Yeˬlaˬmiˇ 36:7 - Akha

⁷ Guˆ laˇ paˬ-ehˇ gʼeh-eu Sahˬpaˬ Miˬyehˇ-euˬ nui ma pehˇ-eu jeˬ ehˇ taˬ-euˬ miˇ neh, aˬ yawꞈ maꞈ Sahˬpaˬ Miˬyehˇ-ahˇ guiˬ lahˬ shaˇ-awˇ, yaw haiˬ jeˬ maˬ paˇ mˇ ni byehˇ-eu baw le” lehˇ mehˬ nehˬ-euˬ ma.

Yeˬlaˬmiˇ 36:7 Referans Kwoze

Yeˬlaˬmiˇ 36:3

Ngaˬ neh lehˬ hmˬ taˬ-euˬ luˬ-iˇ seˇ-iˇ-eu jeˬ dawˬ tawˆ luꞈ gaˇ kawˆ Yuˇdaˆ tsawˇ haˬ deuˬ ya gaˬ ngeh, aˬ yawꞈ maꞈ yaw haiˬ jeˬ maˬ mˇ ni byehˇ -eu baw le. Kʼoeˇ loꞈ-ehˇ byehˇ naˇ, aˬ yawꞈ maꞈ-euˬ yaw lehˬ hawˇ-eu iˬ baˇ-ahˇ ngaˇ pyehˬ nehˬ ma.”

Hawˇseˬ 5:15

“Yawꞈ maꞈ iˬ baˇ noeˬ poˆ leˇ-awˇ, ngaˬ-euˬ myaˆ pyawˬ maˬ poˆ kʼoeˇ keuˆ, yawꞈ maꞈ-ahˇ ngaˇ byehˇ dzeh nehˬ ma. Yawꞈ maꞈ shaˬ zahˬ mˇ doeˇ laꞈ ngeh, ngaˬ-ahˇ poˆ laˇ-eu baw tehꞈ-a.”

Ngoeˇ dawˬ 4:11

Sahˬpaˬ Miˬyehˇ nui ma pehˇ-eu, dawˬ tawˆ luꞈ puiˇ pyehˬ ka leꞈ-awˇ, nui pehˇ miˬ dzaˬ shehˆ daˆ leꞈ ngeh, Ziˇoˬ meuˬ-ahˇ puiˆ dzaˬ-euˬ kʼoeˇ, ciˇ tahˬ puiˆ byoˆ gaˇ keuˆ-euˬ meh.

Yeˬlaˬmiˇ 21:5

Ngaˬ-eu gʼaˬ dawˬ tawˆ luꞈ, ngaˇ nui ma pehˇ-eu jeˬ dawˬ tawˆ luꞈ hawˇ-eu, ngaˇ nui ma naˇ luꞈ-eu jeˬ dawˬ tawˆ luꞈ yuˇ doˆ-awˇ, naw maꞈ-ahˇ ngaˇ guiˇ deuˆ ma.

Yeˬlaˬmiˇ 4:4

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu deuˬ-oˇ, naw maꞈ-euˬ Sahˬpaˬ Miˬyehˇ pyeuꞈ-eu ngaˬ nehˬ-ehˇ, dawˬ ma saˇ jaˇ dzaˬ-awˇ gʼawˇ mawˇ a nehˬ laꞈ-awˬ. Naw maꞈ kʼoeˇ loꞈ-ehˇ maˬ jahˇ naˇ, naw maꞈ neh mˇ-euˬ yaw haiˬ jeˬ baˬ da, ngaˇ nui ma pehˇ-eu jeˬ miˬ dzaˬ doꞈ doˆ laˇ-awˇ, laˆ miˆ nya-eu gʼaˬ maˬ jawˇ-a.”

