Yeˬlaˬmiˇ 37:17 - Akha

¹⁷ Aˇ nah, sahˬ paˬ Zeˬdaˬkiˇ neh ngaˬ-ahˇ bi sheuˬ laˬ laˇ-awˇ, aˬ yawꞈ-euˬ hawˇ nymˇ laꞈ kʼoeˇ nga nyaꞈ yaw kaˬ tehꞈ-ehˇ, “Sahˬpaˬ Miˬyehˇ neh dawˬ biꞈ taˬ-euˬ jaˆ meh loˇ” lehˇ aˬ yawꞈ ngaˬ-ahˇ naˇ haˬ ngeh, “Jaˆ meh. Nawˬ-ahˇ aˬ cawˬ nyehꞈ-awˇ Baˬbuˇloˬ sahˬ paˬ-euˬ aˬ laꞈ laꞈ kʼoeˇ a nehˬ tehꞈ-a” lehˇ ehˇ kʼoꞈ nehˬ-euˬ ma.

Yeˬlaˬmiˇ 37:17 Referans Kwoze

Yeˬlaˬmiˇ 21:7

Ehˇ kʼawꞈ, nawˇ hawˇ-eu nawˬ-euˬ gaˇ mˇ-eu yaw huiˬ yaw mahˇ deuˬ-ahˇ maˬ ehˇ, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ gawˇ, heu deuˬ-ahˇ kʼaˇ dzeuˇ-iˇ-euˬ tsawˇ haˬ deuˬ-ahˇ maˬ ehˇ, sahˬ paˬ Neˬbuˬkaˬneˬzaˬ hawˇ-eu naw maꞈ-ahˇ sehꞈ mawꞈ-euˬ muiˇ-eu deuˬ neh bi nyehꞈ jiˇ ma. Neˬbuˬkaˬneˬzaˬ naw maꞈ-ahˇ sehꞈ tehꞈ-a. Naw maꞈ-ahˇ aˬ yawꞈ gʼawˬ shaˬ maˬ gaˬ ni, tiˬ gʼaˬ-iˬ maˬ bi dzeuˇ-iˇ ni sehꞈ jiˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 38:5

Kʼoeˇ ngeh, sahˬ paˬ Zeˬdaˬkiˇ ehˇ-eu, “Muiˬ tehꞈ-a. Naw maꞈ aˬ yawꞈ-ahˇ kʼaˇ jahˇ nehˬ mawꞈ-eu loꞈ-ehˇ jahˇ nehˬ-awˬ. Ngaˇ naw maꞈ-ahˇ aˬ joˆ-ehˇ paˇ laˆ tsoeˬ nya nmˇ.”

Yeˬlaˬmiˇ 37:3

Sahˬ paˬ Zeˬdaˬkiˇ-aˬ, Sheˬleˬmiˇ-euˬ aˬ li Yeˬhuˇkaˬlaˆ hawˇ-eu Mawˇseˬyaˇ-euˬ aˬ li piˇ ma Zaˬpaˬniˇ-ahˇ ngaˇ jawˇ gaˇ pyehˬ gʼeh leꞈ-awˇ, ‘Aˬ dui-euˬ miˇ kʼahˬ gʼaˇ duˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ’ lehˇ bi ehˇ le-euˬ meh.

Yeˬlaˬmiˇ 24:8

“Ehˇ kʼawꞈ, Yuˇdaˆ sahˬ paˬ Zeˬdaˬkiˇ maˬ ehˇ, aˬ yawꞈ nehˬ-ehˇ sahˬ paˬ sahˬ ma geuꞈ-awˇ miˇ kʼahˬ-ahˇ uˆ lahˇ-eu deuˬ maˬ ehˇ, miˇ kʼahˬ heu kʼahˬ laꞈ kʼoeˇ kʼaˇ jawˇ yaꞈ-euˬ deuˬ hawˇ-eu, Iˇjiˇtuˆ miˇ kʼahˬ-ahˇ cehˆ jawˇ-iˇ-euˬ deuˬ maˬ ehˇ, maˬ dzaˬ nya ni doeˇ-eu siˬ guˬ aˇ siˬ loꞈ-ehˇ ngaˇ sawˇ ma.

1 Sahˬpaˬ 22:16

Ehˇ kʼawꞈ, Aˬhaˆ ehˇ-eu, “Sahˬpaˬ Miˬyehˇ-euˬ tsawˇ myahˇ uˬ moˆ nawˇ ngaˬ-ahˇ dawˬ ngehˬ cawˬ ngeh, dawˇ coe ni ngehˬ-awˬ tmˇ-awˬ lehˇ ngaˇ nawˬ-ahˇ aˇ myaˆ poˆ ya ehˇ nehˬ nmˇ.”

Maˬkuˆ 6:20

Heˬloˆ-aˬ, Yoˇhaˬ-ahˇ guˆ-eu meh. Aˬ jeˬ miˇ neh ehˇ naˇ, Yoˇhaˬ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ tiˬ gʼaˬ pyeuꞈ-eu meh lehˇ, aˬ yawꞈ siˬ nya-eu meh. Kʼoeˇ miˇ neh, maˬ bi ca laˇ ni haw piˇ nehˬ luꞈ-eu meh. Yoˇhaˬ-euˬ dawˬ kʼaˇ ya gaˬ ngeh aˬ yawꞈ nui ma maˬ saˇ kʼawꞈ, Yoˇhaˬ mehˬ-euˬ dawˬ-ahˇ aˬ yawꞈ naˇ haˬ mawꞈ-eu nui ma ahˇ-eu meh.

