Yeˬlaˬmiˇ 39:2 - Akha

² Zeˬdaˬkiˇ sahˬ paˬ geuꞈ-euˬ tseˇ tiꞈ kʼoꞈ tiˬ kʼoꞈ ba la oeˬ siˬ tiˬ siˬ gʼoeˬ nah-ahˇ, meuˬ meuˬ lahˇ byaˆ le-euˬ meh.

Yeˬlaˬmiˇ 39:2 Referans Kwoze

Zeˬpaˬniˇ 1:10

Sahˬpaˬ Miˬyehˇ ehˇ-eu, “Aˇ nah kʼoeˇ nah keuˆ le ngeh jawˇ, ngaˬ shaˬ lahˇ kʼehˬ paw dzeˇ coeˇ-ahˇ, meuˬ yaw shuiꞈ tsoˆ lahˬ-euˬ coeˇ-ahˇ, guˇ-eu teˇ saˇ gaˬ doˆ laˇ-awˇ, gawˬ jawˬ gawˬ duˇ paw dzeˇ coeˇ-ahˇ, deh byaˆ-eu jeˬ gaˬ le tehꞈ-a.

Yeˬsaˬgeˬlaˇ 33:21

Nga maꞈ aˬ cawˬ miˇ kʼahˬ-ahˇ bi nyehꞈ gʼeh-awˇ jawˇ-euˬ tseˇ nyiꞈ kʼoꞈ tiˬ kʼoꞈ, ba la tseˇ siˬ tiˬ siˬ ngaˬ nah-ahˇ, Yeˬluˇsaˬlehˬ meuˬ-ahˇ neh cehˆ dzeuˇ doˆ laꞈ-euˬ tsawˇ haˬ tiˬ gʼaˬ ngaˇ jawˇ gaˇ laˇ-awˇ, meuˬ kʼoeˇ meuˬ aˬ cawˬ laꞈ-ahˇ ahˇ leˇ-euˬ gaˇ kawˆ tsaꞈ gaˬ laˇ-euˬ meh.

Yeˬlaˬmiˇ 5:10

Ngaˬ-euˬ tsawˇ haˬ deuˬ-euˬ aˬ gaꞈ baw duˆ bi tuˇ dzeh-eu gʼaˇ duˬ, muiˇ-eu deuˬ-ahˇ ngaˇ pyehˬ gʼeh ma. Ehˇ kʼawꞈ, dawˬ tawˆ luꞈ-ahˇ maˬ bi tuˇ cuˬ jiˇ ni, ngaˬ-ahˇ maˬ taꞈ-eu uˬ laꞈ deuˬ tehꞈ-ehˇ, aˬ yawꞈ maꞈ-ahˇ bi deuˆ dzeh ma.

Yeˬlaˬmiˇ 1:3

Yawˇshiˆ-euˬ aˬ li Yeˬhawˇyaˬkmˬ sahˬ paˬ geuꞈ-awˇ uˆ lahˇ ngeh kʼawꞈ, tiˬ poˆ paˇ keuˆ le-euˬ meh. Kʼoeˇ ngeh neh naˇ, Yawˇshiˆ-euˬ aˬ li Zeˬdaˬkiˇ sahˬ paˬ geuꞈ-awˇ uˆ lahˇ-euˬ tseˇ tiꞈ kʼoꞈ tiˬ kʼoꞈ-ahˇ keuˆ ni, Sahˬpaˬ Miˬyehˇ-euˬ dawˬ aˬ yawꞈ kʼoeˇ taˆ tiˬ poˆ saˇ-iˬ tiˬ poˆ keuˆ le-euˬ meh. Kʼoeˇ ngeh kʼoꞈ ba la ngaˬ siˬ tiˬ siˬ-ahˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ aˬ cawˬ nyehꞈ gʼeh-euˬ meh.