2 Sahˬpaˬ 22:17

Aˬ yawꞈ maꞈ ngaˬ-ahˇ byehˇ dzeh-awˇ, miˬ yehˇ nui deuˬ-ahˇ lawˇ-eu shehˇ-eu laꞈ kʼoeˇ, aˬ yawꞈ maꞈ neh kʼaˇ mˇ kʼaˇ shaˇ-euˬ jeˬ dawˬ tawˆ luꞈ baˬ da neh, ngaˬ-ahˇ nui ma bi pehˇ laꞈ-euˬ meh. Yeˬluˇsaˬlehˬ meuˬ-ahˇ ngaˇ nui ma pehˇ laˇ-awˇ, ngaˬ-euˬ nui pehˇ tiˬ jawˇ-iˬ maˬ paˇ shuꞈ-iˇ nya miˇ-a.

2 Sahˬpaˬ 22:13

“Sahˬpaˬ Miˬyehˇ jawˇ gaˇ le-awˇ, ngaˇ hawˇ-eu Yuˇdaˆ miˇ kʼahˬ zaˬ deuˬ gʼaˇ duˬ, sahˬ boꞈ paˇ yoˆ heu yoˆ laꞈ kʼoeˇ boꞈ taˬ-euˬ gaˇ kawˆ deuˬ mehˬ bawˬ mˇ leˇ haw sheˇ. Sahˬ boꞈ paˇ yoˆ heu yoˆ laꞈ kʼoeˇ ya mˇ meh lehˇ ehˇ taˬ-euˬ jeˬ-ahˇ, aˬ dui-euˬ aˬ poeˬ aˬ bawˇ deuˬ maˬ mˇ ni byehˇ-euˬ miˇ neh, aˬ yawꞈ aˬ dui-ahˇ nui ma pehˇ luꞈ meh.”

Zaˬkaˬliˇ 1:4

Naw maꞈ-euˬ aˬ poeˬ aˬ bawˇ deuˬ loꞈ-ehˇ taˬ dehꞈ. Aˇ hu ba, Miˬyehˇ gʼaˇ duˬ ngehˬ dah-euˬ tsawˇ haˬ deuˬ, yaw haiˬ jeˬ maˬ mˇ ni dehꞈ-awˬ lehˇ, aˬ yawꞈ maꞈ-ahˇ mehˬ nehˬ tsoˆ nehˬ-euˬ meh. Ehˇ kʼawꞈ, aˬ yawꞈ maꞈ maˬ naˇ haˬ geuꞈ-aˬ.

Yawˇnaˆ 3:8

Tsawˇ haˬ hawˇ-eu jeˬ zaˬ dawˬ tawˆ luꞈ guˬ daˇ pehˇ zeuˇ mehˬ tsoeˬ ya dm meh. Yawˬ gʼaˬ na luꞈ nui ma keuˆ-eu laꞈ kʼoeˇ Miˬyehˇ-ahˇ guiˬ lahˬ ya shaˇ-awˇ, yawˬ ha neh mˇ-euˬ yaw lehˬ yaw ca jeˬ hawˇ-eu yaw haiˬ jeˬ-ahˇ ya byehˇ dzeh jiˇ meh.

Daˬyeˬlaˇ 9:13

Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ kʼehˬ-eu kʼaˆ-eu jeˬ nga maꞈ kʼoeˇ taˆ keuˆ le gʼaˬ-euˬ meh. Ehˇ kʼawꞈ, nga maꞈ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nga maꞈ iˬ baˇ mˇ-eu maˬ naˬ leˇ-ehˇ, nymˬ-mˇ keuˆ ni nawˬ-euˬ nui kʼahˇ hawˇ-eu nawˬ-euˬ yaw tsaˬ yaw dawˇ jeˬ-ahˇ maˬ poˆ ni dehꞈ luꞈ-eu ma.

