Yeˬlaˬmiˇ 4:28 - Akha

²⁸ Miˇ tsaˬ tahˬ kʼawˇ tsawˇ ngoeˇ ngoeˇ-awˇ, mˬ naˆ-iˇ tehꞈ-a. Sahˬpaˬ Miˬyehˇ ehˇ tsehˆ-euˬ jeˬ, laˆ poˆ laˆ paˇ maˬ mˇ nya-a. Aˬ yawꞈ neh ya noeˬ tsehˆ-euˬ jeˬ, maˬ paˇ sheu pyawˆ nya meh.

Yeˬlaˬmiˇ 4:28 Referans Kwoze

Bawˇtsahˬ 23:19

Miˬyehˇ-aˬ, dzaˬ myawꞈ myawꞈ nya-eu tsawˇ haˬ zaˬ-ahˇ maˬ duˇ-a. Aˬ yawꞈ-aˬ, nui ma poˆ laˆ paˇ nya-eu tsawˇ haˬ zaˬ maˬ ngeuˇ-a. Aˬ yawꞈ neh saˇ jaˇ dzaˬ taˬ-euˬ jeˬ aˬ yawꞈ mˇ-eu meh. Aˬ yawꞈ neh kʼaˇ ehˇ taˬ-euˬ loꞈ-ehˇ aˬ yawꞈ jahˇ jiˇ-eu meh.

Hawˇseˬ 4:3

Kʼoeˇ loꞈ-ehˇ gʼeh-eu baˬ da neh, miˇ kʼahˬ heu tsawˇ ngoeˇ ngoeˇ laˇ-awˇ, meuˬ zaˬ deh zaˬ dawˬ tawˆ hawˇ-eu, bawˇ tsahˬ jeˬ zaˬ dawˬ tawˆ maˬ ehˇ, kʼoeˇ taˆ zaw-eu aˇ jiˇ hawˇ-eu, laˆ shaˆ ngaˬ shaˬ ngaˬ deˇ maˬ ehˇ, piˬ-iˇ byoˆ-iˇ jiˇ gaˇ keuˆ meh.”

Yeˬlaˬmiˇ 12:4

Nga maꞈ miˇ kʼahˬ aˇ myah keuˆ ni gui coˇ ni bi jaˆ-awˇ, deh ga kʼaˇ ngeuˇ gaˇ dehꞈ-eu yaˇ moꞈ deuˬ, aˇ myah keuˆ ni yaw koˆ-ehˇ bi jaˆ-eu gʼeh te. Naw maꞈ tsawˇ haˬ deuˬ yaw haiˬ jeˬ mˇ-eu miˇ neh, jeˬ zaˬ aˇ jiˇ deuˬ shiˇ luꞈ meh. “Nga maꞈ mˇ luꞈ-eu jeˬ Miˬyehˇ maˬ mawˇ-aˇ” lehˇ, aˬ yawꞈ maꞈ ehˇ luꞈ meh.

Iˇsaˬyaˇ 50:3

Shiˇ-euˬ tsawˇ haˬ gʼaˇ duˬ tsawˇ ngoeˇ ngoeˇ-eu loꞈ-ehˇ, mˬ zahˇ tsui ni bi pyeuꞈ-iˇ ni ngaˇ jahˇ nya ma.”

Iˇsaˬyaˇ 5:30

Aˇ nah kʼoeˇ nah keuˆ le ngeh, iˬ ma laˆ shaˆ mahˇ-eu teˇ saˇ loꞈ-ehˇ, Iˇsaˬleˬlaˆ tsawˇ jeuˬ-ahˇ aˬ yawꞈ maꞈ lmˬ tehꞈ-a. Miˇ kʼahˬ kʼoeˇ kʼahˬ-ahˇ haw gʼeh-iˬ ngeh, yaw zahˇ jeˬ hawˇ-eu yaw naꞈ jeˬ tehꞈ-ehˇ mawˇ laˇ-awˇ, yaw shehꞈ kʼawꞈ mˬ dmˇ neh bi uˆ zahˇ tehꞈ-a.

