Yeˬlaˬmiˇ 40:8 - Akha

⁸ Kʼoeˇ naˇ, Naˬdaˬneˬlaˇ-euˬ aˬ li Iˇshaˬmeˬlaˇ, Kaˬyaˬ-euˬ aˬ li Yoˇhaˬnaˬ, Taˬhuˇmehˇ-euˬ aˬ li Seˬlehˇyaˬ, Neˬtawˇpaˬ meuˬ-ahˇ jawˇ-eu Eˇpoeˬ-euˬ aˬ li deuˬ hawˇ-eu, Mawˇkah meuˬ-ahˇ jawˇ-eu Yeˬzaˬniˆ aˬ ha maꞈ-aˬ, aˬ yawꞈ maꞈ-euˬ tsawˇ haˬ deuˬ sheuˬ-awˇ, Miˇzaˬpaˬ meuˬ-ahˇ Geˬdaˬliˇ jawˇ gaˇ le-euˬ meh.

Yeˬlaˬmiˇ 40:8 Referans Kwoze

Yeˬlaˬmiˇ 42:1

Kʼoeˇ naˇ, Kaˬyaˬ-euˬ aˬ li Yoˇhaˬnaˬ hawˇ-eu, Hawˇshaˬyaˇ-euˬ aˬ li Aˬzaˬyiˇ aˬ nyaꞈ ahˇ leˇ-ehˇ, guiˇ maꞈ kʼoeˇ taˆ uˆ lahˇ-eu aˬ yuiꞈ deuˬ dawˬ tawˆ luꞈ hawˇ-eu, miˇ kʼahˬ zaˬ huiˬ zaˬ nyiˇ zaˬ dawˬ tawˆ luꞈ,

Dawˬmehˬ 3:14

Maˬnaˇseˬ tsawˇ jeuˬ Yaˬiˇlaˆ tsawˇ haˬ deuˬ-aˬ, Aˬgawˆ lehˇ kʼawꞈ kuˇ-eu Baˬshaˬ miˇ gahˬ gahˬ lah ni geuꞈ-euˬ meh. Kʼoeˇ-aˬ, Geˬshuˇlaˆ meuˬ hawˇ-eu Mawˇkah meuˬ-ahˇ keuˆ ni meh. Yaˬiˇlaˆ-aˬ, kʼoeˇ gaˇ jaˆ-eu pu deuˬ-ahˇ aˬ yawꞈ-euˬ tsawˇ myahˇ biꞈ-awˇ, iˬ nah keuˆ ni Yaˬiˇlaˆ-euˬ pu deuˬ lehˇ aˬ cawˬ kuˇ luꞈ-eu meh.)

Yeˬlaˬmiˇ 43:2

Kʼoeˇ naˇ, Hawˇshaˬyaˇ-euˬ aˬ li Aˬzaˬyiˇ, Kaˬyaˬ-euˬ aˬ li Yoˇhaˬnaˬ aˬ nyaꞈ hawˇ-eu, nui ma kʼaˇ huiˬ-eu tsawˇ haˬ deuˬ ngaˬ-ahˇ heu loꞈ-ehˇ ehˇ laˇ-eu meh. “Nawˇ jaˬ myawꞈ myawꞈ-eu nga. Iˇjiˇtuˆ miˇ kʼahˬ-ahˇ taˬ jawˇ-iˇ lehˇ nga maꞈ-ahˇ bi ehˇ le-eu gʼaˇ duˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ kʼehˇ gʼeh leꞈ-euˬ maˬ ngeuˇ-aˇ.

Yeˬlaˬmiˇ 42:8

Kʼoeˇ ngeh, Yoˇhaˬnaˬ hawˇ-eu aˬ yawꞈ nehˬ-ehˇ kʼaˇ jawˇ-eu guiˇ maꞈ-ahˇ uˆ lahˇ-eu aˬ yuiꞈ aˬ tsu dawˬ tawˆ luꞈ-ahˇ maˬ ehˇ, huiˬ zaˬ nyiˇ zaˬ kʼaˇ jawˇ kʼaˇ deuˬ-ahˇ maˬ ehˇ, ngaˇ kuˇ uiˬ-euˬ ma.

