Yeˬlaˬmiˇ 36:4 - Akha

⁴ Kʼoeˇ naˇ, Neˬliˇyaˆ-euˬ aˬ li Baˬluˆ-ahˇ ngaˇ kuˇ-awˇ, Sahˬpaˬ Miˬyehˇ neh ngaˬ-ahˇ kʼaˇ ehˇ nehˬ laꞈ-euˬ jeˬ dawˬ tawˆ luꞈ gui ka ka nehˬ-awˇ, shaˬ kʼoˆ paˇ yoˆ laꞈ kʼoeˇ bi boꞈ ahˇ jiˇ-euˬ ma.

Yeˬlaˬmiˇ 36:4 Referans Kwoze

Yeˬlaˬmiˇ 32:12

Haˬnaˬmeˬlaˇ hawˇ-eu zeuˇ laꞈ mˇ gaˇ laꞈ ma dehˬ-euˬ tsawˇ kaˬ deuˬ-euˬ mehˬ shi, sahˬ paˬ-euˬ hawˇ nymˇ lahˇ laꞈ kʼoeˇ kʼaˇ nuiˇ luꞈ-eu tsawˇ haˬ deuˬ-euˬ mehˬ shi, Neˬliˇyaˆ-euˬ aˬ li Baˬluˆ-euˬ laꞈ-ahˇ a nehˬ-euˬ ma.

Yeˬsaˬgeˬlaˇ 2:9

Ngaˇ jawˇ gaˇ aˬ laꞈ cawˬ ja leꞈ-eu ya mawˇ-awˇ, aˬ laꞈ kʼoeˇ laꞈ-ahˇ sahˬ boꞈ paˇ yoˆ tiˬ yoˆ tuˆ tehˬ taˬ-euˬ meh.

Yeˬlaˬmiˇ 36:32

Kʼoeˇ naˇ, ngaˬ neh ehˇ-euˬ dawˬ boꞈ doˆ-eu gʼaˬ pyeuꞈ-eu Baˬluˆ-ahˇ shaˬ kʼoˆ paˇ yoˆ tiˬ yoˆ ngaˇ paˇ biꞈ nehˬ-awˇ, ngaˬ neh gui ka kʼaˇ ka nehˬ-euˬ loꞈ-ehˇ aˬ yawꞈ boꞈ ahˇ-euˬ meh. Yaw beh sahˬ paˬ Yeˬhawˇyaˬkmˬ neh miˬ dzaˬ-ahˇ dawˆ puiˆ-euˬ shaˬ kʼoˆ paˇ yoˆ-ahˇ ahˇ-eu dawˬ kʼoeˇ deuˬ dawˬ tawˆ luꞈ boꞈ ahˇ-euˬ uˬ taꞈ, kʼoeˇ gaˇ duˇ-eu dawˬ yaw shuiꞈ deuˬ kʼawꞈ, ngaˬ neh gui ka ka nehˬ-awˇ paˇ bi boꞈ lahˬ-euˬ ma.

Yeˬlaˬmiˇ 43:3

Nga maꞈ-ahˇ Baˬbuˇloˬ tsawˇ haˬ deuˬ neh bi sehꞈ-eu gʼaˇ duˬ, maˬ ngeuˇ naˇ, Baˬbuˇloˬ miˇ kʼahˬ-ahˇ bi nyehꞈ daˆ gʼeh-eu gʼaˇ duˬ, Neˬliˇyaˆ-euˬ aˬ li Baˬluˆ neh tsawˇ gahˇ gahˇ-awˇ nawˬ-ahˇ bi oe-euˬ ngaˇ.”

Lormav 16:22

Pawˇluˆ neh kʼaˇ ehˇ-euˬ loꞈ-ehˇ sahˬ boꞈ heu taꞈ boꞈ doˆ nehˬ-euˬ gʼaˬ pyeuꞈ-eu ngaˇ Deˬlaˬtiˇ kʼawꞈ, naw maꞈ-ahˇ noeˬ mawˇ miˇ-a lehˇ dawˬ cawˬ puˬ ahˇ laꞈ-eu ma.

Zaˬkaˬliˇ 5:1

Ngaˇ tiˬ paw paˇ haw gʼeh ngeh, zaw luꞈ-eu sahˬ boꞈ paˇ yoˆ tiˬ yoˆ mawˇ-euˬ ma.

Yeˬlaˬmiˇ 36:28

“Shaˬ kʼoˆ paˇ yoˆ yawˬ yoˆ yawˬ yuˇ-awˇ, yaw beh poˆ kʼaˇ boꞈ-euˬ yawˬ jeˬ na luꞈ boꞈ ahˇ jiˇ-awˬ.