Yeˬsaˬgeˬlaˇ 22:20

Pyuˇ kʼaˇ doˆ-eu tsawˇ haˬ deuˬ, pyuˇ, guiˬ shuiˇ, shmˇ hawˇ-eu za siˬ heu deuˬ-ahˇ baw-ahˇ dawˆ ahˇ-awˇ baw guiˇ-eu loꞈ-ehˇ, ngaˇ nui ma pehˇ-eu laꞈ kʼoeˇ naw maꞈ-ahˇ sheuˬ uiˬ-awˇ baw guiˇ ma.

Yeˬsaˬgeˬlaˇ 20:33

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, ngaˇ nui ma pehˇ-eu laꞈ kʼoeˇ, baoˬ dawˬ tawˆ luꞈ yuˇ doˆ-awˇ, gʼaˬ kʼaˆ dui dui-eu ngaˬ-euˬ aˬ laꞈ neh naw maꞈ-ahˇ uˆ lahˇ ma lehˇ ngaˇ ehˇ-eu ma.

Yeˬsaˬgeˬlaˇ 13:13

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ nui ma pehˇ-eu laꞈ kʼoeˇ, jaˬ lehˇ lehˇ ma bi baw leꞈ-awˇ, uˬ yehˇ yehˇ ma bi yehˇ le-awˇ, uˬ yehˇ aˇ siˬ kʼawꞈ bi ga le-eu laꞈ kʼoeˇ, meuˬ meuˬ lahˇ kʼoeˇ-ahˇ laˆ cawˆ nehˬ ma.

Yeˬsaˬgeˬlaˇ 8:18

Ngaˇ nui ma pehˇ saˬ pehˇ li li laˇ-euˬ jeˬ-ahˇ aˬ yawꞈ maꞈ ya daˬ tehꞈ-a. Aˬ yawꞈ maꞈ-ahˇ ngaˇ maˬ taˬ nehˬ. Gʼawˬ shaˬ kʼawꞈ maˬ gaˬ nehˬ. Aˬ yawꞈ maꞈ kʼaˇ guˇ coeˇ-eu guˇ-awˇ ngaˬ-ahˇ guiˬ lahˬ shaˇ kʼawꞈ, ngaˇ maˬ naˇ haˬ nehˬ.”

Yeˬsaˬgeˬlaˇ 5:13

Ngaˇ nui kʼahˇ tiˬ shiˇ maˬ ya jahˇ nehˬ gʼaˬ kʼoeˇ keuˆ ni, ngaˬ-euˬ nui pehˇ naw maꞈ ya mawˇ duˬ tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ saˇ jaˇ maˬ ziꞈ gaˇ ngaˇ nui ma pehˇ dui dui-awˇ ehˇ luꞈ-eu ngaˇ lehˇ, naw maꞈ ya siˬ duˬ tehꞈ-a.

Yeˬlaˬmiˇ 26:3

Tsawˇ haˬ kʼoeˇ deuˬ ngaˬ-euˬ dawˬ-ahˇ naˇ haˬ geuꞈ-awˇ, aˬ yawꞈ maꞈ-euˬ haiˬ-eu dehꞈ jeˬ dehꞈ kawˆ-ahˇ byehˇ dzeh-eu baw le. Aˬ yawꞈ maꞈ kʼoeˇ loꞈ-ehˇ dehꞈ paˇ naˇ, aˬ yawꞈ maꞈ neh mˇ-euˬ yaw haiˬ jeˬ baˬ da neh, aˬ yawꞈ maꞈ kʼoeˇ taˆ bi keuˆ le-eu lehˇ ngaˬ neh lehˬ hmˬ taˬ-eu luˬ-iˇ seˇ-iˇ-eu jeˬ, maˬ paˇ bi keuˆ le ni byehˇ ma.”

