dahˇ-ahˇ iˇ-awˇ, naw maꞈ-euˬ Sahˬpaˬ Miˬyehˇ-ahˇ lawˇ nehˬ shehˇ nehˬ-iˇ-eu gʼaˇ duˬ, ngaˇ naw maꞈ-ahˇ pyehˬ nehˬ ma. Ngaˬ-euˬ gʼaˇ duˬ guiˬ lahˬ shaˇ nehˬ laꞈ-awˬ.”

Maꞈtehˬ 24:22

Ehˇ kʼawꞈ, aˇ nah aˇ yamˬ kʼoeˇ Miˬyehˇ neh laˆ nymˇ taˬ-euˬ meh. Aˬ yawꞈ neh kʼoeˇ loꞈ-ehˇ maˬ laˆ nymˇ law nmˇ-aˬ, tsawˇ haˬ tiˬ gʼaˬ-iˬ maˬ dzeuˇ-iˇ nya-aˇ. Aˬ yawꞈ neh tseˇ doˆ-euˬ tsawˇ haˬ deuˬ gʼaˇ duˬ shaˇ noeˬ-awˇ, aˇ nah aˇ yamˬ kʼoeˇ nymˇ le ni aˬ yawꞈ jahˇ-euˬ meh.

Yeˬsaˬgeˬlaˇ 12:16

Aˬ cawˬ tsawˇ jeuˬ yaw kaˬ-ahˇ ya dehꞈ ngeh, aˬ yawꞈ maꞈ neh mˇ dzeuˇ yaꞈ-euˬ gaˇ deuˬ jawꞈ dui dui law hawˇ ngaˬ lehˇ siˬ leˇ-awˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ siˬ duˬ leˇ ni, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ laꞈ kʼoeˇ aˬ yawꞈ maꞈ tsawˇ haˬ maˬ bi shiˇ byoˆ jiˇ ni, ui cuiˆ bi dzeuˇ-iˇ ma.”

Yeˬlaˬmiˇ 42:20

Naw maꞈ lehˬ dui dui-iˇ-eu jeˬ maˬ mˇ ni yahˇ-awˬ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ lehˇ, naw maꞈ ngaˬ-ahˇ ehˇ-awˇ, aˬ yawꞈ neh kʼaˇ ehˇ-euˬ jeˬ geuꞈ ma lehˇ naw maꞈ saˇ jaˇ dzaˬ taˬ gʼaˬ-euˬ meh.

Yeˬlaˬmiˇ 21:2

“Baˬbuˇloˬ sahˬ paˬ Neˬbuˬkaˬneˬzaˬ nga maꞈ-ahˇ guiˇ deuˆ le-euˬ miˇ neh, nga maꞈ-euˬ gʼaˇ duˬ Sahˬpaˬ Miˬyehˇ-ahˇ tiˬ poˆ ngehˬ cawˬ nehˬ laꞈ-awˬ. Sahˬpaˬ Miˬyehˇ kʼaˆ jeˬ-ehˇ gʼeh-eu jeˬ jahˇ-awˇ, Neˬbuˬkaˬneˬzaˬ-ahˇ teh gʼoꞈ nehˬ laꞈ-eu baw le.”

Iˇsaˬyaˇ 1:15

Naw maꞈ aꞈ laꞈ cawˬ ja-awˇ guiˬ lahˬ shaˇ ngeh, naw maꞈ-ahˇ ngaˇ maˬ haw cawˬ. Naw maꞈ-euˬ aˬ laꞈ-ahˇ shiˬ lehꞈ-eu miˇ neh, naw maꞈ guiˬ lahˬ shaˇ sehꞈ leꞈ kʼawꞈ, ngaˇ maˬ naˇ haˬ nehˬ.

1 Saˬmeuˬlaˆ 12:23

Ngaˇ tehꞈ law nmˇ-aˬ, naw maꞈ gʼaˇ duˬ guiˬ lahˬ maˬ shaˇ ni jawˇ-eu baˬ da neh ngaˬ-euˬ kʼoeˇ taˆ iˬ baˇ maˬ ya jaˆ laˇ ni yahˇ-eu gʼaˇ duˬ, Sahˬpaˬ Miˬyehˇ ngaˬ-ahˇ ehˇ nehˬ laꞈ gʼaˬ-euˬ meh. Yaw muiˬ jeˬ hawˇ-eu yaw tsaˬ yawˬ dawˇ jeˬ-ahˇ naw maꞈ mˇ ni, ngaˇ mehˬ luꞈ tsoˆ luꞈ-eu ma.

