Yeˬlaˬmiˇ 35:7 - Akha

⁷ Nymˇ maˬ tsoˆ, deh yaˇ maˬ mˇ ni ya jawˇ-awˇ, aˬ gaꞈ yaˇ kmˇ mˇ-eu maˬ ehˇ, zeuˇ-eu maˬ ehˇ, maˬ ya jahˇ-a lehˇ, nga maꞈ-ahˇ aˬ yawꞈ ehˇ taˬ-euˬ meh. Boeˇ miˬ siˬ kʼaˬ loꞈ-ehˇ nga maꞈ ya jawˇ luꞈ-eu miˇ kʼahˬ heu kʼahˬ laꞈ kʼoeˇ, gʼawˬ myahˇ ni ya jawˇ daˆ leꞈ-eu gʼaˇ duˬ, aˬ myah luꞈ sehˬ gʼawˆ tehꞈ-ehˇ gʼawˆ-awˇ ya jawˇ meh lehˇ, aˬ yawꞈ dawˬ biꞈ taˬ-euˬ meh.

Yeˬlaˬmiˇ 35:7 Referans Kwoze

Yeˬlaˬmiˇ 35:10

Nga maꞈ-euˬ aˬ poeˬ Yawˇnaˬdehˇ neh dawˬ kʼaˇ biꞈ taˬ-euˬ jeˬ-ahˇ tiˬ byah ni caw teh-eu laꞈ kʼoeˇ, sehˬ gʼawˆ tehꞈ-ehˇ gʼawˆ gʼawˆ-ehˇ jawˇ laꞈ-euˬ ma.

Doˆ-iˇ 20:12

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ-euˬ miˇ tsaˬ kʼoeˇ taˆ, nawˇ ziˇ baw ni, nawˬ-euˬ aˬ da aˬ ma-ahˇ nawˇ yaw zeu ya baw meh.

Aˇ dahˬ 25:27

Aˬ li kʼoeˇ nyiˬ li huiˬ laˇ ngeh, Iˇsawˇ gʼaˬ-aˬ, bawˇ cah cah-eu nui ma ahˇ-eu shaˬ mi aˬ da tiˬ gʼaˬ pyeuꞈ laˇ-euˬ meh. Yaˬkoˆ gʼaˬ-aˬ, ciˬ cuˇ ni iˇ kahˇ-ahˇ tehꞈ-ehˇ jawˇ-eu meh.

1 Beˬtuˆluˆ 2:11

Gaˬ-eu aˬ yuiꞈ aˬ nyiˇ Ka li zaˬ deuˬ-oˇ, yawˬ kʼahˬ yawˬ miˇ yawˬ-ahˇ cehˆ byaˆ taˬ-euˬ naw maꞈ-ahˇ ngaˇ heu loꞈ-ehˇ shaˇ-eu ma. Shiˬ shaˬ jiˇ-euˬ nui kʼahˇ naw maꞈ-ahˇ taˬ bi gʼaˬ leˇ. Shiˬ shaˬ jiˇ-euˬ nui kʼahˇ kʼoeˇ-aˬ, aˬ myah luꞈ saꞈ laˇ-ahˇ deuˆ ceh ceh luꞈ-eu jeˬ pyeuꞈ-eu meh.

Eˇpeˇsu 5:18

Jiˇ baˬ taˬ dawˇ yehꞈ. Kʼoeˇ-aˬ, naw maꞈ-ahˇ bi cawˆ-iˇ-eu tehꞈ meh. Ehˇ kʼawꞈ, Yaw sahˇ Miˬyehˇ naw maꞈ laꞈ kʼoeˇ bi byah laˇ-awˬ.

Aˇ dahˬ 36:7

Aˬ jeˬ miˇ neh ehˇ naˇ, aˬ nyaꞈ nmˇ-euˬ jeˬ zaˬ myaˬ dui dui-eu miˇ neh, aˬ yawꞈ nyaꞈ nmˇ jawˇ luꞈ-eu miˇ kʼahˬ laꞈ kʼoeˇ tiˬ kawˆ loꞈ-ehˇ maˬ jawˇ deˇ nya ni pyeuꞈ laˇ taˬ-euˬ meh.

Yeˬlaˬmiˇ 35:9

Nymˇ maˬ tsoˆ ni jawˇ-eu uˬ taꞈ, aˬ gaꞈ yaˇ kmˇ hawˇ-eu deh yaˇ maˬ mˇ-ehˇ, dzaˬ la gʼo cehˇ-ahˇ keuˆ ni maˬ ka dzaˬ ni dehꞈ-euˬ ma.