Yeˬlaˬmiˇ 36:26

Kʼoeˇ naˇ, ngaˇ hawˇ-eu ngaˬ neh ehˇ-euˬ dawˬ boꞈ doˆ-euˬ gʼaˬ pyeuꞈ-eu Baˬluˆ nga nyaꞈ-ahˇ bi nyehꞈ-eu gʼaˇ duˬ, sahˬ paˬ zaˬ yo Yeˬlaˬmeˬlaˇ, Aˬzaˬleˬlaˇ-euˬ aˬ li Seˬlehˇyaˬ hawˇ-eu Aˬbaˬdeˬlaˇ-euˬ aˬ li Sheˬleˬmiˇ aˬ ha smˇ gʼaˬ-ahˇ, sahˬ paˬ dawˬ biꞈ-euˬ meh. Ehˇ kʼawꞈ, Sahˬpaˬ Miˬyehˇ neh ngaˬ-ahˇ sheuˬ zaꞈ nehˬ laꞈ-euˬ meh.

Yeˬlaˬmiˇ 36:23

Yeˬhuˇdi sahˬ boꞈ smˬ bymˇ oeˬ bymˇ kʼaˇ gui gʼaˬ ngeh, gui gʼaˬ-eu deuˬ-ahˇ mi cehˇ jiˇ baˆ neh sahˬ paˬ yehˬ tsehˆ doˆ-awˇ, miˬ dzaˬ-ahˇ dawˆ puiˆ-euˬ meh. Sahˬ boꞈ paˇ yoˆ yoˆ lah-ehˇ puiˆ dzaˬ jiˇ ngeh keuˆ ni, tiˬ poˆ saˇ-i tiˬ poˆ aˬ yawꞈ kʼoeˇ loꞈ-ehˇ jahˇ-euˬ meh.

Yeˬlaˬmiˇ 36:21

Kʼoeˇ naˇ, sahˬ paˬ neh Yeˬhuˇdi-ahˇ pyehˬ gʼeh-awˇ, sahˬ boꞈ paˇ yoˆ kʼoeˇ yoˆ bi yuˇ laˬ-iˇ-euˬ meh. Eˇliˇshaˬmaˇ-euˬ lawˆ-ahˇ jaˆ-eu sahˬ boꞈ paˇ yoˆ kʼoeˇ yoˆ aˬ yawꞈ laˬ-iˇ-awˇ, sahˬ paˬ hawˇ-eu sahˬ paˬ-euˬ jawˬ jawˬ-ehˇ yawꞈ luꞈ-eu yaw huiˬ yaw mahˇ deuˬ-ahˇ gui mehˬ nehˬ-euˬ meh.

Iˇsaˬyaˇ 8:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Huiˬ-eu kʼaˬ lo teˇ byaꞈ tiˬ byaꞈ yuˇ-awˇ, maˬhaˬsaˬlaˇhaˬsaˬbaˆ lehˇ yaw huiˬ huiˬ-ehˇ boꞈ taˬ-awˬ.

Yeˬlaˬmiˇ 25:13

Yeˬlaˬmiˇ-ahˇ gʼoe-awˇ ngaˬ neh ehˇ taˬ-euˬ jeˬ pyeuꞈ-eu, sahˬ boꞈ heu dmˬ laꞈ kʼoeˇ kʼaˇ boꞈ ahˇ taˬ-euˬ shaˬ-eu zahˬ-euˬ guˆ-eu gaˆ-eu jeˬ dawˬ tawˆ luꞈ, Baˬbuˇloˬ miˇ kʼahˬ kʼoeˇ taˆ ngaˇ bi keuˆ le-eu laꞈ kʼoeˇ, kʼehˬ nehˬ kʼaˆ nehˬ ma.

Yeˬlaˬmiˇ 30:2

Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˬ neh nawˬ-ahˇ kʼaˇ ehˇ nehˬ-euˬ jeˬ, sahˬ boꞈ laꞈ kʼoeˇ boꞈ ahˇ taˬ-awˬ.

Yeˬlaˬmiˇ 36:6

Ehˇ kʼawꞈ, miˇ kʼahˬ zaˬ deuˬ maˬ dzaˬ maˬ dawˇ ni lah-eu aˇ nah paˇ keuˆ laˇ ngeh, nawˬ-ahˇ kʼoeˇ gaˇ bi uˇ leˇ-awˇ, ngaˬ neh nawˬ-ahˇ gui ka ka nehˬ-awˇ bi boꞈ-euˬ, Sahˬpaˬ Miˬyehˇ neh ehˇ taˬ-euˬ dawˬ kʼoeˇ deuˬ dawˬ tawˆ luꞈ-ahˇ, yawˬ gʼaˬ na luꞈ ya gaˬ ni, sahˬ boꞈ paˇ yoˆ kʼoeˇ bi gui nehˬ leˇ mawꞈ-eu ma. Yawˬ ha kʼaˇ jawˇ-eu meuˬ-ahˇ neh laˇ uiˬ taˬ-euˬ Yuˇdaˆ tsawˇ haˬ deuˬ ahˇ leˇ-ehˇ, tsawˇ haˬ yawˬ gʼaˬ na luꞈ gaˬ nya-eu tsahˇ-ahˇ jawˇ-awˇ, yaw kʼaˆ kʼaˆ-ehˇ guˇ-awˇ gui mehˬ nehˬ-awˬ.