Yeˬlaˬmiˇ 25:5

Naw maꞈ hawˇ-eu naw maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ neh biꞈ tsehˆ tsehˆ taˬ-euˬ miˇ kʼahˬ heu kʼahˬ laꞈ kʼoeˇ naw maꞈ ya jawˇ daˆ leꞈ ni, maˬ tsaˬ maˬ dawˇ-eu naw maꞈ-euˬ dehꞈ jeˬ dehꞈ kawˆ hawˇ-eu, naw maꞈ mˇ luꞈ shaˇ luꞈ-eu yaw haiˬ jeˬ-ahˇ byehˇ dzeh-awˬ lehˇ, Miˬyehˇ gʼaˇ duˬ ngehˬ dah-euˬ kʼoeˇ deuˬ, naw maꞈ-ahˇ ehˇ nehˬ-euˬ meh.

Yeˬlaˬmiˇ 19:15

Baoˬ huiˬ-eu Sahˬpaˬ Miˬyehˇ pyeuꞈ-eu Iˇsaˬleˬlaˆ Miˬyehˇ-euˬ dawˬ heu deuˬ, aˬ yawꞈ maꞈ-ahˇ ngaˇ ehˇ nehˬ-euˬ ma. “Meuˬ heu meuˬ hawˇ-eu dawˬ peh jaˆ-eu meuˬ dawˬ tawˆ luꞈ kʼoeˇ taˆ, ngaˬ neh kʼaˇ ehˇ taˬ-euˬ kʼehˬ-eu kʼaˆ-eu jeˬ dawˬ tawˆ luꞈ ngaˇ bi keuˆ le ma. Aˬ jeˬ miˇ neh ehˇ naˇ, naw maꞈ nui ma gʼahˇ dui dui-awˇ, ngaˬ-euˬ dawˬ-ahˇ maˬ naˇ haˬ geuꞈ-a.”

Yeˬlaˬmiˇ 16:10

“Gaˇ kawˆ heu deuˬ dawˬ tawˆ luꞈ aˬ yawꞈ maꞈ-ahˇ nawˇ ja nehˬ ngeh, aˬ jeˬ miˇ neh aˬ yawꞈ maꞈ-ahˇ kʼoeˇ naˆ naˆ-ehˇ kʼehˬ nehˬ-eu gʼaˇ duˬ ngaˇ noeˬ tsehˆ taˬ-eu ta lehˇ, aˬ yawꞈ maꞈ nawˬ-ahˇ naˇ haˬ laˇ tehꞈ-a. Aˬ yawꞈ maꞈ iˬ baˇ mˇ taˬ-euˬ aˬ jeˬ jaˆ-awˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ neh mˇ bahˬ taˬ-euˬ aˬ jeˬ jaˆ ta lehˇ naˇ haˬ laˇ tehꞈ-a.

Yeˬlaˬmiˇ 1:3

Yawˇshiˆ-euˬ aˬ li Yeˬhawˇyaˬkmˬ sahˬ paˬ geuꞈ-awˇ uˆ lahˇ ngeh kʼawꞈ, tiˬ poˆ paˇ keuˆ le-euˬ meh. Kʼoeˇ ngeh neh naˇ, Yawˇshiˆ-euˬ aˬ li Zeˬdaˬkiˇ sahˬ paˬ geuꞈ-awˇ uˆ lahˇ-euˬ tseˇ tiꞈ kʼoꞈ tiˬ kʼoꞈ-ahˇ keuˆ ni, Sahˬpaˬ Miˬyehˇ-euˬ dawˬ aˬ yawꞈ kʼoeˇ taˆ tiˬ poˆ saˇ-iˬ tiˬ poˆ keuˆ le-euˬ meh. Kʼoeˇ ngeh kʼoꞈ ba la ngaˬ siˬ tiˬ siˬ-ahˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ aˬ cawˬ nyehꞈ gʼeh-euˬ meh.

