Yeˬlaˬmiˇ 42:1 - Akha

¹ Kʼoeˇ naˇ, Kaˬyaˬ-euˬ aˬ li Yoˇhaˬnaˬ hawˇ-eu, Hawˇshaˬyaˇ-euˬ aˬ li Aˬzaˬyiˇ aˬ nyaꞈ ahˇ leˇ-ehˇ, guiˇ maꞈ kʼoeˇ taˆ uˆ lahˇ-eu aˬ yuiꞈ deuˬ dawˬ tawˆ luꞈ hawˇ-eu, miˇ kʼahˬ zaˬ huiˬ zaˬ nyiˇ zaˬ dawˬ tawˆ luꞈ,

Yeˬlaˬmiˇ 42:1 Referans Kwoze

Yeˬlaˬmiˇ 41:11

Iˇshaˬmeˬlaˇ neh yaw doeˇ jahˇ-euˬ gaˇ kawˆ kʼoeˇ, Yoˇhaˬnaˬ hawˇ-eu aˬ yawꞈ nehˬ-ehˇ kʼaˇ jawˇ-eu yehˇ deuˬ kʼoeˇ taˆ aˬ yuiꞈ geuꞈ-eu deuˬ dawˬ tawˆ luꞈ ya gaˬ-euˬ meh.

Yeˬlaˬmiˇ 40:13

Kʼoeˇ naˇ, Yoˇhaˬnaˬ hawˇ-eu, Baˬbuˇloˬ sahˬ paˬ-euˬ laˬ oꞈ maˬ awꞈ ni jawˇ luꞈ-eu yehˇ deuˬ kʼoeˇ taˆ aˬ yuiꞈ geuꞈ-eu deuˬ, Miˇzaˬpaˬ meuˬ-ahˇ Geˬdaˬliˇ jawˇ gaˇ laˇ-awˇ,

Yeˬlaˬmiˇ 6:13

Huiˬ zaˬ nyiˇ zaˬ dawˬ tawˆ luꞈ kʼawꞈ, maˬ dawˇ-eu laꞈ kʼoeˇ pyuˇ poˆ-awˇ, Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ kʼawꞈ, miˇ kʼahˬ zaˬ-ahˇ mehˇ shuiˇ shuiˇ dzaˬ-eu meh.

Yeˬlaˬmiˇ 44:12

Baˬbuˇloˬ miˇ kʼahˬ-ahˇ maˬ bi nyehꞈ daˆ gʼeh ni dzeˇ yaꞈ-euˬ, Iˇjiˇtuˆ miˇ kʼahˬ-ahˇ jawˇ-iˇ ma lehˇ noeˬ tsehˆ taˬ-euˬ Yuˇdaˆ tsawˇ haˬ kʼoeˇ deuˬ dawˬ tawˆ luꞈ, ya luˬ ya seˇ-iˇ jiˇ tehꞈ-a. Aˬ yawꞈ maꞈ huiˬ zaˬ nyiˇ zaˬ dawˬ tawˆ luꞈ, Iˇjiˇtuˆ miˇ kʼahˬ laꞈ kʼoeˇ, guiˇ deuˆ-eu baˬ da neh maˬ ngeuˇ naˇ, mehꞈ-eu shuꞈ-eu baˬ da neh ya shiˇ jiˇ tehꞈ-a. Aˬ yawꞈ maꞈ kʼoeˇ taˆ guˆ dui dui laˇ paˬ-ehˇ gʼeh-eu jeˬ keuˆ le tehꞈ-a. Aˬ cawˬ tsawˇ jeuˬ aˬ yawꞈ maꞈ-ahˇ ja bu ja doeˇ-awˇ, aˬ yawꞈ maꞈ-euˬ tsawˇ myahˇ-ahˇ gʼoe gʼoe-ehˇ yaˬ kʼehˇ yaˬ tehꞈ-a.

