Yeˬlaˬmiˇ 34:9 - Akha

⁹ Tsawˇ haˬ yawˬ gʼaˬ na luꞈ, yawˬ ha-euˬ tsawˇ jeuˬ pyeuꞈ-eu Heˬbyehˇ tsawˇ haˬ kʼaˬ dzeˇ zaˬ hawˇ-eu zaˬ miˬ zaˬ zaˬ kʼaˆ dawˬ tawˆ luꞈ-ahˇ, zaˬ kʼaˆ maˬ bi geuꞈ ni pyehˬ nehˬ jiˇ-eu gʼaˇ duˬ, saˇ jaˇ dzaˬ-euˬ meh.

Yeˬlaˬmiˇ 34:9 Referans Kwoze

Piˇliˇpiˆ 3:5

Ngaˇ-aˬ, dehꞈ le-awˇ tiˬ jaw byah laˇ ngeh neh baˆ kʼoˆ mehˬ dzaˬ bi yehˬ-euˬ tsawˇ haˬ ma. Iˇsaˬleˬlaˇ tsawˇ jeuˬ laꞈ kʼoeˇ ahˇ-eu Beˬyaˬmiˬ tsawˇ jeuˬ tiˬ gʼaˬ ma. Maˇ maˇ ni shawˇ jehˆ ni gʼeh-eu Heˬbyehˇ tsawˇ haˬ ma. Yuˇdaˆ tsawˇ haˬ-euˬ Zahˇ dawˬ kʼoꞈ dawˬ mehˬ nah caw teh-eu paw dzeˇ neh paˇ ehˇ leꞈ naˇ, ngaˇ-aˬ, Paˬliˬsehˇ tiˬ gʼaˬ ma.

2 Gawˇliˬtu 11:22

Aˬ yawꞈ maꞈ Heˬbyehˇ tsawˇ haˬ ngeuˇ naˇ, ngaˇ kʼawꞈ Heˬbyehˇ tsawˇ haˬ ma. Aˬ yawꞈ maꞈ Iˇsaˬleˬlaˆ tsawˇ haˬ ngeuˇ naˇ, ngaˇ kʼawꞈ Iˇsaˬleˬlaˆ tsawˇ haˬ ma. Aˬ yawꞈ maꞈ Aˬbyaˬhaˬ-euˬ zaˬ ngeuˇ naˇ, ngaˇ kʼawꞈ ngeuˇ ma.

1 Gawˇliˬtu 6:8

Kʼoeˇ loꞈ-ehˇ maˬ ngeuˇ ni, naw maꞈ yaw kaˬ tiˬ gʼaˬ tiˇ gʼaˬ yaw doeˇ jahˇ-awˇ, tiˬ gʼaˬ tiˇ gʼaˬ tahˇ joe joe-eu meh. Ka li zaˬ cawˬ cawˬ teu naˆ ni dehꞈ pyeuꞈ taˬ-euˬ meh.

Yeˬlaˬmiˇ 34:10

Saˇ jaˇ kʼaˇ dzaˬ taꞈ-euˬ yaw huiˬ yaw mahˇ deuˬ hawˇ-eu miˇ kʼahˬ zaˬ dawˬ tawˆ luꞈ, yawˬ ha-euˬ zaˬ kʼaˆ deuˬ-ahˇ pyehˬ nehˬ jiˇ-awˇ, zaˬ kʼaˆ maˬ paˇ bi geuꞈ poˆ-eu gʼaˇ duˬ nui ma tsaˬ-euˬ meh.

Yeˬlaˬmiˇ 30:8

Baoˬ huiˬ-eu Sahˬpaˬ Miˬyehˇ ehˇ-eu, “Aˇ nah kʼoeˇ nah keuˆ le ngeh, aˬ yawꞈ maꞈ-euˬ kawˬ lahˇ-ahˇ daˬ luꞈ-eu laꞈ gʼahˬ ngaˇ lehˆ nehˬ-awˇ, aˬ yawꞈ maꞈ-euˬ aˬ kuiˇ-ahˇ daˬ luꞈ-eu shmˇ caˆ ngaˇ puiˇ nehˬ ma. Aˬ yawꞈ maꞈ-ahˇ aˬ cawˬ tsawˇ jeuˬ-euˬ zaˬ kʼaˆ maˬ paˇ bi geuꞈ ma.

