Yeˬlaˬmiˇ 36:22 - Akha

²² Aˇ yamˬ kʼoeˇ yamˬ-aˬ, tsahˬ gaˆ yamˬ pyeuꞈ-eu miˇ neh, sahˬ paˬ-aˬ, tsahˬ gaˆ yamˬ-ahˇ jawˇ-eu gʼaˇ duˬ tsoˆ taˬ-euˬ hawˇ nymˇ laꞈ kʼoeˇ, miˬ dzaˬ tsawˬ bu-ahˇ yaw gaˆ lmˇ luꞈ-eu meh.

Yeˬlaˬmiˇ 36:22 Referans Kwoze

Aˬmoˆ 3:15

Tsahˬ gaˆ yamˬ-ahˇ jawˇ-eu gʼaˇ duˬ hawˇ-eu jawˇ la yamˬ-ahˇ jawˇ-eu gʼaˇ duˬ lehˇ tsoˆ baw taˬ-euˬ nymˇ dawˬ tawˆ luꞈ-ahˇ ngaˇ laˆ cawˆ ma. Ya ma juiˇ neh laˆ muiˬ taˬ-euˬ nymˇ deuˬ coˬ pyaˆ coˬ shaˆ tehꞈ-a. Nymˇ yaw huiˬ yawˬ nymˇ na luꞈ ya cawˆ-iˇ tehꞈ-a.”

Yeˬlaˬmiˇ 36:9

Yeˬhawˇyaˬkmˬ Yuˇdaˆ sahˬ paˬ geuꞈ-euˬ ngaˬ kʼoꞈ tiˬ kʼoꞈ ba la gʼoeˬ siˬ tiˬ siˬ-ahˇ, Sahˬpaˬ Miˬyehˇ nui ma bi saˇ-eu gʼaˇ duˬ miˇ kʼahˬ zaˬ deuˬ maˬ dzaˬ maˬ dawˇ ni lah-euˬ meh. Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ neh laˇ-euˬ tsawˇ haˬ deuˬ hawˇ-eu, Yeˬluˇsaˬlehˬ meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, maˬ dzaˬ maˬ dawˇ ni lah-euˬ meh.

Yeˬlaˬmiˇ 3:20

Ehˇ kʼawꞈ, saˇ jaˇ maˬ ziꞈ-eu miˬ zaˬ tiˬ gʼaˬ loꞈ-ehˇ, nawˇ ngaˬ-ahˇ saˇ jaˇ puiˬ-euˬ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yaˇ kʼaˬ daˇ 3:20

Kʼoeˇ naˇ, laꞈ taˆ tiˆ-ahˇ jaˆ-eu tsehꞈ ngeuˇ ni gʼeh-eu lawˆ-ahˇ tiˬ gʼaˬ tehꞈ-ehˇ nuiˇ luꞈ-eu sahˬ paˬ jawˇ gaˇ Eˬhuˇdaˆ le-awˇ, “Miˬyehˇ neh nawˬ-ahˇ bi ehˇ gaˬ le-euˬ gaˇ kawˆ jaˆ-eu ma” lehˇ ehˇ nehˬ ngeh, sahˬ paˬ tuˇ-awˇ, gawˬ yawꞈ yawꞈ-euˬ meh.

Eˇzaˬlaˬ 10:9

Smˬ nah laꞈ kʼoeˇ Yuˇdaˆ miˇ kʼahˬ hawˇ-eu Beˬyaˬmiˬ miˇ kʼahˬ laꞈ kʼoeˇ jawˇ-eu tsawˇ haˬ dawˬ tawˆ luꞈ Yeˬluˇsaˬlehˬ meuˬ-ahˇ laˇ uiˬ jiˇ-euˬ meh. Ba la gʼoeˬ siˬ tiˬ siˬ nyiˬ tseˇ nah-ahˇ, tsawˇ haˬ dawˬ tawˆ luꞈ Uˬ duˬ tahˬ nymˇ nymˇ ma-euˬ poˆ ka uiˬ laˇ taˬ-euˬ meh. Uˬ yehˇ yaw kʼaˆ-ehˇ yehˇ-eu miˇ neh maˬ ehˇ, huiˬ dui dui-eu gaˇ gʼaˇ duˬ uiˬ laˇ taˬ-euˬ miˇ neh maˬ ehˇ, tsawˇ haˬ yawˬ gʼaˬ na luꞈ yaw dzuˬ dzuˬ-euˬ meh.