Yeˬlaˬmiˇ 36:32 - Akha

³² Kʼoeˇ naˇ, ngaˬ neh ehˇ-euˬ dawˬ boꞈ doˆ-eu gʼaˬ pyeuꞈ-eu Baˬluˆ-ahˇ shaˬ kʼoˆ paˇ yoˆ tiˬ yoˆ ngaˇ paˇ biꞈ nehˬ-awˇ, ngaˬ neh gui ka kʼaˇ ka nehˬ-euˬ loꞈ-ehˇ aˬ yawꞈ boꞈ ahˇ-euˬ meh. Yaw beh sahˬ paˬ Yeˬhawˇyaˬkmˬ neh miˬ dzaˬ-ahˇ dawˆ puiˆ-euˬ shaˬ kʼoˆ paˇ yoˆ-ahˇ ahˇ-eu dawˬ kʼoeˇ deuˬ dawˬ tawˆ luꞈ boꞈ ahˇ-euˬ uˬ taꞈ, kʼoeˇ gaˇ duˇ-eu dawˬ yaw shuiꞈ deuˬ kʼawꞈ, ngaˬ neh gui ka ka nehˬ-awˇ paˇ bi boꞈ lahˬ-euˬ ma.

Yeˬlaˬmiˇ 36:32 Referans Kwoze

Yeˬlaˬmiˇ 36:4

Kʼoeˇ naˇ, Neˬliˇyaˆ-euˬ aˬ li Baˬluˆ-ahˇ ngaˇ kuˇ-awˇ, Sahˬpaˬ Miˬyehˇ neh ngaˬ-ahˇ kʼaˇ ehˇ nehˬ laꞈ-euˬ jeˬ dawˬ tawˆ luꞈ gui ka ka nehˬ-awˇ, shaˬ kʼoˆ paˇ yoˆ laꞈ kʼoeˇ bi boꞈ ahˇ jiˇ-euˬ ma.

Yeˬlaˬmiˇ 36:18

Baˬluˆ gʼeh, “Dawˬ aˬ yawꞈ dawˬ yawꞈ Yeˬlaˬmiˇ neh gui ka ka nehˬ laꞈ-euˬ loꞈ-ehˇ, sahˬ boꞈ paˇ yoˆ heu yoˆ laꞈ kʼoeˇ, sahˬ sahˬ uiˇ neh ngaˇ boꞈ-euˬ ma” lehˇ ehˇ kʼoꞈ nehˬ-euˬ meh.

Panmaeq 22:18

Sahˬ boꞈ heu taꞈ laꞈ kʼoeˇ ahˇ-eu mehˬ hu paw pyeuꞈ laˇ-eu gaˇ kawˆ Miˬyehˇ gʼaˇ duˬ ngehˬ dah taˬ-euˬ dawˬ heu deuˬ-ahˇ kʼaˇ ya gaˬ-euˬ tsawˇ haˬ yawˬ gʼaˬ na luꞈ, yaw kʼaˆ kʼaˆ-ehˇ yahˇ-eu gʼaˇ duˬ, ngaˇ Yoˇhaˬ heu loꞈ-ehˇ ehˇ-eu ma. Tsawˇ haˬ tiˬ gʼaˬ dawˬ tiˬ dawˬ na dawˆ lahˬ naˇ, aˬ yawꞈ ya daˬ-eu kʼehˬ-eu kʼaˆ-eu jeˬ uˬ taꞈ, sahˬ boꞈ heu taꞈ laꞈ kʼoeˇ ehˇ taˬ-euˬ kʼehˬ-eu kʼaˆ-eu jeˬ Miˬyehˇ aˬ yawꞈ-ahˇ paˇ ciˬ pi tehꞈ-a.

Lormav 16:22

Pawˇluˆ neh kʼaˇ ehˇ-euˬ loꞈ-ehˇ sahˬ boꞈ heu taꞈ boꞈ doˆ nehˬ-euˬ gʼaˬ pyeuꞈ-eu ngaˇ Deˬlaˬtiˇ kʼawꞈ, naw maꞈ-ahˇ noeˬ mawˇ miˇ-a lehˇ dawˬ cawˬ puˬ ahˇ laꞈ-eu ma.