Yeˬlaˬmiˇ 42:8

Kʼoeˇ ngeh, Yoˇhaˬnaˬ hawˇ-eu aˬ yawꞈ nehˬ-ehˇ kʼaˇ jawˇ-eu guiˇ maꞈ-ahˇ uˆ lahˇ-eu aˬ yuiꞈ aˬ tsu dawˬ tawˆ luꞈ-ahˇ maˬ ehˇ, huiˬ zaˬ nyiˇ zaˬ kʼaˇ jawˇ kʼaˇ deuˬ-ahˇ maˬ ehˇ, ngaˇ kuˇ uiˬ-euˬ ma.

Yeˬlaˬmiˇ 40:8

Kʼoeˇ naˇ, Naˬdaˬneˬlaˇ-euˬ aˬ li Iˇshaˬmeˬlaˇ, Kaˬyaˬ-euˬ aˬ li Yoˇhaˬnaˬ, Taˬhuˇmehˇ-euˬ aˬ li Seˬlehˇyaˬ, Neˬtawˇpaˬ meuˬ-ahˇ jawˇ-eu Eˇpoeˬ-euˬ aˬ li deuˬ hawˇ-eu, Mawˇkah meuˬ-ahˇ jawˇ-eu Yeˬzaˬniˆ aˬ ha maꞈ-aˬ, aˬ yawꞈ maꞈ-euˬ tsawˇ haˬ deuˬ sheuˬ-awˇ, Miˇzaˬpaˬ meuˬ-ahˇ Geˬdaˬliˇ jawˇ gaˇ le-euˬ meh.

Gʼaˬkʼehˇ 8:10

Meuˬ laꞈ kʼoeˇ kʼaˇ jawˇ-eu huiˬ zaˬ nyiˇ zaˬ dawˬ tawˆ luꞈ, “Tsawˇ haˬ heu gʼaˬ-aˬ, ‘Huiˬ dui dui-eu Baoˬ’ lehˇ kuˇ-eu Miˬyehˇ kʼoeˇ gʼaˬ-euˬ baoˬ pyeuꞈ-eu ngaˇ” lehˇ ehˇ-awˇ, aˬ yawꞈ-euˬ ehˇ dawˬ naˇ haˬ-euˬ meh.

Yeˬlaˬmiˇ 8:10

Kʼoeˇ miˇ neh aˬ yawꞈ maꞈ-euˬ deh yaˇ aˬ cawˬ-ahˇ biꞈ-awˇ, aˬ yawꞈ maꞈ-euˬ miˬ zaˬ aˬ cawˬ-ahˇ biꞈ nehˬ ma. Huiˬ zaˬ nyiˇ zaˬ maˬ tseˇ paˆ ni, maˬ sui maˬ dawˇ-eu laꞈ kʼoeˇ pyuˇ shuiˇ poˆ-euˬ meh. Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ kʼawꞈ, miˇ kʼahˬ zaˬ-ahˇ myawꞈ dzaˬ-eu meh.

Maꞈtehˬ 15:8

‘Tsawˇ haˬ heu deuˬ-euˬ mehˬ boeˬ neh, ngaˬ-ahˇ taˬ huiˬ taˬ mahˇ-eu kʼawꞈ, aˬ yawꞈ maꞈ-euˬ nui ma laꞈ kʼoeˇ, ngaˬ-ahˇ gaˇ mahˇ kaˬ dui dui meh.

Yeˬsaˬgeˬlaˇ 33:31

Kʼoeˇ naˇ, ngaˬ-euˬ tsawˇ haˬ kʼoeˇ deuˬ tiˬ teuˇ uiˬ laˇ-awˇ, nawˇ dawˬ ngehˬ gaˇ naˇ haˬ laˇ-eu meh. Ehˇ kʼawꞈ, nawˬ neh ehˇ-euˬ loꞈ-ehˇ aˬ yawꞈ maꞈ maˬ mˇ-a. Nawˬ-euˬ dawˬ-ahˇ caˇ dawˬ caˇ-eu naˆ ni tehꞈ-ehˇ aˬ yawꞈ maꞈ taˬ huiˬ-awˇ, nui kʼahˇ huiˬ-eu dehꞈ jeˬ dehꞈ kawˆ-ahˇ maˬ byehˇ dzeh-a.