2 Laˬsaˬbaˬ 34:21

“Sahˬpaˬ Miˬyehˇ jawˇ gaˇ le-awˇ, ngaˬ-euˬ gaˇ kawˆ maˬ ehˇ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ deuˬ-euˬ gaˇ kawˆ maˬ ehˇ, naˇ haˬ-iˇ-awˬ. Sahˬ boꞈ heu dmˬ laꞈ kʼoeˇ aˬ joˆ-ehˇ mehˬ taˬ tsoˆ taˬ-euˬ nga lehˇ pyehˆ tseˇ duˬ-awˬ. Aˬ dui-euˬ aˬ poeˬ aˬ bawˇ deuˬ Sahˬpaˬ Miˬyehˇ-euˬ dawˬ-ahˇ maˬ naˇ haˬ-ehˇ, sahˬ boꞈ heu dmˬ laꞈ kʼoeˇ ehˇ taˬ-euˬ loꞈ-ehˇ maˬ mˇ-euˬ miˇ neh, aˬ dui-ahˇ Sahˬpaˬ Miˬyehˇ nui ma pehˇ luꞈ meh.”

Dawˬmehˬ 31:17

Kʼoeˇ loꞈ-ehˇ pyeuꞈ laˇ ngeh, aˬ yawꞈ maꞈ-ahˇ ngaˇ nui ma pehˇ ma. A yawꞈ maꞈ-ahˇ ngaˇ byehˇ dzeh nehˬ-awˇ, aˬ yawꞈ maꞈ ya luˬ ya seˇ-iˇ tehꞈ-a. Guˆ laˇ paˬ-ehˇ gʼeh-eu luˬ-iˇ seˇ-iˇ-eu gʼawˬ mya jeˬ aˬ yawꞈ maꞈ kʼoeˇ taˆ keuˆ le tehꞈ-a. Kʼoeˇ ngeh, aˬ yawꞈ maꞈ-euˬ Miˬyehˇ pyeuꞈ-eu ngaˇ, aˬ yawꞈ maꞈ nehˬ-ehˇ maˬ paˇ jawˇ-eu miˇ neh kʼoeˇ loꞈ-ehˇ gʼeh-eu jeˬ keuˆ le-eu nga lehˇ, aˬ yawꞈ maꞈ ya siˬ duˬ tehꞈ-a.

Dawˬmehˬ 31:16

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Gʼawˬ myahˇ maˬ gʼeh-ehˇ nawˇ ziˇ jiˇ le tehꞈ-a. Nawˇ shiˇ dzeuˇ ngeh, tsawˇ haˬ heu deuˬ ngaˬ-ahˇ saˇ jaˇ maˬ ziꞈ ni pyeuꞈ-iˇ-awˇ, ngaˬ neh aˬ yawꞈ maꞈ nehˬ-ehˇ dzaˬ taˬ-euˬ dawˬ ma saˇ jaˇ-ahˇ aˬ yawꞈ maꞈ puiˬ tehꞈ-a. Aˬ yawꞈ maꞈ ngaˬ-ahˇ byehˇ dzeh-awˇ, aˬ yawꞈ maꞈ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ, lawˇ ciꞈ zaˬ deuˬ-euˬ miˬyehˇ deuˬ-ahˇ aˬ yawꞈ maꞈ uˬ duˬ tahˬ tehꞈ-a.

Yeˬlaˬmiˇ 37:20

Sahˬ paˬ-oˇ, ngaˇ ehˇ gaˇ naˇ haˬ-awˇ, ngaˬ neh kʼaˇ ehˇ-euˬ loꞈ-ehˇ mˇ-awˬ lehˇ, nymˬ-mˇ nawˬ-ahˇ ngaˇ shaˇ-eu ma. Tiˬ jeˬ gʼeh-awˇ neh-iˬ, Yawˇnaˆshaˬ-euˬ nymˇ-ahˇ jaˆ-eu paꞈ kuˆ laꞈ kʼoeˇ ngaˬ-ahˇ taˬ paˇ nyehꞈ-ahˇ poˆ nehˬ laꞈ. Kʼoeˇ gaˇ nyehꞈ ahˇ poˆ nehˬ laꞈ naˇ, maˇ maˇ ni shiˇ-eu miˇ-a” lehˇ ehˇ nehˬ-euˬ ma.