Dawˬmehˬ 4:27

Aˬ cawˬ tsawˇ jeuˬ deuˬ yaw kaˬ-ahˇ naw maꞈ ya cehˆ byaˆ ni Sahˬpaˬ Miˬyehˇ jahˇ-awˇ, naw maꞈ laꞈkʼoeˇ tsawˇ haˬ ui cuiˆ tehꞈ-ehˇ kʼoeˇ gaˇ ya buˬ ya law-iˇ tehꞈ-a.

Doˆ-iˇ 9:28

Sahˬpaˬ Miˬyehˇ-ahˇ guiˬ lahˬ shaˇ-awˬ. Mˬ jeˬ tsawˬ tehˆ hawˇ-eu uˬ yehˇ aˇ siˬ heu deuˬ-ahˇ nga maꞈ maˬ paˇ daˬ coeˇ miˇ-a. Naw maꞈ-ahˇ pyehˬ nehˬ ma lehˇ ngaˇ saˇ jaˇ dzaˬ-eu ma. Naw maꞈ heu gaˇ maˬ paˇ ya jawˇ-aˇ.”

Yeˬlaˬmiˇ 15:11

Sahˬpaˬ Miˬyehˇ-oˇ, nawˬ-euˬ nui kʼahˇ ngaˇ maˬ mˇ byah-ehˇ, ngaˬ-ahˇ muiˇ-eu deuˬ kʼoeˇ taˆ shaˬ-eu zahˬ-eu jeˬ keuˆ le ngeh, aˬ yawꞈ maꞈ-euˬ dah zaˇ ngaˇ nawˬ-ahˇ maˬ shaˇ ju-euˬ ngeuˇ naˇ, aˬ yawꞈ maꞈ neh yaˬ kʼehˇ kʼaˇ yaˬ-euˬ jeˬ ngaˬ-euˬ kʼoeˇ taˆ keuˆ le luꞈ-uˇ.

Yeˬlaˬmiˇ 38:14

Tiˬ poˆ-aˬ, Uˬ duˬ tahˬ nymˇ nymˇ ma-ahˇ uˇ leˇ-eu lahˇ kʼehˬ smˇ kʼehˬ tiˬ kʼehˬ-ahˇ, aˬ yawꞈ jawˇ gaˇ bi laˇ-eu gʼaˇ duˬ, ngaˬ-ahˇ bi sheuˬ laˬ le-awˇ, “Nawˬ-ahˇ, ngaˇ tiˬ jeˬ naˇ haˬ mawꞈ nya. Yawˬ jeˬ na luꞈ kʼaˇ ngeuˇ-eu loꞈ-ehˇ bi ehˇ doˆ jiˇ mawꞈ miˇ-a” lehˇ ehˇ-eu meh.

Yeˬlaˬmiˇ 40:15

Ehˇ kʼawꞈ, Geˬdaˬliˇ maˬ jah-a. Kʼoeˇ ngeh, Yoˇhaˬnaˬ neh aˬ yawꞈ-ahˇ heu loꞈ-ehˇ ciˬ cuˇ ni ehˇ nehˬ-euˬ meh. “Ngaˬ-ahˇ Iˇshaˬmeˬlaˇ-ahˇ bi sehꞈ-iˇ laꞈ-awˬ. Aˬ cawˬ tiˬ gʼaˬ-iˬ maˬ bi siˬ ni ngaˇ jahˇ ma. Aˬ jeˬ miˇ neh nawˬ-ahˇ aˬ yawꞈ neh bi sehꞈ nmˇ. Nawˬ-ahˇ bi sehꞈ shaw naˇ, nawˬ nehˬ-ehˇ jawˇ-eu Yuˇdaˆ tsawˇ haˬ dawˬ tawˆ luꞈ cehˆ byaˆ jiˇ-awˇ, Yuˇdaˆ miˇ kʼahˬ laꞈ kʼoeˇ kʼaˇ dzeˇ luꞈ-eu tsawˇ haˬ dawˬ tawˆ luꞈ kʼoeˇ taˆ, shaˬ zahˬ guˆ gaˆ keuˆ le tehꞈ-a.”

