Yeˬlaˬmiˇ 35:4 - Akha

⁴ Aˬ yawꞈ maꞈ-ahˇ Uˬ duˬ tahˬ nymˇ nymˇ ma laꞈ kʼoeˇ ngaˇ sheuˬ kʼoꞈ laꞈ-awˇ, Iˇgaˬdaˬliˇ-euˬ aˬ li pyeuꞈ-eu Miˬyehˇ gʼaˇ duˬ ngehˬ dah-eu Haˬnaˬ-euˬ gʼaˬ kʼehˇ deuˬ-euˬ aˇ lawˆ-ahˇ sheuˬ gʼeh-euˬ ma. Aˇ lawˆ kʼoeˇ lawˆ-aˬ, Uˬ duˬ tahˬ nymˇ nymˇ ma laꞈ kʼoeˇ yaw huiˬ yaw mahˇ tiˬ gʼaˬ geuꞈ luꞈ-eu Shaˬlmˬ-euˬ aˬ li Mawˇseˬyaˇ-euˬ aˇ lawˆ hawˇ-eu, yaw huiˬ yaw mahˇ nui deuˬ-euˬ aˇ lawˆ deuˬ-euˬ kʼoeˇ taˆ jaˆ-eu meh.

Yeˬlaˬmiˇ 35:4 Referans Kwoze

Dawˬmehˬ 33:1

Heu-aˬ, Miˬyehˇ-euˬ tsawˇ haˬ pyeuꞈ-eu Moˇseˬ maˬ shiˇ mi naˆ-ehˇ, Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ-eu laꞈ kʼoeˇ biꞈ yaꞈ-euˬ guiˬ lahˬ deuˬ meh.

2 Laˬsaˬbaˬ 8:14

Aˬ yawꞈ-euˬ aˬ da Daˬbiˇ neh taˬ yaꞈ-euˬ zahˇ sahˇ kʼoꞈ-ahˇ caw teh-eu laꞈ kʼoeˇ, tiˬ nah saˇ-iˬ tiˬ nah gaˇ ya mˇ-eu piˇ ma deuˬ-ahˇ maˬ ehˇ, ja ceuˬ-eu caˇ dawˬ caˇ ngeh hawˇ-eu gaˇ mˇ ngeh, piˇ ma deuˬ-ahˇ ya caw ba-eu Leˬbiˇ tsawˇ haˬ deuˬ-ahˇ maˬ ehˇ, aˬ yawꞈ aˇ muˇ muˇ baw nehˬ taˬ-euˬ meh. Aˬ yawˬ nah yawꞈ, Uˬ duˬ tahˬ nymˇ nymˇ ma-euˬ lahˇ kʼehˬ aˬ yawꞈ kʼehˬ yawꞈ-ahˇ loꞈ piˇ-eu tsawˇ haˬ deuˬ-ahˇ kʼawꞈ, Miˬyehˇ-euˬ tsawˇ haˬ pyeuꞈ-eu Daˬbiˇ neh dawˬ biꞈ taˬ-euˬ loꞈ-ehˇ, aˇ muˇ muˇ baw nehˬ-euˬ meh.

2 Sahˬpaˬ 12:9

Kʼoeˇ naˇ, Yeˬhawˇyaˬdaˬ bahˬ keuˆ tiˬ keuˆ yuˇ-awˇ, bahˬ keuˆ kʼawˬ pymˬ-ahˇ maˇ byoe taꞈ byoe-awˇ, Uˬ duˬ tahˬ nymˇ nymˇ ma-ahˇ uˇ leˇ kʼehˬ aˇ maˇ paw dzeˇ, lawˇ duˬ-euˬ dawˬ peh bi jaˆ-euˬ meh. Gʼoˆ kʼehˬ dawˬ peh gaˇ mˇ-eu piˇ ma gʼaˬ uˬ duˬ tahˬ laˇ-euˬ deuˬ neh damˬ nehˬ-euˬ pyuˇ dawˬ tawˆ luꞈ yuˇ-awˇ, bahˬ keuˆ laꞈ kʼoeˇ dawˆ ahˇ-euˬ meh.

