Yeˬlaˬmiˇ 41:15 - Akha

¹⁵ Ehˇ kʼawꞈ, Iˇshaˬmeˬlaˇ hawˇ-eu aˬ yawꞈ-euˬ tsawˇ haˬ yehꞈ gʼaˬ-aˬ, Yoˇhaˬnaˬ-euˬ laꞈ-ahˇ neh cehˆ dzeuˇ-awˇ, Aˬmoˬ miˇ kʼahˬ paw cehˆ-euˬ meh.

Yeˬlaˬmiˇ 41:15 Referans Kwoze

Dawqdaq 28:17

Aˬ cawˬ-ahˇ sehꞈ-eu tsawˇ haˬ-aˬ, yawˬ ha lmˬ bymˇ yawˬ ha duˬ tehˇ tehˬ gaˇ duˇ-eu meh. Aˬ yawꞈ-ahˇ taˬ laˆ tsoeˬ nehˬ.

Yawˇbaˆ 21:30

Miˬyehˇ nui ma pehˇ-awˇ kʼehˬ nehˬ kʼaˆ nehˬ ngeh nah, haiˬ-eu tsawˇ haˬ deuˬ aˬ myah luꞈ dzeuˇ-iˇ-eu meh.

1 Sahˬpaˬ 20:20

Aˬ yawꞈ gʼaˬ yawꞈ, yawˬ ha-ahˇ kʼaˇ deuˆ ceh ceh-eu gʼaˬ-ahˇ deuˆ sehꞈ-euˬ meh. Suˇliˆ tsawˇ haˬ deuˬ cehˆ byaˆ jiˇ-awˇ, Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ mehˬ nah teh-euˬ meh. Ehˇ kʼawꞈ, Beˬhaˬdaˇ gʼaˬ mahˬ dziˬ-awˇ, mahˬ dziˬ-eu aˬ yawꞈ-euˬ yehˇ tiˬ paˆ na deuˬ sheuˬ-awˇ cehˆ dzeuˇ-euˬ meh.

1 Saˬmeuˬlaˆ 30:17

Yawˬ nah yawˬ uˬ bya bya laˇ-eu nehˬ-ehˇ, aˬ yawꞈ maꞈ-ahˇ Daˬbiˇ guiˇ deuˆ-awˇ, uˬ ciꞈ deuˆ ciꞈ-euˬ meh. Law taw dziˬ-awˇ cehˆ-euˬ zaˬ guˬ oeˬ yaˇ gʼaˬ maˬ ngeuˇ naˇ, aˬ yawꞈ maꞈ-euˬ tsawˇ haˬ tiˬ gʼaˬ-iˬ maˬ dzeuˇ-iˇ ni bi sehꞈ jiˇ-euˬ meh.

Gʼaˬkʼehˇ 28:4

Iˇ jaw lahˇ kʼoeˇ lahˇ-ahˇ jawˇ-eu tsawˇ haˬ kʼoeˇ deuˬ Pawˇluˆ-euˬ aˬ laꞈ-ahˇ aˇ lawˇ kʼoeˇ mawˇ ga gʼeu gaˇ mawˇ ngeh, tiˬ gʼaˬ tiˇ gʼaˬ ehˇ-eu, “Tsawˇ haˬ teu gʼaˬ aˬ cawˬ-ahˇ sehꞈ-euˬ tsawˇ haˬ ngaˇ. Iˬ ma laˆ shaˆ laꞈ kʼoeˇ maˬ shiˇ ni ya dzeuˇ-iˇ-euˬ kʼawꞈ, yaw tsaˬ yaw dawˇ jeˬ aˬ yawꞈ-ahˇ maˬ paˇ bi dehꞈ-eu yaw duˬ baw ngaˇ ehˇ lawˬ.”

Yeˬlaˬmiˇ 41:2

Iˇshaˬmeˬlaˇ hawˇ-eu aˬ yawꞈ-euˬ tsawˇ haˬ kʼoeˇ tseˇ gʼaˬ mi cehˇ gʼawˇ doˆ-awˇ, Geˬdaˬliˇ-ahˇ sehꞈ-euˬ meh.

2 Sahˬpaˬ 25:25

Ehˇ kʼawꞈ, kʼoeˇ ngeh kʼoꞈ ba la shiꞈ siˬ tiˬ siˬ-ahˇ, sahˬ paˬ aˇ jeuˬ pyeuꞈ-eu Eˇliˇshaˬmaˇ-euˬ aˬ li Naˬdaˬniˇ-euˬ aˬ li Iˇshaˬmeˬlaˇ gʼaˬ, tsawˇ haˬ tseˇ gʼaˬ sheuˬ-awˇ, Miˇzaˬpaˬ meuˬ-ahˇ iˇ-awˇ, Geˬdaˬliˇ-ahˇ sehꞈ-euˬ meh. Geˬdaˬliˇ nehˬ-ehˇ jawˇ luꞈ-eu Iˇsaˬleˬlaˆ tsawˇ haˬ deuˬ hawˇ-eu, Baˬbuˇloˬ tsawˇ haˬ deuˬ-ahˇ kʼawꞈ, aˬ yawꞈ sehꞈ-euˬ meh.

Yeˬlaˬmiˇ 41:14

Kʼoeˇ miˇ neh, Miˇzaˬpaˬ meuˬ-ahˇ neh Iˇshaˬmeˬlaˇ neh bi nyehꞈ gʼeh-euˬ tsawˇ haˬ kʼoeˇ deuˬ dawˬ tawˆ luꞈ, naˇ kʼah ciˬ pyawˇ-awˇ, Yoˇhaˬnaˬ jawˇ gaˇ cehˆ gʼoꞈ gʼeh-euˬ meh.