Yeˬlaˬmiˇ 38:4 - Akha

⁴ Kʼoeˇ naˇ, yaw huiˬ yaw mahˇ kʼoeˇ deuˬ sahˬ paˬ-ahˇ heu loꞈ-ehˇ ehˇ nehˬ leˇ-euˬ meh. “Tsawˇ haˬ heu gʼaˬ-ahˇ maˬ sehꞈ-ehˇ maˬ gʼeh nya luꞈ-a. Aˬ yawꞈ kʼoeˇ loꞈ-ehˇ ja ja-ehˇ cah-eu laꞈ kʼoeˇ, meuˬ laꞈ kʼoeˇ jawˇ-eu yehˇ deuˬ nui ma baˬ-iˇ ni jahˇ luꞈ-eu meh. Meuˬ laꞈ kʼoeˇ kʼaˇ jawˇ-eu tsawˇ haˬ deuˬ-ahˇ kʼawꞈ, aˬ yawꞈ kʼoeˇ loꞈ-ehˇ dzawˇ nehˬ-euˬ meh. Aˬ yawꞈ-aˬ, miˇ kʼahˬ zaˬ deuˬ gʼaˇ duˬ yaw muiˬ jeˬ mˇ-eu maˬ ngeuˇ nga. Yaw cawˆ jeˬ mˇ-eu nga.”

Yeˬlaˬmiˇ 38:4 Referans Kwoze

Yeˬlaˬmiˇ 26:11

Kʼoeˇ naˇ, sahˬ paˬ sahˬ ma kʼoeˇ deuˬ hawˇ-eu miˇ kʼahˬ zaˬ deuˬ-ahˇ, piˇ ma deuˬ hawˇ-eu Miˬyehˇ gʼaˇ duˬ ngehˬ dah-eu deuˬ heu loꞈ-ehˇ ehˇ nehˬ-euˬ meh. “Tsawˇ haˬ heu gʼaˬ-ahˇ sehꞈ-awˬ lehˇ yaˇ kʼaˬ daˇ-eu tsaˬ meh. Aˬ jeˬ miˇ neh ehˇ naˇ, naw maꞈ-euˬ naˬ bawˇ-ahˇ ya gaˬ duˬ taˬ-euˬ loꞈ-ehˇ, meuˬ heu meuˬ ya cawˆ-iˇ meh lehˇ aˬ yawꞈ dawˬ ngehˬ-eu meh.”

Gʼaˬkʼehˇ 16:20

Loˇmaˆ tsawˇ haˬ yaw huiˬ yaw mahˇ deuˬ jawˇ gaˇ aˬ yawꞈ nyaꞈ-ahˇ nyehꞈ gʼeh-awˇ heu loꞈ-ehˇ tsaꞈ nehˬ-euˬ meh. “Tsawˇ haˬ heu nyiˬ gʼaˬ Yuˇdaˆ tsawˇ haˬ pyeuꞈ-awˇ, aˬ duiˬ-euˬ meuˬ-ahˇ laˆ suˬ saˬ le-euˬ meh.

Aˬmoˆ 7:10

Beˬdeˬlaˇ meuˬ-ahˇ jawˇ-eu piˇ ma yaw huiˬ gʼaˬ pyeuꞈ-eu Aˬmaˬziˇ gʼaˬ, Iˇsaˬleˬlaˆ sahˬ paˬ Yeˬyawˇbamˬ jawˇ gaˇ heu loꞈ-ehˇ bi tsaꞈ gaˬ leˇ-euˬ meh. “Aˬmoˆ-aˬ, miˇ kʼahˬ zaˬ deuˬ jawˇ gaˇ nawˬ-euˬ gaˇ kawˆ maˬ muiˬ-eu jeˬ ja-awˇ, miˇ kʼahˬ bi pyaˆ laˇ-eu dawˬ ngehˬ luꞈ meh.

Yeˬlaˬmiˇ 29:7

Ngaˬ neh naw maꞈ-ahˇ bi nyehꞈ gʼeh-awˇ, naw maꞈ-ahˇ bi jawˇ-euˬ meuˬ kʼoeˇ deuˬ muiˬ laˇ jaˬ laˇ ni leh jeh-awˬ. Aˬ yawꞈ maꞈ gʼaˇ duˬ ngaˬ-ahˇ guiˬ lahˬ shaˇ-awˬ. Aˬ jeˬ miˇ neh ehˇ naˇ, aˬ yawꞈ maꞈ baw le za le naˇ, naw maꞈ kʼawꞈ baw le za le tehꞈ-a.

Neˬhaˬmiˇ 6:9

Aˬ yawꞈ maꞈ-aˬ, nga maꞈ-ahˇ ja guˆ-awˇ gaˇ maˬ mˇ ni bi byehˇ-eu lehˇ leh jeh luꞈ-eu meh. “Miˬyehˇ-oˇ, nymˬ-mˇ ngaˬ-ahˇ gʼaˬ biꞈ lahˬ laꞈ-awˬ” lehˇ, ngaˇ guiˬ lahˬ shaˇ-euˬ ma.