Yeˬlaˬmiˇ 40:6

Miˇzaˬpaˬ meuˬ-ahˇ Geˬdaˬliˇ jawˇ gaˇ ngaˇ gʼoꞈ leˇ-awˇ, miˇ kʼahˬ kʼoeˇ kʼahˬ-ahˇ dzeˇ yaꞈ-euˬ miˇ kʼahˬ zaˬ deuˬ nehˬ-ehˇ jawˇ-euˬ ma.

Neˬhaˬmiˇ 7:26

Aˬ ma aˬ da aˬ poeˬ aˬ bawˇ deuˬ-euˬ ziˇ-ahˇ, meuˬ heu deuˬ-ahˇ jawˇ-euˬ tsawˇ haˬ deuˬ kʼawꞈ, gʼoꞈ laˇ-euˬ meh. Behˬlehˬhehˬ meuˬ hawˇ-eu Neˬtawˇpaˬ meuˬ 188 gʼaˬ

Eˇzaˬlaˬ 2:22

Neˬtawˇpaˬ meuˬ & ngaˬ tseˇ koꞈ gʼaˬ

2 Saˬmeuˬlaˆ 10:8

Aˬmoˬ tsawˇ haˬ deuˬ doˆ le-awˇ, aˬ yawꞈ maꞈ jawˇ-eu Laˬbah meuˬ-euˬ lahˇ kʼehˬ-ahˇ guiˇ daˬ daˬ-awˇ loꞈ luꞈ-eu meh. Suˇliˆ tsawˇ haˬ deuˬ, Tawˇbaˬ meuˬ-ahˇ jawˇ-eu tsawˇ haˬ deuˬ hawˇ-eu, Mawˇkah meuˬ-ahˇ jawˇ-eu tsawˇ haˬ deuˬ-aˬ, deh ga-ahˇ guiˇ daˬ daˬ-awˇ loꞈ luꞈ-eu meh.

2 Saˬmeuˬlaˆ 10:6

Aˬ yawꞈ maꞈ neh kʼoeˇ loꞈ-ehˇ jahˇ nehˬ-euˬ miˇ neh, Daˬbiˇ aˬ yawꞈ maꞈ-ahˇ muiˇ-eu gaˇ kawˆ Aˬmoˬ tsawˇ haˬ deuˬ noeˬ siˬ ngeh, tsawˇ haˬ pyehˬ gʼeh-awˇ, Behˬleˬhawˇbaˆ meuˬ hawˇ-eu Zoˇbaˬ meuˬ-ahˇ jawˇ-eu Suˇliˆ yehˇ nyiˬ muiˇ gʼaˬ, Tawˇbaˬ meuˬ-ahˇ jawˇ-eu tsawˇ haˬ tiˬ muiˇ nyiˬ heˇ gʼaˬ hawˇ-eu, Mawˇkah sahˬ paˬ hawˇ-eu aˬ yawꞈ-euˬ tsawˇ haˬ tiˬ heˇ gʼaˬ-ahˇ ngaˬ laˬ-iˇ-euˬ meh.

Yawˇshuˆ 12:5

Aˬ yawꞈ-euˬ miˇ kʼahˬ-aˬ, Heˬlaˬmoˬ gawˬ jawˬ, Saˬleˬkaˬ meuˬ, Geˬshuˇlaˆ meuˬ hawˇ-eu, Mawˇkah meuˬ-euˬ miˇ kaˬ-ahˇ keuˆ ni jaˆ-eu Baˬshaˬ gahˬ kaˬ, Giˇlaˆ miˇ kʼahˬ tiˬ paˆ hawˇ-eu, Heˬshaˬboˬ sahˬ paˬ Siˇhoˬ-euˬ miˇ kʼahˬ-ahˇ keuˆ ni meh.

Yeˬlaˬmiˇ 43:5

Kʼoeˇ naˇ, Yuˇdaˆ miˇ kʼahˬ laꞈ kʼoeˇ kʼaˇ jawˇ yaꞈ-euˬ tsawˇ haˬ dawˬ tawˆ luꞈ-ahˇ, aˬ cawˬ miˇ kʼahˬ-ahˇ jawˇ byoˆ-awˇ kʼaˇ gʼoꞈ laˇ-euˬ tsawˇ haˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ, Yoˇhaˬnaˬ hawˇ-eu guiˇ maꞈ kʼoeˇ taˆ uˆ lahˇ-eu yaw huiˬ yaw mahˇ kʼoeˇ deuˬ neh, tiˬ gʼaˬ-iˬ maˬ bi dzeuˇ-iˇ ni Iˇjiˇtuˆ miˇ kʼahˬ-ahˇ sheuˬ ka gʼeh jiˇ-euˬ meh.