Yeˬsaˬgeˬlaˇ 11:1

Miˬyehˇ-euˬ yaw sahˇ ngaˬ-ahˇ ciˬ diˇ-awˇ, Uˬ duˬ tahˬ nymˇ nymˇ ma-euˬ nahˇ ma doˆ kʼehˬ paw jaˆ-eu lahˇ kʼehˬ-ahˇ sheuˬ gʼeh nehˬ laꞈ-euˬ meh. Lahˇ kʼehˬ dawˬ peh, miˇ kʼahˬ zaˬ kʼoeˇ taˆ aˬ yuiꞈ aˬ tsu geuꞈ luꞈ-eu nyiˬ gʼaˬ pyeuꞈ-eu, Aˬzuˆ-euˬ aˬ li Yaˬzaˬniˇ hawˇ-eu Baˬnaˇyaˬ-euˬ aˬ li Peˬlaˬtiˇ aˬ nyaꞈ ahˇ leˇ-ehˇ, tsawˇ haˬ nyiˬ tseˇ ngaˬ gʼaˬ jawˇ luꞈ gaˇ ngaˇ mawˇ-euˬ ma.

Yeˬsaˬgeˬlaˇ 8:11

Sahˬ paˬ-euˬ aˬ li Yaˬzaˬniˇ ahˇ leˇ-ehˇ, Iˇsaˬleˬlaˆ tsawˇ haˬ aˬ yuiꞈ aˬ tsu shiꞈ tseˇ gʼaˬ kʼoeˇ gaˇ jawˇ-eu meh. Aˬ yawꞈ gʼaˬ yawꞈ yaw saw jeˬ doꞈ damˬ duˬ tiˬ gʼaˬ tiˬ hmˬ yuˇ luꞈ-awˇ, yaw saw jeˬ doꞈ taˬ-euˬ uˬ kʼoeˬ uꞈ uꞈ-ehˇ jaˆ-eu meh.

Yeˬlaˬmiˇ 42:20

Naw maꞈ lehˬ dui dui-iˇ-eu jeˬ maˬ mˇ ni yahˇ-awˬ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ lehˇ, naw maꞈ ngaˬ-ahˇ ehˇ-awˇ, aˬ yawꞈ neh kʼaˇ ehˇ-euˬ jeˬ geuꞈ ma lehˇ naw maꞈ saˇ jaˇ dzaˬ taˬ gʼaˬ-euˬ meh.

Yeˬlaˬmiˇ 41:16

Kʼoeˇ naˇ, Geˬdaˬliˇ-ahˇ sehꞈ gʼaˬ miˇ tsa Miˇzaˬpaˬ meuˬ-ahˇ Iˇshaˬmeˬlaˇ neh kʼaˇ nyehꞈ gʼeh-euˬ tsawˇ haˬ deuˬ pyeuꞈ-eu, yehˇ deuˬ, zaˬ miˬ zaˬ deuˬ, zaˬ yaw nyiˇ deuˬ hawˇ-eu saˇ naˇ gaˇ mˇ-eu tsawˇ haˬ deuˬ-ahˇ, Yoˇhaˬnaˬ hawˇ-eu aˬ yawꞈ-euˬ guiˇ maꞈ haw piˇ-euˬ meh.

Iˇsaˬyaˇ 48:1

Yuˇdaˆ-euˬ zaˬ deuˬ uˆ deuˬ pyeuꞈ-eu, Iˇsaˬleˬlaˆ tsawˇ haˬ deuˬ heu gaˇ naˇ haˬ-awˬ. Sahˬpaˬ Miˬyehˇ tsawˇ myahˇ uˬ moˆ naw maꞈ kamˬ-awˇ, Iˇsaˬleˬlaˆ-euˬ Miˬyehˇ-ahˇ uˬ duˬ tahˬ ma lehˇ ehˇ-euˬ meh. Ehˇ kʼawꞈ ehˇ taˬ-euˬ loꞈ-ehˇ maˬ jaˆ-a.

