Yeˬlaˬmiˇ 41:1 - Akha

¹ Kʼoeˇ ngeh kʼoꞈ ba la shiꞈ siˬ tiˬ siˬ-ahˇ, Eˇliˇshaˬmaˇ-euˬ aˬ li Neˬdaˬniˇ-euˬ aˬ li, sahˬ paˬ-euˬ aˇ jeuˬ aˇ ca pyeuꞈ-awˇ sahˬ paˬ-euˬ gaˇ mˇ-eu yaw huiˬ yaw mahˇ tiˬ gʼaˬ pyeuꞈ-eu Iˇshaˬmeˬlaˇ-aˬ, tsawˇ haˬ tseˇ gʼaˬ sheuˬ-awˇ, Miˇzaˬpaˬ meuˬ-ahˇ Geˬdaˬliˇ jawˇ gaˇ le-euˬ meh. Aˬ yawꞈ maꞈ tiˬ kawˆ loꞈ-ehˇ dzaˬ taꞈ dawˇ taꞈ luꞈ ngeh,

Yeˬlaˬmiˇ 41:1 Referans Kwoze

Yeˬlaˬmiˇ 40:8

Kʼoeˇ naˇ, Naˬdaˬneˬlaˇ-euˬ aˬ li Iˇshaˬmeˬlaˇ, Kaˬyaˬ-euˬ aˬ li Yoˇhaˬnaˬ, Taˬhuˇmehˇ-euˬ aˬ li Seˬlehˇyaˬ, Neˬtawˇpaˬ meuˬ-ahˇ jawˇ-eu Eˇpoeˬ-euˬ aˬ li deuˬ hawˇ-eu, Mawˇkah meuˬ-ahˇ jawˇ-eu Yeˬzaˬniˆ aˬ ha maꞈ-aˬ, aˬ yawꞈ maꞈ-euˬ tsawˇ haˬ deuˬ sheuˬ-awˇ, Miˇzaˬpaˬ meuˬ-ahˇ Geˬdaˬliˇ jawˇ gaˇ le-euˬ meh.

Yeˬlaˬmiˇ 40:6

Miˇzaˬpaˬ meuˬ-ahˇ Geˬdaˬliˇ jawˇ gaˇ ngaˇ gʼoꞈ leˇ-awˇ, miˇ kʼahˬ kʼoeˇ kʼahˬ-ahˇ dzeˇ yaꞈ-euˬ miˇ kʼahˬ zaˬ deuˬ nehˬ-ehˇ jawˇ-euˬ ma.

Jaceuq 41:9

Ngaˬnehˬ-ehˇdzaˬtaꞈdawˇtaꞈ-euˬ, gʼoeˇdui dui-eu cawˬ-ahˇkeuˆni, ngaˬ-ahˇjahˇgʼeh haw luꞈ-eu meh.

Yoˇhaˬ 13:18

“Naw maꞈ dawˬ tawˆ luꞈ gaˇ kawˆ ngaˇ ehˇ luꞈ-eu maˬ ngeuˇ. Ngaˬ neh tseˇ doˆ-euˬ tsawˇ haˬ deuˬ ngaˇ siˬ nya ma. Ehˇ kʼawꞈ, Jaˇliꞈ laꞈ kʼoeˇ ehˇ taˬ-euˬ, ‘Ngaˬ nehˬ-ehˇ gʼawˬ nyoeˇ kʼmˬ maˬ taꞈ-eu gʼaˬ ngaˬ-ahˇ puiˬ-eu meh’ lehˇ ehˇ-eu dawˬ kʼoeˇ dawˬ maˬ byah laˇ-ehˇ maˬ gʼeh nya-a.

Yeˬsaˬgeˬlaˇ 17:13

Sahˬpaˬ-euˬ aˇ jeuˬ aˇ ca nymˇ jiˇ tiˬ nymˇ-ahˇ aˬ yawꞈ tseˇ doˆ-awˇ, saˇ jaˇ dzaˬ-awˇ bi kamˬ-eu laꞈ kʼoeˇ sahˬpaˬ ka nehˬ yaꞈ-euˬ meh. Miˇ kʼahˬ kʼoeˇ taˆ aˬ yuiꞈ aˬ tsu kʼaˇ geuꞈ-euˬ deuˬ-ahˇ aˬ yawꞈ nyehꞈ gʼeh jiˇ-euˬ meh.

Yeˬlaˬmiˇ 36:20

Yaw huiˬ yaw mahˇ kʼoeˇ deuˬ sahˬ boꞈ paˇ yoˆ kʼoeˇ hmˬ-ahˇ, sahˬ paˬ-euˬ hawˇ nymˇ laꞈ kʼoeˇ saˇ naˇ gaˇ mˇ-eu aˬ yuiꞈ geuꞈ-eu Eˇliˇshaˬmaˇ-euˬ lawˆ-ahˇ bi jaˆ-awˇ, sahˬ paˬ-euˬ saˇ naˇ-ahˇ le-awˇ, yawˬ jeˬ na luꞈ sahˬ paˬ-ahˇ dzawˇ gaˬ nehˬ leˇ-euˬ meh.

