Yeˬlaˬmiˇ 37:21 - Akha

²¹ Kʼoeˇ ngeh jawˇ, sahˬ paˬ hawˇ nymˇ-ahˇ jaˆ-eu paꞈ kuˆ laꞈ kʼoeˇ ngaˬ-ahˇ nyehꞈ ahˇ-awˇ mawˬ tawꞈ tawꞈ tehˬ taꞈ-eu gʼaˇ duˬ, sahˬ paˬ Zeˬdaˬkiˇ dawˬ biꞈ-euˬ meh. Ngaˇ kʼoeˇ gaˇ uˇ-awˇ, meuˬ laꞈ kʼoeˇ kaˬ muˇ maˬ jaˆ-ehˇ pyeuꞈ-iˇ ngeh keuˆ ni, kaˬ muˇ jahˇ-eu tsawˇ haˬ deuˬ ngaˬ-ahˇ tiˬ nah-euˬ kaˬ muˇ tiˬ siˬ bi dzaˬ laꞈ-euˬ meh.

Yeˬlaˬmiˇ 37:21 Referans Kwoze

Yeˬlaˬmiˇ 38:28

Kʼoeˇ naˇ, Yeˬluˇsaˬlehˬ meuˬ-ahˇ aˬ cawˬ deuˆ gʼaˬ ngeh nah keuˆ ni, sahˬ paˬ hawˇ nymˇ lahˇ laꞈ kʼoeˇ ngaˇ jawˇ-euˬ ma.

Yeˬlaˬmiˇ 38:13

Kʼoeˇ naˇ, aˬ yawꞈ maꞈ ngaˬ-ahˇ lah duˬ laꞈ kʼoeˇ neh gʼeu doˆ nehˬ laꞈ-euˬ meh. Lah duˬ laꞈ kʼoeˇ neh doˆ laˇ gʼaˬ ngeh jawˇ, sahˬ paˬ-euˬ hawˇ nymˇ lahˇ laꞈ kʼoeˇ ngaˬ-ahˇ ka lahˇ-awˇ bi jawˇ laꞈ-euˬ meh.

Yeˬlaˬmiˇ 52:6

Kʼoeˇ ngeh kʼoꞈ ba la oeˬ siˬ tiˬ siˬ gʼoeˬ nah tiˬ nah-ahˇ, mehꞈ dui shuꞈ dui dui-eu miˇ neh, dzaˬ-eu tiˬ jeˬ-iˬ maˬ jaˆ-ehˇ pyeuꞈ laˇ ngeh,

Yeˬlaˬmiˇ 38:9

“Sahˬ paˬ-oˇ, tsawˇ haˬ kʼoeˇ deuˬ neh mˇ-euˬ jeˬ maˬ tsaˬ maˬ dawˇ-a. Yeˬlaˬmiˇ-ahˇ lah duˬ laꞈ kʼoeˇ aˬ yawꞈ maꞈ nyehꞈ ahˇ-euˬ meh. Meuˬ laꞈ kʼoeˇ dzaˬ dzaˬ dawˇ dawˇ nym laˇ taˬ-euˬ miˇ neh, Yeˬlaˬmiˇ ya shiˇ-eu yaw duˬ baw meh.”

Yeˬlaˬmiˇ 32:2

Aˇ yamˬ kʼoeˇ yamˬ laꞈ kʼoeˇ, Baˬbuˇloˬ sahˬ paˬ-euˬ guiˇ maꞈ deuˬ Yeˬluˇsaˬlehˬ meuˬ-ahˇ guiˇ deuˆ luꞈ-awˇ, sahˬ paˬ-euˬ hawˇ nymˇ-ahˇ jaˆ-eu paꞈ kuˆ laꞈ kʼoeˇ ngaˇ uˇ luꞈ-eu ma.

Iˇsaˬyaˇ 33:16

Kʼoeˇ loꞈ-ehˇ dehꞈ-eu gʼaˬ nui saˇ oꞈ-awˇ, ziꞈ dah ni gʼeh-eu taˆ laꞈ kʼoeˇ jawˇ-eu loꞈ-ehˇ, guˆ-eu gaˆ-eu jeˬ-ahˇ dzeuˇ-eu uˬ taꞈ, dzaˬ-eu dzaˇ hawˇ-eu dawˇ-eu iˇ cuꞈ gʼaˇ duˬ, kʼahˬ maˬ lahˇ ni ya dehꞈ tehꞈ-a.

2 Sahˬpaˬ 25:3

Kʼoeˇ ngeh kʼoꞈ ba la oeˬ siˬ tiˬ siˬ tseˇ nah tiˬ nah-ahˇ, meuˬ laꞈ kʼoeˇ mehꞈ dui shuꞈ dui dui laˇ-awˇ, dzaˬ-eu maˬ jaˆ-ehˇ pyeuꞈ laˇ taˬ-euˬ meh.

Yawˇbaˆ 5:20

Mehꞈ ngeh shuꞈ ngeh aˬ yawꞈ nawˬ-ahˇ bi dehꞈ dzeuˇ-awˇ, guiˇ deuˆ ngeh aˬ yawꞈ nawˬ-ahˇ haw piˇ tehꞈ-a.

