Yeˬlaˬmiˇ 36:26 - Akha

²⁶ Kʼoeˇ naˇ, ngaˇ hawˇ-eu ngaˬ neh ehˇ-euˬ dawˬ boꞈ doˆ-euˬ gʼaˬ pyeuꞈ-eu Baˬluˆ nga nyaꞈ-ahˇ bi nyehꞈ-eu gʼaˇ duˬ, sahˬ paˬ zaˬ yo Yeˬlaˬmeˬlaˇ, Aˬzaˬleˬlaˇ-euˬ aˬ li Seˬlehˇyaˬ hawˇ-eu Aˬbaˬdeˬlaˇ-euˬ aˬ li Sheˬleˬmiˇ aˬ ha smˇ gʼaˬ-ahˇ, sahˬ paˬ dawˬ biꞈ-euˬ meh. Ehˇ kʼawꞈ, Sahˬpaˬ Miˬyehˇ neh ngaˬ-ahˇ sheuˬ zaꞈ nehˬ laꞈ-euˬ meh.

Yeˬlaˬmiˇ 36:26 Referans Kwoze

Jaceuq 91:1

Miˬyehˇ-ahˇ kʼaˇ tahˬ shaˇ-eu tsawˇ haˬ deuˬ, Baoˬ huiˬ-eu Miˬyehˇ haw piˇ-eu uˬ moˆ kʼaˇ jawˇ-eu tsawˇ haˬ deuˬ

1 Sahˬpaˬ 19:14

Eˇliˇyaˆ ehˇ-eu, “Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ gaˇ-ahˇ tehꞈ-ehˇ ngaˇ aˬ myah luꞈ mˇ-euˬ ma. Ehˇ kʼawꞈ, Iˇsaˬleˬlaˆ tsawˇ haˬ deuˬ nawˬ-ahˇ saˇ jaˇ puiˬ-awˇ, nawˬ-euˬ lawˇ duˬ deuˬ laˆ cawˆ jiˇ-awˇ, nawˬ-euˬ gʼaˇ duˬ ngehˬ dah-eu deuˬ dawˬ tawˆ luꞈ-ahˇ sehꞈ jiˇ-euˬ meh. Ngaˇ tiˬ gʼaˬ tehꞈ-ehˇ dzeˇ laˇ taˬ-awˇ, ngaˬ-ahˇ kʼawꞈ aˬ yawꞈ maꞈ sehꞈ-eu lehˇ leh jeh luꞈ meh.”

1 Sahˬpaˬ 19:10

“Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ gaˇ tehꞈ-ehˇ ngaˇ aˬ myah luꞈ mˇ luꞈ-eu ma. Ehˇ kʼawꞈ, Iˇsaˬleˬlaˆ tsawˇ haˬ deuˬ nawˬ-ahˇ saˇ jaˇ puiˬ-awˇ, nawˬ-euˬ lawˇ duˬ deuˬ laˆ cawˆ jiˇ-awˇ, nawˬ-euˬ gʼaˇ duˬ ngehˬ dah-eu deuˬ dawˬ tawˆ luꞈ-ahˇ sehꞈ-euˬ meh. Ngaˇ tiˬ gʼaˬ tehꞈ-ehˇ dzeˇ-awˇ, ngaˬ-ahˇ kʼawꞈ aˬ yawꞈ maꞈ sehꞈ-eu lehˇ leh jeh luꞈ meh.”

1 Sahˬpaˬ 17:3

“Jawˇ duˬ heu tsahˇ-ahˇ neh nahˇ ma doˆ kʼehˬ paw doˆ-iˇ-awˇ, Yawˇdaˬ lawˇ baˬ nahˇ ma doˆ kʼehˬ paw jaˆ-eu Sheˬyiˆ lawˇ gawˆ dawˬ peh jawˇ zaꞈ-iˇ-awˬ.

Gʼaˬkʼehˇ 12:11

Kʼoeˇ ngeh, Beˬtuˆluˆ yaw muiˬ paˬ-ehˇ noeˬ gahˇ laˇ-awˇ, heu loꞈ-ehˇ ehˇ-eu meh. “Nymˬ-mˇ poˆ jawˇ-aˬ, yuꞈ maˆ maˆ-eu maˬ ngeuˇ-ehˇ aˬ diˇ aˬ maˇ pyeuꞈ luꞈ law hawˇ ngaˬ tawˇ. Sahˬpaˬ Miˬyehˇ-aˬ, aˬ yawꞈ-euˬ mˬ taˆ gʼaˬ kʼehˇ pyehˬ gʼeh leꞈ-awˇ, Heˬloˆ-euˬ baoˬ laꞈ kʼoeˇ maˬ ehˇ, Yuˇdaˆ tsawˇ haˬ deuˬ neh ngaˬ-ahˇ jahˇ nehˬ-eu lehˇ noeˬ tmˬ taˬ-euˬ jeˬ laꞈ kʼoeˇ maˬ ehˇ, ngaˬ-ahˇ bi ka kʼoꞈ le-euˬ ngaˇ.”