Iˇsaˬyaˇ 29:13

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ heu deuˬ ngaˬ-ahˇ uˬ duˬ tahˬ maˬ ehˇ kʼawꞈ, mehˬ boeˬ tehꞈ-ehˇ uˬ duˬ tahˬ-awˇ, nui ma tiˬ gaˇ bi jaˆ-euˬ meh. Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-aˬ, tiˬ jo tiˇ jo mehˬ ka leꞈ-euˬ, tsawˇ haˬ zaˬ-euˬ zahˇ sahˇ kʼoꞈ tehꞈ meh.

2 Sahˬpaˬ 25:23

Baˬbuˇloˬ tsawˇ haˬ-euˬ laꞈ oꞈ maˬ awꞈ ni jawˇ luꞈ-eu Yuˇdaˆ tsawˇ haˬ yaw huiˬ yaw mahˇ deuˬ hawˇ-eu yehˇ deuˬ gaˇ kawˆ kʼoeˇ ya gaˬ ngeh, Miˇzaˬpaˬ meuˬ-ahˇ Geˬdaˬliˇ jawˇ gaˇ aˬ yawꞈ maꞈ iˇ-euˬ meh. Yaw huiˬ yaw mahˇ kʼoeˇ deuˬ-aˬ, Naˬdaˬniˇ-euˬ aˬ li Iˇshaˬmeˬlaˇ, Kaˬyaˬ-euˬ aˬ li Yoˇhaˬnaˬ, Neˬtawˇpaˬ meuˬ-ahˇ jawˇ-eu Taˬhuˇmehˇ-euˬ aˬ li Seˬlehˇyaˬ hawˇ-eu, Mawˇkah meuˬ-ahˇ jawˇ-eu Yeˬzaˬniˆ aˬ ha maꞈ meh.

Yeˬlaˬmiˇ 37:3

Sahˬ paˬ Zeˬdaˬkiˇ-aˬ, Sheˬleˬmiˇ-euˬ aˬ li Yeˬhuˇkaˬlaˆ hawˇ-eu Mawˇseˬyaˇ-euˬ aˬ li piˇ ma Zaˬpaˬniˇ-ahˇ ngaˇ jawˇ gaˇ pyehˬ gʼeh leꞈ-awˇ, ‘Aˬ dui-euˬ miˇ kʼahˬ gʼaˇ duˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ’ lehˇ bi ehˇ le-euˬ meh.

Yeˬlaˬmiˇ 41:18

Aˬ jeˬ miˇ neh ehˇ naˇ, Baˬbuˇloˬ sahˬ paˬ neh miˇ kʼahˬ kʼoeˇ kʼahˬ-ahˇ bi uˆ lahˇ yaꞈ-euˬ gʼaˬ pyeuꞈ-eu Geˬdaˬliˇ-ahˇ, Iˇshaˬmeˬlaˇ neh sehꞈ-euˬ miˇ neh, Baˬbuˇloˬ tsawˇ haˬ deuˬ-ahˇ aˬ yawꞈ maꞈ guˆ-eu meh.

Yeˬlaˬmiˇ 43:2

Kʼoeˇ naˇ, Hawˇshaˬyaˇ-euˬ aˬ li Aˬzaˬyiˇ, Kaˬyaˬ-euˬ aˬ li Yoˇhaˬnaˬ aˬ nyaꞈ hawˇ-eu, nui ma kʼaˇ huiˬ-eu tsawˇ haˬ deuˬ ngaˬ-ahˇ heu loꞈ-ehˇ ehˇ laˇ-eu meh. “Nawˇ jaˬ myawꞈ myawꞈ-eu nga. Iˇjiˇtuˆ miˇ kʼahˬ-ahˇ taˬ jawˇ-iˇ lehˇ nga maꞈ-ahˇ bi ehˇ le-eu gʼaˇ duˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ kʼehˇ gʼeh leꞈ-euˬ maˬ ngeuˇ-aˇ.