Daˬyeˬlaˇ 3:19

Kʼoeˇ ngeh, Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-ahˇ Neˬbuˬkaˬneˬzaˬ nui ma pehˇ dui dui laˇ-awˇ, baˬ ba neˇ tseuˆ ni pyeuꞈ laˇ-euˬ meh. Kʼoeˇ miˇ neh, miˬ dzaˬ tsawˬ bu kʼoeˇ shiꞈ bymˇ lahˇ dzehˬ laˇ ni laˆ nyehˆ-eu gʼaˇ duˬ aˬ yawꞈ dawˬ biꞈ-euˬ meh.

Yeˬlaˬmiˇ 36:23

Yeˬhuˇdi sahˬ boꞈ smˬ bymˇ oeˬ bymˇ kʼaˇ gui gʼaˬ ngeh, gui gʼaˬ-eu deuˬ-ahˇ mi cehˇ jiˇ baˆ neh sahˬ paˬ yehˬ tsehˆ doˆ-awˇ, miˬ dzaˬ-ahˇ dawˆ puiˆ-euˬ meh. Sahˬ boꞈ paˇ yoˆ yoˆ lah-ehˇ puiˆ dzaˬ jiˇ ngeh keuˆ ni, tiˬ poˆ saˇ-i tiˬ poˆ aˬ yawꞈ kʼoeˇ loꞈ-ehˇ jahˇ-euˬ meh.

Uˬ duˬ 26:28

ngaˇ nui ma pehˇ laˇ-eu laꞈ kʼoeˇ, yaw beh naˆ maˬ tseˇ shiꞈ bymˇ paˇ kʼaˆ dzehˬ-eu kʼehˬ-eu kʼaˆ-eu jeˬ, naw maꞈ kʼoeˇ taˆ paˇ bi keuˆ le ma.

Uˬ duˬ 26:24

yaw beh naˆ maˬ tseˇ shiꞈ bymˇ kʼaˆ dzehˬ-euˬ kʼehˬ-eu kʼaˆ-eu jeˬ, naw maꞈ kʼoeˇ taˆ ngaˇ paˇ bi keuˆ le ma.

Uˬ duˬ 26:21

“Naw maꞈ ngaˬ-euˬ ehˇ dawˬ maˬ naˇ haˬ-ehˇ, ngaˬ-ahˇ puiˬ te siˬ lehˇ ngeuˇ naˇ, naw maꞈ-ahˇ kʼehˬ nehˬ kʼaˆ nehˬ-eu jeˬ shiꞈ bymˇ paˇ bi kʼaˆ dzehˬ laˇ ma.

Uˬ duˬ 26:18

“Kʼoeˇ loꞈ-ehˇ pyeuꞈ laˇ gʼaˬ-euˬ kʼawꞈ, ngaˬ-euˬ ehˇ dawˬ-ahˇ naw maꞈ maˬ naˇ haˬ geuꞈ naˇ, shiꞈ bymˇ kʼaˆ dzehˬ-eu kʼehˬ-eu kʼaˆ-eu jeˬ, naw maꞈ kʼoeˇ taˆ keuˆ le tehꞈ-a.

Doˆ-iˇ 34:1

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Kʼaˬ lo teˇ byaꞈ yaw beh kʼoeˇ nyiˬ byaꞈ-ahˇ duˇ-eu kʼaˬ lo teˇ byaꞈ nyiˬ byaꞈ taꞈ-awˬ. Nawˬ neh laˆ paˆ-euˬ kʼoeˇ nyiˬ byaꞈ kʼoeˇ taˆ boꞈ taˬ-euˬ dawˬ deuˬ, heu nyiˬ byaꞈ kʼoeˇ taˆ ngaˇ paˇ boꞈ ma.

Daˬyeˬlaˇ 7:1

Beˬlaˇshaˬzaˬ sahˬ paˬ geuꞈ-awˇ Baˬbuˇloˬ miˇ kʼahˬ-ahˇ uˆ lahˇ-euˬ yaw beh kʼoꞈ-ahˇ, Daˬyeˬlaˇ yuꞈ maˆ maˆ-awˇ aˬ yawꞈ yuꞈ kʼaˆ luꞈ ngeh yaw sahˇ laꞈ kʼoeˇ heu loꞈ-ehˇ ya mawˇ-euˬ meh. Aˬ yawꞈ neh yuꞈ maˆ maˆ mawˇ-euˬ gaˇ kawˆ, Daˬyeˬlaˇ heu loꞈ-ehˇ boꞈ doˆ taˬ-euˬ meh.