Hawˇseˬ 8:10

Aˬ yawꞈ maꞈ-ahˇ kuˇ uiˬ jiˇ-awˇ, ngaˇ kʼehˬ nehˬ-eu lehˇ gʼeh-eu ma. Aˬshuˇliˆ miˇ kʼahˬ-euˬ sahˬ paˬ, yawꞈ maꞈ-ahˇ kʼehˬ le kʼaˆ le gaˇ, gʼawˬ myahˇ maˬ gʼeh-ehˇ ya daˬ meh.

Aˬmoˆ 7:2

Nyehˇ bahˇ kʼoeˇ deuˬ miˇ kʼahˬ heu kʼahˬ laꞈ kʼoeˇ kʼaˇ jaˆ-eu buˬ nyoeˇ dawˬ tawˆ luꞈ teuꞈ byoˆ jiˇ gaˇ, yaw sahˇ laꞈ kʼoeˇ ngaˇ ya mawˇ-awˇ, ngaˇ heu loꞈ-ehˇ ehˇ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˬ-euˬ tsawˇ haˬ deuˬ-ahˇ iˬ baˇ pyehˬ nehˬ-awˬ. Aˬ yawꞈ maꞈ-ahˇ aˬ joˆ-ehˇ bi dehꞈ-iˇ nmˇ. Aˬ yawꞈ maꞈ-aˬ, teˬ dui nyiˇ dui dui-awˇ, gʼaˬ baˬ dui dui-eu meh.”

Dawˬmehˬ 28:63

Nawˇ baw le za le-awˇ, myaˬ laˇ behˇ laˇ ni jahˇ nehˬ-eu gʼaˇ duˬ Sahˬpaˬ Miˬyehˇ laˬ kʼaˬ cehˇ-eu loꞈ-ehˇ, nawˇ luˬ-iˇ seˇ-iˇ-awˇ, nawˬ-euˬ kʼoeˇ taˆ yaw cawˆ jeˬ keuˆ le ni mˇ-eu gʼaˇ duˬ kʼawꞈ, aˬ yawꞈ laˬ kʼaˬ cehˇ tehꞈ-a. Nawˇ jawˇ leˇ-eu lehˇ gʼeh-eu miˇ kʼahˬ-ahˇ aˬ yawꞈ nawˬ-ahˇ gʼeu dzeh doˆ tehꞈ-a.

Jaceuq 119:170

Ngaˬ-euˬ shaˇ dawˬ-ahˇ naˇ haˬ-awˇ, nawˬ neh saˇ jaˇ dzaˬ taˬ-euˬ loꞈ-ehˇ ka kʼoꞈ nehˬ laꞈ.

Iˇsaˬyaˇ 42:20

Iˇsaˬleˬlaˆ-oˇ, nawˬ neh mawˇ-euˬ jeˬ maˬ gui jiˇ coeˇ-a. Ehˇ kʼawꞈ, dawˬ tsuiꞈ gʼoˆ nya ma loˇ. Naw maꞈ gaˬ-eu naˬ bawˇ tsoꞈ kʼawꞈ, gaˬ duˬ taˬ-euˬ aˬ jeˬ jaˆ te.”

Yeˬlaˬmiˇ 2:27

Aˇ bawˇ-ahˇ aˬ da shaˇ kuˇ-awˇ, kʼaˬ lo-ahˇ aˬ ma shaˇ kuˇ-eu naw maꞈ, ngaˬ-ahˇ naˇ kʼah ciˬ pyawˇ nehˬ yaꞈ-euˬ baˬ da neh, daˬ ga-awˇ ya shaꞈ dawˇ tehꞈ-a. Ehˇ kʼawꞈ, shaˬ-eu zahˬ-eu jeˬ-ahˇ naw maꞈ ya tahˬ puˬ ngeh, ka kʼoꞈ nehˬ laꞈ lehˇ ngaˬ-ahˇ shaˇ-eu meh.