Panmaeq 6:12

Kʼoeˇ naˇ, Yawˇzaˬ kʼoeˇ mawˇ jmˬ diˬ taˬ-euˬ shiꞈ hmˬ tiˬ hmˬ-ahˇ ngawˬ paˆ gaˇ ngaˇ mawˇ-euˬ ma. Kʼoeˇ ngeh, miˇ luˆ luˆ dui dui laˇ-awˇ ‘nahˇ ma myahˬ naˆ-euˬ saˬ paˇ loꞈ-ehˇ zahˇ-iˇ-awˇ, ba la shiˬ loꞈ-ehˇ neˇ laˇ-euˬ meh.

HeˬByehˇ 7:21

Ehˇ kʼawꞈ, Yeˬsuˇ-aˬ, Miˬyehˇ neh kamˬ-awˇ piˇ ma bi pyeuꞈ laˇ-euˬ meh. Aˬ jeˬ miˇ neh ehˇ naˇ, aˬ yawꞈ-ahˇ piˇ ma ka nehˬ ngeh Miˬyehˇ heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ kamˬ tsehˆ-euˬ jeˬ, maˬ poˆ maˬ paˇ nya-a. Mˬ maˬ maˬ byaˆ zaˇ ziˇ, nawˇ piˇ ma ya geuꞈ meh.”

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.

Eˇpeˇsu 1:9

aˬ yawꞈ neh noeˬ tmˬ taˬ-euˬ loꞈ-ehˇ Yeˬsuˇ Ka li-ahˇ gʼoe-awˇ mˇ byah-eu gʼaˇ duˬ lehˬ hmˬ taˬ-euˬ zaꞈ taˬ-euˬ jeˬ, aˬ dui-ahˇ bi siˬ bi mawˇ laꞈ-euˬ meh.

Luˇkaꞈ 23:44

Nah loˆ ceh laˇ ngeh neh dahˬ beh-awˇ, uˬ ciꞈ uˬ taw paw naˬ liˬ smˇ laꞈ-ahˇ keuˆ ni, miˇ kʼahˬ kʼoeˇ kʼahˬ kʼahˬ lah-ehˇ zahˇ tsui ni jaˆ-eu meh.

Maˬkuˆ 15:33

Nah loˆ ceh laˇ ngeh, miˇ kʼahˬ kʼoeˇ kʼahˬ kʼahˬ lah-ehˇ zahˇ tsui ni pyeuꞈ-iˇ-awˇ, yaw zahˇ kʼoeˇ naˬ liˬ smˇ laꞈ byah ni jaˆ-euˬ meh.

Maꞈtehˬ 27:45

Nah loˆ ceh laˇ ngeh, miˇ kʼahˬ kʼoeˇ kʼahˬ kʼahˬ lah-ehˇ zahˇ tsui ni pyeuꞈ-iˇ-awˇ, yaw zahˇ kʼoeˇ naˬ liˬ smˇ laꞈ byah ni jaˆ-euˬ meh.

Yawˇlaˆ 1:10

Deh yaˇ deuˬ neˇ leuꞈ ni jaˆ-awˇ, dzaˬ la gʼo cehˇ cawˆ-iˇ jiˇ-awˇ, aˬ gaꞈ baw duˆ koˆ-iˇ jiˇ-awˇ, saˬ loˬ aˇ bawˇ nyoeˬ jiˇ-euˬ gaˇ, miˇ tsaˬ tsawˇ ngoeˇ ngoeˇ luꞈ-eu meh.

Hawˇseˬ 13:14

Shiˇ-eu jeˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ maˬ ka kʼoꞈ. Shiˇ-eu baoˬ-euˬ uˬ moˆ shaˬ gaˇ, aˬ yawꞈ maꞈ-ahˇ ngaˇ maˬ ka kʼoꞈ, Shiˇ-eu jeˬ-oˇ nawˬ-euˬ shaˆ shiˇ, yawꞈ maꞈ kʼoeˇ taˆ bi keuˆ le-awˬ. Shiˇ-eu miˇ kʼahˬ-euˬ yaw cawˆ jeˬ, aˬ yawꞈ maꞈ-ahˇ tahˬ daˆ nehˬ-awˬ. Tsawˇ haˬ heu deuˬ-euˬ kʼoeˇ taˆ ngaˇ, gʼawˬ shaˬ gaˬ-eu maˬ paˇ ahˇ ma.

