Yeˬlaˬmiˇ 4:19 - Akha

¹⁹ Shaˬ zahˬ naꞈ-eu shaˬ zahˬ, shaˬ zahˬ maˬ daˬ coeˇ nya. Nui ma cehˇ tahˬ, nui ma cehˇ tahˬ, ciˬ cuˇ ni maˬ dzahˬ tehˬ coeˇ nya. Daˇ heh teˇ saˇ hawˇ-eu, guiˇ deuˆ-eu teˇ saˇ gaˬ laˇ nya.

Yeˬlaˬmiˇ 4:19 Referans Kwoze

Haˬbaˬkuˆ 3:16

Gaˇ kawˆ kʼoeˇ ngaˇ ya gaˬ gʼaˬ ngeh, gʼawˇ mawˇ mawˇ lah yaw dzuˬ dzuˬ-awˇ, mehˬ luˬ mehˬ ma shaˬ dehꞈ dehꞈ nya. Shaˬ yoeˬ shaˬ laꞈ peuˬ-iˇ jiˇ-awˇ, kuiˇ toꞈ yaˇ laˇ jiˇ-euˬ miˇ-a. Ngaˬ-ahˇ guiˇ deuˆ le-eu deuˬ-ahˇ, Miˬyehˇ kʼehˬ nehˬ-eu aˇ nah-ahˇ, ciˬ cuˇ ni ngaˇ dawˬ luꞈ-eu ma.

Iˇsaˬyaˇ 22:4

Kʼoeˇ miˇ neh ngaˬ-ahˇ maˬ haw cawˬ laˇ ni, tiˬ gʼaˬ tehꞈ-ehˇ bi ngoeˇ nehˬ laꞈ. Shiˇ dzeuˇ-euˬ ngaˬ-euˬ tsawˇ haˬ deuˬ gʼaˇ duˬ, ngaˇ shaˬ zahˬ mˇ-awˇ ngoeˇ luꞈ ngeh, ngaˬ-ahˇ muˇ taˬ-eu lehˇ taˬ gʼeh.

Iˇsaˬyaˇ 16:11

Mawˇbaˆ miˇ kʼahˬ gʼaˇ duˬ ngaˇ tsawˇ ngoeˇ ngoeˇ-awˇ, Kiˇlaˆheˬyehˆ meuˬ gʼaˇ duˬ ngaˇ shaˬ zahˬ mˇ-eu ma.

Yeˬlaˬmiˇ 9:10

Ngaˇ heu loꞈ-ehˇ ehˇ-euˬ ma. “Gawˬ jawˬ hawˇ-eu jeˬ zaˬ gaˆ kʼahˬ deuˬ-euˬ gʼaˇ duˬ, ngaˇ tsawˇ ngoeˇ ngoeˇ-eu ma. Gawˬ jawˬ hawˇ-eu jeˬ zaˬ gaˆ kʼahˬ deuˬ koˆ jiˇ-awˇ, tsawˇ haˬ maˬ iˇ maˬ laˇ tsehˆ-a. Jeˬ zaˬ teˇ saˇ maˬ ya gaˬ ni ciˬ cuˇ ni pyeuꞈ-iˇ-awˇ, bawˇ tsahˬ jeˬ zaˬ aˇ jiˇ deuˬ pawˇ byoˆ jiˇ-euˬ meh.”

Yeˬlaˬmiˇ 9:1

Aˬ cawˬ neh bi sehꞈ-euˬ ngaˬ-euˬ tsawˇ jeuˬ gʼaˇ duˬ, uˬ ciꞈ nah gʼahˇ ngaˇ ngoeˇ coeˇ ni, uˬ duˬ iˇ cuꞈ lah duˬ pyeuꞈ-awˇ, myaˆ biˇ iˇ beuˆ yoeˇ nmˇ duˇ nya.

Iˇsaˬyaˇ 21:3

Kʼoeˇ baˬ da neh ngaˬ-euˬ gʼawˇ mawˇ laꞈ kʼoeˇ, zaˬ baw doˆ-eu shaˬ-eu loꞈ-ehˇ, naˇ dui gawˇ dui dui nya.