Yeˬlaˬmiˇ 36:12

Kʼoeˇ naˇ, sahˬ paˬ-euˬ hawˇ nymˇ-ahˇ, saˇ naˇ gaˇ tuˆ tehˬ-eu aˬ yuiꞈ geuꞈ-eu gʼaˬ-euˬ lawˆ-ahˇ aˬ yawꞈ le-euˬ meh. Hawˇ nymˇ saˇ naˇ laꞈ kʼoeˇ gaˇ tuˆ tehˬ-eu aˬ yuiꞈ geuꞈ luꞈ-eu Eˇliˇshaˬmaˇ, Sheˬmaˇyaˬ-euˬ aˬ li Daˬlaˇyaˬ, Aˬkaˬbawˇ-euˬ aˬ li Eˇlaˬnaˬdaˬ, Shaˇpaˬ-euˬ aˬ li Geˬmaˬliˇyaˆ, Haˬnaˬniˇyaˆ-euˬ aˬ li Zeˬdaˬkiˇ hawˇ-eu, yaw huiˬ yaw mahˇ kʼaˇ geuꞈ luꞈ-eu deuˬ dawˬ tawˆ luꞈ, kʼoeˇ gaˇ jawˇ jiˇ-eu meh.

Dawqdaq 27:4

Nui ma pehˇ-eu jeˬ-aˬ, gʼawˬ shaˬ gaˬ-eu maˬ siˬ nya-ehˇ, yaw cawˆ jeˬ tehꞈ-ehˇ mˇ doˆ laꞈ-eu meh. Ehˇ kʼawꞈ, myaˆ naˆ-eu jeˬ nehˬ-ehˇ shaˇ cehˆ haw ngeh, ehˇ nyaꞈ maˬ nyeuˆ-a.

Dawqdaq 13:10

Naˬ bawˇ maˬ tsoꞈ-eu iˬ dehˬ iˬ ceh laˆ doˆ-awˇ, aˬ cawˬ mehˬ gaˇ naˇ haˬ geuꞈ-eu deuˬ tsawˇ gahˇ za-eu meh.

Jaceuq 109:5

Yaw muiˬ jeˬ mˇ nehˬ gaˇ yaw doeˇ jeˬ mˇ kʼoꞈ nehˬ laꞈ-awˇ, gʼoeˇ-eu gaˬ-eu jeˬ-ahˇ bye-eu jeˬ biꞈ kʼoꞈ laꞈ-euˬ meh.

2 Laˬsaˬbaˬ 22:10

Sahˬ paˬ Aˬhaˬziˇ-euˬ aˬ ma Aˬdaˬliˇ-aˬ, aˬ yawꞈ-euˬ aˬ li shiˇ-euˬ gaˇ kawˆ ya gaˬ ngeh, Yuˇdaˆ sahˬ paˬ-euˬ miˬ sawˇ zaˬ dawˬ tawˆ luꞈ-ahˇ sehꞈ-awˬ lehˇ dawˬ biꞈ-euˬ meh.

2 Sahˬpaˬ 25:25

Ehˇ kʼawꞈ, kʼoeˇ ngeh kʼoꞈ ba la shiꞈ siˬ tiˬ siˬ-ahˇ, sahˬ paˬ aˇ jeuˬ pyeuꞈ-eu Eˇliˇshaˬmaˇ-euˬ aˬ li Naˬdaˬniˇ-euˬ aˬ li Iˇshaˬmeˬlaˇ gʼaˬ, tsawˇ haˬ tseˇ gʼaˬ sheuˬ-awˇ, Miˇzaˬpaˬ meuˬ-ahˇ iˇ-awˇ, Geˬdaˬliˇ-ahˇ sehꞈ-euˬ meh. Geˬdaˬliˇ nehˬ-ehˇ jawˇ luꞈ-eu Iˇsaˬleˬlaˆ tsawˇ haˬ deuˬ hawˇ-eu, Baˬbuˇloˬ tsawˇ haˬ deuˬ-ahˇ kʼawꞈ, aˬ yawꞈ sehꞈ-euˬ meh.

2 Sahˬpaˬ 11:1

Sahˬ paˬ Aˬhaˬziˇ-euˬ aˬ ma Aˬdaˬliˇ-aˬ, aˬ yawꞈ-euˬ aˬ li shiˇ-euˬ gaˇ kawˆ ya gaˬ ngeh, sahˬ paˬ-euˬ miˬ sawˇ zaˬ deuˬ dawˬ tawˆ luꞈ-ahˇ sehꞈ jiˇ-euˬ meh.

2 Saˬmeuˬlaˆ 3:27

Aˬbaˬnaˬ Heˬbyoˬ meuˬ-ahˇ gʼoꞈ keuˆ le ngeh, Yoˇbaˬ gʼaˬ Aˬbaˬnaˬ nehˬ-ehˇ, nyiˬ gʼaˬ yaw kaˬ ciˬ cuˇ ni dawˬ ngehˬ cawˬ mawꞈ nya lehˇ ehˇ-awˇ, meuˬ-euˬ lahˇ kʼehˬ paw sheuˬ ceuˆ gʼeh-awˇ, uˬ maˆ-ahˇ mi cehˇ jiˇ baˆ tsawˆ tsoˆ nehˬ-euˬ meh. Yoˇbaˬ-euˬ aˬ nyiˇ Aˬsaˬheˬlaˇ-ahˇ Aˬbaˬnaˬ neh sehꞈ-euˬ miˇ neh, aˬ yawꞈ-ahˇ kʼoeˇ loꞈ-ehˇ paˇ sehꞈ poˆ nehˬ gaˇ ya daˬ-euˬ meh.