Yeˬsaˬgeˬlaˇ 24:14

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Ngaˇ nawˬ-ahˇ ya jahˇ nehˬ-eu aˇ yamˬ keuˆ laˇ-euˬ meh. Nawˬ-euˬ iˬ baˇ-ahˇ ngaˇ maˬ ngehˇ-ehˇ, nawˬ-ahˇ ngaˇ gʼawˬ shaˬ maˬ gaˬ nehˬ. Nawˬ neh kʼaˇ mˇ-euˬ loꞈ-ehˇ nawˇ ya daˬ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬlaˬmiˇ 30:24

Sahˬpaˬ Miˬyehˇ-euˬ nui ma pehˇ-eu jeˬ, guˆ dui dui laˇ paˬ-ehˇ gʼeh-awˇ, nui kʼahˇ maˬ mˇ li kʼoeˇ keuˆ ni, nui pehˇ shuꞈ-iˇ-eu maˬ baw-a. Mehˬ hu paw dehꞈ gʼeh-eu aˇ yamˬ laꞈ kʼoeˇ, aˬ yawꞈ-euˬ tsawˇ haˬ deuˬ gaˇ kawˆ heu ya siˬ duˬ tehꞈ-a.

Yeˬlaˬmiˇ 23:20

Aˬ yawꞈ nui noeˬ maˬ mˇ li kʼoeˇ keuˆ ni, Sahˬpaˬ Miˬyehˇ nui pehˇ maˬ shuꞈ-iˇ-aˇ.”

Yeˬlaˬmiˇ 23:10

Sahˬpaˬ Miˬyehˇ-ahˇ saˇ jaˇ maˬ ziꞈ-eu tsawˇ haˬ, miˇ kʼahˬ heu kʼahˬ laꞈ kʼoeˇ byah-awˇ, haiˬ-eu jeˬ-ahˇ poˆ-awˇ dehꞈ-eu laꞈ kʼoeˇ, aˬ yawꞈ maꞈ-euˬ baoˬ-ahˇ yehˬ bawˬ-ehˇ zmˬ-eu meh. Sahˬpaˬ Miˬyehˇ yaˬ kʼehˇ yaˬ-euˬ miˇ neh,. miˇ tsaˬ tahˬ kʼawˇ tsawˇ ngoeˇ ngoeˇ-awˇ, jeˬ zaˬ gaˆ kʼahˬ nyoeˬ-iˇ koˆ-iˇ-eu meh.

Yeˬlaˬmiˇ 14:2

“Yuˇdaˆ miˇ kʼahˬ tsawˇ ngoeˇ ngoeˇ-awˇ, aˬ yawꞈ-euˬ meuˬ deuˬ shiˇ tsehˆ leˇ luꞈ meh. Aˬ yawꞈ-euˬ tsawˇ haˬ deuˬ shaˬ zahˬ maˬ mˇ coeˇ-ehˇ miˇ tsa yuꞈ-awˇ, Yeˬluˇsaˬlehˬ meuˬ kʼawꞈ caw ba nehˬ laꞈ lehˇ shaˇ luꞈ meh.

Yeˬlaˬmiˇ 12:11

Miˇ kʼahˬ kʼoeˇ-ahˇ kʼaˇ shuiꞈ deh yaˇ bi pyeuꞈ-iˇ-awˇ, ngaˬ-euˬ mehˬ shi yaw cawˆ-ehˇ jaˆ-eu meh. Miˇ kʼahˬ kʼahˬ lah kʼaˇ shuiꞈ deh pyeuꞈ-iˇ-awˇ, tsawˇ haˬ tiˬ gʼaˬ-iˬ myaˆ haw maˬ cawˬ-a.