Yeˬlaˬmiˇ 32:1

Yuˇdaˆ miˇ kʼahˬ-ahˇ Zeˬdaˬkiˇ uˆ lahˇ luꞈ-eu tseˇ kʼoꞈ tiˬ kʼoꞈ laꞈ kʼoeˇ, Sahˬpaˬ Miˬyehˇ ngaˬ-ahˇ dawˬ ngehˬ cawˬ le-euˬ meh. Kʼoeˇ ngeh, Baˬbuˇloˬ miˇ kʼahˬ-ahˇ sahˬ paˬ Neˬbuˬkaˬneˬzaˬ uˆ lahˇ luꞈ-eu tseˇ yehꞈ kʼoꞈ byah laˇ-euˬ meh.

Yeˬlaˬmiˇ 34:22

Ngaˇ dawˬ biꞈ nehˬ ngeh, meuˬ heu meuˬ-ahˇ aˬ yawꞈ maꞈ guiˇ paˇ deuˆ poˆ le-awˇ, miˬ dzaˬ dzah puiˆ dzeh tehꞈ-a. Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ, tsawˇ haˬ tiˬ gʼaˬ-iˬ maˬ jawˇ-eu kʼaˇ shuiꞈ deh ga loꞈ-ehˇ bi pyeuꞈ-iˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 37:8

Kʼoeˇ naˇ, Baˬbuˇloˬ tsawˇ haˬ deuˬ paˇ gʼoꞈ poˆ le-awˇ, meuˬ-ahˇ guiˇ deuˆ gʼaˬ-awˇ, miˬ dzaˬ keuˬ dzeh tehꞈ-a.

Yeˬsaˬgeˬlaˇ 4:3

Kʼoeˇ naˇ, shmˇ shmˇ byaˆ tiˬ byaˆ yuˇ-awˇ, nawˇ hawˇ-eu meuˬ-euˬ yaw kaˬ-ahˇ ciˬ taw taˬ-awˬ. Meuˬ-ahˇ mehˬ shiˬ pyawˇ-awˇ jawˇ-awˬ. Nawˇ-aˬ, meuˬ-ahˇ loꞈ jawˬ-eu gʼaˬ meh. Heu-aˬ, Iˇsaˬleˬlaˆ tsawˇ jeuˬ gʼaˇ duˬ yaw jeˬ ma jeˬ pyeuꞈ-eu meh.

Yeˬsaˬgeˬlaˇ 5:2

Nawˬ-euˬ uˬ duˬ tsehˇ kahˇ smˬ bymˇ saˆ paˆ-awˬ. Meuˬ-ahˇ loꞈ jawˬ-euˬ aˇ yamˬ jiˇ ngeh, tiˬ bymˇ keuˬ dzeh-awˬ. Tiˬ bymˇ-aˬ, meuˬ-euˬ laꞈ nyiˇ nawˇ cah ngeh, mi cehˇ neh byehˆ byehˆ-ehˇ cah-awˬ. Tiˬ bymˇ-aˬ, jaˬ lehˇ laꞈ kʼoeˇ byaˆ gʼeh-awˬ. Kʼoeˇ-euˬ mehˬ nah ngaˬ-euˬ mi cehˇ neh ngaˇ caw teh gʼeh ma.

Zaˬkaˬliˇ 8:19

“Ba la oeˬ siˬ tiˬ siˬ, ngaˬ siˬ tiˬ siˬ, shiꞈ siˬ tiˬ siˬ hawˇ-eu, tseˇ siˬ tiˬ siˬ laꞈ kʼoeˇ, maˬ dzaˬ-eu zahˇ jahˇ-eu bawˬ-iˬ gʼeh-eu kʼoeˇ-aˬ, Yuˇdaˆ tsawˇ haˬ gʼaˇ duˬ laˬ kʼaˬ cehˇ-eu bawˬ-iˬ pyeuꞈ laˇ tehꞈ-a. Yaw tsaˬ yaw dawˇ jeˬ hawˇ-eu tsaˬ leˇ dzoeˇ leˇ-eu jeˬ-ahˇ naw maꞈ ya gaˬ meh.”