2 Tiˆmoˇseˬ 2:9

Laˬ kʼaˬ cehˇ-eu Guiˬ lahˬ dawˬ mehˬ-eu baˬ da neh, kʼehˬ-eu kʼaˆ-eu jeˬ-ahˇ ngaˇ ya daˬ-awˇ, smˇ kʼoeˬ tahˇ joe loꞈ-ehˇ shmˇ caˆ neh bi paꞈ gaˇ keuˆ-euˬ ma. Ehˇ kʼawꞈ, Miˬyehˇ-euˬ dawˬ-ahˇ shmˇ caˆ neh maˬ paꞈ tawꞈ nya-a.

2 Tiˆmoˇseˬ 1:8

Kʼoeˇ miˇ neh, aˬ dui-euˬ Sahˬpaˬ Yeˬsuˇ gʼaˇ duˬ saˇ kiˇ kamˬ-eu taˬ shaꞈ dawˇ. Ka li-euˬ gʼaˇ duˬ tawˬ-ahˇ bi paꞈ ahˇ-euˬ gʼaˬ pyeuꞈ-eu ngaˬ-ahˇ kʼawꞈ taˬ shaꞈ dawˇ. Ehˇ kʼawꞈ, Miˬyehˇ neh nawˬ-ahˇ gʼaˬ biꞈ nehˬ taˬ-euˬ loꞈ-ehˇ, Laˬ kʼaˬ cehˇ-eu Guiˬ lahˬ dawˬ gʼaˇ duˬ shaˬ-eu zahˬ-eu jeˬ-ahˇ nawˬ-euˬ shaˬ bymˇ nawˇ daˬ-awˬ.

Eˇpeˇsu 6:20

Nymˬ-mˇ ngaˇ tawˬ-ahˇ uˇ luꞈ-eu kʼawꞈ, Laˬ kʼaˬ cehˇ-eu Guiˬ lahˬ dawˬ heu-euˬ gʼaˇ duˬ Sahˬpaˬ Yeˬsuˇ-euˬ dah zaˇ ngehˬ zaˬ tmˇ zaˬ pyeuꞈ-eu ma. Laˬ kʼaˬ cehˇ-eu Guiˬ lahˬ dawˬ gʼaˇ duˬ ngehˬ paˬ tmˇ paˬ-ehˇ gʼeh-eu jeˬ-ahˇ ngaˇ kʼaˬ duˬ ni ngehˬ nya tmˇ nya ni guiˬ lahˬ shaˇ nehˬ laꞈ-awˬ.

Eˇpeˇsu 4:1

Sahˬpaˬ Yeˬsuˇ-euˬ gaˇ mˇ-eu miˇ neh tawˬ-ahˇ ya uˇ-euˬ tsawˇ haˬ pyeuꞈ-eu ngaˇ, naw maꞈ-ahˇ heu loꞈ-ehˇ shaˇ-eu ma. Miˬyehˇ naw maꞈ-ahˇ kuˇ ngeh aˬ yawꞈ neh noeˬ taˬ-euˬ aˇ tiˆ kʼoeˇ tiˆ-ahˇ dehꞈ keuˆ-awˬ.

Gʼaˬkʼehˇ 28:30

Pawˇluˆ-aˬ, aˬ yawꞈ neh ngaˬ taˬ-euˬ nymˇ-ahˇ nyiˬ kʼoꞈ byah ni jawˇ-awˇ, aˬ yawꞈ jawˇ gaˇ kʼaˇ laˇ-eu tsawˇ haˬ deuˬ-ahˇ yaw muiˬ paˬ-ehˇ ha-euˬ meh.

Gʼaˬkʼehˇ 28:16

Loˇmaˆ meuˬ-ahˇ le keuˆ ngeh, Pawˇluˆ-ahˇ yehˇ tiˬ gʼaˬ tehꞈ-ehˇ bi loꞈ-awˇ, aˬ yawˇ yawꞈ jawˇ-eu aˬ kawˬ-aˬ biꞈ nehˬ-euˬ meh.

Gʼaˬkʼehˇ 24:27

Nyiˬ kʼoꞈ byah laˇ ngeh, Peˬliˇ-euˬ jawˇ duˬ-ahˇ Bawˇgiˇ Beˬtuˇ sahˬ paˬ paˇ geuꞈ le-euˬ meh. Peˬliˇ-aˬ, Yuˇdaˆ tsawˇ haˬ mehˬ shi tsawˇ myahˇ za mawꞈ-eu miˇneh Pawˇluˆ-ahˇ tawˬ-ahˇ bi uˇ yaꞈ-euˬ meh.