2 Sahˬpaˬ 25:18

Kʼoeˇ uˬ taꞈ, guiˇ maꞈ-ahˇ uˆ lahˇ-eu gʼaˬ pyeuꞈ-eu Neˬbuˬzaˬlaˬdaˬ-aˬ, piˇ ma yaw huiˬ gʼaˬ pyeuꞈ-eu Seˬlehˇyaˬ-ahˇ maˬ ehˇ, piˇ ma nyiˬ gʼaˬ tiˬ gʼaˬ pyeuꞈ-eu Zeˬpaˬniˇ-ahˇ maˬ ehˇ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ luꞈ-eu yaw huiˬ smˇ gʼaˬ-ahˇ maˬ ehˇ, sheuˬ geuꞈ gʼeh-euˬ meh.

2 Sahˬpaˬ 1:9

Kʼoeˇ naˇ, Eˇliˇyaˆ-ahˇ bi nyehꞈ-iˇ-eu gʼaˇ duˬ, yaw huiˬ yaw mahˇ tiˬ gʼaˬ-ahˇ tsawˇ haˬ ngaˬ tseˇ gʼaˬ sheuˬ-awˇ bi iˇ-euˬ meh. Gawˬ duˇ-ahˇ Eˇliˇyaˆ nuiˇ luꞈ gaˇ tsawˇ haˬ kʼoeˇ gʼaˬ mawˇ-awˇ, “Miˬyehˇ-euˬ tsawˇ haˬ-oˇ, nawˇ zaꞈ ka le-awˬ lehˇ sahˬ paˬ dawˬ biꞈ laꞈ-euˬ meh” lehˇ ehˇ nehˬ-euˬ meh.

1 Sahˬpaˬ 12:22

Ehˇ kʼawꞈ, Miˬyehˇ gʼaˇ duˬ ngehˬ dah-eu Sheˬmaˇyaˬ-ahˇ Miˬyehˇ heu loꞈ-ehˇ ehˇ nehˬ-euˬ meh.

Yawˇshuˆ 14:6

Tiˬ nah-aˬ, Yuˇdaˆ tsawˇ haˬ tiˬ deuˬ Giˇlaˇgaˬlaˇ-ahˇ Yawˇshuˆ jawˇ gaˇ laˇ-euˬ meh. Tsawˇ haˬ kʼoeˇ deuˬ nehˬ-ehˇ laˇ-euˬ Gaˬnaˆ aˇ jeuˬ Yeˬpuˬnehˇ-euˬ aˬ li Gaˬlehˆ gʼaˬ, Yawˇshuˆ-ahˇ ehˇ-eu, “Kaˬdeˬshaˇbaˬneˬ lehˇ kuˇ-eu jawˇ duˬ-ahˇ, aˇ nyaꞈ-euˬ gaˇ kawˆ Moˇseˬ-ahˇ Sahˬpaˬ Miˬyehˇ ehˇ nehˬ-euˬ nawˇ siˬ nya meh.

2 Tiˆmoˇseˬ 3:17

Kʼoeˇ baˬ da neh, Miˬyehˇ gaˇ mˇ-eu tsawˇ haˬ-aˬ, byah dui nya dui dui-eu tsawˇ haˬ pyeuꞈ-awˇ, yaw muiˬ jeˬ dawˬ tawˆ luꞈ-ahˇ mˇ nya ni Jaˇliꞈ dawˬ kawˬ-ahˇ gʼoe-awˇ dzaw bym taˬ-euˬ tsawˇ haˬ pyeuꞈ-eu meh.