Yeˬlaˬmiˇ 27:7

Tsawˇ jeuˬ dawˬ tawˆ luꞈ aˬ yawꞈ-euˬ zaˬ kʼaˆ ya geuꞈ tehꞈ-a. Aˬ yawꞈ-euˬ miˇ kʼahˬ maˬ cawˆ-iˇ kʼoeˇ keuˆ ni , aˬ yawꞈ-euˬ zaˬ ziˇ hawˇ-eu oeˬ paˬ oeˬ ma ziˇ-ahˇ keuˆ ni, aˬ yawꞈ maꞈ zaˬ kʼaˆ ya geuꞈ tehꞈ-a. Kʼoeˇ naˇ, aˬ yawꞈ-euˬ miˇ kʼahˬ-aˬ, baoˬ huiˬ-eu tsawˇ jeuˬ deuˬ hawˇ-eu, huiˬ-eu sahˬ paˬ deuˬ-euˬ zaˬ kʼaˆ paˇ ya geuꞈ poˆ tehꞈ-a.

Yeˬlaˬmiˇ 25:14

Baˬbuˇloˬ tsawˇ jeuˬ neh kʼaˇ mˇ-euˬ jeˬ aˇ poeˬ, dziˇ dzoˆ bi tsoeˬ poˆ ma. Tsawˇ jeuˬ gʼawˬ mya jeuˬ hawˇ-eu, tsawˇ myahˇ doˆ-eu sahˬ paˬ gʼawˬ mya gʼaˬ-euˬ laꞈ oˆ, aˬ yawꞈ maꞈ-ahˇ zaˬ kʼaˆ bi geuꞈ ma.”

1 Saˬmeuˬlaˆ 14:11

Kʼoeˇ naˇ, Piˇliˇtiˆ tsawˇ haˬ deuˬ-ahˇ aˬ yawꞈ nyaꞈ-euˬ gʼawˇ mawˇ bi mawˇ-euˬ meh. Kʼoeˇ ngeh, “Haw sheˇ. Heˬbyehˇ tsawˇ haˬ tiˬ paˆ na deuˬ lo kʼahˬ-ahˇ dzuˇ zaꞈ luꞈ-eu cehˆ doˆ laˇ ngaˇ” lehˇ, Piˇliˇtiˆ tsawˇ haˬ deuˬ ehˇ-eu meh.

1 Saˬmeuˬlaˆ 4:9

Piˇliˇtiˆ tsawˇ haˬ deuˬ-oˇ, nui ma kʼaˬ duˬ ni taˬ-eu laꞈ kʼoeˇ, kʼaˬ dzeˇ zaˬ-euˬ nui ma pi-awˇ guiˇ deuˆ-awˬ. Kʼoeˇ loꞈ-ehˇ noeˬ tsehˆ-awˇ maˬ deuˆ naˇ, Heˬbyehˇ tsawˇ haˬ deuˬ aˬ dui-euˬ zaˬ kʼaˆ geuꞈ-euˬ loꞈ-ehˇ, aˬ dui maꞈ kʼawꞈ aˬ yawꞈ maꞈ-euˬ zaˬ kʼaˆ paˇ ya geuꞈ poˆ tehꞈ-a. Teu miˇ neh kʼaˬ dzeˇ zaˬ-euˬ nui ma pi-awˇ guiˇ deuˆ kaˇ-euˇ.”

1 Saˬmeuˬlaˆ 4:6

Kʼoeˇ loꞈ-ehˇ guˇ-eu teˇ saˇ-ahˇ Piˇliˇtiˆ tsawˇ haˬ deuˬ ya gaˬ ngeh, “Heˬbyehˇ tsawˇ haˬ deuˬ taˆ laꞈ kʼoeˇ guˇ guˇ-ehˇ jawˇ gaˇ naˇ haˬ sheˇ. Aˬ jeˬ miˇ neh guˇ-eu nya teu” lehˇ ehˇ-eu meh. Heˬbyehˇ tsawˇ haˬ deuˬ-euˬ taˆ laꞈ kʼoeˇ Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ keuˆ laꞈ taˬ-euˬ gaˇ aˬ yawꞈ maꞈ ya mawˇ ngeh,