Gʼaˬkʼehˇ 12:5

Kʼoeˇ miˇ neh, Beˬtuˆluˆ-ahˇ paꞈ kuˆ-ahˇ dawˆ taˬ-euˬ jeˬ pyeuꞈ-eu meh. Ehˇ kʼawꞈ, Ka li zaˬ aˇ muˇ muˇ lah-ehˇ, Beˬtuˆluˆ gʼaˇ duˬ nui ma keuˆ dui dui-eu laꞈ kʼoeˇ Miˬyehˇ-ahˇ guiˬ lahˬ shaˇ-euˬ meh.

Maꞈtehˬ 6:33

Miˬyehˇ-euˬ Miˇ kʼahˬ hawˇ-eu aˬ yawꞈ-euˬ yaw tsaˬ yaw dawˇ jeˬ-ahˇ jeˬ huˬ poˆ-awˬ. Nui jeˬ dawˬ tawˆ luꞈ, aˬ yawꞈ naw maꞈ-ahˇ biꞈ lahˬ laꞈ tehꞈ-a.

Ngoeˇ dawˬ 5:10

Mehꞈ-eu baˬ da gʼawˇ mawˇ lahˇ-eu, miˬ dzaˬ tsawˬ bu-ahˇ duˇ leˇ nya.

Yeˬlaˬmiˇ 32:8

Kʼoeˇ naˇ, Sahˬpaˬ Miˬyehˇ neh kʼaˇ ehˇ taˬ-euˬ loꞈ-ehˇ ngaˇ jawˇ-eu paꞈ kuˆ-ahˇ Haˬnaˬmeˬlaˇ oe-awˇ, aˬ yawꞈ-euˬ deh yaˇ zeuˇ nehˬ laꞈ lehˇ ehˇ le-euˬ meh. Kʼoeˇ miˇ neh, Sahˬpaˬ Miˬyehˇ ngaˬ-ahˇ aˬ diˇ aˬ maˇ dawˬ ngehˬ cawˬ le-euˬ nga lehˇ ngaˇ siˬ duˬ -euˬ ma.

Dawqdaq 21:1

Sahˬ paˬ tiˬ gʼaˬ-euˬ nui ma-ahˇ Sahˬpaˬ Miˬyehˇ uˆ lahˇ-eu-aˬ, lawˇ baˬ iˇ cuꞈ yoeˇ kʼehˬ bi baw-euˬ loꞈ-ehˇ awˬ-eu meh.

Dawqdaq 16:7

Nawˬ-euˬ dehꞈ jeˬ dehꞈ kʼawˆ Sahˬpaˬ Miˬyehˇ nui kʼahˇ shiˇ naˇ, muiˇ-eu deuˬ nawˬ-ahˇ gʼoeˇ laˇ ni aˬ yawꞈ jahˇ meh.

Jaceuq 37:19

Haiˬ-eu aˇnah aˇyamˬ keuˆkʼawꞈ, aˬyawꞈmaꞈ maˬya shaꞈdawˇ-ehˇ, mehꞈ-eu shuꞈ-eu aˇnah oe kʼawꞈ, maˬdzaˬjiˇcoeˇni jaˆtehꞈ-a.

Jaceuq 37:3

SahˬpaˬMiˬyehˇ-ahˇnawˇgʼoe-awˇ, yaw muiˬjeˬ-ahˇmˇ-awˬshaˇ-awˬ. Miˇkʼahˬheu kʼahˬnawˇya jawˇ-awˇ, nui saˇ oꞈ-awˇya dehꞈtehꞈ-a.

Yeˬlaˬmiˇ 33:1

Paꞈ kuˆ laꞈ kʼoeˇ ngaˇ uˇ luꞈ-eu aˇ yamˬ laꞈ kʼoeˇ, Sahˬpaˬ Miˬyehˇ-euˬ dawˬ ngaˇ jawˇ gaˇ tiˬ poˆ paˇ keuˆ le-euˬ meh.

Yeˬlaˬmiˇ 38:6

Kʼoeˇ naˇ, aˬ yawꞈ maꞈ ngaˬ-ahˇ nyehꞈ-awˇ, sahˬ paˬ zaˬ yo Maˬlaˬkiˇyaˆ-euˬ lah duˬ-ahˇ, aˇ caˆ neh pyehˬ ka ahˇ nehˬ laꞈ-euˬ meh. Lah duˬ kʼoeˇ duˬ-aˬ, sahˬ paˬ-euˬ hawˇ nymˇ lahˇ laꞈ kʼoeˇ jaˆ-awˇ, iˇ cuꞈ maˬ dahˬ ni, lah yaˬ yaˬ-eu meh. Lah yaˬ kʼoeˇ-euˬ laꞈ kʼoeˇ ngaˇ ga nuiꞈ-awˇ jawˇ-euˬ ma.

Yeˬlaˬmiˇ 20:2

ngaˬ-ahˇ diˬ-awˇ, Uˬ duˬ tahˬ nymˇ nymˇ ma-euˬ lahˇ-ahˇ jaˆ-eu Beˬyaˬmiˬ lahˇ kʼehˬ laꞈ taˆ kʼehˬ dawˬ peh shmˇ caˆ paꞈ-awˇ bi jawˇ-eu gʼaˇ duˬ aˬ yawꞈ dawˬ biꞈ-euˬ meh.