1 Tiˆmoˇseˬ 6:11

Ehˇ kʼawꞈ, Miˬyehˇ-euˬ tsawˇ haˬ pyeuꞈ-eu nawˇ-aˬ, heu deuˬ dawˬ tawˆ luꞈ-ahˇ gaˇ jaw jaw-awˬ. Yaw tsaˬ yaw dawˇ jeˬ, Miˬyehˇ-ahˇ yaw zeu baw-eu jeˬ, jah-eu jeˬ, gʼoeˇ-eu gaˬ-eu jeˬ, daˬ coeˇ oˇ coeˇ-eu jeˬ, nui nahˬ nui yu ahˇ-eu jeˬ, heu deuˬ-ahˇ leh jeh dui dui-awˬ.

Yeˬsaˬgeˬlaˇ 43:8

Ngaˬ-euˬ Uˬ duˬ tahˬ nymˇ nymˇ ma gʼoˆ kʼehˬ dahˇ-eu gaˇ dzeˇ, aˬ yawꞈ maꞈ-euˬ sahˬ paˬ deuˬ-euˬ hawˇ nymˇ gʼoˆ kʼehˬ bi dahˇ-awˇ, gʼahˇ ceh aˇ kaˬ-ahˇ lahˇ tiˬ lahˇ kaˇ-eu tehꞈ meh. Aˬ yawꞈ maꞈ nui daˆ daˆ laˇ paˬ-ehˇ gʼeh-eu jeˬ mˇ-awˇ, ngaˬ-euˬ tsawˇ myahˇ laˆ cawˆ-euˬ miˇ neh, ngaˇ nui ma pehˇ-awˇ aˬ yawꞈ maꞈ-ahˇ ngaˇ laˆ cawˆ nehˬ-euˬ ma.

Yeˬlaˬmiˇ 52:24

Kʼoeˇ naˇ, guiˇ maꞈ kʼoeˇ taˆ aˬ yuiꞈ geuꞈ-eu Neˬbuˬzaˬlaˬdaˬ-aˬ, Piˇ ma Yaw huiˬ gʼaˬ pyeuꞈ-eu Seˬlehˇyaˬ, piˇ ma nyiˬ gʼaˬ tiˬ gʼaˬ pyeuꞈ-eu Zeˬpaˬniˇ hawˇ-eu, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu yaw huiˬ smˇ gʼaˬ-ahˇ sheuˬ gʼeh-euˬ meh.

Yeˬlaˬmiˇ 26:10

Yuˇdaˆ miˇ kʼahˬ kʼoeˇ taˆ sahˬ paˬ sahˬ ma geuꞈ luꞈ-eu deuˬ gaˇ kawˆ kʼoeˇ ya gaˬ ngeh, sahˬ paˬ-euˬ nymˇ-ahˇ neh aˬ yawꞈ maꞈ yaw kawˇ-ehˇ doˆ le-awˇ, lahˇ kʼehˬ yaw shuiꞈ-ahˇ jaˆ-eu aˬ yawꞈ maꞈ-euˬ nuiˇ duˬ-ahˇ nuiˇ le-euˬ meh.

Jaceuq 84:10

Nawˬ-euˬ Uˬ duˬ tahˬ nymˇ nymˇ ma laꞈ kʼoeˇ tiˬ nah jawˇ ciꞈ-euˬ-aˬ, nui gaˇ tiˬ heˇ nah jawˇ-euˬ naˆ maˬ tseˇ poeˬ nya. Haiˬ-eu tsawˇ haˬ deuˬ-euˬ nymˇ laꞈ kʼoeˇ jawˇ-eu naˆ maˬ tseˇ, Miˬyehˇ-euˬ nymˇ gʼoˆ kʼehˬ-ahˇ ya yawꞈ gaˇ ngaˇ nui kʼahˇ shiˇ dzehˬ ma.

