Yeˬlaˬmiˇ 35:6 - Akha

⁶ Ehˇ kʼawꞈ, aˬ yawꞈ maꞈ heu loꞈ-ehˇ ehˇ-eu meh. “Nga maꞈ aˬ gaꞈ dzaˇ uiˇ maˬ dawˇ. Nga maꞈ hawˇ-eu nga maꞈ-euˬ zaˬ deuˬ uˆ deuˬ tiˬ gʼaˬ-iˬ aˬ gaꞈ dzaˇ uiˇ maˬ ya dawˇ-a lehˇ, Leˬkaˆ-euˬ aˬ li nga maꞈ-euˬ aˬ poeˬ Yawˇnaˬdehˇ ehˇ taˬ-euˬ meh.

Yeˬlaˬmiˇ 35:6 Referans Kwoze

Luˇkaꞈ 1:15

Aˬ jeˬ miˇ neh ehˇ naˇ, Sahˬpaˬ Miˬyehˇ mehˬ shi, aˬ yawꞈ yaw huiˬ yaw mahˇ pyeuꞈ laˇ tehꞈpa. Aˬ gaꞈ dzaˇ uiˇ hawˇ-eu yehꞈ laˇ-eu dzaˇ uiˇ deuˬ-ahˇ aˬ yawꞈ maˬ ya dawˇ-a. Aˬ ma-euˬ uˬ maˆ laꞈ kʼoeˇ neh maˬ dehꞈ doˆ le mi naˆ-ehˇ, Muiˬ-eu shawˇ-eu Yaw sahˇ Miˬyehˇ aˬ yawꞈ laꞈ kʼoeˇ tiˬ byah ni ahˇ tehꞈ-a.

1 Laˬsaˬbaˬ 2:55

(Tiˇlaˬtiˇ aˇ jeuˬ, Shiˇmyaˆ aˇ jeuˬ hawˇ-eu, Suˇkaˬtiˇ aˇ jeuˬ heu deuˬ-aˬ, sahˬ boꞈ boꞈ-euˬ hawˇ-eu jaˇ laˇ yuˇ-awˇ, jeˬ hmˬ-eu paw nya dui dui-eu tsawˇ haˬ deuˬ pyeuꞈ-eu meh. Aˬ yawꞈ maꞈ-aˬ, Leˬkaˬbiˇ tsawˇ haˬ deuˬ nehˬ-ehˇ sheuˬ dahˬ dzaˬ taꞈ-euˬ Jeˇnaˆ tsawˇ haˬ deuˬ pyeuꞈ-eu meh.)

2 Sahˬpaˬ 10:15

Mehˬ hu paw Yeˬhuˇ paˇ le leꞈ ngeh, Leˬkaˆ-euˬ aˬ li Yawˇnaˬdehˇ-ahˇ gaˇ pehˇ tahˬ puˬ-euˬ meh. “Aˇ nyaꞈ nui noeˬ tiˬ jeˬ tehꞈ ma. Nawˇ ngaˇ jawˇ paw pyawˬ ma loˇ” lehˇ, Yawˇnaˬdehˇ-ahˇ Yeˬhuˇ naˇ haˬ ngeh, “Pyawˬ ma” lehˇ Yawˇnaˬdehˇ ehˇ-eu meh. Kʼoeˇ naˇ, “Nawˬ-euˬ aˬ laꞈ cawˬ ja leꞈ-awˬ” lehˇ Yeˬhuˇ ehˇ-awˇ, Yawˇnaˬdehˇ-euˬ aˬ laꞈ-ahˇ gʼeu-awˇ, mahˬ laˆ lawˬ kʼoeˇ taˆ gʼeu daˆ nehˬ-euˬ meh.

Yaˇ kʼaˬ daˇ 13:14

Aˬ gaꞈ baw duˆ-ahˇ neh kʼaˇ doˆ le-euˬ jeˬ tiˬ jeˬ-iˬ aˬ yawꞈ maˬ ya dzaˬ-a. Aˬ gaꞈ dzaˇ uiˇ hawˇ-eu bi yehꞈ laˇ nya-eu dzaˇ uiˇ deuˬ aˬ yawꞈ maꞈ maˬ ya dawˇ-a. Ya sheuˬ meh lehˇ ehˇ taˬ-euˬ dzaˇ deuˬ-ahˇ kʼawꞈ, maˬ dzaˬ ni ya sheuˬ meh. Ngaˬ neh kʼaˇ ehˇ nehˬ-euˬ jeˬ-ahˇ aˬ yawꞈ ya mˇ meh.”

Yaˇ kʼaˬ daˇ 13:7

Ehˇ kʼawꞈ, ngaˇ aˬ nyiˇ pi leˇ-awˇ, aˬ li tiˬ li ciˬ tehꞈ-a lehˇ aˬ yawꞈ ehˇ-eu meh. Aˬ gaꞈ dzaˇ uiˇ hawˇ-eu yehꞈ laˇ nya-eu dzaˇ uiˇ maˬ dawˇ-ehˇ, taˬ dzaˬ lehˇ ehˇ taˬ-euˬ jeˬ maˬ ya dzaˬ-a lehˇ ehˇ-eu meh. Aˬ jeˬ miˇ neh ehˇ naˇ, aˬ li kʼoeˇ li kʼaˇ dehꞈ kʼoeˇ keuˆ ni, Naˬzaˬliˇ tsawˇ haˬ loꞈ-ehˇ Miˬyehˇ-ahˇ a nehˬ taˬ-euˬ meh lehˇ aˬ yawꞈ ngaˬ-ahˇ ehˇ-eu meh.”