Yeˬlaˬmiˇ 15:11

Sahˬpaˬ Miˬyehˇ-oˇ, nawˬ-euˬ nui kʼahˇ ngaˇ maˬ mˇ byah-ehˇ, ngaˬ-ahˇ muiˇ-eu deuˬ kʼoeˇ taˆ shaˬ-eu zahˬ-eu jeˬ keuˆ le ngeh, aˬ yawꞈ maꞈ-euˬ dah zaˇ ngaˇ nawˬ-ahˇ maˬ shaˇ ju-euˬ ngeuˇ naˇ, aˬ yawꞈ maꞈ neh yaˬ kʼehˇ kʼaˇ yaˬ-euˬ jeˬ ngaˬ-euˬ kʼoeˇ taˆ keuˆ le luꞈ-uˇ.

1 Sahˬpaˬ 22:15

Sahˬ paˬ Aˬhaˆ-euˬ mehˬ shi Miˇkaˬyaˇ le keuˆ ngeh, “Miˇkaˬyaˇ-oˇ, sahˬ paˬ Yeˬhawˇshaˬpaˇ nga nyaꞈ Laˬmoˆ meuˬ-ahˇ guiˇ deuˆ leˇ-eu tsaˬ meh loˇ, maˬ tsaˬ-a loˇ” lehˇ sahˬ paˬ Aˬhaˆ naˇ haˬ ngeh, “Deuˆ leˇ-awˬ. Naw nyaꞈ gʼaˬ leˇ tehꞈ-a. Sahˬpaˬ Miˬyehˇ naw nyaꞈ-ahˇ bi gʼaˬ leˇ laꞈ tehꞈ-a” lehˇ Miˇkaˬyaˇ ehˇ-eu meh.

Yeˬlaˬmiˇ 52:8

Ehˇ kʼawꞈ, Baˬbuˇloˬ guiˇ maꞈ sahˬ paˬ Zeˬdaˬkiˇ-euˬ mehˬ nah teh-awˇ, Yeˬliˇkoˇ meuˬ dawˬ peh jaˆ-eu deh ga-ahˇ nyehꞈ mi-euˬ meh. Kʼoeˇ ngeh, aˬ yawꞈ-euˬ yehˇ dawˬ tawˆ luꞈ, aˬ yawꞈ-ahˇ byehˇ dzeh-awˇ cehˆ-euˬ meh.

Yeˬsaˬgeˬlaˇ 7:26

Luˬ-iˇ seˇ-iˇ-eu jeˬ tiˬ hmˬ saˇ-iˬ tiˬ hmˬ keuˆ le-awˇ, doeˇ dui dui-eu gaˇ kawˆ deuˬ lawˇ gawˆ yoeˇ-eu loꞈ-ehˇ maˬ tsehˆ leˇ ni gaˬ keuˆ le tehꞈ-a. Aˬ yawꞈ maꞈ neh mawˇ taˬ-euˬ gaˇ kawˆ ehˇ nehˬ laꞈ lehˇ, Miˬyehˇ gʼaˇ duˬ ngehˬ dah-eu deuˬ-ahˇ naw maꞈ ya shaˇ tehꞈ-a. Piˇ ma deuˬ maˬ mehˬ maˬ tsoˆ nya-ehˇ pyeuꞈ-iˇ-awˇ, tsawˇ mawˬ tsawˇ kʼaˆ deuˬ maˬ ja noeˬ maˬ ja duˇ nya ni pyeuꞈ-iˇ tehꞈ-a.

Bawˇtsahˬ 23:17

Aˬ yawꞈ gʼoꞈ-iˇ ngeh, Baˬlehˇ hawˇ-eu Mawˇbaˆ tsawˇ haˬ aˬ yuiꞈ aˬ tsu dawˬ tawˆ luꞈ, aˬ yawꞈ neh lawˇ-euˬ miˬ dzaˬ dzah puiˆ-awˇ lawˇ-eu jeˬ dawˬ peh yawꞈ luꞈ gaˇ ya mawˇ-euˬ meh. Sahˬpaˬ Miˬyehˇ aˬ joˆ-ehˇ ehˇ ta lehˇ, Baˬlamˬ-ahˇ Baˬlehˇ naˇ haˬ-euˬ meh.

2 Sahˬpaˬ 25:7

Zeˬdaˬkiˇ-euˬ aˬ li deuˬ-ahˇ, Zeˬdaˬkiˇ-euˬ mehˬ shi sehꞈ mehˬ nehˬ-euˬ meh. Kʼoeˇ naˇ, Zeˬdaˬkiˇ-euˬ myaˆ nuiˆ Neˬbuˬkaˬneˬzaˬ neh tsawˆ behꞈ-awˇ, Zeˬdaˬkiˇ-ahˇ shmˇ caˆ paꞈ-awˇ, Baˬbuˇloˬ miˇ kʼahˬ-ahˇ tsahˇ kʼoꞈ gʼeh-euˬ meh.

Yeˬlaˬmiˇ 25:35

Naw maꞈ ngaˬ-euˬ tsawˇ haˬ-ahˇ sheuˬ gʼeh luꞈ-eu deuˬ, buˬ-iˇ law-iˇ-eu gaˇ ma maˬ dahˇ-a.