Yeˬlaˬmiˇ 42:2

ngaˇ jawˇ gaˇ oe-awˇ heu loꞈ-ehˇ ehˇ le-euˬ meh. “Nga maꞈ nawˬ-ahˇ shaˇ-eu loꞈ-ehˇ jahˇ nehˬ laꞈ-awˬ. Nga maꞈ gʼaˇ duˬ nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ. Buˬ-iˇ law-iˇ-euˬ tsawˇ haˬ deuˬ pyeuꞈ-eu nga maꞈ dawˬ tawˆ luꞈ gʼaˇ duˬ guiˬ lahˬ shaˇ nehˬ laꞈ-awˬ. Dzeuˇ laˇ ngeh aˬ dui tsawˇ haˬ myaˬ dui dui-euˬ kʼawꞈ, nymˬ-mˇ nawˇ mawˇ luꞈ-eu loꞈ-ehˇ ui cuiˆ dzeˇ-eu tehꞈ meh.

Yeˬsaˬgeˬlaˇ 12:3

“Tsawˇ haˬ zaˬ-oˇ, aˬ cawˬ miˇ kʼahˬ-ahˇ cehˆ-euˬ tsawˇ haˬ loꞈ-ehˇ, myawˬ kuˬ shaˇ dawˆ-awˇ, uˬ ciꞈ maˬ zahˇ le mi naˆ-ehˇ doˆ-iˇ-awˬ. Nawˇ pawˇ-iˇ-eu yawˬ gʼaˬ na luꞈ-ahˇ bi mawˇ-awˬ. Ngaˬ-ahˇ puiˬ-eu tsawˇ haˬ kʼoeˇ deuˬ mawˇ luꞈ-uˇ.

Daˬyeˬlaˇ 9:18

Miˬyehˇ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ-awˇ, nga maꞈ hawˇ-eu nawˬ-euˬ tsawˇ myahˇ pi luꞈ-eu meuˬ-euˬ shaˬ zahˬ haw mawˇ nehˬ laꞈ. Nga maꞈ yaw tsaˬ yaw dawˇ miˇ neh heu loꞈ-ehˇ guiˬ lahˬ shaˇ-eu maˬ ngeuˇ. Nawˇ gʼawˬ shaˬ gaˬ nya-eu gʼaˬ pyeuꞈ-eu miˇ neh, heu loꞈ-ehˇ shaˇ-eu ma.

Yawˇlaˆ 2:12

Nymˬ-mˇ SahˬpaˬMiˬyehˇ ehˇ-eu, “Naw maꞈ nui ma laꞈ kʼoeˇ keuˆ ni, naw maꞈ-euˬ iˬ baˇ noeˬ poˆ-awˇ, maˬ dzaˬ-eu zahˇ jahˇ-eu laꞈ kʼoeˇ, nui noeˬ shaˬ-awˇ ngoeˇ-eu laꞈkʼoeˇ, ngaˇ jawˇ gaˇ paˇ gʼoꞈ kʼoꞈ laˇ-awˬ.

Yawˇlaˆ 2:13

Mehˬtsoeˬ gʼeu paˆ gaˇ ngaˇ maˬ haw. Naw maꞈ noeˬ shaˬ-eu mawˇ laˇ ni, nui ma tsawˬ paˆ-euˬ byaˬ laˇ-awˬ.” Sahˬpaˬ Miˬyehˇ pyeuꞈ-eu Miˬyehˇ jawˇ paw naw maꞈ gʼoꞈ kʼoꞈ laˇ-awˬ. Aˬ yawꞈ gʼawˬ shaˬ gaˬ-eu byah-awˇ, nui ma oˇ oꞈ coeˇ-eu uˬ taꞈ, saˇ jaˇ dzaˬ taˬ-euˬ maˬ puiˬ-ehˇ, aˬ myah luꞈ iˬ baˇ pyehˬ nehˬ-awˇ, maˬ kʼehˬ maˬ kʼaˆ ni byehˇ-eu meh.