Iˇsaˬyaˇ 26:20

Ngaˬ-euˬ tsawˇ haˬ deuˬ-oˇ, kuˆ lawˆ-ahˇ uˇ leˇ-awˇ laˇ gʼoˆ kaꞈ tehˬ-awˬ. Miˬyehˇ nui ma pehˇ-eu jeˬ iˇ dzeuˇ ngeh keuˆ ni, dzuˇ zaꞈ-awˇ jawˇ tawˬ-awˬ.

Jaceuq 64:2

Yaw doeˇ jahˇ-eu tsawˇ haˬ deuˬ-euˬ laꞈ-ahˇ, ngaˬ-ahˇ haw piˇ nehˬ laꞈ. Haiˬ-euˬ tsawˇ haˬ deuˬ-euˬ baꞈ dzah laꞈ kʼoeˇ, ngaˬ-ahˇ bi buˬ-iˇ laꞈ.

Jaceuq 27:5

Guˆ-eu gaˆ-eu jeˬkeuˆle ngeh, aˬyawꞈ-euˬnymˇnymˇma laꞈkʼoeˇ, aˬyawꞈngaˬ-ahˇsheuˬpiˇtehꞈ-a. Sehˬgʼawˆnaˇshmˇbaˇzaꞈuˬmoˆ, aˬyawꞈngaˬ-ahˇsheuˬzaꞈtehꞈ-a. goˇdui dui-eu lo guˇ uˬ du, aˬyawꞈngaˬ-ahˇciˬdaˆtehꞈ-a.

Yoˇhaˬ 8:20

Yeˬsuˇ-aˬ, Uˬ duˬ tahˬ nymˇ nymˇ ma laꞈ kʼoeˇ jaˆ-eu pyuˇ daˬ bahˬ keuˆ deuˬ baꞈ taˬ-euˬ lawˆ-ahˇ jawˇ-awˇ, gaˇ kawˆ kʼoeˇ deuˬ mehˬ nehˬ tsoˆ nehˬ-euˬ meh. Ehˇ kʼawꞈ, tsawˇ haˬ tiˬ gʼaˬ-iˬ aˬ yawꞈ-ahˇ maˬ nyehꞈ-a. Aˬ jeˬ miˇ neh ehˇ naˇ, aˬ yawꞈ-euˬ aˇ yamˬ maˬ keuˆ laˇ-euˬ miˇ neh meh.

Yeˬlaˬmiˇ 36:19

Kʼoeˇ ngeh, “Yeˬlaˬmiˇ naw nyaꞈ cehˆ zaꞈ-iˇ-awˇ, naw nyaꞈ aˬ geu gaˇ jawˇ-eu tsawˇ haˬ tiˬ gʼaˬ-iˬ taˬ bi siˬ” lehˇ, yaw huiˬ yaw mahˇ kʼoeˇ deuˬ Baˬluˆ-ahˇ ehˇ nehˬ-euˬ meh.

Yeˬlaˬmiˇ 36:5

Kʼoeˇ naˇ, Baˬluˆ-ahˇ ngaˇ heu loꞈ-ehˇ mehˬ nehˬ tsoˆ nehˬ-euˬ ma. “Uˬ duˬ tahˬ nymˇ mymˇ ma laꞈ kʼoeˇ ngaˬ-euˬ gʼawˇ mawˇ maˬ ya uˇ leˇ-a lehˇ laˆ tsoeˬ taˬ-euˬ meh.

Jaceuq 57:1

Miˬyehˇ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Ngaˇ nui saˇ oꞈ ni nawˇ jawˇ gaˇ laˇ-euˬ loꞈ-ehˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Nawˬ-euˬ aˬ dahˇ naˇ shmˇ uˬ moˆ, mˬ jeˬ jaˬ lehˇ tsiˇ leˇ ngeh keuˆ ni, ngaˇ awˆ kʼaˇ za-eu ma.