Gaˬlaˬtiˆ 4:19

Ngaˇ gaˬ-eu ngaˬ-euˬ zaˬ deuˬ-oˇ, Ka li-euˬ aˇ gʼehˇ naw maꞈ laꞈ kʼoeˇ ahˇ laˇ ni, zaˬ baw luꞈ-eu aˬ ma tiˬ gʼaˬ uˬ maˆ naˇ-eu shaˬ-eu loꞈ-ehˇ naw maꞈ gʼaˇ duˬ ngaˇ shaˬ zahˬ mˇ-eu maˬ tsehˆ leˇ nya.

Daˬyeˬlaˇ 8:27

Ngaˇ Daˬyeˬlaˇ nui ma gʼaˬ baˬ dui dui-iˇ-awˇ, gʼawˬ mya nah jawˇ saˇ maˬ doˆ ni jawˇ-euˬ ma. Kʼoeˇ naˇ, ngaˇ paˇ tuˇ laˇ-awˇ, sahˬ paˬ-euˬ gaˇ paˇ mˇ daˆ leꞈ-euˬ ma. Ehˇ kʼawꞈ, ngaˬ neh yaw sahˇ laꞈ kʼoeˇ ya siˬ ya mawˇ-euˬ jeˬ-ahˇ noeˬ-eu nui ma maˬ byoˆ-iˇ-ehˇ, gaˇ kawˆ kʼoeˇ maˬ noeˬ shaw nya ni jawˇ-euˬ ma.”

Daˬyeˬlaˇ 7:15

Ngaˬ neh yaw sahˇ laꞈ kʼoeˇ ya mawˇ-euˬ jeˬ-ahˇ ngaˇ tsawˬ guˆ-iˇ-awˇ, nui ma maˬ saˇ ni pyeuꞈ-iˇ-euˬ ma.

Iˇsaˬyaˇ 15:5

Mawˇbaˆ miˇ kʼahˬ gʼaˇ duˬ ngaˬ-euˬ nui ma laꞈ kʼoeˇ ngoeˇ luꞈ-eu ma. Aˬ yawꞈ maꞈ Ziˇoˬ meuˬ-ahˇ cehˆ leˇ-awˇ, Eˇgaˬlaˆsheˬliˇshahˬ meuˬ-ahˇ cehˆ keuˆ-euˬ meh. Tiˬ paˆ na deuˬ Luˇhiˆ gaˬ daˆ-ahˇ ngoeˇ ngoeˇ-ehˇ daˆ-awˇ, Hawˇloˬneˬ gaˇ ma caw caw-ehˇ, yaw kʼaˆ-ehˇ ngoeˇ ngoeˇ-ehˇ tiˬ deuˬ cah-eu meh.

Jaceuq 116:7

Ngaˬ-euˬ nui ma-oˇ, gʼaˬ byehˆ taˬ byehˆ. Sahˬpaˬ Miˬyehˇ nawˬ-ahˇ ngehˬ gʼeh dah teˬ luꞈ meh.

Lormav 10:1

Aˬ yuiꞈ aˬ nyiˇ Ka li zaˬ deuˬ-oˇ, ngaˬ-euˬ nui ma laꞈ kʼoeˇ ngaˬ-euˬ tsawˇ jeuˬ ka kʼoꞈ-eu jeˬ bi za mawꞈ dui dui nya. Aˬ yawꞈ maꞈ gʼaˇ duˬ ngaˇ guiˬ lahˬ shaˇ dui dui luꞈ ma.

Aˬmoˆ 3:6

Tsawˇ haˬ maˬ bi tsawˬ guˆ-iˇ ni meuˬ laꞈ kʼoeˇ guiˇ deuˆ-eu daˇ heh baw mahˇ nya meh loˇ. Sahˬpaˬ Miˬyehˇ neh maˬ jahˇ-euˬ gaˇ, luˬ-iˇ seˇ-iˇ-eu jeˬ meuˬ kʼoeˇ taˆ keuˆ le nya meh loˇ.