1 Sahˬpaˬ 21:20

Eˇliˇyaˆ-ahˇ Aˬhaˆ mawˇ ngeh, “Ngaˬ-ahˇ muiˇ-eu gʼaˬ-oˇ, nawˇ ngaˬ-ahˇ poˆ mawˇ le-euˬ nga laˬ” lehˇ ehˇ nehˬ-euˬ meh. Eˇliˇyaˆ ehˇ-eu, “Ngeuˇ ma. Ngaˇ nawˬ-ahˇ poˆ mawˇ le-euˬ ma. Sahˬpaˬ Miˬyehˇ mehˬ shi yaw lehˬ jeˬ mˇ-eu gʼaˇ duˬ nawˇ maˇ maˇ ni noeˬ tsehˆ taˬ-euˬ meh.

Doˆ-iˇ 5:4

Ehˇ kʼawꞈ, sahˬ paˬ kʼoeˇ gʼaˬ aˬ yawꞈ nyaꞈ-ahˇ ehˇ-eu, “Aˬ jeˬ miˇ neh tsawˇ haˬ heu deuˬ-ahˇ gaˇ maˬ bi mˇ ni, naw nyaꞈ sheuˬ-awˇ iˇ-eu gʼeh te. Zaˬ kʼaˆ kʼoeˇ deuˬ-ahˇ gaˇ paˇ bi mˇ-iˇ-awˬ.

Gʼaˬkʼehˇ 28:22

Ehˇ kʼawꞈ, iˬ nah nawˇ uˇ luꞈ-eu aˇ muˇ heu muˇ-ahˇ, yawˬ gaˇ na luꞈ aˬ cawˬ ja doeˇ-awˇ iˬ baˇ taˬ luꞈ-eu nga maꞈ ya siˬ duˬ taˬ-euˬ ma. Kʼoeˇ miˇ neh, nawˬ neh noeˬ taˬ-euˬ gaˇ kawˆ ja gaˇ nga maꞈ naˇ haˬ mawꞈ miˇ-a.”

Gʼaˬkʼehˇ 24:5

Tsawˇ haˬ heu gʼaˬ-aˬ, guˆ laˇ paˬ-ehˇ gʼeh-eu haiˬ dui dui-eu tsawˇ haˬ tiˬ gʼaˬ pyeuꞈ-eu nga maꞈ ya mawˇ-euˬ ma. Miˇ tsaˬ kʼoeˇ taˆ kʼaˇ jawˇ-eu Yuˇdaˆ tsawˇ haˬ deuˬ suˬ saˬ laˇ ni gʼaˬ biꞈ-eu Naˬzaˬlehˇ aˇ muˇ -euˬ aˬ yuiꞈ tiˬ gʼaˬ pyeuꞈ-eu meh.

Gʼaˬkʼehˇ 17:6

Ehˇ kʼawꞈ, aˬ yawꞈ nyaꞈ-ahˇ maˬ poˆ mawˇ nya-eu miˇ neh, Yaˬsoˬ hawˇ-eu jah-eu tsawˇ haˬ tiˬ paˆ na deuˬ-ahˇ, meuˬ-ahˇ uˆ lahˇ-eu sahˬ paˬ sahˬ ma deuˬ jawˇ gaˇ gʼeu gʼeh-awˇ, heu loꞈ-ehˇ ehˇ nehˬ leˇ-euˬ meh. “Miˇ tsaˬ tahˬ kʼawˇ poˆ laˆ paˇ laˇ paˬ-ehˇ laˆ suˬ saˬ-eu tsawˇ haˬ deuˬ meuˬ heu meuˬ-ahˇ oe keuˆ taˬ-euˬ meh.

Luˇkaꞈ 23:2

Aˬ yawꞈ maꞈ Yeˬsuˇ-ahˇ iˬ baˇ poˆ-awˇ ehˇ-eu, “Tsawˇ haˬ heu gʼaˬ nga maꞈ-euˬ tsawˇ jeuˬ-ahˇ gaˇ ma sheuˬ bahˬ-awˇ, sahˬ paˬ Gehˇsaˬ-ahˇ kawˬ taˬ doˆ nehˬ lehˇ nga maꞈ-ahˇ laˆ tsoeˬ-eu uˬ taꞈ, yawˬ haˇ yawˬ ha Ka li lehˇ kuˇ-eu sahˬ paˬ ma lehˇ ehˇ-eu nga maꞈ mawˇ-euˬ ma.”

Yeˬsaˬgeˬlaˇ 22:27

Sahˬpaˬ sahˬ ma geuꞈ-eu deuˬ-aˬ, jeˬ zaˬ kawꞈ sehꞈ-awˇ, pyaˆ dzaˬ luꞈ-eu kʼaˬ yehˇ-ahˇ duˇ-eu meh. Aˬ yawꞈ maꞈ smˇ muiˬ muiˬ laˇ ni tsawˇ haˬ sehꞈ-eu meh.