Jaceuq 32:7

Nawˇ-aˬ ngaˬ-euˬdzuˇzaꞈduˬma. Shaˬzahˬguˆgaˆbi dzeuˇlaꞈ-awˇ, ka kʼoꞈ-eu guiˬlahˬyaw dzahˇneh, ngaˬ-ahˇtsahˇlahˇnehˬlaꞈ-euˬmeh.

1 Sahˬpaˬ 18:4

Sahˬpaˬ Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ Yeˬsaˬbeˬlaˇ sehꞈ luꞈ ngeh, aˬ yawꞈ maꞈ-euˬ tsawˇ haˬ tiˬ yaˇ gʼaˬ-ahˇ Awˇbaˬdiˇ sheuˬ-awˇ, ngaˬ tseˇ gʼaˬ byah-eu aˇ muˇ nyiˬ muˇ biˇ-awˇ, lo kʼahˬ-ahˇ sheuˬ zaꞈ taˬ-awˇ, dzaˬ dzaˬ dawˇ dawˇ hawˇ-eu iˇ cuꞈ sha nehˬ-euˬ meh.)

Yoˇhaˬ 11:57

Yeˬsuˇ jawˇ-eu kʼaˇ mawˇ-euˬ tsawˇ haˬ ya tsaꞈ gaˬ laˇ meh lehˇ, piˇ ma aˬ yuiꞈ deuˬ hawˇ-eu Paˬliˬsehˇ deuˬ neh dawˬ biꞈ taˬ-euˬ meh. Aˬ yawꞈ maꞈ Yeˬsuˇ-ahˇ nyehꞈ mi nya ni kʼoeˇ loꞈ-ehˇ dawˬ biꞈ-euˬ jeˬ pyeuꞈ-eu meh.

Yoˇhaˬ 8:59

Kʼoeˇ ngeh, aˬ yawꞈ maꞈ kʼaˬ lo gʼoˆ-awˇ Yeˬsuˇ-ahˇ biˬ-eu lehˇ gʼeh-eu meh. Ehˇ kʼawꞈ, Yeˬsuˇ-aˬ, aˬ yawꞈ-euˬ gʼawˇ mawˇ maˬ bi mawˇ ni Uˬ duˬ tahˬ nymˇ nymˇ ma laꞈ kʼoeˇ neh iˇ doˆ-euˬ meh.

Yoˇhaˬ 7:32

Tsawˇ haˬ aˇ maꞈ kʼoeˇ loꞈ-ehˇ ja kʼoeˬ luꞈ gaˇ Paˬliˬsehˇ deuˬ ya gaˬ-euˬ meh. Kʼoeˇ miˇ neh, piˇ ma aˬ yuiꞈ deuˬ hawˇ-eu Paˬliˬsehˇ deuˬ bawˬ dzaˬ-awˇ, Yeˬsuˇ-ahˇ bi nyehꞈ-eu gʼaˇ duˬ kʼehˇ gʼeh-euˬ meh.

Yeˬlaˬmiˇ 2:30

Ngaˬ neh mehˬ paˇ-euˬ jeˬ nawˇ maˬ geuꞈ-eu miˇ neh, nawˬ-ahˇ ngaˇ kʼehˬ kʼawꞈ gaˇ dahˇ maˬ tsoeˬ-a. Haiˬ dui dui-eu aˇ laˬ jaˬ shiˇ loꞈ-ehˇ, ngaˬ-euˬ gʼaˇ duˬ bi ngehˬ dah-euˬ deuˬ-ahˇ nawˇ sehꞈ-euˬ meh.

Yeˬlaˬmiˇ 1:19

Aˬ yawꞈ maꞈ nawˬ-ahˇ ceh kʼawꞈ, maˬ ceh gʼaˬ laˇ nya-aˇ. Aˬ jeˬ miˇ neh ehˇ naˇ, nawˬ nehˬ-ehˇ ngaˇ jawˇ-awˇ haw piˇ nehˬ ma lehˇ Sahˬpaˬ Miˬyehˇ pyeuꞈ-eu ngaˇ ehˇ-eu ma.”

1 Sahˬpaˬ 17:9

“Nymˬ-mˇ poˆ jawˇ, Siˇdoˬ meuˬ dawˬ peh jaˆ-eu Zaˬleˇpaˇ meuˬ-ahˇ iˇ-awˇ jawˇ-awˬ. Nawˬ-ahˇ bi dzaˬ bi dawˇ-eu gʼaˇ duˬ, kʼoeˇ gaˇ jawˇ-eu miˬ coeˬ miˬ ma tiˬ gʼaˬ-ahˇ ngaˇ dawˬ biꞈ taˬ gʼaˬ-euˬ ma.”

