Yeˬlaˬmiˇ 39:17 - Akha

¹⁷ Ehˇ kʼawꞈ, Sahˬpaˬ Miˬyehˇ pyeuꞈ-eu ngaˇ nawˬ-ahˇ haw piˇ-awˇ, nawˇ guˆ luꞈ-eu tsawˇ haˬ deuˬ-euˬ laꞈ-ahˇ, nawˬ-ahˇ maˬ bi ahˇ leˇ.

Yeˬlaˬmiˇ 39:17 Referans Kwoze

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Yeˬlaˬmiˇ 1:19

Aˬ yawꞈ maꞈ nawˬ-ahˇ ceh kʼawꞈ, maˬ ceh gʼaˬ laˇ nya-aˇ. Aˬ jeˬ miˇ neh ehˇ naˇ, nawˬ nehˬ-ehˇ ngaˇ jawˇ-awˇ haw piˇ nehˬ ma lehˇ Sahˬpaˬ Miˬyehˇ pyeuꞈ-eu ngaˇ ehˇ-eu ma.”

2 Saˬmeuˬlaˆ 24:14

Daˬbiˇ ehˇ-eu, “Ngaˬ-ahˇ zahˬ dui dui miˇ-a. Ehˇ kʼawꞈ, tsawˇ haˬ neh bi kʼehˬ-eu jeˬ-ahˇ ngaˇ maˬ daˬ mawꞈ nya. Kʼehˬ-eu lehˇ ya bi kʼehˬ naˇ, Sahˬpaˬ Miˬyehˇ-aˬ, gʼawˬ shaˬ gaˬ nya-eu miˇ neh, aˬ yawꞈ neh bi kʼehˬ ma.”

Yeˬlaˬmiˇ 38:9

“Sahˬ paˬ-oˇ, tsawˇ haˬ kʼoeˇ deuˬ neh mˇ-euˬ jeˬ maˬ tsaˬ maˬ dawˇ-a. Yeˬlaˬmiˇ-ahˇ lah duˬ laꞈ kʼoeˇ aˬ yawꞈ maꞈ nyehꞈ ahˇ-euˬ meh. Meuˬ laꞈ kʼoeˇ dzaˬ dzaˬ dawˇ dawˇ nym laˇ taˬ-euˬ miˇ neh, Yeˬlaˬmiˇ ya shiˇ-eu yaw duˬ baw meh.”

Aˇ dahˬ 15:1

Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬbyaˬ-oˇ, guˆ-eu nui ma taˬ bi ahˇ. Guˆ-eu gaˆ-eu jeˬ laꞈ kʼoeˇ nawˬ-ahˇ ngaˇ haw piˇ-awˇ, huiˬ dui dui-eu guiˬ lahˬ biꞈ ma.”

Maꞈtehˬ 25:40

Kʼoeˇ ngeh, aˬ yawꞈ maꞈ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ-euˬ aˬ yuiꞈ aˬ nyiˇ heu deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ-eu gʼaˬ-ahˇ naw maꞈ neh ngehˬ gʼeh nehˬ-euˬ jeˬ-aˬ, ngaˬ-ahˇ ngehˬ gʼeh nehˬ laꞈ gaˇ duˇ-eu meh lehˇ, ngaˇ naw maꞈ-ahˇ maˇ jawˆ ni ehˇ-eu ma.’

Daˬyeˬlaˇ 6:16

Kʼoeˇ ngeh jawˇ, Daˬyeˬlaˇ-ahˇ nyehꞈ-awˇ aˇ laˬ jaˬ shiˇ kuˆ-ahˇ biꞈ ahˇ-eu gʼaˇ duˬ sahˬ paˬ dawˬ biꞈ-euˬ meh. “Nawˇ saˇ jaˇ ziꞈ-awˇ gʼoe luꞈ-eu nawˬ-euˬ Miˬyehˇ nawˬ-ahˇ ka kʼoꞈ luꞈ-uˇ” lehˇ, Daˬyeˬlaˇ-ahˇ aˬ yawꞈ ehˇ nehˬ-euˬ meh.

Yeˬlaˬmiˇ 38:1

Maˬtaˬ-euˬ aˬ li Sheˬpaˬtiˇ, Paˬshuˇlaˆ-euˬ aˬ li Geˬdaˬliˇ, Sheˬleˬmiˇ-euˬ aˬ li Yeˬhuˇkaˬlaˆ hawˇ-eu, Maˬlaˬkiˇyaˆ-euˬ aˬ li Paˬshuˇlaˆ aˬ ha maꞈ-aˬ, miˇ kʼahˬ zaˬ deuˬ-ahˇ ngaˇ heu loꞈ-ehˇ ehˇ nehˬ luꞈ-eu gaˇ kawˆ ya gaˬ-euˬ meh.

1 Sahˬpaˬ 18:15

Eˇliˇyaˆ ehˇ-eu, “Iˬ nah ngaˬ-euˬ gʼawˇ mawˇ sahˬ paˬ-euˬ mehˬ shi le mawˇ ma lehˇ, dehꞈ luꞈ-eu Baoˬ huiˬ-eu Sahˬpaˬ Miˬyehˇ mehˬ shi ngaˇ saˇ jaˇ dzaˬ-eu ma.”

1 Sahˬpaˬ 18:16

Kʼoeˇ naˇ, Awˇbaˬdiˇ le-awˇ, sahˬ paˬ Aˬhaˆ-ahˇ tsaꞈ gaˬ leˇ ngeh, Eˇliˇyaˆ jawˇ gaˇ Aˬhaˆ iˇ-euˬ meh.

2 Sahˬpaˬ 6:16

“Taˬ guˆ. Aˬ dui jawˇ paw jawˇ-eu deuˬ aˬ yawꞈ maꞈ myaˆ maˬ tseˇ myaˬ ma” lehˇ Eˇliˇshehˇ ehˇ-eu meh.