Uˬ duˬ 10:9

“Nawˇ hawˇ-eu nawˬ-euˬ aˬ li deuˬ, aˬgaꞈ dzaˇ uiˇ maˬ ehˇ, bi yehꞈ laˇ-eu dzaˇ uiˇ tiˬ jeˬ na maˬ ehˇ dawˇ gʼaˬ naˇ, ngaˇ jawˇ-euˬ Sehˬ gʼawˆ laꞈ kʼoeˇ maˬ ya uˇ laˇ-a. Uˇ laˇ naˇ, naw maꞈ ya shiˇ tehꞈ-a. Heu-aˬ, nawˬ-euˬ zaˬ nawˬ-euˬ uˆ dawˬ tawˆ luꞈ ya caw teh-eu zahˇ pyeuꞈ-eu meh.

1 Beˬtuˆluˆ 2:11

Gaˬ-eu aˬ yuiꞈ aˬ nyiˇ Ka li zaˬ deuˬ-oˇ, yawˬ kʼahˬ yawˬ miˇ yawˬ-ahˇ cehˆ byaˆ taˬ-euˬ naw maꞈ-ahˇ ngaˇ heu loꞈ-ehˇ shaˇ-eu ma. Shiˬ shaˬ jiˇ-euˬ nui kʼahˇ naw maꞈ-ahˇ taˬ bi gʼaˬ leˇ. Shiˬ shaˬ jiˇ-euˬ nui kʼahˇ kʼoeˇ-aˬ, aˬ myah luꞈ saꞈ laˇ-ahˇ deuˆ ceh ceh luꞈ-eu jeˬ pyeuꞈ-eu meh.

Yeˬlaˬmiˇ 35:10

Nga maꞈ-euˬ aˬ poeˬ Yawˇnaˬdehˇ neh dawˬ kʼaˇ biꞈ taˬ-euˬ jeˬ-ahˇ tiˬ byah ni caw teh-eu laꞈ kʼoeˇ, sehˬ gʼawˆ tehꞈ-ehˇ gʼawˆ gʼawˆ-ehˇ jawˇ laꞈ-euˬ ma.

Jaceuq 105:12

Miˬyehˇ-euˬ tsawˇ haˬ deuˬ tsawˇ haˬ maˬ myaˬ-ehˇ, Kaˬnaˬ miˇ kʼahˬ laꞈ kʼoeˇ boeˇ miˬ siˬ kʼaˬ pyeuꞈ luꞈ-eu meh.

1 Laˬsaˬbaˬ 16:19

Miˬyehˇ tsawˇ jeuˬ tsawˇ haˬ cuiˆ-awˇ, Kaˬnaˬ miˇ kʼahˬ heu kʼahˬ laꞈ kʼoeˇ, boeˇ miˬ siˬ kʼaˬ pyeuꞈ luꞈ-eu meh.

2 Sahˬpaˬ 10:23

Yeˬhuˇ-aˬ, Leˬkaˆ-euˬ aˬ li Yawˇnaˬdehˇ nehˬ-ehˇ Baˬlaˇ miˬ yehˇ-euˬ uˬ duˬ tahˬ nymˇ-ahˇ uˇ leˇ-awˇ, “Baˬlaˇ miˬ yehˇ-ahˇ uˬ duˬ tahˬ-eu deuˬ maˬ ngeuˇ-ehˇ, Sahˬpaˬ Miˬyehˇ-ahˇ uˬ duˬ tahˬ-eu deuˬ heu gaˇ maˬ ya keuˬ ni, yaw muiˬ paˬ-ehˇ haw-awˬ” lehˇ, tsawˇ haˬ kʼoeˇ deuˬ-ahˇ ehˇ nehˬ-euˬ meh.

Doˆ-iˇ 20:12

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ-euˬ miˇ tsaˬ kʼoeˇ taˆ, nawˇ ziˇ baw ni, nawˬ-euˬ aˬ da aˬ ma-ahˇ nawˇ yaw zeu ya baw meh.

Aˇ dahˬ 36:7

Aˬ jeˬ miˇ neh ehˇ naˇ, aˬ nyaꞈ nmˇ-euˬ jeˬ zaˬ myaˬ dui dui-eu miˇ neh, aˬ yawꞈ nyaꞈ nmˇ jawˇ luꞈ-eu miˇ kʼahˬ laꞈ kʼoeˇ tiˬ kawˆ loꞈ-ehˇ maˬ jawˇ deˇ nya ni pyeuꞈ laˇ taˬ-euˬ meh.

Aˇ dahˬ 25:27

Aˬ li kʼoeˇ nyiˬ li huiˬ laˇ ngeh, Iˇsawˇ gʼaˬ-aˬ, bawˇ cah cah-eu nui ma ahˇ-eu shaˬ mi aˬ da tiˬ gʼaˬ pyeuꞈ laˇ-euˬ meh. Yaˬkoˆ gʼaˬ-aˬ, ciˬ cuˇ ni iˇ kahˇ-ahˇ tehꞈ-ehˇ jawˇ-eu meh.

Yeˬlaˬmiˇ 35:14

Yawˇnaˬdehˇ-euˬ zaˬ deuˬ uˆ deuˬ-aˬ, aˬ yawꞈ maꞈ-euˬ aˬ poeˬ Yawˇnaˬdehˇ neh dawˬ biꞈ taˬ-euˬ gaˇ naˇ haˬ geuꞈ-eu laꞈ kʼoeˇ, iˬ nah keuˆ ni aˬ gaꞈ dzaˇ uiˇ maˬ dawˇ ni jawˇ-eu meh. Naw maꞈ-ahˇ ngaˇ teu naˆ naˆ-ehˇ mehˬ nehˬ luꞈ kʼawꞈ, naw maꞈ maˬ naˇ haˬ geuꞈ-a.