Daˬyeˬlaˇ 7:28

Gaˇ kawˆ heu hmˬ heu gaˇ jiˇ-euˬ meh. Ngaˇ guˆ dui dui-iˇ-euˬ miˇ neh, myaˆ pyawˬ pyuˇ pya ni pyeuꞈ-iˇ-awˇ, aˬ cawˬ-ahˇ maˬ ja nehˬ ni nui ma laꞈ kʼoeˇ juiˇ taˬ-euˬ ma.

Ngoeˇ dawˬ 2:11

Ngaˬ-euˬ myaˆ nuiˆ maˬ ngoeˇ coeˇ-ehˇ, ngaˬ-euˬ saꞈ laˇ maˬ shaˬ coeˇ nya. Ngaˬ-euˬ tsawˇ haˬ shiˇ jiˇ-euˬ gaˇ, nui ma tsawˬ paˆ shaw-euˬ miˇ-a. Zaˬ nahˬ hawˇ-eu zaˬ yaw nyiˇ deuˬ, meuˬ-euˬ gʼahˇ ceh gaˇ ma doe ni, maˬ shiˇ tsehˆ-ehˇ ga luꞈ-eu meh.

Ngoeˇ dawˬ 1:16

“Kʼoeˇ miˇ neh ngaˇ tsawˇ ngoeˇ ngoeˇ-awˇ, myaˆ biˇ yoeˇ kʼaˇ doˆ le miˇ-a. Haw cawˬ le-eu gʼaˬ maˬ jawˇ-ehˇ, gʼaˬ biꞈ nehˬ laꞈ-eu maˬ jawˇ-a. Muiˇ-eu deuˬ ngaˬ-ahˇ deuˆ gʼaˬ-awˇ, zaˬ deuˬ myawˬ gahˬ smˬ jiˇ-euˬ meh.”

Yeˬlaˬmiˇ 23:9

Sahˬpaˬ Miˬyehˇ baˬ da, aˬ yawꞈ-euˬ muiˬ-eu shawˇ-eu dawˬ baˬ da, ngaˇ nui ma tsawˬ paˆ-awˇ, yaw dzuˬ dzuˬ dui dui nya. Jiˇ baˬ yehꞈ-eu tsawˇ haˬ loꞈ-ehˇ duˇ-awˇ, jiˇ baˬ aˇ dzehˬ dawˇ dzeuˇ-euˬ gaˇ duˇ nya.

Yeˬlaˬmiˇ 20:9

Ehˇ kʼawꞈ, Sahˬpaˬ Miˬyehˇ-ahˇ ngehˇ byoˆ-awˇ, aˬ yawꞈ tsawˇ myahˇ uˬ moˆ dawˬ dzawˇ maˬ paˇ mˇ ma ehˇ ngeh, nawˬ-euˬ dawˬ kawˬ ngaˬ-euˬ nui ma laꞈ kʼoeˇ, miˬ dzaˬ doꞈ gaˇ duˇ nya. Ngaˇ kʼaˇ dzahˬ tehˬ coeˇ-eu jahˬ kʼawꞈ, maˬ dzahˬ tehˬ gʼaˬ coeˇ nya.

Yeˬlaˬmiˇ 13:17

Ehˇ kʼawꞈ, naw maꞈ maˬ naˇ haˬ naˇ, naw maꞈ nui ma huiˬ-eu mahˇ-eu miˇ neh, aˬ cawˬ maˬ bi siˬ ni ngaˇ ngoeˇ kʼoeˬ ma. Sahˬpaˬ Miˬyehˇ-euˬ tsawˇ haˬ deuˬ, aˬ cawˬ neh bi nyehꞈ byoˆ gʼeh-eu miˇ neh, ngaˇ ya ngoeˇ dui dui-awˇ, myaˆ biˇ daˇ lawˇ yoeˇ le tehꞈ-a.