1 Laˬsaˬbaˬ 9:27

Aˬ yawꞈ maꞈ-aˬ, Uˬ duˬ tahˬ nymˇ nymˇ ma dawˬ peh jawˇ-eu meh. Aˬ jeˬ miˇ neh ehˇ naˇ, Uˬ duˬ tahˬ nymˇ nymˇ ma-ahˇ loꞈ piˇ-eu gaˇ maˬ ehˇ, aˬ yawꞈ shawˬ yawꞈ lahˇ kʼehˬ pah-eu gaˇ maˬ ehˇ, aˬ yawꞈ maꞈ ya mˇ-eu meh.

2 Sahˬpaˬ 7:17

Sahˬ paˬ-ahˇ loꞈ piˇ-eu yaw huiˬ yaw mahˇ kʼoeˇ gʼaˬ-ahˇ sahˬ paˬ neh meuˬ lahˇ kʼehˬ-ahˇ bi haw bi pyaˆ-euˬ meh. Eˇliˇshehˇ jawˇ gaˇ sahˬ paˬ iˇ ngeh, Eˇliˇshehˇ neh kʼaˇ ehˇ taˬ-euˬ loꞈ-ehˇ, yaw huiˬ yaw mahˇ kʼoeˇ gʼaˬ tsawˇ haˬ aˇ maꞈ neh bi nawˬ tehˬ sehꞈ-euˬ meh.

2 Sahˬpaˬ 7:2

Sahˬ paˬ-ahˇ loꞈ piˇ-eu gʼaˬ ehˇ-eu, “Kʼoeˇ loꞈ-ehˇ maˬ pyeuꞈ laˇ nya-aˇ. Sahˬpaˬ Miˬyehˇ neh cehˇ pyuˇ bi sha ha le law hawˇ kʼawꞈ, cehˇ pyuˇ aˇ poeˬ kʼoeˇ naˆ naˆ-ehˇ maˬ ga yaˇ le nya-aˇ.” Eˇliˇshehˇ ehˇ-eu, “Kʼoeˇ loꞈ-ehˇ ga yaˇ le-euˬ gaˇ nawˇ ya mawˇ tehꞈ-a. Ehˇ kʼawꞈ, nawˇ maˬ ya dzaˬ-aˇ.”

2 Sahˬpaˬ 6:10

Kʼoeˇ naˇ, Iˇsaˬleˬlaˆ sahˬ paˬ neh, jawˇ duˬ kʼoeˇ tsahˇ-ahˇ jawˇ-eu tsawˇ haˬ deuˬ yaw muiˬ paˬ-ehˇ yahˇ ni dawˬ biꞈ-awˇ, lehˬ hmˬ-awˇ bi loꞈ-euˬ meh. Iˇsaˬleˬlaˆ sahˬ paˬ-ahˇ, Eˇliˇshehˇ neh kʼoeˇ loꞈ-ehˇ gʼawˬ mya poˆ ehˇ nehˬ-awˇ bi yahˇ-euˬ meh.

2 Sahˬpaˬ 5:20

Eˇliˇshehˇ-euˬ zaˬ kʼaˆ Geˬhaˬziˇ yawˬ haˇ yawˬ ha ehˇ-eu, “Ngaˬ-euˬ yaw sahˇ gʼaˬ Neˬmaˬ-ahˇ tiˬ jeˬ-iˬ maˬ shaˇ ni bi gʼoꞈ leˇ-euˬ nga. Suˇliˆ tsawˇ haˬ kʼoeˇ gʼaˬ neh biꞈ yaꞈ-euˬ jeˬ aˬ yawꞈ ha geuꞈ-eu tsaˬ meh. Sahˬpaˬ Miˬyehˇ-euˬ tsawˇ myahˇ uˬ moˆ aˬ yawꞈ-euˬ mehˬ nah ngaˇ caw teh leˇ-awˇ, tiˬ jeˬ paˬ shaˇ geuꞈ ma.”