Jaceuq 121:8

Nawˇ kʼaˇ iˇ kʼaˇ laˇ-eu yawˬ gaˇ na luꞈ, mˬ maˬ maˬ byaˆ zaˇ ziˇ aˬ yawꞈ haw piˇ tehꞈ-a.

1 Sahˬpaˬ 22:26

Kʼoeˇ naˇ, Aˬhaˆ-euˬ gaˇ mˇ-eu yaw huiˬ yaw mahˇ tiˬ gʼaˬ-ahˇ Aˬhaˆ heu loꞈ-ehˇ ehˇ nehˬ-euˬ meh. “Miˇkaˬyaˇ-ahˇ paꞈ-awˇ, meuˬ-ahˇ uˆ lahˇ-eu gʼaˬ pyeuꞈ-eu Aˬmoˬ hawˇ-eu sahˬ paˬ zaˬ yo Yawˇshaˆ aˬ nyaꞈ jawˇ gaˇ nyehꞈ gʼeh nehˬ-awˬ.

2 Sahˬpaˬ 11:2

Aˬhaˬziˇ-euˬ aˬ li Yawˇshaˆ tiˬ gʼaˬ tehꞈ-ehˇ, maˬ bi sehꞈ ni dzeuˇ-iˇ-euˬ meh. Aˬ yawꞈ-ahˇ aˬ cawˬ sehꞈ-eu lehˇ gʼeh ngeh, Aˬhaˬziˇ-euˬ dmˇ ma pyeuꞈ-eu sahˬ paˬ Yeˬhawˇlamˬ-euˬ aˬ buˇ Yeˬhawˇsheˬba neh aˬ yawꞈ-ahˇ ka kʼoꞈ-euˬ meh. Aˬ yawꞈ-ahˇ maˬ ya bi sehꞈ-eu gʼaˇ duˬ, aˬ yawꞈ hawˇ-eu aˬ yawꞈ-ahˇ haw piˇ-eu zaˬ miˬ zaˬ-ahˇ, yuꞈ duˬ kuˆ lawˆ tiˬ lawˆ laꞈ kʼoeˇ, Yeˬhawˇsheˬba neh sheuˬ zaꞈ taˬ-euˬ meh.

2 Laˬsaˬbaˬ 18:26

Ngaˇ tiˬ jeˬ-iˬ maˬ ca laˇ ni gʼoꞈ keuˆ laˇ ngeh keuˆ ni, tsawˇ haˬ heu gʼaˬ-ahˇ paꞈ kuˆ-ahˇ dawˆ-awˇ, kaˬ muˇ hawˇ-eu iˇ cuꞈ tehꞈ-ehˇ bi dzaˬ bi dawˇ-awˇ bi jawˇ tawˬ-awˬ.”

Jaceuq 105:15

“Ngaˬ neh tseˇ doˆ-euˬ ngaˬ-euˬ zaˬ kʼaˆ deuˬ-ahˇ taˬ laˆ coeˬ. Ngaˬ-euˬ gʼaˇ duˬ ngehˬ dah-eu deuˬ-ahˇ taˬ laˆ ciˆ” lehˇ, aˬ yawꞈ dawˬ biꞈ-euˬ meh.

Yeˬlaˬmiˇ 26:24

Ehˇ kʼawꞈ, Shaˇpaˬ-euˬ aˬ li Aˬhiˇkamˬ ngaˬ-ahˇ caw ba-eu miˇ neh, miˇ kʼahˬ zaˬ-euˬ laꞈ-ahˇ maˬ ahˇ leˇ-ehˇ, bi sehꞈ gaˇ maˬ keuˆ-aˬ.

Yeˬlaˬmiˇ 38:6

Kʼoeˇ naˇ, aˬ yawꞈ maꞈ ngaˬ-ahˇ nyehꞈ-awˇ, sahˬ paˬ zaˬ yo Maˬlaˬkiˇyaˆ-euˬ lah duˬ-ahˇ, aˇ caˆ neh pyehˬ ka ahˇ nehˬ laꞈ-euˬ meh. Lah duˬ kʼoeˇ duˬ-aˬ, sahˬ paˬ-euˬ hawˇ nymˇ lahˇ laꞈ kʼoeˇ jaˆ-awˇ, iˇ cuꞈ maˬ dahˬ ni, lah yaˬ yaˬ-eu meh. Lah yaˬ kʼoeˇ-euˬ laꞈ kʼoeˇ ngaˇ ga nuiꞈ-awˇ jawˇ-euˬ ma.