Yeˬlaˬmiˇ 4:21

Aˇ myah keuˆ ni guiˇ deuˆ-eu ya mawˇ-awˇ, aˇ myah keuˆ ni daˇ heh teˇ saˇ ya gaˬ-eu gʼeh ta.

Yeˬlaˬmiˇ 4:5

Miˇ kʼahˬ doe ni daˇ heh baw-awˇ, yaw duˬ duˬ-ehˇ guˇ gaˬ nehˬ-awˬ. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu deuˬ-ahˇ, ziꞈ dah ni gʼeh-eu meuˬ deuˬ-ahˇ cehˆ uˇ leˇ-awˬ lehˇ guˇ nehˬ-awˬ.

Jaceuq 146:1

Sahˬpaˬ Miˬyehˇ-ahˇ ja ceuˬ-awˬ. Ngaˬ-euˬ nui ma-oˇ, Sahˬpaˬ Miˬyehˇ-ahˇ ja ceuˬ-awˬ.

Jaceuq 119:136

Tsawˇ haˬ heu deuˬ nawˬ-euˬ zahˇ dawˬ kʼoꞈ dawˬ-ahˇ byehˇ-euˬ miˇ neh, ngaˬ-euˬ myaˆ biˇ lawˇ baˬ yoeˇ le miˇ-a.

Jaceuq 119:53

Haiˬ-eu tsawˇ haˬ deuˬ nawˬ-euˬ zahˇ dawˬ kʼoꞈ dawˬ-ahˇ puiˬ ngeh, ngaˇ nui ma maˬ saˇ nya.

Jaceuq 103:1

Ngaˬ-euˬ nui ma-oˇ, Sahˬpaˬ Miˬyehˇ-ahˇ ja ceuˬ-awˬ. Ngaˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ muiˬ-eu shawˇ-eu tsawˇ myahˇ-ahˇ ja ceuˬ-awˬ.

Jaceuq 16:2

“Nawˇngaˬ-euˬSahˬpaˬMiˬyehˇma, nawˬ-ahˇdzeuˇnaˇ ngaˬ-euˬgʼaˇduˬ, yaw muiˬtiˬjeˬ-iˬ maˬjaˆ” lehˇ, SahˬpaˬMiˬyehˇ-ahˇehˇ-eu ma.

Yaˇ kʼaˬ daˇ 5:21

Aˇ kʼoꞈ kʼawˆ laˇ-euˬ Giˇshoˬ lawˇ baˬ iˇ jeuˬ bi oe-awˇ, aˬ yawꞈ maꞈ-ahˇ yaˆ pyawˇ yaˆ dzeh-euˬ meh. Mehˬ hu paw ngaˇ deuˆ gʼeh leꞈ ma. Gʼaˬ ahˇ-eu laꞈ kʼoeˇ deuˆ gʼeh leꞈ ma.

Bawˇtsahˬ 10:9

Naw maꞈ yawˬ haˇ yawˬ ha ka kʼoꞈ-eu gʼaˇ duˬ, naw maꞈ-ahˇ guiˇ deuˆ le-eu muiˇ-eu deuˬ nehˬ-ehˇ naw maꞈ miˇ kʼahˬ laꞈ kʼoeˇ guiˇ deuˆ ceh ceh ngeh, daˇ heh kʼoeˇ yuˇ-awˇ guiˇ deuˆ-eu daˇ heh teˇ saˇ baw-awˬ. Kʼoeˇ ngeh, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ caw ba le-awˇ, muiˇ-eu deuˬ-euˬ aˬ laꞈ laꞈ kʼoeˇ naw maꞈ-ahˇ ka kʼoꞈ nehˬ ma.