Yeˬlaˬmiˇ 40:11

Aˇ yamˬ kʼoeˇ yamˬ laꞈ kʼoeˇ Baˬbuˇloˬ sahˬ paˬ neh Iˇsaˬleˬlaˆ tsawˇ haˬ tiˬ paˆ na deuˬ-ahˇ Yuˇdaˆ miˇ kʼahˬ laꞈ kʼoeˇ jawˇ daˆ leꞈ-eu aˬ kawˬ-aˬ biꞈ-awˇ, Geˬdaˬliˇ-ahˇ aˬ yawꞈ maꞈ kʼoeˇ taˆ bi uˆ lahˇ-euˬ gaˇ kawˆ, Mawˇbaˆ miˇ kʼahˬ, Aˬmoˬ miˇ kʼahˬ hawˇ-eu Eˬdoˬ miˇ kʼahˬ laꞈ kʼoeˇ jawˇ-eu Iˇsaˬleˬlaˆ tsawˇ haˬ dawˬ tawˆ luꞈ ya gaˬ-euˬ meh.

Yeˬlaˬmiˇ 38:26

Kʼoeˇ loꞈ-ehˇ ehˇ laˇ naˇ, paꞈ kuˆ-ahˇ paˇ dawˆ-awˇ taˬ bi shiˇ nehˬ laꞈ lehˇ, ngaˬ-ahˇ nawˇ shaˇ-euˬ tehꞈ ma lehˇ ehˇ kʼoꞈ nehˬ naˇ gʼaˬ tehꞈ-a.”

Yeˬlaˬmiˇ 37:20

Sahˬ paˬ-oˇ, ngaˇ ehˇ gaˇ naˇ haˬ-awˇ, ngaˬ neh kʼaˇ ehˇ-euˬ loꞈ-ehˇ mˇ-awˬ lehˇ, nymˬ-mˇ nawˬ-ahˇ ngaˇ shaˇ-eu ma. Tiˬ jeˬ gʼeh-awˇ neh-iˬ, Yawˇnaˆshaˬ-euˬ nymˇ-ahˇ jaˆ-eu paꞈ kuˆ laꞈ kʼoeˇ ngaˬ-ahˇ taˬ paˇ nyehꞈ-ahˇ poˆ nehˬ laꞈ. Kʼoeˇ gaˇ nyehꞈ ahˇ poˆ nehˬ laꞈ naˇ, maˇ maˇ ni shiˇ-eu miˇ-a” lehˇ ehˇ nehˬ-euˬ ma.

Yeˬlaˬmiˇ 37:15

Aˬ yawꞈ maꞈ ngaˬ-ahˇ nui ma pehˇ dui dui-eu miˇ neh, ngaˬ-ahˇ diˬ-awˇ, Yawˇnaˆshaˬ-euˬ nymˇ-ahˇ nyehꞈ lahˇ taˬ-awˬ lehˇ dawˬ biꞈ-euˬ meh. Yawˇnaˆshaˬ-aˬ, saˇ naˇ gaˇ mˇ-eu paw aˬ yuiꞈ geuꞈ-awˇ, aˬ yawꞈ-euˬ nymˇ-ahˇ paꞈ kuˆ loꞈ-ehˇ laˆ pyeuꞈ taˬ-euˬ meh.

Eˇzaˬlaˬ 2:2

Aˬ yawꞈ maꞈ-euˬ aˬ yuiꞈ aˬ tsu deuˬ-aˬ, Yeˬluˇbaˬbeˬlaˇ, Yawˇshuˆ, Neˬhaˬmiˇ, Seˬlehˇyaˬ, Yeˬlaˇyaˬ, Mawˬdaˬkehˇ, Biˇlaˬshaˬ, Miˇsaˬpaˬ, Biˇgaˬbeˬ, Leˬhamˬ hawˇ-eu, Baˬnahˬ meh. Baˬbuˇloˬ miˇ kʼahˬ-ahˇ neh gʼoꞈ laˇ-euˬ Iˇsaˬleˬlaˆ tsawˇ jeuˬ tsawˇ ca aˬ yawꞈ jeuˬ yawꞈ hawˇ-eu tsawˇ haˬ aˇ gʼaˬ-euˬ jaˇ laˇ-aˬ, heu loꞈ-ehˇ meh.