2 Sahˬpaˬ 5:14

Kʼoeˇ ngeh, Yawˇdaˬ lawˇ baˬ-ahˇ Neˬmaˬ iˇ-awˇ, Eˇliˇshehˇ neh kʼaˇ ehˇ nehˬ-euˬ loꞈ-ehˇ shiꞈ poˆ keuˆ ni iˇ byoˆ byoˆ ngeh, aˬ yawꞈ-euˬ naˇ gawˇ taˬ tsehˆ leˇ-awˇ, aˬ yawꞈ-euˬ shaˬ jiˇ kʼawꞈ, zaˬ yaw nyiˇ-euˬ shaˬ jiˇ loꞈ-ehˇ muiˬ laˇ shawˇ laˇ-euˬ meh.

1 Sahˬpaˬ 20:28

Miˬyehˇ gʼaˇ duˬ ngehˬ dah-eu tiˬ gʼaˬ sahˬ paˬ Aˬhaˆ jawˇ gaˇiˇ-awˇ, heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ ehˇ-eu, Ngaˇ-aˬ, gawˬ jawˬ gawˬ duˇ miˬ yehˇ pyeuꞈ-awˇ, deh ga-euˬ miˬ yehˇ maˬ ngeuˇ-a lehˇ Suˇliˆ tsawˇ haˬ deuˬ ehˇ-eu miˇ neh, huiˬ dui myaˬ dui dui-eu aˬ yawꞈ maꞈ-euˬ guiˇ maꞈ deuˬ kʼoeˇ taˆ, nawˬ-ahˇ ngaˇ bi gʼaˬ leˇ ma. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ, nawˇ hawˇ-eu nawˬ-euˬ tsawˇ haˬ deuˬ ya siˬ tehꞈ-a lehˇ ehˇ-eu meh.”

1 Sahˬpaˬ 17:24

Miˬ coeˬ miˬ ma kʼoeˇ gʼaˬ ehˇ-eu, “Nymˬ-mˇ poˆ jawˇ, nawˇ Miˬyehˇ-euˬ tsawˇ haˬ pyeuꞈ-eu gaˇ kawˆ hawˇ-eu, nawˬ-ahˇ gʼoe-awˇ Sahˬpaˬ Miˬyehˇ aˬ diˇ aˬ maˇ dawˬ ngehˬ luꞈ-eu gaˇ kawˆ, ngaˇ yaw muiˬ paˬ-ehˇ siˬ duˬ-eu ma.”

1 Sahˬpaˬ 17:18

Miˬ coeˬ miˬ ma kʼoeˇ gʼaˬ Eˇliˇyaˆ-ahˇ ehˇ-eu, “Miˬyehˇ-euˬ tsawˇ haˬ-oˇ, aˬ jeˬ miˇ neh nawˇ ngaˬ-ahˇ heu loꞈ-ehˇ jahˇ nehˬ laꞈ te. Ngaˬ-euˬ iˬ baˇ Miˬyehˇ-ahˇ nawˇ ehˇ noeˬ nehˬ-awˇ, ngaˬ li bi shiˇ-eu lehˇ heu gaˇ laˇ teˬ loˇ.”

1 Sahˬpaˬ 13:26

Miˬyehˇ gʼaˇ duˬ ngehˬ dah-eu tsawˇ mawˬ kʼoeˇ gʼaˬ gaˇ kawˆ kʼoeˇ ya gaˬ ngeh, heu loꞈ-ehˇ ehˇ nehˬ-euˬ meh. “Tsawˇ haˬ kʼoeˇ gʼaˬ-aˬ, Sahˬpaˬ Miˬyehˇ-euˬ ehˇ dawˬ maˬ naˇ haˬ-eu Miˬyehˇ gʼaˇ duˬ ngehˬ dah-eu gʼaˬ meh. Kʼoeˇ miˇ neh, Sahˬpaˬ Miˬyehˇ neh ehˇ taˬ-euˬ loꞈ-ehˇ, aˇ laˬ jaˬ shiˇ pyehˬ gʼeh leꞈ-awˇ aˬ yawꞈ-ahˇ bi kawꞈ sehꞈ-euˬ meh.”