Yeˬlaˬmiˇ 7:16

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬlaˬmiˇ-oˇ, tsawˇ haˬ heu deuˬ gʼaˇ duˬ guiˬ lahˬ taˬ shaˇ. Aˬ yawꞈ maꞈ-euˬ dah zaˇ ngoeˇ ngoeˇ-ehˇ guiˬ lahˬ taˬ shaˇ. Nawˇ aˬ yawꞈ maꞈ gʼaˇ duˬ tsawˇ kaˬ geuꞈ laˇ gaˇ ngaˇ maˬ naˇ haˬ.

Iˇsaˬyaˇ 34:4

Nahˇ ma, ba la, aˬ guiˇ dawˬ tawˆ guiˇ byoˆ jiˇ-awˇ, saˬ nmˇ lehˬ yoˆ-eu loꞈ-ehˇ mˬ lehˬ yoˆ kʼoꞈ-awˇ, siˬ guˬ maˇ sheuˇ aˇ paꞈ ga-eu loꞈ-ehˇ, aˬ guiˇ dawˬ tawˆ ga le tehꞈ-a.

Iˇsaˬyaˇ 24:4

Miˇ tsaˬ gui-iˇ nyoeˬ-iˇ-awˇ, miˇ tsaˬ tahˬ kʼawˇ liˬ-iˇ koˆ-iˇ-eu meh. Mˬ hawˇ-eu miˇ, tiˬ kawˆ loꞈ-ehˇ nyoeˬ-iˇ tehꞈ-a.

1 Saˬmeuˬlaˆ 15:29

Iˇsaˬleˬlaˆ miˇ kʼahˬ-euˬ yawˬ shehꞈ kʼahˬ sehˇ pyeuꞈ-eu Sahˬpaˬ Miˬyehˇ-aˬ, jaˬ myawꞈ maˬ myawꞈ-a. Nui ma poˆ laˆ maˬ paˇ-a.”

Yeˬlaˬmiˇ 51:12

Baˬbuˇloˬ meuˬ lahˇ-ahˇ deuˆ-eu gʼaˇ duˬ paˇ loˬ paˇ lehˇ baꞈ tuˇ nehˬ-awˬ. Guiˇ daˬ daˬ-eu deuˬ hawˇ-eu guiˇ loꞈ loꞈ-eu deuˬ bi iˇ lahˬ-awˬ. Tsawˇ haˬ pyehˬ gʼeh-awˇ, guiˇ deuˆ kʼoeˬ bi kʼoeˬ-awˬ.” Baˬbuˇloˬ miˇ kʼahˬ-ahˇ jahˇ nehˬ ma lehˇ ehˇ taˬ-euˬ loꞈ-ehˇ Sahˬpaˬ Miˬyehˇ jahˇ-euˬ meh.

Ngoeˇ dawˬ 2:17

Sahˬpaˬ Miˬyehˇ noeˬ taˬ-euˬ jeˬ, aˬ yawꞈ jahˇ ma lehˇ ehˇ-euˬ jeˬ, nymˬ-mˇ bi keuˆ le gʼaˬ-euˬ meh. Aˇ hu neh ehˇ taˬ-euˬ loꞈ-ehˇ, gʼawˬ shaˬ gaˬ-eu jeˬ maˬ ahˇ ni, yaw cawˆ jeˬ bi keuˆ le-euˬ meh. Muiˇ-eu deuˬ neh bi gʼaˬ leˇ-awˇ, nawˇ cawˆ-iˇ-awˇ ya shaˬ luꞈ gaˇ, haw-awˇ laˬ kʼaˬ bi cehˇ-euˬ meh.

Zaˬkaˬliˇ 8:14

Baoˬ huiˬ-eu Sahˬpaˬ Miˬyehˇ ehˇ-eu, “Naw maꞈ-euˬ aˬ poeˬ aˬ bawˇ deuˬ ngaˇ nui ma pehˇ ni dehꞈ haw ngeh, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ keuˆ le ni mˇ ma lehˇ ngaˇ noeˬ tsehˆ-awˇ, ngaˬ-euˬ nui ma maˬ noeˬ paˇ ni kʼoeˇ loꞈ-ehˇ jahˇ nehˬ-euˬ ma.