1 Laˬsaˬbaˬ 11:30

Neˬtawˇpaˬ meuˬ-ahˇ jawˇ-eu Maˬhaˬlai, Neˬtawˇpaˬ meuˬ-ahˇ jawˇ-eu Baˬnahˬ-euˬ aˬ li Heˬlehˆ,

1 Laˬsaˬbaˬ 2:54

Behˬlehˬhehˬ meuˬ teˬ-euˬ gʼaˬ pyeuꞈ-eu Saˬlaˬmaˬ-euˬ zaˬ deuˬ uˆ deuˬ-aˬ, Neˬtawˇpaˬ aˇ jeuˬ, Aˬtaˬyawˇbehˬyoˇbaˬ aˇ jeuˬ, Maˬnaˬhaˇ aˇ jeuˬ nyiˬ jeuˬ laꞈ kʼoeˇ tiˬ jeuˬ pyeuꞈ-eu Zawˇliˆ aˇ jeuˬ heu deuˬ meh.

1 Laˬsaˬbaˬ 2:48

Gaˬlehˆ-aˬ, Mawˇkah lehˇ myahˇ-euˬ ma nyiˇ tiˬ gʼaˬ paˇ jawˇ-awˇ, kʼoeˇ gʼaˬ o neh Sheˬbeuˬ hawˇ-eu Tiˇlaˬnahˬ lehˇ myahˇ-euˬ aˬ li nyiˬ li jawˇ le-euˬ meh.

2 Sahˬpaˬ 25:25

Ehˇ kʼawꞈ, kʼoeˇ ngeh kʼoꞈ ba la shiꞈ siˬ tiˬ siˬ-ahˇ, sahˬ paˬ aˇ jeuˬ pyeuꞈ-eu Eˇliˇshaˬmaˇ-euˬ aˬ li Naˬdaˬniˇ-euˬ aˬ li Iˇshaˬmeˬlaˇ gʼaˬ, tsawˇ haˬ tseˇ gʼaˬ sheuˬ-awˇ, Miˇzaˬpaˬ meuˬ-ahˇ iˇ-awˇ, Geˬdaˬliˇ-ahˇ sehꞈ-euˬ meh. Geˬdaˬliˇ nehˬ-ehˇ jawˇ luꞈ-eu Iˇsaˬleˬlaˆ tsawˇ haˬ deuˬ hawˇ-eu, Baˬbuˇloˬ tsawˇ haˬ deuˬ-ahˇ kʼawꞈ, aˬ yawꞈ sehꞈ-euˬ meh.

2 Sahˬpaˬ 25:23

Baˬbuˇloˬ tsawˇ haˬ-euˬ laꞈ oꞈ maˬ awꞈ ni jawˇ luꞈ-eu Yuˇdaˆ tsawˇ haˬ yaw huiˬ yaw mahˇ deuˬ hawˇ-eu yehˇ deuˬ gaˇ kawˆ kʼoeˇ ya gaˬ ngeh, Miˇzaˬpaˬ meuˬ-ahˇ Geˬdaˬliˇ jawˇ gaˇ aˬ yawꞈ maꞈ iˇ-euˬ meh. Yaw huiˬ yaw mahˇ kʼoeˇ deuˬ-aˬ, Naˬdaˬniˇ-euˬ aˬ li Iˇshaˬmeˬlaˇ, Kaˬyaˬ-euˬ aˬ li Yoˇhaˬnaˬ, Neˬtawˇpaˬ meuˬ-ahˇ jawˇ-eu Taˬhuˇmehˇ-euˬ aˬ li Seˬlehˇyaˬ hawˇ-eu, Mawˇkah meuˬ-ahˇ jawˇ-eu Yeˬzaˬniˆ aˬ ha maꞈ meh.