1 Sahˬpaˬ 13:1

Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-ahˇ, Yuˇdaˆ miˇ kʼahˬ-ahˇ neh Sahˬpaˬ Miˬyehˇ neh pyehˬ gʼeh laꞈ-awˇ, lawˇ-eu shehˇ-eu jeˬ mˇ-eu lehˇ lawˇ duˬ dawˬ peh Yeˬyawˇbamˬ yawꞈ luꞈ gaˇ laˇ keuˆ-euˬ meh.

1 Saˬmeuˬlaˆ 2:27

Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ Eˇliˆ jawˇ gaˇ laˇ-awˇ, Sahˬpaˬ Miˬyehˇ-euˬ dawˬ heu loꞈ-ehˇ tsaꞈ nehˬ laˇ-euˬ meh. “Nawˬ-euˬ aˬ poeˬ Aˬloˬ hawˇ-eu aˬ yawꞈ-euˬ miˬ sawˇ zaˬ deuˬ Iˇjiˇtuˆ sahˬ paˬ-euˬ zaˬ kʼaˆ geuꞈ luꞈ ngeh, ngaˬ-euˬ gʼawˇ mawˇ Aˬloˬ-ahˇ pah mehˬ nehˬ-euˬ ma.

Yeˬlaˬmiˇ 35:3

Kʼoeˇ naˇ, Yeˬlaˬmiˇ lehˇ myahˇ-euˬ tsawˇ haˬ yawˬ gʼaˬ yawˬ-euˬ aˬ li Yaˬzaˬniˇ, Yaˬzaˬniˇ-euˬ mehˇ nmˇ deuˬ hawˇ-eu, aˬ yawꞈ maꞈ-euˬ aˬ li deuˬ jawˇ gaˇ ngaˇ iˇ-euˬ ma. Leˬkaˆ tsawˇ jeuˬ dawˬ tawˆ luꞈ kʼoeˇ myaˆ ni tehꞈ meh. (Yaˬzaˬniˇ-euˬ aˬ da Yeˬlaˬmiˇ-aˬ, Haˬbaˬziˇniˆ-euˬ aˬ li meh.)

Yeˬsaˬgeˬlaˇ 40:38

Laꞈ taˆ paw pyawˬ-ahˇ jaˆ-eu laꞈ kʼoeˇ lahˇ kʼehˬ gaˇ ma-ahˇ tawꞈ-ehˇ, laꞈ nyiˇ pu kaˬ paw-ehˇ mehˬ shi pyawˇ-awˇ tsoˆ doˆ taˬ-euˬ aˇ lawˆ tiˬ lawˆ jaˆ-eu meh. Aˇ lawˆ kʼoeˇ lawˆ pu kaˬ mehˬ shi jaˆ-eu kuˆ lawˆ lawˆ ma-ahˇ laˇ gʼoˆ dahˇ tawꞈ-awˇ, mawˇ lah-ehˇ miˬ dzaˬ-ahˇ dzah puiˆ-awˇ lawˇ-eu lehˇ sehꞈ-euˬ jeˬ zaˬ deuˬ-ahˇ aˇ lawˆ kʼoeˇ lawˆ laꞈ kʼoeˇ tsiˬ shawˇ-eu meh.

Yeˬlaˬmiˇ 21:1

Yuˇdaˆ sahˬ paˬ Zeˬdaˬkiˇ-aˬ, Maˬlaˬkiˇyaˆ-euˬ aˬ li Paˬshuˇlaˆ hawˇ-eu Mawˇseˬyaˇ-euˬ aˬ li piˇ ma Zeˬpaˬniˇ-ahˇ ngaˇ jawˇ gaˇ kʼehˇ gʼeh leꞈ-awˇ, heu loꞈ-ehˇ bi ehˇ le-euˬ meh.