Aˇ dahˬ 49:6

Aˬ yawꞈ nyaꞈ bawˬ dzaˬ kʼoeˬ gaˇ ngaˇ maˬ iˇ. Aˬ yawꞈ nyaꞈ mehˬ bawˬ mˇ gaˇ ngaˇ maˬ ahˇ. Aˬ jeˬ miˇ neh ehˇ naˇ, tsawˇ haˬ-ahˇ sehꞈ-awˇ, mawˇ neˇ kuiˇ guˬ yuˇ niˇ gʼa gaˇ keuˆ ni, aˬ yawꞈ nyaꞈ nui ma pehˇ-eu meh.

1 Gawˇliˬtu 14:8

Daˇ heh baw-eu tsawˇ haˬ kʼawꞈ, aˬ cawˬ gʼoˆ siˬ nya ni teˇ saˇ yaw lawˆ lawˆ-ehˇ maˬ baw gaˬ nehˬ nya naˇ, guiˇ deuˆ-eu gʼaˇ duˬ aˬ suˇ gʼaˬ lehˬ hmˬ nmˇ.

Yeˬlaˬmiˇ 6:24

Yeˬluˇsaˬlehˬ-ahˇ jawˇ-eu tsawˇ haˬ deuˬ ehˇ-eu, “Gaˇ kawˆ heu deuˬ nga maꞈ ya gaˬ gʼaˬ-awˇ, nga maꞈ laꞈ guˬ shiˇ-euˬ gaˇ duˇ miˇ-a. Zaˬ miˬ zaˬ zaˬ baw ngeh loꞈ-ehˇ, shaˬ zahˬ naꞈ dui dui luꞈ-eu ma.

Yeˬlaˬmiˇ 8:21

Ngaˬ-euˬ tsawˇ jeuˬ shaˬ zahˬ naꞈ-eu miˇ neh, ngaˬ-euˬ nui ma shaˬ zahˬ naꞈ-eu miˇ-a. Shaˬ zahˬ maˬ mˇ coeˇ-eu miˇ neh, ngoeˇ dui dui luꞈ-eu ma.

Yeˬlaˬmiˇ 42:14

‘Guiˇ deuˆ gaˇ maˬ ya mawˇ-ehˇ, guiˇ deuˆ ngeh baw-euˬ daˇ heh teˇ saˇ maˬ paˇ ya gaˬ-eu uˬ taꞈ, mehꞈ-eu shuꞈ-eu jeˬ-ahˇ maˬ ya tahˬ puˬ-eu miˇ kʼahˬ pyeuꞈ-eu Iˇjiˇtuˆ miˇ kʼahˬ-ahˇ jawˇ-iˇ ma’ lehˇ naw maꞈ ehˇ mawꞈ te loˇ.

Yeˬlaˬmiˇ 49:2

Ehˇ kʼawꞈ, Aˬmoˬ tsawˇ jeuˬ-euˬ meuˬ meuˬ ma pyeuꞈ-eu Laˬbah meuˬ-ahˇ jawˇ-eu tsawˇ haˬ deuˬ guiˇ deuˆ le-eu teˇ saˇ ya gaˬ-awˇ, meuˬ cawˆ-iˇ-awˇ pu deuˬ miˬ dzaˬ bi keuˬ dzeh jiˇ ngeh keuˆ ni, aˬ yawꞈ maꞈ kʼoeˇ taˆ bi keuˆ le-eu lehˇ ngaˬ neh lehˬ hmˬ taˬ-euˬ aˇ yamˬ keuˆ le-eu dawˬ peh peh laˇ-euˬ meh. Kʼoeˇ ngeh jawˇ, Iˇsaˬleˬlaˆ tsawˇ haˬ deuˬ aˬ cawˬ-euˬ laꞈ-ahˇ ahˇ leˇ-euˬ yawˬ ha-euˬ miˇ kʼahˬ paˇ za kʼoꞈ tehꞈ-a.

Yeˬlaˬmiˇ 50:22

Miˇ kʼahˬ kʼoeˇ kʼahˬ laꞈ kʼoeˇ guiˇ deuˆ luꞈ-eu teˇ saˇ gaˬ laˇ-awˇ, guˆ dui dui laˇ paˬ-ehˇ gʼeh-eu yaw cawˆ jeˬ keuˆ le-euˬ meh.