Dawˬmehˬ 15:12

“Naw maꞈ-euˬ tsawˇ jeuˬ Iˇsaˬleˬlaˆ tsawˇ haˬ kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, tiˬ gʼaˬ na, nawˬ-euˬ zaˬ kʼaˆ geuꞈ-eu gʼaˇ duˬ yawˬ haˇ yawˬ ha ahˬ dzaˬ naˇ, nawˬ-euˬ zaˬ kʼaˆ koꞈ kʼoꞈ geuꞈ gʼaˬ ngeh, aˬ yawꞈ-ahˇ ya pyehˬ nehˬ meh. Shiꞈ kʼoꞈ tiˬ kʼoꞈ keuˆ laˇ ngeh, aˬ yawꞈ-ahˇ pyehˬ nehˬ-awˇ ya bi gʼoꞈ-iˇ meh.

Doˆ-iˇ 3:18

“Nawˬ neh kʼaˇ ehˇ-euˬ jeˬ-ahˇ, ngaˬ-euˬ tsawˇ haˬ deuˬ naˇ haˬ tehꞈ-a. Kʼoeˇ naˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ nehˬ-ehˇ, Iˇjiˇtuˆ sahˬ paˬ jawˇ gaˇ nawˇ iˇ-awˇ, heu loꞈ-ehˇ ehˇ nehˬ-iˇ-awˬ. ‘Heˬbyehˇ tsawˇ haˬ deuˬ-euˬ Sahˬpaˬ Miˬyehˇ nga maꞈ-ahˇ pah mehˬ le-euˬ meh. Bawˇ tsahˬ bawˇ dahˇ-ahˇ nga maꞈ iˇ-awˇ, nga maꞈ-euˬ Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, nga maꞈ-ahˇ aˇ yamˬ smˬ nah biꞈ nehˬ laꞈ’ lehˇ ehˇ nehˬ-awˬ.

Doˆ-iˇ 2:6

Sahˬ paˬ zaˬ miˬ kʼoeˇ gʼaˬ pawˬ tuˇ kʼoeˇ siˬ pah haw ngeh, aˬ li zaˬ nahˬ tiˬ gʼaˬ-ahˇ ya mawˇ-euˬ meh. Aˬ li kʼoeˇ li ngoeˇ luꞈ-eu meh. Aˬ li kʼoeˇ li-ahˇ aˬ yawꞈ gʼawˬ shaˬ gaˬ-awˇ, “Aˬ li heu li-aˬ, Heˬbyehˇ tsawˇ haˬ-euˬ zaˬ pyeuꞈ-eu nga” lehˇ ehˇ-eu meh.

Aˇ dahˬ 40:15

Dawˇ coe ni ya ehˇ naˇ, Heˬbyehˇ miˇ kʼahˬ-ahˇ neh aˬ cawˬ ngaˬ-ahˇ kʼoeˬ doˆ laꞈ-euˬ meh. Ngaˇ heu gaˇ jawˇ luꞈ ngeh kʼawꞈ, paꞈ kuˆ laꞈ kʼoeˇ ya uˇ paˬ-ehˇ mˇ lehˬ laˆ lehˬ taˬ-euˬ tiˬ jeˬ-iˬ maˬ jaˆ.”

Aˇ dahˬ 14:13

Ehˇ kʼawꞈ, tsawˇ haˬ tiˬ gʼaˬ cehˆ dzeuˇ-awˇ, Aˬmawˇliˆ tsawˇ jeuˬ Mamˬliˬ-euˬ muiˬ-eu shawˇ-eu aˇ bawˇ bawˇ yaˇ dawˬ peh jawˇ-eu Heˬbyehˇ tsawˇ haˬ Aˬbyaˬ-ahˇ, gaˇ kawˆ kʼoeˇ dzawˇ nehˬ leˇ-euˬ meh. Mamˬliˬ, Eˇshaˬkawˇlaˆ, Aˬneˬlaˆ aˬ ha smˬ mehˇ nmˇ-aˬ, Aˬbyaˬ nehˬ-ehˇ aˬ byahˇ gʼoeˇ-euˬ meh.