2 Saˬmeuˬlaˆ 23:34

Mawˇkah meuˬ-ahˇ jawˇ-eu Aˬhaˇsaˬbehˇ-euˬ aˬ li Eˇliˇpaˬlehˇ, Giˇloˬ meuˬ-ahˇ jawˇ-eu Aˬhiˇtawˇpeˬlaˇ-euˬ aˬ li Eˇlamˬ,

Yeˬlaˬmiˇ 40:13

Kʼoeˇ naˇ, Yoˇhaˬnaˬ hawˇ-eu, Baˬbuˇloˬ sahˬ paˬ-euˬ laˬ oꞈ maˬ awꞈ ni jawˇ luꞈ-eu yehˇ deuˬ kʼoeˇ taˆ aˬ yuiꞈ geuꞈ-eu deuˬ, Miˇzaˬpaˬ meuˬ-ahˇ Geˬdaˬliˇ jawˇ gaˇ laˇ-awˇ,

Yeˬlaˬmiˇ 40:14

“Aˬmoˬ sahˬ paˬ Baˬliˆ neh Iˇshaˬmeˬlaˇ-ahˇ pyehˬ gʼeh laꞈ-awˇ, nawˬ-ahˇ bi sehꞈ laˇ-euˬ, nawˇ maˬ siˬ te loˇ” lehˇ ehˇ nehˬ-euˬ meh.

Yeˬlaˬmiˇ 40:15

Ehˇ kʼawꞈ, Geˬdaˬliˇ maˬ jah-a. Kʼoeˇ ngeh, Yoˇhaˬnaˬ neh aˬ yawꞈ-ahˇ heu loꞈ-ehˇ ciˬ cuˇ ni ehˇ nehˬ-euˬ meh. “Ngaˬ-ahˇ Iˇshaˬmeˬlaˇ-ahˇ bi sehꞈ-iˇ laꞈ-awˬ. Aˬ cawˬ tiˬ gʼaˬ-iˬ maˬ bi siˬ ni ngaˇ jahˇ ma. Aˬ jeˬ miˇ neh nawˬ-ahˇ aˬ yawꞈ neh bi sehꞈ nmˇ. Nawˬ-ahˇ bi sehꞈ shaw naˇ, nawˬ nehˬ-ehˇ jawˇ-eu Yuˇdaˆ tsawˇ haˬ dawˬ tawˆ luꞈ cehˆ byaˆ jiˇ-awˇ, Yuˇdaˆ miˇ kʼahˬ laꞈ kʼoeˇ kʼaˇ dzeˇ luꞈ-eu tsawˇ haˬ dawˬ tawˆ luꞈ kʼoeˇ taˆ, shaˬ zahˬ guˆ gaˆ keuˆ le tehꞈ-a.”

Yeˬlaˬmiˇ 41:1

Kʼoeˇ ngeh kʼoꞈ ba la shiꞈ siˬ tiˬ siˬ-ahˇ, Eˇliˇshaˬmaˇ-euˬ aˬ li Neˬdaˬniˇ-euˬ aˬ li, sahˬ paˬ-euˬ aˇ jeuˬ aˇ ca pyeuꞈ-awˇ sahˬ paˬ-euˬ gaˇ mˇ-eu yaw huiˬ yaw mahˇ tiˬ gʼaˬ pyeuꞈ-eu Iˇshaˬmeˬlaˇ-aˬ, tsawˇ haˬ tseˇ gʼaˬ sheuˬ-awˇ, Miˇzaˬpaˬ meuˬ-ahˇ Geˬdaˬliˇ jawˇ gaˇ le-euˬ meh. Aˬ yawꞈ maꞈ tiˬ kawˆ loꞈ-ehˇ dzaˬ taꞈ dawˇ taꞈ luꞈ ngeh,

Yeˬlaˬmiˇ 41:2

Iˇshaˬmeˬlaˇ hawˇ-eu aˬ yawꞈ-euˬ tsawˇ haˬ kʼoeˇ tseˇ gʼaˬ mi cehˇ gʼawˇ doˆ-awˇ, Geˬdaˬliˇ-ahˇ sehꞈ-euˬ meh.

Yeˬlaˬmiˇ 41:11

Iˇshaˬmeˬlaˇ neh yaw doeˇ jahˇ-euˬ gaˇ kawˆ kʼoeˇ, Yoˇhaˬnaˬ hawˇ-eu aˬ yawꞈ nehˬ-ehˇ kʼaˇ jawˇ-eu yehˇ deuˬ kʼoeˇ taˆ aˬ yuiꞈ geuꞈ-eu deuˬ dawˬ tawˆ luꞈ ya gaˬ-euˬ meh.