Daˬyeˬlaˇ 4:19

Kʼoeˇ loꞈ-ehˇ ehˇ gaˇ ya gaˬ ngeh, Beˬteˬshaˬzaˬ lehˇ kʼawꞈ kuˇ-eu Daˬyeˬlaˇ ya gaˬ ngeh, tsawˬ guˆ-iˇ-awˇ, dawˬ maˬ ngehˬ ni tiˬ kʼehˬ tsoˆ leˇ-euˬ meh. “Beˬteˬshaˬzaˬ-oˇ, yuꞈ maˆ heu-euˬ gaˇ kawˆ-ahˇ nawˇ taˬ tsawˬ guˆ-iˇ” lehˇ, sahˬ paˬ ehˇ-eu meh. Beˬteˬshaˬzaˬ ehˇ-eu, “Sahˬ paˬ-oˇ, ngaˬ-euˬ nui ma laꞈ kʼoeˇ, yuꞈ maˆ hawˇ-eu yuꞈ maˆ-euˬ dawˬ tsuiꞈ heu nawˬ-ahˇ ehˇ mawꞈ-eu jeˬ maˬ ngeuˇ-ehˇ, nawˬ-ahˇ muiˇ-eu deuˬ-ahˇ ehˇ mawꞈ-eu jeˬ pyeuꞈ law nmˇ duˇ nya.

2 Sahˬpaˬ 4:19

Ja pyuˬ ni, “Ngaˬ-ahˇ uˬ duˬ naˇ nya. Ngaˬ-ahˇ uˬ duˬ naˇ nya” lehˇ, aˬ li kʼoeˇ li aˬ yawꞈ-euˬ aˬ da-ahˇ guˇ-eu meh. “Aˬ li-ahˇ aˬ yawꞈ aˬ ma jawˇ gaˇ euˬ kʼoꞈ gʼeh nehˬ-awˬ” lehˇ, aˬ da gʼaˬ aˬ yawꞈ-euˬ zaˬ kʼaˆ tiˬ gʼaˬ-ahˇ ehˇ nehˬ-euˬ meh.

2 Sahˬpaˬ 8:11

Kʼoeˇ naˇ, Haˬzeˬlaˇ maˬ jawˇ tehˬ coeˇ-ehˇ pyeuꞈ laˇ ngeh keuˆ ni, Haˬzeˬlaˇ-ahˇ Eˇliˇshehˇ haw tsoˆ taˬ-euˬ meh. Kʼoeˇ ngeh, Eˇliˇshehˇ myaˆ biˇ yoeˇ le-euˬ meh.

Iˇsaˬyaˇ 21:4

Ngaˬ-euˬ nui ma cehˇ tahˬ tahˬ-awˇ, yaw dzuˬ dzuˬ dui dui nya. Uˬ ciꞈ ciꞈ le gaˇ noeˬ tmˬ kʼawꞈ, ciꞈ le ngeh guˆ dzehˬ laˇ-eu nya.

Yeˬlaˬmiˇ 8:18

Ngaˇ noeˬ shaˬ-eu maˬ byoˆ-iˇ nya miˇ-a. Nui ma shaˬ zahˬ mˇ-eu maˬ jiˇ miˇ-a.

Ngoeˇ dawˬ 1:20

“Ngaˬ-euˬ nui ma shaˬ zahˬ naꞈ-awˇ, ngaˬ-euˬ saꞈ laˇ shaˬ zahˬ mˇ gaˇ, Sahˬpaˬ Miˬyehˇ nawˇ haw le sheˇ. Ngaˬ-euˬ iˬ baˇ-ahˇ shaˇ noeˬ-eu, nui ma tsawˬ paˆ-iˇ-euˬ miˇ-a. Lehˆ kawˆ doe ni tsawˇ haˬ sehꞈ-awˇ, iˇ kahˇ laꞈ kʼoeˇ kʼawꞈ shiˇ luꞈ meh.