Yeˬlaˬmiˇ 36:30 - Akha

³⁰ Kʼoeˇ miˇ neh, sahˬ paˬ Yeˬhawˇyaˬkmˬ-oˇ, Sahˬpaˬ Miˬyehˇ pyeuꞈ-eu ngaˇ nymˬ-mˇ heu loꞈ-ehˇ ehˇ-eu ma. Nawˬ-euˬ zaˬ nawˬ-euˬ uˆ deuˬ laꞈ kʼoeˇ, Daˬbiˇ-euˬ miˇ kʼahˬ heu kʼoeˇ taˆ uˆ lahˇ-eu tiˬ gʼaˬ-iˬ maˬ paˇ bi doˆ laˇ ma. Nah gʼahˇ paw nahˇ tsaˇ kʼaˆ-awˇ uˬ ciꞈ paw ceuˬ ga gaˇ, nawˬ-ahˇ yaw shiˇ-ehˇ baꞈ dzeh-awˇ bi ga tehꞈ-a.

Yeˬlaˬmiˇ 36:30 Referans Kwoze

Yeˬlaˬmiˇ 22:30

“Tsawˇ haˬ heu gʼaˬ zaˬ maˬ jawˇ le nya-ehˇ, maˬ dehꞈ tuˇ laˇ nya-eu tsawˇ haˬ meh lehˇ boꞈ ahˇ taˬ-awˬ. Daˬbiˇ-euˬ dzoeˬ dzaˬ oꞈ-awˇ neh, Yuˇdaˆ miˇ kʼahˬ-ahˇ uˆ lahˇ-eu gʼaˇ duˬ, aˬ yawꞈ zaˬ maˬ jawˇ le-aˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Aˇ dahˬ 31:40

Nah gʼahˇ paw nahˇ tsaˇ kʼaˆ ngeh, nahˇ tsaˇ lawꞈ lawꞈ-ehˇ gʼawˬ mya poˆ ya shaˬ-awˇ, uˬ ciꞈ paw yaw gaˆ gaˆ dui dui-eu miˇ neh, maˬ yuꞈ kʼaˆ leˇ ni gʼawˬ mya miˇ shaˬ bya-euˬ ma.

Yeˬlaˬmiˇ 8:2

Shaˬ yoeˬ kʼoeˇ deuˬ-ahˇ gʼoˆ uiˬ-awˇ maˬ duˬ pahˬ nehˬ ni, aˬ nyoˬ mawˇ neˇ keˬ ga-eu loꞈ-ehˇ miˇ tsa ga tehꞈ-a. Tsawˇ haˬ kʼoeˇ deuˬ yaw dehꞈ dehꞈ ngeh uˬ duˬ tahˬ-awˇ caw teh-euˬ nahˇ ma, ba la, aˬ guiˇ, kʼoeˇ deuˬ-euˬ mehˬ shi, shaˬ yoeˬ kʼoeˇ deuˬ bya cehˆ ni ga tehꞈ-a.

Yeˬlaˬmiˇ 52:2

Sahˬ paˬ Zeˬdaˬkiˇ-aˬ, sahˬ paˬ Yeˬhawˇyaˬkmˬ loꞈ-ehˇ, Sahˬpaˬ Miˬyehˇ mehˬ shi iˬ baˇ mˇ-euˬ meh.

Dawˬ tsoˆ 6:3

Tsawˇ haˬ tiˬ gʼaˬ, zaˬ aˇ yaˇ gʼaˬ ya cu-awˇ, ziˇ baw dui dui kʼawꞈ, yaw dehꞈ dehꞈ ngeh nui saˇ maˬ oꞈ-ehˇ, shiˇ ngeh yaw muiˬ-ehˇ baꞈ pahˬ nehˬ-eu gʼaˬ maˬ jawˇ naˇ, yaw shiˇ-ehˇ yoeˇ dzeh-euˬ zaˬ nahˬ maˬ tawˬ-a.