Yeˬlaˬmiˇ 36:14

Kʼoeˇ naˇ, yaw huiˬ yaw mahˇ kʼoeˇ deuˬ Yeˬhuˇdi-ahˇ Baˬluˆ jawˇ gaˇ pyehˬ gʼeh-awˇ, aˬ yawꞈ gui mehˬ luꞈ-eu sahˬ boꞈ paˇ yoˆ kʼoeˇ yuˇ laꞈ-awˬ lehˇ bi ehˇ gaˬ-iˇ-euˬ meh. (Yeˬhuˇdi-euˬ aˬ da-aˬ, Neˬdaˬniˇ meh. Neˬdaˬniˇ-euˬ aˬ da-aˬ, Sheˬleˬmiˇ meh. Sheˬleˬmiˇ-euˬ aˬ da-aˬ, Kuˇshi meh.) Kʼoeˇ naˇ, Baˬluˆ sahˬ boꞈ paˇ yoˆ kʼoeˇ yuˇ-awˇ, aˬ yawꞈ maꞈ jawˇ gaˇ laˇ-euˬ meh.

Yeˬlaˬmiˇ 36:27

Ngaˬ neh Baˬluˆ-ahˇ gui ka ka nehˬ-awˇ, bi boꞈ-euˬ sahˬ boꞈ paˇ yoˆ kʼoeˇ yoˆ-ahˇ sahˬ paˬ Yeˬhawˇyaˬkmˬ miˬ dzaˬ-ahˇ dawˆ puiˆ gʼaˬ ngeh, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬlaˬmiˇ 51:59

Sahˬ paˬ Zeˬdaˬkiˇ-euˬ dawˬ peh jawˇ-awˇ, aˬ yawꞈ-ahˇ caw ba nehˬ luꞈ-eu gʼaˬ-aˬ, Seˬlehˇyaˬ meh. Seˬlehˇyaˬ-euˬ aˬ da-aˬ, Neˬliˇyaˆ pyeuꞈ-awˇ, aˬ bawˇ-aˬ, Maˬseˬyaˇ meh. Zeˬdaˬkiˇ Yuˇdaˆ sahˬ paˬ geuꞈ-euˬ oeˬ kʼoꞈ tiˬ kʼoꞈ-ahˇ, Seˬlehˇyaˬ gʼaˬ aˬ yawꞈ nehˬ-ehˇ Baˬbuˇloˬ miˇ kʼahˬ-ahˇ iˇ gaˇ, ngaˇ heu loꞈ-ehˇ mehˬ nehˬ-euˬ ma.

Yeˬlaˬmiˇ 51:60

Baˬbuˇloˬ miˇ kʼahˬ kʼoeˇ taˆ keuˆ le-eu lehˇ gʼeh-eu yaw cawˆ jeˬ dawˬ tawˆ luꞈ hawˇ-eu, Baˬbuˇloˬ miˇ kʼahˬ gaˇ kawˆ nui jeˬ dawˬ tawˆ luꞈ sahˬ boꞈ tiˬ dmˬ laꞈ kʼoeˇ ngaˇ boꞈ-euˬ ma.

Daˬyeˬlaˇ 7:1

Beˬlaˇshaˬzaˬ sahˬ paˬ geuꞈ-awˇ Baˬbuˇloˬ miˇ kʼahˬ-ahˇ uˆ lahˇ-euˬ yaw beh kʼoꞈ-ahˇ, Daˬyeˬlaˇ yuꞈ maˆ maˆ-awˇ aˬ yawꞈ yuꞈ kʼaˆ luꞈ ngeh yaw sahˇ laꞈ kʼoeˇ heu loꞈ-ehˇ ya mawˇ-euˬ meh. Aˬ yawꞈ neh yuꞈ maˆ maˆ mawˇ-euˬ gaˇ kawˆ, Daˬyeˬlaˇ heu loꞈ-ehˇ boꞈ doˆ taˬ-euˬ meh.

Iˇsaˬyaˇ 30:8

Tsawˇ haˬ heu deuˬ haiˬ dui dui-eu gaˇ kawˆ, aˬ kaˇ kaˇ ziˇ keuˆ ni maˬ bi ngehˇ ni, sahˬ boꞈ laꞈ kʼoeˇ boꞈ ahˇ taˬ-eu gʼaˇ duˬ, Miˬyehˇ ngaˬ-ahˇ kʼehˇ le-euˬ meh.