Yeˬlaˬmiˇ 39:14

sahˬ paˬ-euˬ hawˇ nymˇ lahˇ laꞈ kʼoeˇ ngaˬ-ahˇ sheuˬ doˆ laˬ le-euˬ meh. Sahˬ paˬ-euˬ aˬ li Aˬhiˇkamˬ-euˬ aˬ li Geˬdaˬliˇ-ahˇ, ngaˬ-ahˇ bi haw piˇ-awˇ, iˇ kahˇ-ahˇ bi sheuˬ kʼoꞈ keuˆ ha le-euˬ meh. Kʼoeˇ naˇ, miˇ kʼahˬ zaˬ deuˬ nehˬ-ehˇ ngaˇ kʼoeˇ gaˇ jawˇ-euˬ ma.

Yeˬlaˬmiˇ 40:5

Ngaˇ dawˬ maˬ tmˇ ni jawˇ ngeh, Neˬbuˬzaˬlaˬdaˬ ngaˬ-ahˇ ehˇ-eu, “Baˬbuˇloˬ sahˬ paˬ neh Yuˇdaˆ meuˬ deuˬ kʼoeˇ taˆ uˆ lahˇ-eu gʼaˬ bi geuꞈ-euˬ sahˬ paˬ-euˬ aˬ li Aˬhiˇkamˬ-euˬ aˬ li Geˬdaˬliˇ jawˇ gaˇ gʼoꞈ leˇ-awˇ, miˇ kʼahˬ zaˬ deuˬ nehˬ-ehˇ tiˬ kawˆ loꞈ-ehˇ jawˇ leˇ-awˬ. Maˬ ngeuˇ naˇ kʼawꞈ, nawˇ kʼaˇ iˇ kʼaˇ laˇ mawꞈ gaˇ iˇ iˇ laˇ laˇ-ehˇ jawˇ nya tehꞈ-a.” Kʼoeˇ naˇ, laꞈ sawˬ hawˇ-eu dzaˬ dzaˬ dawˇ dawˇ ui cuiˆ aˬ yawꞈ ngaˬ-ahˇ biꞈ laꞈ-awˇ, ngaˬ-ahˇ pyehˬ nehˬ laꞈ-euˬ meh.

Yeˬlaˬmiˇ 40:13

Kʼoeˇ naˇ, Yoˇhaˬnaˬ hawˇ-eu, Baˬbuˇloˬ sahˬ paˬ-euˬ laˬ oꞈ maˬ awꞈ ni jawˇ luꞈ-eu yehˇ deuˬ kʼoeˇ taˆ aˬ yuiꞈ geuꞈ-eu deuˬ, Miˇzaˬpaˬ meuˬ-ahˇ Geˬdaˬliˇ jawˇ gaˇ laˇ-awˇ,

2 Sahˬpaˬ 25:22

Baˬbuˇloˬ sahˬ paˬ Neˬbuˬkaˬneˬzaˬ-aˬ, Shaˇpaˬ-euˬ oeˬ paˬ pyeuꞈ-eu Aˬhiˇkamˬ-euˬ aˬ li Geˬdaˬliˇ-ahˇ, Yuˇdaˆ miˇ kʼahˬ-ahˇ uˆ lahˇ-eu gʼaˬ bi geuꞈ-awˇ, Baˬbuˇloˬ miˇ kʼahˬ-ahˇ maˬ bi nyehꞈ gʼeh ni dzeˇ yaꞈ-euˬ deuˬ-ahˇ bi haw bi pyaˆ-euˬ meh.

Yeˬlaˬmiˇ 40:7

Yuˇdaˆ tsawˇ haˬ yaw huiˬ yaw mahˇ tiˬ paˆ na deuˬ hawˇ-eu yehˇ tiˬ paˆ na deuˬ, Baˬbuˇloˬ guiˇ maꞈ-ahˇ yahˇ pawˇ-awˇ jawˇ-euˬ meh. Baˬbuˇloˬ sahˬ paˬ neh Geˬdaˬliˇ-ahˇ Yuˇdaˆ miˇ kʼahˬ-ahˇ bi haw piˇ-awˇ, Baˬbuˇloˬ miˇ kʼahˬ -ahˇ maˬ nyehꞈ gʼeh ni bi jawˇ yaꞈ-euˬ shaˬ dui zahˬ dui dui-eu tsawˇ haˬ deuˬ kʼoeˇ taˆ uˆ lahˇ-eu gʼaˬ bi geuꞈ yaꞈ-euˬ gaˇ kawˆ, aˬ yawꞈ maꞈ ya gaˬ-euˬ meh.