Eˇzaˬlaˬ 4:12

“Sahˬ paˬ-oˇ, nawˇ jawˇ gaˇ neh laˇ-euˬ Yuˇdaˆ tsawˇ haˬ kʼoeˇ deuˬ Yeˬluˇsaˬlehˬ meuˬ-ahˇ jawˇ uˇ leˇ-awˇ, nawˬ-ahˇ puiˬ-eu meuˬ pyeuꞈ-eu haiˬ-eu meuˬ kʼoeˇ meuˬ-ahˇ paˇ tsoˆ muiˬ luꞈ-eu gaˇ kawˆ nawˬ-ahˇ bi siˬ-eu ma. Aˬ yawꞈ maꞈ meuˬ meuˬ lahˇ paˇ gawˬ muiˬ luꞈ-awˇ, gawˬ gʼaˬ-eu keuˆ laˇ-euˬ meh.

2 Laˬsaˬbaˬ 24:21

Zaˬkaˬliˇ-ahˇ sehꞈ-eu gʼaˇ duˬ aˬ yawꞈ maꞈ mehˬ bawˬ mˇ-awˇ, sahˬ paˬ neh dawˬ biꞈ-euˬ loꞈ-ehˇ, Uˬ duˬ tahˬ nymˇ nymˇ ma-euˬ pu ka, Zaˬkaˬliˇ-ahˇ kʼaˬ lo biˬ-euˬ meh.

Yeˬlaˬmiˇ 11:21

Aˬnaˬtawˇ meuˬ-ahˇ jawˇ-eu deuˬ ngaˬ-ahˇ bi shiˇ mawꞈ-awˇ, Sahˬpaˬ Miˬyehˇ neh bi ngehˬ bi tmˇ-euˬ jeˬ-ahˇ ngaˇ dzawˇ gaˬ dzawˇ gaˬ-ehˇ cah naˇ, aˬ yawꞈ maꞈ ngaˬ-ahˇ sehꞈ ma lehˇ ehˇ-eu meh.

Yeˬlaˬmiˇ 18:23

Ehˇ kʼawꞈ, aˬ yawꞈ maꞈ ngaˬ-ahˇ sehꞈ-eu lehˇ gʼeh-eu gaˇ kawˆ, Sahˬpaˬ Miˬyehˇ nawˇ mawˇ jiˇ luꞈ-eu meh. Aˬ yawꞈ maꞈ-ahˇ iˬ baˇ maˬ pyehˬ nehˬ-ehˇ, aˬ yawꞈ maꞈ-euˬ yaw lehˬ taˬ byehˇ byoˆ nehˬ. Aˬ yawꞈ maꞈ-ahˇ aˬ cawˬ neh guiˇ bi deuˆ gʼaˬ-awˇ, nawˇ nui ma pehˇ ngeh aˬ yawꞈ maꞈ-ahˇ kʼehˬ nehˬ-awˬ.

Yeˬlaˬmiˇ 38:16

Kʼoeˇ ngeh, sahˬ paˬ Zeˬdaˬkiˇ ngaˬ-ahˇ ciˬ cuˇ ni kʼoeˬ saˆ-awˇ, “Nawˬ-ahˇ ngaˇ maˬ sehꞈ-eu uˬ taꞈ, nawˬ-ahˇ sehꞈ mawꞈ-eu deuˬ-euˬ laꞈ-ahˇ kʼawꞈ maˬ bi ahˇ leˇ lehˇ, aˬ dui-ahˇ dehꞈ-eu saꞈ laˇ biꞈ laꞈ-euˬ Miˬyehˇ pyeuꞈ-eu, dehꞈ luꞈ-eu Miˬyehˇ mehˬ shi ngaˇ kamˬ-eu ma.”

Yeˬlaˬmiˇ 38:25

Ngaˇ nawˬ nehˬ-awˇ ngehˬ cawˬ-euˬ gaˇ kawˆ yaw huiˬ yaw mahˇ deuˬ ya gaˬ naˇ, aˬ jeˬ gaˇ kawˆ ngehˬ cawˬ-euˬ nga lehˇ siˬ mawꞈ-eu miˇ neh, nawˬ-ahˇ naˇ haˬ laˇ tehꞈ-a. Kʼaˇ ngeuˇ-eu loꞈ-ehˇ dawˇ coe ni ehˇ doˆ nehˬ jiˇ naˇ, nawˬ-ahˇ maˬ sehꞈ ni bi dzeuˇ-iˇ ma lehˇ aˬ yawꞈ maꞈ ehˇ laˇ tehꞈ-a.

Yeˬlaˬmiˇ 43:3

Nga maꞈ-ahˇ Baˬbuˇloˬ tsawˇ haˬ deuˬ neh bi sehꞈ-eu gʼaˇ duˬ, maˬ ngeuˇ naˇ, Baˬbuˇloˬ miˇ kʼahˬ-ahˇ bi nyehꞈ daˆ gʼeh-eu gʼaˇ duˬ, Neˬliˇyaˆ-euˬ aˬ li Baˬluˆ neh tsawˇ gahˇ gahˇ-awˇ nawˬ-ahˇ bi oe-euˬ ngaˇ.”